Residential Schools

residentials-schoolsᔫᓂ 11, 2008-ᖑᑎᓪᓗᒍ ᑲᓇᑕᐅᑉ ᐅᖃᕐᕕᒪᕆᖓᓂ, ᑲᓇᑕᐅᑉ ᐊᖓᔪᖅᑳᖓ ᓯᑏᕙᓐ ᖄᐳ ᐃᓛᓂᐅᙱᑑᓚᐅᔪᕗᖅ ᑲᓇᑕᒥᐅᓕᒫᓂᒃ ᑭᒡᒐᑐᕐᓱᓂ “ᒪᓕᒐᓕᐊᖑᓯᒪᔪᒧᑦ ᐊᓯᕈᕐᑎᓯᓂᕐᒧᑦ” ᐋᓐᓂᑕᐅᒍᑎᒋᖃᑦᑕᓯᒪᔭᖏᓐᓄᓗ ᓄᓇᖃᖅᑳᓯᒪᔪᑦ ᐃᓚᐅᑎᓪᓗᒋᑦ ᐃᓄᐃᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᑦ ᐊᓪᓓᑦ ᐃᓕᓐᓂᐊᕕᖏᓐᓄᑦ ᐊᓂᕐᕋᐅᔪᓄᓪᓗ ᐊᑦᔨᒌᙱᑐᓄᑦ ᑲᓇᑕᒥ. ᑲᓇᑕᐅᑉ ᐊᖓᔪᖅᑳᒪᕆᖓ ᐅᖃᓚᐅᔪᖅ ᑖᓐᓇ ᒪᓕᒐᖅ “ᐃᓂᖃᕆᐊᖃᕐᓯᒪᙱᑐᖅ ᓄᓇᖁᑎᑦᑎᓂ ᑲᓇᑕᒥ.” ᑲᓇᑕᐅᑉ ᐊᖓᔪᖅᑳᖓᑕ ᐃᓛᓂᐅᙱᑑᕐᓂᖓ ᐊᓯᖏᓪᓗ ᐃᓗᓕᖏᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᑦ ᐋᕐᕿᖃᑎᒌᒍᑎᖏᓐᓂ ᐊᑑᑎᓚᐅᕐᓯᒪᒐᓂ ᐊᑑᑎᔭᐅᒋᐅᓚᐅᔪᑦ ᑭᓯᐊᓂ ᐱᔭᕇᕐᑕᐅᒣᑦᑑᖏᓐᓇᑐᖅ ᑕᒪᑐᒪ ᐱᓇᓱᐊᕐᑕᐅᓂᖓ ᓄᓇᕕᒻᒥᓗᐊᙳᐊᖅ. ᐊᒥᓱᑦ ᓄᓇᕕᒻᒥᐅᑦ ᐃᓛᓂᐅᙱᑑᕐᑕᐅᓂᐅᔪᒧᑦ ᐃᓚᒋᔭᐅᑎᑕᐅᓚᐅᔪᙱᒪᑕ ᐊᑭᓕᕐᑕᐅᒍᑎᑖᖃᑎᐅᒐᑎᓪᓗ. ᑖᒃᑯᐊ ᐃᓕᓂᐊᑎᐅᓯᒪᔪᑦ ᐊᐅᓪᓚᑎᑕᐅᖃᑦᑕᓯᒪᔪᑦ ᑐᔪᕐᒥᐅᕕᖃᕐᑎᑕᐅᑦᓱᑎᒃ ᐃᓚᒌᓂ. ᑖᒃᑯᐊ ᐊᐅᓚᑕᐅᓯᒪᙱᑐᑦ ᑐᑦᓯᐊᕕᓐᓄᑦ ᑲᕙᒪᑐᖃᒃᑯᓄᓪᓘᓃᑦ, ᑯᐯᑉ ᑲᕙᒪᖓᑕ ᐊᐅᓚᓯᒪᔭᖏᑦ.
ᒪᑭᕝᕕᒃ ᐱᒐᓱᐊᖏᓐᓇᓂᐊᕐᑐᖅ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᓕᒫᑦ ᓄᓇᓕᒋᙱᑕᒥᓄᑦ ᓈᒻᒪᕕᐅᑦᓯᐊᖁᓪᓗᒋᑦ.
ᑐᑭᓯᒋᐊᓪᓚᒍᒪᒍᑦᓯ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᓂᒃ ᐊᑑᑎᖃᑦᑕᓯᒪᔪᓂᒃ ᐊᑐᐊᕐᓯᒍᓐᓇᖁᓯ ᑕᒡᒐᓂ ᓴᕐᕿᔮᕐᑎᓯᕕᒻᒥ. ᐃᓕᓐᓂᐊᑎᐅᖃᑦᑕᓯᒪᔪᑦ ᓇᓪᓕᖓᑦ ᐃᑲᔪᕐᑕᐅᒍᒪᒍᓂ ᑕᑯᒋᐊᕈᓐᓇᑐᖅ ᐃᐃᐃ.ᑎᑭᖃ-ᖃᑲᑭ.ᖃᖑ-ᒧᑦ ᒪᑭᕝᕕᐅᓗᓃᑦ ᐊᓪᓚᕕᖓᓄᑦ ᐅᖃᓕᒪᓗᓂ ᒪᓐᑐᕆᐊᓪᒧᑦ ᑰᑦᔪᐊᒧᓪᓘᓃᑦ.

ᖃᓄᐃᓘᕈᑎᐅᓯᒪᓂᖓ:
ᔫᓂ 11, 2008-ᖑᑎᓪᓗᒍ ᑲᓇᑕᐅᑉ ᐅᖃᕐᕕᒪᕆᖓᓂ, ᑲᓇᑕᐅᑉ ᐊᖓᔪᖅᑳᖓ ᓯᑏᕙᓐ ᖄᐳ ᐃᓛᓂᐅᙱᑑᓚᐅᔪᕗᖅ ᑲᓇᑕᒥᐅᓕᒫᓂᒃ ᑭᒡᒐᑐᕐᓱᓂ “ᒪᓕᒐᓕᐊᖑᓯᒪᔪᒧᑦ ᐊᓯᕈᕐᑎᓯᓂᕐᒧᑦ” ᐋᓐᓂᑕᐅᒍᑎᒋᖃᑦᑕᓯᒪᔭᖏᓄᓗ ᐅᖃᓚᐅᔪᖅ ᑖᓐᓇ ᒪᓕᒐᖅ “ᐃᓂᖃᕆᐊᖃᕐᓯᒪᙱᑐᖅ ᓄᓇᖁᑎᑦᑎᓂ ᑲᓇᑕᒥ.”
ᑖᑦᓱᒪ ᐃᓛᓂᐅᙱᑑᕐᓂᖓ ᓴᕐᕿᑎᑕᐅᑦᓴᕋᑕᓚᐅᔪᖅ ᐊᕐᕌᒍᓂ ᐊᒥᓱᓂ ᐊᔪᐃᓐᓈᖑᑦᓱᓂ, ᓄᓇᖃᖅᑳᓯᒪᔪᑦ ᑎᒥᖁᑎᓕᒫᖏᓐᓄᑦ ᐃᓚᐅᑎᓪᓗᒍ ᒪᑭᕝᕕᒃ.
ᐃᓛᓂᐅᙱᑑᕐᓂᐅᔪᖅ ᐱᓂᐊᕐᓂᐅᒋᐊᓕᓐᓄᑦ ᐃᓚᒋᔭᐅᓯᒪᔪᖅ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᑦ ᐊᓪᓓᑦ ᐊᖏᖃᑎᒌᒍᑎᖓᓂ ᐋᕐᕿᖃᑎᒌᓐᓂᒧᑦ, ᐊᖏᖃᑎᒌᒐᓱᐊᕐᓱᑎᒃ ᐃᕐᖃᑐᐃᕕᒻᒧᑦ ᐊᖏᕐᑕᐅᓯᒪᑦᓱᓂ ᓄᓇᖃᖅᑳᓯᒪᔪᑦ ᑎᒥᖁᑎᖓᓄᑦ ᑲᓇᑕᐅᑉ ᑲᕙᒪᖓᓄᑦ ᑐᑦᓯᐊᕕᓐᓄᓗ ᐃᓕᓐᓂᐊᕕᓐᓂᒃ ᐃᖏᕐᕋᑎᑦᓯᖃᑦᑕᓯᒪᔪᓄᑦ.
ᒪᑭᕝᕕᐅᑉ ᐊᖓᔪᖅᑳᖓ ᐱᑕ ᐋᑕᒥ ᐃᓛᓂᐅᙱᑑᕐᑐᓂ ᐁᓯᒪᓚᐅᔪᖅ ᐃᓚᖃᕐᓱᓂ ᐱᖓᓱᓂᒃ ᐃᓕᓐᓂᐊᑎᐅᓯᒪᔪᓂᒃ ᓰᒥᐅᓂ ᓈᓚᑦᑑᔭᖅ, ᓗᐃᓴ ᒣ ᐊᒻᒪᓗ ᐳᑐᓕᒃ ᐸᐱᑲᑦᑐᖅ ᓄᓇᕕᒻᒥᐅᓂᒃ ᐃᓕᓐᓂᐊᑎᐅᓯᒪᔪᓂᒃ ᑭᒡᒐᑐᕐᑎᓗᒋᑦ. ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓ ᒥᐊᔨ ᓭᒪᓐ ᑭᐅᓚᐅᔪᖅ ᑲᓇᑕᐅᑉ ᐅᖃᕐᕕᒪᕆᖓᓂ ᑲᓇᑕᐅᑉ ᐊᖓᔪᖅᑳᖓ ᐃᓛᓂᐅᙱᑑᕐᑎᓗᒍ ᑭᐅᒍᑦᔨᓱᓂ ᐃᓄᓐᓂᒃ ᑲᓇᑕᒥᐅᓂᒃ<<…"" ᖃᓄᖅ ᐱᔭᐅᒍᓐᓇᓯᓐᓂᖃ:
ᐊᕐᕌᒍᓂ ᖃᒻᒥᓂᑕᕐᓂ ᐊᒥᓱᑦ ᑐᓴᕐᑕᐅᑎᑦᓯᖃᑦᑕᓯᓚᐅᔪᑦ ᐃᓕᓐᓂᐊᕆᐊᕐᑎᑕᐅᓯᒪᑦᓱᑎᒃ ᑲᓇᑕᒥ ᐊᒥᓱᑦ ᓱᒃᑯᔨᐊᖑᓯᒪᒋᐊᖏᑦ ᐊᒥᓱᓪᓗ ᐃᕐᖃᑐᐃᕕᑎᒍᑦ ᐊᑭᓴᕐᑐᕆᐊᕐᓯᒪᒋᐊᖏᑦ ᐊᒥᓱᓪᓗ ᐃᕐᖃᑐᐃᕕᑎᒍᑦ ᓵᑦᓯᓯᒪᑦᓱᑎᒃ ᐃᓕᓐᓂᐊᑎᐅᖃᑦᑕᓯᒪᔪᓂᒃ ᑭᒡᒐᑐᕐᓱᑎᒃ. ᒥᑦᓴᐅᓴᕐᓱᒋᑦ 80,000 ᐅᓪᓗᒥ ᐃᓅᔪᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᑦ ᓄᓇᓕᒋᙱᑕᒥᓄᑦ ᐃᖏᕐᕋᑎᑕᐅᔪᓄᑦ ᑲᓇᑕᐅᑉ ᑲᕙᒪᖓᓄᑦ 350 ᓄᓇᕕᒻᒥᐅᔭᐅᑎᓪᓗᒋᑦ.
ᐊᖏᖃᑎᒌᒍᑎᐅᑉ ᐃᓗᓕᓪᓚᕆᖏᑦ:
ᐃᓛᓂᐅᙱᑐᕐᑕᐅᓂᖅ ᐱᒻᒪᕆᐅᓚᐅᔪᒐᓗᐊᕐᑎᓗᒍ ᐊᑯᓂ ᐱᖁᔭᑎᒍᑦ ᑭᙴᒪᒋᔭᐅᓕᕐᑐᒥᒃ ᐃᓱᒪᑦᓯᐊᓂᒃᑯᓗ ᐱᕋᔭᑕᐅᓯᒪᔪᓂᒃ ᓄᓇᖃᖅᑳᓯᒪᔪᓄᑦ ᐃᓄᓐᓄᓗ ᐊᑕᐅᓯᖅ ᐱᔭᖃᕈᑎᐅᓚᐅᔪᖅ ᐃᓛᓂᐅᙱᑑᕐᑕᐅᓂᕐᒥᒃ ᓱᒃᑯᔨᐊᖑᓯᒪᓂᕐᒧᑦ ᐋᓐᓂᑕᐅᓯᒪᓂᕐᒧᓗ ᐊᑦᔨᒌᑦᓯᐊᒥᒃ ᓈᒻᒪᓯᐊᑐᕐᒥᒃ ᐊᑭᓕᕐᑕᐅᒍᑎᑖᕐᓂᖅ ᓅᑉᐸᓕᐊᒍᑎᐅᓂᐊᓕᕐᑎᓗᒍ ᐋᕐᕿᐸᓪᓕᐊᓂᕐᒧᑦ ᐅᑯᐊ ᐃᓚᐅᑎᓪᓗᒋᑦ:
ᐊᑦᔨᒌᒥᒃ ᐊᑑᑎᓯᒪᔪᑦ ᐊᑭᓕᕐᑕᐅᒍᑎᖏᑦ:
ᐊᑦᔨᒌᒥᒃ ᐊᑑᑎᓯᒪᔪᑦ ᐊᑭᓕᕐᑕᐅᒍᑎᖓ ᐃᓘᓇᑲᓴᑦᓯᐊᖏᓄᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᓄᑦ ᐃᓂᓪᓚᑕᐅᑎᓪᓗᒍ ᐅᓄᕐᓂᕆᓂᐊᕐᑕᖓ ᑐᙵᕕᖃᓚᐅᔪᖅ ᐃᓕᓐᓂᐊᑎᐅᑉ ᖃᑦᓯᕕᑦᓱᓂ ᐊᐅᓪᓚᑎᑕᐅᓂᕆᓯᒪᔭᖏᓐᓂᒃ.
ᑖᒃᑯᐊ ᐊᑭᓖᒍᑏᑦ ᐊᑭᓕᕐᑕᐅᒋᐊᖃᓚᐅᔪᑦ 35-ᓂ ᐅᓪᓗᓂ ᑐᑦᓯᕋᐅᑎᖓ ᐱᔭᐅᓯᒪᓕᑐᐊᕐᐸᑦ ᑲᕙᒪᒃᑯᓄᑦ ᒪᑯᐊ ᑐᙵᕕᐅᑎᓪᓗᒋᑦ.
R10,000 ᐊᕐᕌᒍᒧᑦ ᓯᕗᓪᓕᐹᒧᑦ, ᑭᖑᓪᓕᖏᓐᓄᑦ ᐊᕐᕌᒍᓄᑦ R3,000;
R1.9 ᐱᓕᐊᓐ ᓴᓂᕐᕙᑕᐅᓚᐅᔪᑦ ᐊᑭᓕᒍᑎᑦᓴᐅᑎᓪᓗᒋᑦ ᐊᑦᔨᒌᒥᒃ ᐊᑑᑎᑎᓯᒪᔪᓄᑦ ᐃᓕᓂᐊᕆᐊᕐᑎᑕᐅᑦᓱᑎᒃ. ᐊᖏᖃᑎᒌᒍᑎ ᐅᖃᕐᓯᒪᓚᐅᔪᖅ ᐊᑭᓖᒍᑏᑦ ᓱᕐᕂᓂᐊᙱᓂᖏᓐᓂᒃ ᓂᕿᑖᕈᑎᐅᓲᓂᒃ ᑖᒃᓯᕈᑎᐅᓛᕋᑎᓪᓗ, ᑕᒪᓐᓇ ᐱᒻᒪᕆᐅᑎᑕᐅᓚᐅᔪᖅ ᓄᓇᕕᒻᒥᐅᑦ ᐊᖏᖃᑎᒌᒐᓱᐊᕐᑎᖏᓐᓄᑦ ᐃᓱᒪᒋᑦᓱᒋᑦ ᐃᓄᐃᑦ ᑖᒃᓯᓕᒫᓂᒃ ᐊᑭᓖᓲᖑᓂᖏᑦ ᑲᕙᒪᑐᖃᒃᑯᓂ ᑯᐯᓪᓗ ᑲᕙᒪᒃᑯᖏᓐᓂ.
ᐊᖏᕐᑕᐅᓯᒪᓕᕐᒪᑦ ᐊᑦᔨᒌᒥᒃ ᐊᑭᓕᕐᑕᐅᒍᑎᑖᕐᓂᖅ ᐃᓕᓐᓂᐊᑎᐅᖃᑦᑕᓯᒪᔪᑦ ᐱᒍᓐᓇᐅᑎᒥᓂᒃ ᐊᑎᒋᐊᓪᓚᓱᑎᒃ, ᐃᓚᒌᓪᓗ ᓵᑦᓯᒍᓐᓇᓯᑦᓱᑎᒃ ᑲᕙᒪᓂᒃ ᑐᑦᓯᐊᕕᓐᓂᓗ ᐃᕐᖃᑐᐃᕕᑎᒍᑦ ᐃᓕᓐᓂᐊᕆᐊᕐᑎᑕᐅᓯᒪᓂᕐᒧᑦ ᐱᑦᔪᑎᖃᕐᓗᑎᒃ ᐱᒍᓐᓇᓯᓚᐅᔪᑦ.
ᒣ 15, 2008-ᖑᓕᕐᑎᓗᒍ ᑲᓇᑕᐅᑉ ᑲᕙᒪᖓ ᐅᖃᓚᐅᔪᖅ 9<<2"",000 ᐊᑭᓕᕐᑕᐅᒍᑎᑖᕈᒪᓯᒪᓂᕋᕐᓱᒋᑦ ᐊᑦᔨᒌᒥᒃ ᐊᑑᑎᓯᒪᔪᑦ ᐊᑭᓕᕐᑕᐅᒍᑎᖏᓐᓂᒃ; ᐅᓪᓗᒥᒧᑦ R1.<<<<2""""5 ᐱᓕᐊᓐ ᐅᖓᑖᓄᑦ ᐊᑭᓖᓯᒪᓕᕐᑐᑦ ᑲᕙᒪᒃᑯᑦ ᐃᓕᓐᓂᐊᑎᐅᖃᑦᑕᓯᒪᔪᓂᒃ. ᑌᒣᒐᓗᐊᕐᑎᓗᒍ ᓄᓇᕕᒻᒥᐅᑦ ᑐᑦᓯᕋᐅᑎᓕᐅᕐᑐᑦ ᕿᐱᓗᑦᑕᐅᖃᑦᑕᓚᐅᔪᒻᒥᔪᑦ, ᑖᒃᑯᐊ ᐅᑎᕈᑎᐅᓯᒪᔪᑦ ᕿᒥᕐᕈᔭᐅᑦᓱᑎᓪᓗ ᐊᑦᔨᒌᒥᒃ ᐊᑭᓕᕐᑕᐅᒍᑎᑖᕐᑎᓯᓂᕐᒧᑦ ᐱᓇᓱᐊᕐᕕᐅᔪᒧᑦ. ᐃᓕᓐᓂᐊᑎᐅᓯᒪᔪᑦ ᐃᑲᔪᕐᑕᐅᒍᑎᒋᒐᔭᕐᑕᖏᓐᓄᑦ, ᐊᐱᕆᐅᑏᑦ, ᓱᓕᓂᕂᒍᑏᑦ ᐊᓯᖏᓪᓗ ᑕᑕᕐᓴᒉᑦ ᓴᕐᕿᑎᑕᐅᓚᐅᔪᑦ ᒪᑭᕝᕕᒧᑦ ᓄᓇᓕᓐᓅᔭᕐᑕᐅᓱᑎᓪᓗ ᐊᑦᔨᒌᙱᑐᓂ ᑎᒥᐅᔪᓂ ᒪᑭᕝᕕᐅᓗ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᒍᑦ..ᑖᒃᑯᐊ ᐊᓪᓚᖁᑏᑦ ᐃᓚᒋᔭᐅᔪᑦ ᑐᑭᓯᑎᑦᓯᒍᑎᒋᐊᓪᓚᓄᑦ ᐱᔭᐅᒍᓐᓇᓱᑎᓪᓗ ᐊᓪᓚᕕᒋᓗᒍ ᒥᓕᐊᓐ ᒪᕆᕕᐊᕐ ᑐᕌᕈᑎᖓ ᐅᓇ ᓚ_Lᖑᑭᓂᑲᓂᕿᑭᕿ2ᓚᖑᓄᓂᑲᓂᓄ.ᓕᑭᑐ ᐃᒻᒥᒎᕐᑐᒥᒃ ᖃᐅᔨᓴᕐᑕᐅᒍᑎᖃᕐᓂᖅ
ᐃᓕᓐᓂᐊᐅᑎᓯᒪᔪᖅ ᓈᒻᒪᓴᙱᑯᓂ ᐊᑦᔨᒌᒥᒃ ᐊᑭᓕᕐᑕᐅᒍᑎᐅᔪᓂᒃ ᓱᒃᑯᔨᐊᖑᓯᒪᓂᕐᒥᓂᒃ ᑐᑭᓯᔭᐅᑎᑦᓯᒍᓐᓴᕈᓂ ᐃᑦᓯᒎᕐᓂᓗᕝᕕᐅᓯᒪᒍᓂ, ᑎᒥᒥᒍᑦ ᐋᓐᓂᑕᐅᓯᒪᒍᓂ ᐊᒻᒪᓗFᐅᕝᕙᓗᓘᓐᓃᑦ ᐃᓱᒪᒥᒍᑦ, ᑐᑦᓯᕋᐅᑎᓕᐅᕈᓐᓇᑐᑦ ᐊᑭᓕᕐᑕᐅᒍᑎᒋᐊᓪᓚᓂᒃ ᐃᕐᖃᑐᐃᕕᐅᑉ ᓯᓚᑖᒎᕐᓗᑎᒃ ᑌᔭᐅᔪᒥᒃ ᐃᒻᒥᒎᕐᑐᒥᒃ ᖃᐅᔨᓴᕐᑕᐅᑎᑦᓯᓂᖅ.
ᑌᒃᑯᐊ ᐃᓕᓐᓂᐊᐅᑎᓯᒪᔪᑦ ᐊᓂᕐᕋᐅᔪᓃᑦᓯᒪᙱᑲᓗᐊᕈᑎᒃ ᓱᒃᑯᔨᐊᖑᓯᒪᒍᑎᒃ ᐃᒻᒥᒎᕐᑐᒥᒃ ᖃᐅᔨᓴᕈᑎᑎᒍᑦ ᑐᑦᓯᕋᐅᑎᓕᐅᕈᓴᒥᔪᑦ. ᐊᑭᓕᕐᑕᐅᒍᑎᖏᑦ R5,000 ᐊᒻᒪᓗ R275,000 ᐊᑯᓐᓂᖓᓃᑦᑐᑦ (ᐅᓄᕐᓂᓴᐅᒍᓐᓴᓱᑎᓪᓗ ᑮᓇᐅᔦᕐᓯᓯᒪᓂᖓ ᓴᕐᕿᑎᑕᐅᒍᓐᓇᐸᑦ). ᑐᑦᓯᕋᐅᑏᑦ ᐃᓕᓐᓂᐊᑎᐅᑦᓯᒪᔪᒧᑦ ᑐᑦᓯᕋᐅᑎᐅᒍᓐᓇᑐᑦ ᐱᖁᔭᓕᕆᔨᒧᓪᓘᓃᑦ, 15&-ᖏᑦ ᑲᓇᑕᐅᑉ ᐊᑭᓕᕋᔭᕐᑕᖏᑦ ᑐᑦᓯᕋᐅᑎᓕᐅᕐᑑᑉ ᐊᑭᓕᕐᑕᐅᒍᑎᖏᓐᓄᑦ ᐃᓚᒋᔭᐅᑎᓪᓗᒋᑦ. ᐊᕐᕌᒎᓐᓂ ᒪᕐᕉᓂ ᐱᓇᓱᐊᕐᑕᐅᒐᔭᕐᑐᕆᔭᕗᑦ ᑐᑭᑖᕈᑎᐅᙱᓂᕐᒥᓂ. ᑯᐯᒻᒥ ᑎᓕᔭᐅᓯᒪᔪᖅ ᑐᑭᑖᕆᔨᐅᓂᐊᕐᑎᓗᒍ ᐃᕐᖃᑐᐃᔨ ᑐᑎᓪ.
ᔭᓄᐊᕆ 2008-ᖑᓕᕐᑎᓗᒍ 1800 ᐅᖓᑖᓅᕐᑐᑦ ᑐᑦᓯᕋᐅᑏᑦ ᓱᒃᑯᔨᐊᖑᓯᒪᓂᕐᒧᑦ ᐱᓇᓱᐊᕐᑕᐅᓚᐅᔪᑦ. ᒪᑭᕝᕕᒃ ᐱᒻᒪᕆᐅᓂᕂᓚᐅᔪᖅ ᑕᒪᒃᑯᐊ ᐱᒻᒪᕆᐅᑎᓪᓗᒋᑦ ᐱᖁᔭᓕᕆᔨ ᐃᑲᔪᑦᓯᐊᕆᐊᖃᕐᓂᖓᓂᒃ ᐊᑐᐃᓐᓇᖃᕐᑎᑕᐅᑦᓱᑎᓪᓗ ᐱᖁᔭᓕᕆᔨᓂᒃ ᐃᑲᔪᕐᑎᒋᒍᓐᓇᑕᖏᓐᓂᒃ.
ᓱᓕᔪᒥᒃ ᐋᕐᕿᖃᑎᒌᓐᓂᒧᑦ ᖃᐅᔨᓴᕐᑏᑦ
ᐊᑕᐅᓯᖅ ᐊᖏᖃᑎᒌᒍᑎᒦᑦᑐᖅ ᓴᕐᕿᑎᑦᓯᒋᐊᖃᕐᓂᖅ ᖃᐅᔨᓴᕐᓂᒥᒃ ᓱᓕᓂᖏᓐᓂᒃ, ᐊᙱᐊᖏᔭᕐᓂᒥ ᐋᕐᕿᖃᑎᖃᕐᓂᖏᓪᓗ ᐃᓕᓐᓂᐊᑎᐅᖃᑦᑕᓯᒪᔪᑦ ᐃᓚᒌᓪᓗ.
ᓱᓕᔪᓂᒃ ᐋᕐᕿᖃᑎᒌᓐᓂᒧᑦ ᖃᐅᔨᓴᕐᑏᑦ ᐃᓂᓪᓚᑕᐅᓚᐅᔪᑦ ᔫᓂ 1, 2008-ᖑᑎᓪᓗᒍ ᑎᒃᑯᐊᑕᐅᑎᓪᓗᒍ ᐃᕐᖃᑐᐃᔨ ᖄᔨ ᓚᕗᐊᕐᒪ ᐋᓐᑎᐅᕆᔫᒥ ᐃᕐᖃᑐᐃᕕᑎᒍᑦ ᑐᑭᑕᕈᑎᕕᓂᕐᓂᒃ ᐋᕐᕿᒋᐊᕆᔨ, ᑖᓐᓇ ᓄᓇᖃᖅᑳᓯᒪᔪᖅ ᐊᒻᒪᓗ ᑲᒥᓴᓇ ᑯᓘᑎᐊᑦ ᑐᒨᓐ-ᓯᒥᑦ ᐃᓚᖃᕐᓱᑎᓪᓗ ᔦᓐ ᐳᕉᒋᓐ ᒧᐊᕐᓕᒥᒃ (ᑕᑯᒋᐊᕈᓐᓇᑕᓯ ᖃᕆᑕᐅᔭᑎᒍᑦ ᓴᕐᕿᔮᕐᑎᓯᕕᖓ ᐃᐃᐃ.ᑎᑭᖃ-ᖃᑲᑭ.ᖃᖑ0. R60 ᒥᓕᐊᓐᓂᒃ ᐊᑭᖃᕐᓱᓂ ᐃᕐᖃᑐᐃᕕᒃ ᐊᕐᕌᒍᓄᑦ ᑕᓪᓕᒪᓄᑦ ᑎᓕᔭᐅᓯᒪᒍᑎᖃᕐᑐᖅ ᑲᓇᑕᓕᒫᒥᓗ ᐊᕐᕕᑕᕐᓗᑎᒃ ᑐᓵᒋᐊᕐᓯᒪᖃᑦᑕᓛᕐᓱᑎᒃ ᐃᓱᐃᓪᓕᐅᕈᑎᖃᕐᑐᓂᒃ. ᑖᒃᑯᐊ ᐱᓇᓱᐊᕐᑐᑦ ᓱᕐᕋᑕᐅᓯᒪᔪᓕᒫᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᓂᕐᒥᓄᑦ ᐱᕕᑦᓴᖃᕐᑐᐃᓇᐅᑦᓯᐊᖁᑦᓱᒋᑦ ᐅᖄᒍᓇᓗᑎᒃ ᐊᑦᑕᓇᙱᑐᒥ ᐃᓗᕐᖁᓯᕐᒥᑎᒍᓪᓗ ᐃᓂᖃᑦᓯᐊᓗᑎᒃ, ᐊᑕᐅᓯᐅᓈᕐᑎᓗᑎᒃ ᐅᖄᒍᓐᓇᓗᑎᒃ, ᑐᓵᔭᐅᒍᓐᓀᓗᑎᒃ ᑐᓵᔭᐅᓗᑎᓗᓃᑦ. ᑐᑭᓯᓇᕐᑎᑕᐅᒍᑎᖏᑦ ᓱᓕᓂᖏᓐᓂᒃ ᐊᕐᕿᖃᑎᒌᓐᓂᒧᑦ ᖃᐅᔨᓴᕐᑏᑦ ᐱᓇᓱᐊᕐᓂᕆᓛᕐᑕᖏᑦ ᓱᕐᖁᐃᑕᐅᑦᓯᐊᕆᐊᖃᖏᓐᓇᑐᑦ ᐅᓪᓗᖁᑎᑦᓴᖏᑦ. ᑖᒃᑯᐊ ᖃᐅᔨᓴᕐᑏᑦ ᐱᖁᔭᑎᒍᑦ ᓄᑭᖃᕐᓂᐊᑐᑦ ᖃᐅᔨᓴᕈᓐᓇᓗᑎᒃ ᑐᑦᓯᐊᕕᓐᓂᒃ ᑲᕙᒪᒃᑯᓗ ᐊᓪᓚᖁᑎᖏᓂᒃ ᐃᓕᓐᓂᐊᓂᕐᒨᓕᖓᔪᓂᒃ, ᐃᓚᐅᑎᓪᓗᒋᑦ ᐃᓅᒍᓐᓀᓯᒪᔪᑦ ᐊᓪᓚᑕᐅᓯᒪᒍᑎᖏᑦ ᓄᓇᖃᖅᑳᓯᒪᔪᑦ ᕿᑐᕐᖓᖏᑦᑕ. ᖃᐅᔨᓴᕐᑏᑦ ᖃᐅᔨᓴᓛᕐᒥᔪᑦ ᐅᖃᕈᑎᐅᓯᒪᙱᑐᓂᒃ ᐃᓅᒍᓐᓀᖃᑦᑕᓯᒪᔪᓂᒃ. ᖃᐅᔨᓴᕐᑏᑦ ᑐᓴᕐᑎᓯᒍᑎᐅᓕᐅᓛᕐᑐᑦ ᐱᔭᕇᕐᓯᒪᓕᑐᐊᕈᑎᒃ ᐃᒣᓕᖓᒐᔭᕐᖂᒫᕈᑎᓕᐅᕐᓗᑎᓪᓗ ᐊᑯᓗ ᐃᕐᖃᐅᒪᒋᔭᐅᒍᑎᑦᓴᖏᓂᒃ ᐱᓇᓱᐊᕐᓗᑎᒃ. ᑖᓐᓇ ᑐᙵᕕᖃᕐᑐᖅ ᓱᓕᔪᓂᒃ ᓄᐃᑎᑦᓯᓂᕐᒥᒃ ᐋᕐᕿᕈᑎᑦᓴᓂᓪᓗ ᐱᓇᓱᐊᕈᑎᐅᓯᒪᔪᓂᒃ ᐋᕗᕆᑲᒥ ᒪᒥᓭᒍᑎᐅᓯᒪᔪᓂᒃ ᓱᒃᑯᔨᐊᖑᓯᒪᔪᓄᑦ. ᐃᕐᖃᐅᒪᑦᓯᒍᑏᑦ (ᓈᓚᐅᑎᒃᑯᑦ, ᑕᕐᕋᓕᔮᒐᑎᒍᑦ, ᐊᑐᐊᒐᕐᑎᒍᑦ, ᐃᕐᖃᐅᒪᑦᓯᓂᒃᑯᑦ, ᐊᓯᖏᑎᒍᓪᓗ) ᐱᓇᓱᐊᕐᑕᐅᒥᔪᑦ ᖃᐅᔨᓴᕐᑎᓄᑦ ᑮᓇᐅᔭᖃᕐᓱᑎᒃ R80 ᒥᓕᐊᓂᒃ.
ᓄᓇᕕᒻᒥᐅᓂᒃ ᑐᓴᕐᑕᐅᑎᑦᓯᓂᖅ ᖃᐅᔨᓴᕐᑕᐅᑎᑦᓯᓂᕐᓗ
ᒪᑭᕝᕕᒃ ᐅᓪᓘᓂᒃ ᒪᕐᕉᓂᒃ ᑰᑦᔪᐊᒥ ᓯᑦᑎᒻᐱᕆ 19-20, 2007 ᑲᑎᒪᓂᖃᕐᑎᓯᓚᐅᔪᕗᖅ. ᐊᕙᑎᓪᓗ ᖁᓕᓪᓗ ᐱᖓᓱᓂᒃ ᐃᓕᓐᓂᐊᐅᑎᓯᒪᔪᓂᒃ ᓄᓇᕕᒻᒥᐅᑦ ᓄᓇᓕᖏᓐᓂᒃ ᑭᒡᒐᑐᕐᑎᓗᒋᑦ ᓄᓇᓕᓕᒫᓂᓪᓗ ᑭᒡᒐᑐᕐᑏᑦ ᑲᓇᑕᒥᓗ ᑎᒥᐅᔪᓂᒃ ᑭᒡᒐᑐᕐᑏᑦ ᐁᓯᒪᑎᓪᓗᒋᑦ. ᑲᑎᑦᓱᒋᑦ 100 ᒥᑦᓯᑎᓐᓃᓚᐅᔪᑦ ᑐᑭᓯᔭᐅᑎᑦᓯᓯᐊᕋᓱᐊᕐᓱᑎᒃ ᐋᕐᕿᖃᑎᒌᓐᓂᒧᑦ ᐊᑭᓕᕐᑕᐅᒍᑎᓂᒃ, ᑐᓴᕐᑎᓯᒋᐊᕐᑐᓱᑎᓪᓗ ᓱᓀᑦ ᐊᑐᐃᓐᓇᐅᒪᖔᑕ.
ᐅᖄᒍᑎᖃᓚᐅᔪᒻᒥᔪᑦ ᐃᓗᓯᕐᑎᒍᑦ, ᐃᓅᖃᑎᒌᓐᓂᑎᒍᑦ ᒪᑭᑉᐸᓕᐊᒐᓱᐊᕐᓂᑎᒍᑦ ᓱᕐᕋᑕᐅᒍᑎᐅᓯᒪᔪᓂᒃ ᐊᖏᖃᑎᒌᒍᑎᐅᑉ ᓱᕐᕂᓯᒪᒍᑎᒋᑐᐃᓐᓇᕆᐊᓕᖏᓐᓂᒃ ᐃᓕᓐᓂᐊᑎᐅᓯᒪᔪᓂᒃ, ᐃᓚᖏᓐᓂᒃ ᓄᓇᓕᖏᓐᓂᓗ. ᑲᑎᙵᔪᓃᑦᑐᑦ ᐅᖄᒍᑎᓚᐅᔪᑦ ᐃᓱᒫᓗᒍᑎᒥᓂᒃ ᐃᓕᓐᓂᐊᕆᐊᕐᓯᒪᑦᓱᑎᒃ ᐃᓅᒍᓐᓀᖃᑦᑕᓯᒪᔪᓄᑦ, ᐃᓄᑐᙯᑦ ᐃᓚᐅᒋᐊᖃᕐᓂᖏᓐᓂᒃ ᕿᑐᕐᖓᓕᐅᔪᓪᓗ ᕿᑐᕐᙰᑕᐅᓂᕐᒥᓄᑦ ᓱᕐᕋᑕᐅᒍᑎᒋᓯᒪᔭᖏᓂᒃ.
ᐅᖃᓚᐅᔪᑦ ᖃᐅᔨᓴᕐᑏᑦ ᒪᒥᓭᓂᕐᒥᒃ ᐋᕐᕿᕈᑎᑦᓴᓯᐅᕐᓂᒥᓪᓗ ᐃᓗᕐᖁᓯᑦᑎᓄᑦ ᐱᑐᑦᓯᒪᑦᓯᐊᑐᓂᒃ ᐱᓇᓱᐊᓪᓚᕆᖁᑦᓱᒋᑦ ᒪᓕᒐᖃᑦᓯᐊᓗᑎᒃ ᐱᒻᒪᕆᐅᑎᑦᓯᓗᑎᓪᓗ ᐱᓇᓱᐊᕈᑎᐅᒍᓐᓇᑐᓂᒃ ᓄᓇᕕᒻᒥ ᐱᓇᓱᐊᖃᑎᒋᔭᐅᒐᔭᕐᑐᓂᒃ ᓱᓕᔪᓂᒃ ᐋᕐᕿᕈᑎᑦᓴᓯᐅᕐᓂᒧᑦ ᖃᐅᔨᓴᕐᑎᓄᑦ.
ᐱᔭᕇᕐᑕᐅᒣᑦᑐᑦ
ᐃᓛᓂᐅᙱᑑᕐᓂᕆᓚᐅᔭᖓ ᑲᓇᑕᐅᑉ ᐊᖓᔪᖅᑳᖓᑕ ᐊᓯᖏᓪᓗ ᐃᓗᓕᖏᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᑦ ᐊᖏᖃᑎᒌᒍᑎᖏᓐᓂ ᐊᑑᑎᓚᐅᕐᓯᒪᙱᑐᑦ ᐊᑑᑎᓚᐅᔪᒻᒪᑕ, ᑭᓯᐊᓂ ᐱᔭᕇᒻᒣᑐᕐᑕᖃᖏᓇᑐᖅ ᐃᓕᓐᓂᐊᑎᐅᓯᒪᔪᓄᑦ ᓄᓇᕕᒻᒥᐅᓄᓗᐊᙳᐊᖅ. ᐊᒥᓱᒐᓓᑦ ᓄᓇᕕᒻᒥᐅᑦ ᐃᓚᐅᑎᑕᐅᓯᒪᙱᒪᑕ ᐃᓛᓂᐅᙱᑑᕐᑕᐅᓂᕐᒥ ᐊᑭᓕᕐᑕᐅᒍᑎᑖᕐᓂᒥᓗ. ᒪᑯᐊ ᐃᓕᓂᐊᑎᐅᖃᑦᑕᓯᒪᔪᑦ ᐊᓂᕐᕋᕆᔭᐅᔪᓃᑦᓱᑎᒃ. ᑐᑦᓯᐊᕕᓐᓄᑦ ᑲᕙᒪᑐᖃᒃᑯᓄᓪᓗ ᐊᐅᓚᑕᐅᒐᑎᒃ ᑯᐯᒃᑯᑦ ᐊᐅᓚᑕᖏᓐᓂ.
ᑖᒃᑯᐊ ᐊᔪᕐᓯᑎᑕᐅᓯᒪᔪᑦ ᐱᓂᐊᕐᓂᓕᕆᓂᕐᓂ ᓇᓪᓕᖏᓪᓘᓃᑦ ᑲᕙᒣᑦ ᑲᒪᒋᒍᒪᙱᑕᖏᑦ ᐱᓂᐊᕐᕕᐅᒍᑎᒋᓯᒪᔭᖏᑦ ᓱᕐᕋᑕᐅᒻᒪᕆᑦᓯᒪᑎᓪᓗᒋᑦ ᐃᓚᖏᓪᓗ ᓱᕐᕋᑕᐅᒻᒪᕆᑦᓯᒪᑎᓪᓗᒋᑦ ᐊᑦᔨᑐᐃᓴᐅᓱᑎᒃ ᐃᓕᓐᓂᐊᕆᐊᕐᑎᑕᐅᓲᕕᓂᕐᓄᑦ ᐊᓂᕐᕋᖃᕐᑎᑕᐅᓲᕕᓂᕐᓄᓗ.
ᒪᑭᕝᕕᒃ ᐃᓄᐃᑦ ᑕᐱᕇᑦ ᑲᓇᑕᒦᒃᑯᓗ ᐊᔪᐃᓐᓇᐅᔨᔫᒃ ᓱᓕ ᐃᓛᓂᐅᙱᑑᕐᑕᐅᖁᑦᓱᒋᑦ ᐊᑭᓕᕐᑕᐅᒍᑎᑖᕐᓗᑎᓪᓗ ᐃᓚᒋᔭᐅᑎᑕᐅᓯᒪᙱᑐᑦ ᑲᕙᒪᓄᑦ ᑲᓇᑕᒥ ᑯᐯᒻᒥᓗ ᐃᓘᓐᓇᖏᓐᓄᓗ ᐃᓄᓐᓄᑦ. ᓄᓇᓕᓕᒫᑎᒍᑦ ᑲᓇᑕᓕᒫᒥᓗ ᓯᕗᓕᕐᑏᑦ ᑕᒪᑐᒥᖓ ᐊᔪᐃᓐᓇᐅᔨᓂᐊᕐᓂᕋᕐᓯᒪᔪᑦ ᐃᓘᓇᓯᐊᖏᑦ ᐊᑦᔨᒌᑦᓯᐊᒥᒃ ᐱᓂᐊᕐᕕᐅᓂᖃᖁᓪᓗᒋᑦ.