ᓄᓇᕕᒻᒥ ᐃᕐᖃᑐᐃᔨᓕᕆᔪᓂᒃ ᐃᑲᔪᕐᑎᖓᑦ

Job Description:

ᓄᓇᕕᒻᒥ ᐃᕐᖃᑐᐃᔨᓕᕆᓂᕐᒧᑦ ᐃᑲᔪᕐᓯᒪᐅᑏᑦ ᑐᕌᖓᕕᖃᕐᑐᑦ ᒪᑯᓂᖓ:

• ᑫᓪᓗᑐᕐᑕᐅᔪᖃᕐᓗᓂ ᑲᔪᓯᑎᑕᐅᔪᖃᕐᓗᓂᓗ ᐃᓅᓯᕐᑎᒍᑦ ᓭᒪᒍᑎᑦᓴᓂᒃ ᐊᑕᐅᓯᐅᓕᖓᓂᖏᓐᓂᓗ ᓄᓇᓕᐅᑉ ᐃᓗᐊᓂ;
• ᐃᑲᔪᕐᓗᓂ ᐊᐅᓚᑕᐅᔪᖃᕐᑎᓗᒍ ᐃᕐᖃᑐᐃᔨᓕᕆᓂᕐᒥᒃ ᐊᑐᕐᑕᐅᔪᖃᕐᑎᓗᒍ ᐃᓗᕐᕈᓯᕐᑎᒍᑦ ᐊᑐᓕᕐᑎᑕᐅᒪᔪᓂᒃ ᐱᐅᓯᕐᓂᒃ ᐊᒻᒪᓗ ᑲᒪᒋᔭᖃᕐᓗᓂ ᐱᓗᑲᒍᑎᒋᔭᐅᓗᐊᖑᐊᕙᑦᑐᓂᒃ (ᐅᕕᒃᑲᓄᓪᓗ ᐃᓄᒻᒪᕆᓐᓄᓗ);
• ᖃᓄᐃᓕᒍᑎᖃᕐᓗᓂ ᐱᓗᑲᓐᓂᐅᓯᒪᔪᕐᒧᑦ ᐊᐴᒪᐅᑎᒍᑎᓄᓪᓗ ᐃᒣᓕᖓᓂᕐᑎᒍᑦ ᐃᓕᑕᕆᔭᖃᕐᑐᒥᒃ ᐃᓄᐃᑦ ᐃᓗᕐᕈᓯᖓᓂᒃ, ᐃᓪᓕᕆᔭᖏᓐᓂᒃ, ᐱᐅᓯᖏᓐᓂᒃ ᖃᐅᔨᒪᓂᖏᓐᓂᓗ;
• ᐃᓄᐃᑦ ᓄᒃᑭᓴᕐᓗᒋᑦ ᓱᕐᕋᑕᐅᒪᑐᐊᕐᐸᑕ ᐱᓗᑲᓐᓂᒧᑦ ᐊᐴᒪᐅᑎᒍᑎᓄᓪᓘᓃᑦ (ᐱᓗᑲᑦᑕᐅᓂᑯᕐᓂᒃ, ᐃᓚᒌᓂᒃ, ᐱᓗᑲᑦᓯᒪᔪᓂᒃ) ᐃᑲᔪᕈᒪᖃᑦᑕᓗᒋᑦ ᐊᕐᕿᒍᑎᑦᓴᖏᓐᓂᓗ ᕿᓂᖃᑎᒋᓗᒍ ᐱᕈᕐᓭᒍᑎᑦᓴᖏᓐᓄᑦ ᓂᐯᒻᒥᓯᒪᓂᕐᒥᒃ, ᐱᔪᓐᓇᑐᕆᔭᖏᓪᓗ ᐱᕈᕐᓴᓗᒋᑦ ᐊᒻᒪᓗ ᓄᓇᓖᑦ ᐃᓗᐊᓂ ᐊᓐᓂᑌᓕᒪᓂᖃᕐᓂᓴᐅᑎᑦᓯᒐᓱᐊᕐᓂᑯᑦ.

ᑖᒃᑯᐊ ᓄᓇᕕᒻᒥ ᐃᕐᖃᑐᐃᔨᓕᕆᓂᕐᒧᑦ ᐃᑲᔪᕐᓯᒪᐅᑏᑦ ᐊᑖᒍᑦ, 10-ᓂᒃ ᓄᓇᓕᓐᓂ ᐃᕐᖃᑐᐃᔨᓕᕆᔨᐊᐱᓐᓂᒃ ᓄᐃᑕᐅᔪᖃᕐᓯᒪᓕᕐᑐᖅ ᑲᔪᓯᓂᖃᓕᕐᑐᓂᒃ ᐊᒻᒪᓗ ᑐᕃᓐᓇᑐᒃᑯᑦ ᐱᒍᑦᔨᓂᖃᓲᖑᑦᓱᑎᒃ ᐃᓄᓐᓂᒃ ᐊᑦᔨᒋᖏᑐᕐᑎᒍᑦ ᐃᕐᖃᑐᐃᔨᓕᕆᓂᕐᒨᐊᖓᔪᓄᑦ ᑎᒍᔭᐅᒪᔪᓕᕆᓂᕐᓄᓗ. ᓄᓇᓕᓕᒫᓅᓕᖓᔪᓂᒃ ᐱᓇᓱᐊᕐᑐᖃᓲᖑᒻᒥᔪᖅ ᐃᑲᔪᕐᓯᓲᓂᒃ ᑕᒪᑦᓱᒧᖓ ᓄᓇᕕᒻᒥ ᐃᕐᖃᑐᐃᔨᓕᕆᓂᕐᒧᑦ ᐃᑲᔪᕐᓯᒪᐅᑎᖃᕐᓂᒧᑦ. ᒪᑭᕝᕕᑯᑦ ᒪᓐᓇᐅᑎᓪᓗᒍ ᕿᓂᓕᕆᕗᐃᑦ ᓄᓇᕕᒻᒥ ᐃᕐᖃᑐᐃᔨᓕᕆᓂᕐᒧᑦ ᐃᑲᔪᕐᑎᓴᕐᒥᒃ ᐱᓇᓱᐊᖃᑕᐅᓂᐊᕐᑎᓗᒍ ᑕᒪᑦᓱᒧᖓ ᓄᓇᕕᒻᒥ ᐃᕐᖃᑐᐃᔨᓕᕆᓂᕐᒧᑦ ᐃᑲᔪᕐᓯᒪᐅᑎᒧ, ᑖᓐᓇ ᑲᒪᒋᐊᕐᑎᐅᓂᐊᕐᑎᓗᒍ ᑕᐅᓇᓂ ᒪᓐᑐᔨᐊᑉ ᓴᓂᐊᓂ ᓯᓐᑦ-ᔨᕉᒻᒥ ᑎᒍᔭᐅᒪᕕᒻᒥ.

 

ᓇᑯᕐᒦᑐᒍᑦ ᐱᔪᑦᓴᐅᔮᕋᓱᐊᕐᑐᓕᒫᓂᒃ ᑖᑦᓱᒧᖓ ᐃᓂᒧᑦ.
ᓇᓪᓕᑳᕐᑕᐅᔪᐃᑦ ᑭᓯᐊᓂ ᐱᓇᓱᒐᕐᑖᕋᓱᐊᕐᑐᑦ ᐊᐱᕆᔭᐅᒍᒪᓕᕈᑎᒃ ᐅᖄᓚᕕᐅᓂᐊᕐᑐᑦ

ᑐᑭᓯᒋᐊᓪᓚᕈᒪᔪᖃᕐᐸᑦ ᐅᖄᓚᕕᐅᒍᓐᓇᑐᖅ:
ᐹᓪ ᐸᓗᐱᐊᔅᑭ/Paul Palubeskie ᐅᕗᖓ ppalubeskie@makivik.org

Responsibilities:

• ᑐᓴᕐᑎᓯᖃᑦᑕᓗᓂ ᓄᓇᕕᒻᒥᐅᓂᒃ ᑎᒍᔭᐅᒪᔪᓂᒃ ᓯᓐᑦ-ᔨᕉᒻᒥ ᑕᒪᒃᑯᓂᖓ ᐱᑕᖃᕐᑐᓂᒃ ᐃᑲᔪᕐᓯᐅᒪᑎᓂᒃ ᓴᐳᒻᒥᒍᑎᓂᓪᓗ ᐱᒍᑦᔨᒍᑎᓂᓪᓗ ᐊᒻᒪᓗ ᐊᓂᑎᑕᐅᑦᓴᐅᑎᒋᒍᑎᐅᒍᓐᓇᑐᓂᒃ ᐊᒻᒪᓗ ᐊᓪᓗᕆᐊᕈᑎᐅᖃᑦᑕᕆᐊᓕᓐᓄᑦ;
• ᑎᒍᔭᐅᒪᔪᓂᒃ ᓄᓇᕕᒻᒥᐅᓂᒃ ᐃᑲᔪᕈᒪᖃᑦᑕᓗᓂ ᐊᑐᐃᓐᓇᕈᕐᑎᑕᐅᓕᕐᐸᑕ ᓄᓇᓕᖏᓐᓄᑦ ᐅᑎᕐᐸᓕᐊᒍᑎᑦᓴᖏᑦ;
• ᑎᒍᔭᐅᒪᔪᑦ ᓄᓇᕕᒻᒥᐅᑦ ᓴᐳᒻᒥᖃᑦᑕᓗᒋᑦ ᖃᐅᔨᓴᕐᑕᐅᓕᕐᐸᑕ ᐊᓂᑎᑕᐅᑦᓴᐅᑎᒋᔪᑦᓴᐅᒪᖔᑕ;
• ᐃᓄᑑᓈᕐᑎᑎᓗᒋᑦ ᐃᓱᐊᕐᓴᐃᓂᕐᒥᒃ ᓴᐳᒻᒥᓂᕐᒥᓗ ᐊᑑᑎᑎᖃᑦᑕᓗᒋᑦ ᔭᕆᐊᖃᓕᕐᐸᑕ;
• ᑲᑎᒪᓂᖃᕈᓯᖃᕐᑎᖃᑦᑕᓗᒋᑦ ᓄᓇᕕᒻᒥᐅᑦ ᑎᒍᔭᐅᒪᔪᑦ;
• ᓄᓇᕕᒻᒥᐅᑦ ᑎᒍᔭᐅᒪᕕᐅᑉ ᐃᓗᐊᓂ ᐃᓗᕐᕈᓯᕐᑎᒍᕐᑐᓂᒃ ᓱᓇᓱᐊᕐᑎᖃᑦᑕᓗᒋᑦ;
• ᐃᕐᖃᑐᐃᔨᓕᕆᔨᐊᐱᓐᓄ ᐃᓚᐅᔪᐃᑦ ᐳᓛᕆᐊᕐᑎᖃᑦᑕᓗᒋᑦ ᐅᕝᕙᓘᓐᓃᑦ ᐊᓯᐊᒍᑦ ᐃᑲᔪᕐᓯᒍᓐᓇᑐᓂᒃ ᐱᕕᑦᓴᖃᕐᑎᓲᕆᓗᒋᑦ ᑎᒍᔭᐅᒪᕕᒻᒥ ᓄᓇᕕᒻᒥᐅᑦ.

Qualifications:

• ᐃᓕᓐᓂᐊᓯᒪᓂᖃᕆᐊᓕᒃ: ᐳᕐᑐᓂᓕᒻᒥᒃ 5-ᒥᒃ ᐱᔭᕇᕐᓯᒪᓗᓂ;
• ᐅᖃᐅᓯᖃᕆᐊᓕᒃ: ᐃᓄᑦᑎᑐᓪᓗ ᐅᐃᒍᐃᑎᑐᓪᓗ;
• ᖃᐅᔨᒪᓂᖃᕐᓗᓂ ᐃᓅᓯᓕᕆᓂᕐᒥᒃ, ᐃᕐᖃᑐᐃᔨᓕᕆᓂᕐᒥᒃ ᐅᕝᕙᓘᓐᓃᑦ ᑎᒍᔭᐅᒪᔪᓕᕆᓂᕐᒥᒃ;
• ᑲᒪᒋᐊᕈᓐᓇᓯᒪᓲᖑᓗᓂ ᐅᕕᒃᑲᓂᒃ ᐅᕝᕙᓘᓐᓃᑦ ᐃᓄᒻᒪᕆᓐᓂᒃ;
• ᖃᓪᓗᓈᑎᑐᑦ ᐊᓪᓚᒍᓐᓇᓯᐊᕆᐊᓕᒃ;
• ᖃᕆᑕᐅᔭᒥᒃ ᐊᑐᕈᓐᓇᕆᐊᓕᒃ ᒪᑯᓂᖓ: Word, Internet, Excel, ᐊᓯᖏᓐᓂᓗ;
• ᐱᓇᓱᖃᐅᑕᔪᓄᑦ ᐃᓚᐅᖃᑕᐅᒍᓐᓇᓯᐊᕆᐊᓕᒃ;
• ᐊᕐᕿᓱᐃᓯᒪᓂᖃᑦᓯᐊᓗᓂ;
• ᑐᖕᖓᕕᒋᔭᐅᑦᓯᐊᓗᓂᓗ ᐃᒻᓂᕿᒍᓐᓇᓯᐊᕐᓗᓂᓗ;
• ᓲᓱᒋᔭᖃᑦᓯᐊᓲᖑᓗᓂ (ᖃᐅᔨᒪᔭᐅᑦᑌᓕᒪᒋᐊᓕᓐᓄᑦ ᐃᕐᖃᑐᐃᓯᒪᓂᖃᕈᓐᓀᓗᓂᓗ);
• ᐊᐅᓪᓚᑲᑦᑕᖃᑦᑕᓗᓂ ᐃᓕᓐᓂᐊᕆᐊᖃᓕᕈᓂ ᑲᑎᒪᔪᓕᐊᓕᕈᓂᓘᓐᓃᑦ;
• ᐊᑐᕈᓐᓇᓯᐊᕐᑐᒥᒃ ᐊᖁᒍᑎᖃᕐᓗᓂ, ᐊᑐᐃᓐᓇᐅᒍᓐᓇᓲᖑᓗᓂ ᓯᓐᑦ-ᔨᕉᒻᒥ ᑎᒍᔭᐅᒪᕕᖓᓅᕐᐸᓗᓂ.

Benefits:

All marginal benefits available to employees of the Corporation as outlined in the Makivik Corporation Human Resources Policy Manual (i.e. travel, cargo, gas, isolation premium).


Are you interested in this position?

You can apply by filling in the form below.

You can apply by visiting our website at www.makivik.org/jobs

  • Only applicants selected for an interview will be contacted.