ᓄᓇᓕᒻᒥ ᑐᑭᒧᐊᕐᑎᓯᔨ ᐃᕐᖃᑐᐃᔨᐊᐲᑦ ᑲᑎᖕᖓᔨᖏᓐᓄᑦ ᐳᕕᕐᓂᑐᒥ

Job Description:

ᐃᕐᖃᑐᐃᔨᐊᐲᑦ ᑲᑎᖕᖓᔨᖏᑦ ᐱᑦᔪᑎᐅᔪᓂᒃ ᐅᓇᑕᒡᒑᕈᓐᓇᓲᑦ ᐱᓀᓗᑕᐅᔪᓂᒃ ᐊᒻᒪᓗ ᐃᑲᔪᕐᓯᒍᓐᓇᓲᖑᑦᓱᑎᑦ ᐱᓂᕐᓗᑐᕕᓃᑦ ᒪᒥᓴᕐᐸᓕᐊᒍᓐᓇᓂᖏᓐᓂᒃ ᐊᒻᒪᓗ ᐋᕐᕿᐸᓪᓕᐊᒍᓐᓇᓂᖏᓐᓂᒃ. ᐊᑐᕈᓐᓇᓱᑎᒃ ᐃᓘᓐᓈᒎᓕᖓᒐᓱᐊᕐᓂᑯᑦ, ᒪᒥᓴᕐᓂᒨᓕᖓᒐᓱᐊᕐᓂᑯᒃ, ᐊᒻᒪᓗ ᐃᓕᕐᑯᓯᑎᒎᓕᖓᒐᓱᐊᕐᓂᑯᑦ. ᑲᑎᖕᖓᔩᑦ ᐊᑕᐅᓯᕐᒥᓘᓐᓃᑦ ᒪᕐᕉᓂᓪᓘᓃᑦ ᑐᑭᒧᐊᕐᑎᓯᔨᖃᓲᑦ ᐊᒻᒪᓗ 5-8-ᓂᒃ ᑲᑎᖕᖓᔨᖃᕐᓱᑎᒃ. ᐃᕐᖃᑐᐃᔨᐊᐲᑦ ᐃᓕᑕᕆᔭᐅᒪᔪᐃᑦ ᐃᕐᖃᑐᐃᕕᒧᑦ ᐊᒻᒪᓗ ᓄᓇᕐᖃᑎᒥᓄᑦ ᐱᒻᒪᕆᐅᒋᐊᖏᑦ ᐃᓅᖃᑎᒌᑎᒍᑦ-ᐱᖁᔭᓕᕆᔨᐅᓂᕐᒥᓄᑦ.

ᐱᖁᔮᐱᓕᕆᔩᑦ ᑐᕌᒐᖏᑦ

• ᓱᖏᕐᑐᐃᔨᐅᓗᓂ ᐊᒻᒪᓗ ᑌᒣᖏᓐᓇᑎᑦᓰᓇᕐᓗᓂ ᐃᓅᖃᑎᒌᑦᓯᐊᓂᕐᒥᕐᒃ ᐊᒻᒪᓗ ᓭᒪᖃᑎᒌᑦᓯᐊᓂᕐᒥᒃ ᓄᓇᓕᒻᒥᓂ.
• ᐃᑲᔪᕐᓗᓂ ᐊᐅᓚᑕᐅᓂᖓᓂᒃ ᐃᕐᖃᑐᐃᕕᓕᕆᓂᐅᑉ ᐊᑑᑎᑎᑦᓯᒋᐊᕐᓂᑯᑦ ᐃᓕᕐᖁᓯᑎᒎᓕᖓᔪᓂᒃ ᐱᓇᓱᒋᐊᕐᓂᑯᑦ, ᐃᑲᔪᕐᓯᓂᖃᓲᖑᒻᒪᑦ ᐃᓄᑑᓈᕐᑎᑐᓂᒃ, ᐃᓚᒌᓂᒃ ᐊᒻᒪᓗ ᓄᓇᓕᒻᒥᒃ ᖃᓄᕐᑑᕈᑎᖃᕐᓂᒧᑦ ᐱᓂᕐᓘᑎᒋᖃᑦᑕᑕᖏᓐᓂᒃ. (ᐅᕕᒃᑲᓅᓕᖓᔪᖅ ᐊᒻᒪᓗ ᐃᓄᒻᒪᕆᓐᓅᓕᖓᔪᖅ)
• ᖃᓄᐃᓕᒋᐊᕈᑎᖃᖃᑦᑕᓗᓂ ᐱᓂᕐᓘᑕᐅᔪᓂᒃ ᐊᒻᒪᓗ ᐹᕐᓯᖓᐅᑎᒍᑎᐅᔪᓂᒃ ᐃᓕᑕᕐᓯᓯᒪᑦᓯᐊᓂᑎᒍᑦ ᐃᓄᐃᑦ ᐃᓕᕐᖁᓯᖓᓂᒃ, ᐃᓪᓕᕆᔭᖁᑎᖏᓐᓂᒃ, ᐱᐅᓯᕆᓲᖏᓐᓂᒃ ᐊᒻᒪᓗ ᖃᐅᔨᒪᔭᑐᖃᖏᓐᓂᒃ;
• ᐱᔪᓐᓇᓂᕐᑖᑎᑦᓯᕙᓪᓗᓂ ᐃᓄᓐᓂᒃ ᓱᕐᕋᑕᐅᒪᔪᓂᒃ ᐱᓂᕐᓘᑎᐅᔪᒧᑦ ᐅᕝᕙᓘᓪᓃᑦ ᐹᕐᓯᖓᐅᑎᒍᑎᐅᔪᒧᑦ (ᐱᓂᕐᓗᑕᐅᔪᐃᑦ, ᐃᓚᒌᑦ, ᐱᓂᕐᓗᐃᔪᑦ) ᐃᑲᔪᕈᒪᓗᒋᑦ ᐊᒻᒪᓗ ᖃᓄᐃᓘᕐᑐᓴᐅᓂᕐᒥᒃ ᑐᖕᖓᕕᒋᓗᒍ ᓲᖑᔫᓂᖏᑦ, ᖃᐅᔨᑎᒋᐊᕐᓗᒋᑦ ᐊᓐᓂᓇᕐᓂᖏᓐᓂᒃ ᐊᒻᒪᓗ ᐃᓱᒪᒋᓗᒍ ᖃᓄᐃᖕᖏᓯᐊᕆᐊᖃᕐᓂᖓ ᓄᓇᓕᐅᑉ.

ᓇᑯᕐᒦᐳᒍᑦ ᐃᓕᒐᓱᐊᕐᑐᓕᒫᓂᒃ ᑖᑦᓱᒧᖓ ᐱᓇᓱᒐᕐᒧᑦ. ᐃᓕᒐᓱᐊᕐᑐᐃᑦ ᐊᐱᕐᓱᑲᑦᑕᑕᐅᔪᑦᓴᓕᐊᖑᔪᐃᑦ ᑭᓯᐊᓂ ᐅᖄᓚᕕᐅᖕᖑᓱᑦᑐᑦ.

ᑐᑭᓯᒋᐊᑦᓯᐊᕈᒪᒍᕕᑦ ᐅᖃᖃᑎᒋᒍᓐᓇᑌᑦ ᐹᓪ ᐸᓗᐱᔅᑭ ᐅᕙᓂ ppalubeskie@makivik.org

Responsibilities:

1. ᐊᐅᓚᑦᓯᓂᓕᕆᓂᕐᒥ ᐊᐅᓚᖃᑦᑕᕆᐊᓕᖏᑦ: ᐊᓪᓚᓯᒪᔪᖕᖑᑎᑦᓯᕙᓪᓗᓂ, ᑲᑎᖕᖓᒍᑎᐅᔪᓂᒃ ᐊᓪᓚᓯᒪᔪᖕᖑᐃᖃᑦᑕᓗᓂ, ᑮᓇᐅᔭᓕᕆᐅᑎᖏᓐᓂᒃ ᑐᓴᕐᑎᓯᐅᑎᓕᐅᖃᑦᑕᓗᓂ, ᐸᕐᓇᑎᐅᖃᑦᑕᓗᓂ ᐊᒻᒪᓗ ᐊᑐᐃᓐᓇᕈᐃᖃᑦᑕᓗᓂ ᐱᓇᓲᑎᑦᓴᓂᒃ, ᑌᒫᓚᑳᖅ.

2. ᐱᓀᓗᑦᓯᓯᒪᔪᓂᒃ ᐊᐅᓚᑦᓯᓂᖅ: ᑲᑎᓯᖃᑦᑕᓗᓂ ᐃᓄᓐᓂᒃ, ᐅᒃᑯᐃᓯᖃᑦᑕᓗᓂ ᐊᒻᒪᓗ ᐅᒃᑯᐊᓯᖃᑦᑕᓗᓂ ᑲᒪᒋᔭᐅᒋᐊᓕᓐᓂᒃ, ᐅᑎᕐᕕᖃᑦᓯᐊᐸᓪᓗᓂ, ᑭᓯᑕᐅᒍᑎᓕᕆᐅᑎᒨᔦᖃᑦᑕᓗᓂ, ᑐᓴᕐᑎᓯᐅᑎᓂᒃ ᐊᓪᓚᖃᑦᑕᓗᓂ ᐃᕐᖃᑐᐃᔨᒻᒨᑐᑦᓴᓂᒃ, ᑐᓴᕐᑎᓯᐅᑎᓂᒃ ᐊᓪᓚᖃᑦᑕᓗᓂ ᑐᕐᖃᑌᔨᒨᕐᑐᓴᓂᒃ ᐊᒻᒪᓗ ᐱᓇᓱᐊᖃᑕᐅᔪᓄᑦ, ᐃᕐᖃᑐᐃᕕᒻᒧᑦ ᐁᓯᒪᔪᓄᑦ, ᑌᒫᓚᑳᖅ.

3. ᑲᑎᖕᖓᔩᑦ ᖃᓄᐃᓘᕐᓂᕆᓲᖏᑦ: ᐊᑐᐃᓐᓇᕈᕐᑎᕆᑦᓱᑎᒃ ᐊᒻᒪᓗ ᐁᓯᒪᑦᓱᑎᒃ ᑲᑎᖕᖓᓂᕆᔭᐅᓲᓂᒃ ᐊᒻᒪᓗ ᐱᔭᕆᐅᕐᓴᑕᐅᓂᐅᓲᓂᒃ, ᐱᓇᓱᖃᑎᖃᕐᓱᑎᒃ ᓄᓇᓕᐅᑉ ᐱᑦᔪᔨᕕᖏᓐᓂᒃ, ᐊᑐᐃᓐᓇᕈᕐᑎᕆᑦᓱᑎᒃ ᐱᓂᕐᓗᓂᕐᒨᑌᓕᓂᕐᒧᑦ ᐊᒻᒪᓗ ᑲᔪᖏᕐᓭᓂᕐᒧᑦ ᓱᖃᑦᓯᐅᑎᓂᒃ, ᐊᑐᐃᓐᓇᕈᕐᑎᕆᑦᓱᑎᒃ ᐃᓕᕐᖁᓯᑎᒎᓕᖓᔪᓂᒃ ᓱᖃᑦᓯᐅᑎᓂᒃ ᓄᓇᓕᒻᒥᓂ ᐊᒻᒪᓗ ᓄᓇᒥ, ᑌᒫᓚᑳᖅ

Qualifications:

  • ᐅᖄᒍᓐᓇᑕᖏᑦ: ᐃᓄᑦᑎᑐᑦ ᐊᒻᒪᓗ ᖃᓪᓗᓈᑎᑐᑦ (ᐅᖄᒍᓐᓇᓗᓂ ᐊᒻᒪᓗ ᐊᓪᓚᒍᓐᓇᓗᓂ)
  • ᖃᕆᑕᐅᔭᕈᓐᓇᓗᓂ: word-ᒥᒃ, internet-ᒥᒃ, ᑌᒫᓚᑳᖅ;
  • ᐱᓇᓱᒍᓐᓇᓯᐊᕐᓗᓂ ᑲᑐᑦᔨᖃᑎᒌᓐᓂᑯᑦ;
  • ᐃᓂᓪᓚᖓᑦᓯᐊᕖᖕᖓᕈᓐᓇᓗᓂ;
  • ᓯᕗᒃᑲᑕᕈᓐᓇᓯᐊᕐᓗᓂ ᐊᒻᒪᓗ ᐱᒐᓱᐊᕈᓐᓇᓂᖃᑦᓯᐊᓗᓂ;
  • ᓇᓗᕐᖁᓀᑦᑑᓗᓂ ᐊᒻᒪᓗ ᐃᒻᒥᓂᕐᓱᒍᓐᓇᓯᐊᕐᓗᓂ;
  • ᐃᓄᓕᒫᓂᒃ ᐅᑉᐱᕈᓲᑎᖃᑦᓯᐊᓗᓂ ᐃᓕᑦᓯᒍᓐᓇᓂᖏᓐᓂᒃ ᐊᒻᒪᓗ ᐋᕐᕿᒋᐊᕈᓐᓇᓂᖏᓐᓂᒃ;
  • ᓲᓱᑦᓴᓯᐊᓲᖑᓗᓂ (ᓇᐅᓕᒫᓄᑦ ᐅᖃᔭᕈᑎᖃᕐᐸᒍᓐᓀᓗᓂ ᐊᒻᒪᓗ ᐃᓱᒪᖃᕐᕕᖃᕈᓐᓀᓗᓂ);
  • ᐊᕐᕕᑕᕈᓐᓇᓯᐊᕐᓗᓂ ᐱᔭᕆᐅᕐᓴᑕᐅᒋᐊᕐᑐᓕᕈᓂ ᐊᒻᒪᓗ ᐸᕐᓇᓀᕐᓯᕕᓐᓄᑦ ᐳᓛᕆᐊᑲᓪᓛᕙᓪᓗᓂ

Benefits:

ᐃᓘᓐᓇᖏᓐᓂᒃ ᐱᕙᓪᓕᖁᑎᑖᖑᓲᓂᒃ ᐊᑐᐃᓐᓇᐅᔪᓂᒃ ᐱᓇᓱᑦᑎᓄᑦ ᒪᑭᕝᕕᒥ ᓲᕐᓗ ᐊᓪᓚᑕᐅᓯᒪᒻᒪᑕ ᒪᑭᕝᕕᐅᑉ ᐱᓇᓱᑦᑐᓕᕆᕕᖓᑕ ᒪᓕᒐᖃᕐᑎᓯᒍᑎᒋᑦᓱᒋᑦ ᐊᓪᓚᖁᑎᖏᓐᓂ.


Are you interested in this position?

You can apply by filling in the form below.

You can apply by visiting our website at www.makivik.org/jobs

  • Only applicants selected for an interview will be contacted.