ᑐᑦᓯᕋᐅᑎᓕᐅᕐᑐᑦ ᖃᕆᑕᐅᔭᐅᑎᒍᑦ ᓄᐃᑕᑎᑦᓴᕕᑦᓴᒥᒃ ᓄᐃᑕᔪᑦᓴᓕᐅᕐᑐᓴᒥᒃ/ᓴᓇᔪᑦᓴᒥᓗ
ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᑦ ᑐᕐᙰᑦ ᖃᕐᖃᖏᑦᑕ ᒥᕐᖑᐃᓯᕐᕕᖓᓂ
ᑐᑦᓯᕋᐅᑎᓕᐅᕐᑐᑦ ᖃᕆᑕᐅᔭᐅᑎᒍᑦ ᓄᐃᑕᑎᑦᓴᕕᑦᓴᒥᒃ ᓄᐃᑕᔪᑦᓴᓕᐅᕐᑐᓴᒥᒃ/ᓴᓇᔪᑦᓴᒥᓗ
ᑐᕐᙰᑦ ᖃᕐᖃᖏᑦᑕ ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᑦ ᕿᓂᕐᖁᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᔨᑦᓴᒥᒃ ᓴᓇᒐᔭᕐᑐᒥᓗ ᐃᓗᓕᖏᓐᓂᒐᔭᕐᑐᓂᑦ / ᐱᓇᓱᐊᕐᑐᖅ ᓄᐃᑦᓯᓗᓂ ᐃᓂᕐᕋᑎᑦᓯᓗᓂᓗ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᒻᒥᑦ ᓄᐃᑕᑎᑦᓯᒍᑎᐅᓂᐊᕐᑐᓂᑦ ᑐᑭᓯᒪᔭᐅᑎᑦᓯᒐᓱᓪᓗᑎᓗ ᐱᓇᓱᑦᑕᐅᔪᓂᑦ ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᓐᓄᑦ.
ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᑦ ᓯᑕᒪᐅᔪᖕᖏᒐᕐᑑᕗᑦ ᐊᑐᓂ ᒪᑭᕝᕕᒃ, ᓄᓇᑦᓯᐊᕗᑦ ᑲᕙᒪᖓ ᒥᕐᖑᐃᓯᕐᕕᖏᓪᓗ ᑲᓇᑕᒥ ᒪᕐᕉᓂᒃ ᑲᑎᖕᖓᔨᑦᓴᒥᓂᒃ ᑎᒡᒍᐊᓯᓲᖑᕗᑦ ᐊᑕᐅᑦᓯᑯᕐᓱᑎᓗ ᑎᓕᔨᓱᖑᕗᑦ ᐊᖓᔪᕐᖄᒥᒃ ᐃᒻᒥᒍᕐᑐᒥᒃ. ᒫᓐᓇᐅᑎᓗᒍ ᑲᑎᖕᖓᔨᓕᒫᖏᑦ ᐃᓄᐃᓐᓇᐅᕗᑦ. ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᑦ ᐃᒫᙰᕐᑎᐅᕗᑦ ᒥᕐᖑᐃᓯᕐᕕᖏᓐᓄᑦ ᑲᓇᑕᒥ ᐊᐅᓚᑕᐅᓂᖓᓂ ᐃᓂᕐᕋᑎᑕᐅᓂᖓᓂᓗ ᑐᕐᙰᑦ ᖃᕐᖃᖏᑦᑕ ᒥᕐᖑᐃᓯᕐᕕᖓᓂᒃ.
ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒥᒃ ᑲᑎᖕᖓᔨᖏᑦ ᓄᐃᑕᑎᑦᓯᒍᒪᕗᒍᑦ ᐱᓇᓱᐊᕐᑕᒥᓂᒃ ᑲᑐᑦᔨᖃᑎᒌᑦᓱᑎᑦ ᐊᐅᓚᑦᓯᓂᕐᒥᓂᒃ ᐊᒻᒪᓗ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᑖᕈᒪᕗᑦ ᓄᐃᑕᑎᑦᓯᓗᑎᑦ ᑭᓇᒃᑯᓂᕐᒥᓂᒃ ᖃᓄᐃᓗᓱᖑᓂᕐᒥᓂᓗ.
ᑲᑎᖕᖓᔨᓄᑦ ᖃᕆᑕᐅᔭᒥ ᓄᐃᑕᑎᑕᐅᖁᔭᐅᔪᑦ:
- ᓄᐃᑕᑎᑦᓯᓗᑎᑦ ᐱᑦᔪᑎᖏᓐᓂᑦ ᖃᓄᐃᓕᖓᒐᓱᓐᓂᖏᓐᓂᑦ ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᑦ
- ᓄᐃᑕᑎᑦᓯᓗᑎᑦ ᑲᑎᖕᖓᔨᓂᑦ, ᒫᓐᓇ ᐱᓇᓱᐊᕐᑕᖏᓐᓂᑦ ᐱᓇᓱᐊᖃᑦᑕᓯᒪᔭᖏᓐᓂᓗ ᑲᔪᓯᑦᓯᐊᑐᓂᓗ
- ᓄᐃᑕᑎᑦᓯᓗᑎᑦ ᑲᑎᖕᖓᔨᒋᔭᐅᔪᓂᒃ ᑲᑎᖕᖓᔨᐅᖃᑦᑕᓯᒪᔪᓂᓗ
- ᑐᑭᓯᒪᑎᑦᓯᒍᑎᐅᓗᓂ ᓯᕗᓪᓕᐅᔭᐅᖁᔭᖏᓐᓂᑦ ᐅᕝᕙᓗᓐᓃᑦ ᓄᐃᑕᖁᔭᖏᓐᓂᑦ ᐋᕐᕿᑕᕕᓂᕐᓂᑦ ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᓄᑦ
ᐅᑯᐊᖑᕗᑦ ᐱᒍᓐᓇᑕᐅᒋᐊᓖᒃ:
ᑲᒻᐸᓂ/ᐃᓄᓪᓗᓃᑦ ᐱᓇᓱᓕᓂᐅᓗᓂ ᐋᕐᕿᓱᐃᓂᕐᒥ ᐊᓪᓚᖑᐊᕐᑎᐅᓂᕐᒥᓗᓐᓃᑦ ᖃᕆᑕᐅᔭᓃᑦᑐᓴᓂ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᒻᒥᑐᑦᓴᓕᐅᕐᓗᓂ:
- ᐃᓄᓐᓂ ᓄᐃᑕᑎᑦᓯᓗᓂ ᐃᓅᓂᖏᓪᓗ ᐃᑉᐱᓇᕐᓗᑎᑦ
- ᐅᖃᐅᓯᕐᓂ ᐊᒥᓱᓂᑦ ᐅᖃᐅᓯᕐᑕᖃᕐᓗᓂ (ᖃᓪᓗᓈᑎᑐᑦ, ᐃᓄᒃᑎᑐᑦ ᖃᓂᐅᔮᕐᐯ, ᐃᓄᒃᑎᑐᑦ ᖃᓕᐅᔮᕐᐯᑎᑐᑦ ᐊᓪᓚᓯᒪᔪᓂᑦ)
- ᖃᕆᑕᐅᔭᒥ ᓄᐃᑕᑎᑕᐅᔪᑦᓴᖅ ᐊᓪᓚᕕᐅᒍᓐᓇᓯᐊᕐᓗᓂ, ᐊᑦᔨᖑᐊᕐᑕᖃᕐᓗᓂ, ᐊᓪᓚᓯᒪᔪᓂᑦ ᐊᓯᖏᓐᓄᑦ ᐱᑐᒍᑎᖃᕐᓗᓂ
- ᐊᑐᕐᑎᓄᑦ ᐱᔭᕆᐊᑭᑦᑐᓗᓂ
- ᐸᕐᓀᕈᑎᖏᑦ ᑮᓇᐅᔭᕐᑑᑎᑦᓴᓕᐊᕕᓂᖏᓪᓗ ᐊᓪᓚᓗᒋᑦ ᐊᐅᓚᑦᓯᓂᕐᒧᑦ ᓄᑕᐅᓯᓕᕆᓂᕐᒧᓗ ᐃᓗᓕᖏᓐᓂᑐᑦᓴᓂᑦ
ᐊᑦᔨᖑᐊᖃᕐᑎᑕᐅᒐᔭᕐᑐᑦ ᒪᑉᐱᕋᖓᓂᑦᑐᓴᓂᓗ ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᓐᓄᑦ.
ᐃᓱᓕᕝᕕᓴᖓ: ᓇᑦᔪᐃᔭᕐᕕᒃ 29, 2019ᖑᓚᐅᕐᑎᓇᒍ
ᑮᓇᐅᔭᕐᑑᑎᑦᓴᓕᐊᕕᓃᑦ: ᐅᓄᕐᓂᐹᖃᕐᓗᑎᑦ $5,000ᓂᑦ ᐋᕐᕿᓱᕐᓯᒪᓂᑦᓴᖓᓂᒃᑦ ᓴᓇᓂᕐᒧᓗ, ᐃᓚᐅᒻᒥᑎᓪᓗᒍ ᓄᐃᑕᑎᑦᓯᓂᕐᒧᑦ ᐊᐅᓚᑦᓯᔨᐅᓂᕐᒧᑦ
ᐅᓇᒻᒥᒋᔭᓖᑦ ᑐᓂᔨᖁᕙᕗᑦ ᓀᑦᑐᒥᒃ ᑭᐅᒍᑎᖃᕐᓗᑎᑦ ᑖᑦᓱᒧᖓ ᑐᑦᓯᕋᐅᑎᒧᑦ ᐊᑭᑭᓐᓂᐹᕐᓯᐅᒍᑎᑦᑎᓄᑦ ᐅᕗᖓ ᐊᓪᓚᓗᑎᑦ torngatcmb@gmail.com, ᑐᑭᓯᒋᐊᑦᓯᐊᕋᓱᓪᓗᑎᓗᓐᓃᑦ.
ᕿᒥᕐᕈᓱᖕᖑᒐᑦᑕ ᑕᑕᕐᓴᑕᕕᓂᕐᓂᑦ ᑐᖕᖓᕕᖃᕐᓗᑕ ᑭᖕᖑᒪᒋᔭᐅᔪᓂᑦ ᖁᓛᓃᑦᑐᓂᑦ, ᐃᓚᐅᒻᒥᑎᓪᓗᒋᑦ ᐅᓐᓂᑑᑎᓕᐊᕆᔭᕕᓂᕐᓂᑦ ᐱᓇᓱᑦᑕᐅᒐᔭᕐᑐᓂᒃ, ᖃᖓᐅᓂᑦᓴᖏᑦ ᑮᓇᐅᔭᕐᑑᑎᑦᓴᓕᐊᕕᓂᕐᓂᓗ. ᓯᕗᓪᓕᐅᔭᐅᓛᕐᖁᑦ ᐱᒍᓐᓇᑐᑦᓯᐊᕐᑐᑦ ᓄᓇᕕᒻᒥ ᓄᓇᑦᓯᐊᕗᒥᓗᓐᓃᑦ ᒪᑭᑕᒐᓱᐊᒍᑎᓖᑦ.
ᑐᓂᔨᒋᑦ ᐃᓚᐅᒍᒪᒍᑎᓯᓐᓂᑦ ᐅᕗᖓ:
ᒫᕐᑎᓐ ᓛᒃᕿᑦ, ᐊᖓᔪᕐᖄᖓ, ᑲᑐᑦᔨᖃᑎᒌᑦᑐᑦ ᐊᐅᓚᑦᓯᓂᕐᒧᑦ ᑲᑎᖕᖓᔨᖏᓐᓂᑦ ᑐᕐᙰᕐ ᖃᕐᖃᖏᑦᑕ ᒥᕐᖑᐃᓯᕐᕕᖓᓂ
ᐃᓱᓕᕝᕕᓴᖓ: