ᑲᓚᑑᒨᓕᖓᔪᒧᑦ ᐊᓪᓚᑎ

Job Description:

ᐱᓇᓱᕝᕕᕗᑦ: ᒪᑭᕝᕕᒥ ᐃᕐᖃᑐᐃᓂᓕᕆᓂᕐᒧᑦ ᐊᓪᓚᕕᒻᒥ ᐱᓇᓱᑦᑏᑦ ᐃᑲᔪᓲᒍᕗᑦ ᐊᑦᔨᒌᑦᑎᓯᓂᒃᑯᑦ ᑐᑭᑖᕐᑕᐅᒋᐊᓖᑦ ᐱᒍᑦᔭᐅᒋᐊᖃᓕᕐᒪᑕ ᐃᓄᐃᑦ ᐃᓕᕐᖁᓯᖓᑎᒍᑦ ᑲᒪᒍᓯᖃᕐᓱᑎᒃ ᑐᖕᖓᕕᖃᕐᓱᑎᒃ ᒪᒥᓴᕆᐊᖃᕐᓂᒥᒃ ᐊᑕᐅᓯᐅᑦᑎᑐᑎᒍᑦ, ᐃᓚᒌᑎᒍᑦ ᓄᓇᓕᑎᒍᓪᓗ ᑲᒪᒋᔭᖃᕆᐊᖃᕐᒥᓱᑎᓪᓗ ᐱᕋᔭᓐᓂᓄᑦ ᐱᑦᔪᑕᐅᓲᓂᒃ. ᓄᓇᕕᒻᒥ ᐱᖁᔭᓕᕆᓂᕐᒥᒃ ᐱᒋᐅᕐᓴᓯᒪᔪᑦ ᐱᓇᓱᑦᑏᑦ ᓄᓇᓕᓂᓪᓗ ᐃᕐᖃᑐᐃᓂᓕᕆᓂᕐᒧᑦ ᑲᑎᒪᔩᑦ ᑐᕃᓐᓇᑐᒃᑯᑦ ᐱᒍᑦᔨᓲᒍᕗᑦ ᓄᓇᕕᒻᒥᐅᓂᒃ ᑐᑭᑖᕐᑕᐅᒋᐊᓖᑦ ᐱᒍᑦᔭᐅᒋᐊᖃᓕᕐᒪᑕ ᑎᒍᔭᐅᒪᕕᓕᕆᓃᓪᓗ ᑲᑐᑦᔨᖃᑎᖃᕐᓱᑎᒃ, ᐃᑲᔪᕐᓯᔭᐅᑦᓱᑎᓪᓗ ᓄᓇᓕᓕᒫᓂ ᐃᕐᖃᑐᐃᓂᓕᕆᓂᕐᒧᑦ ᐊᓪᓚᕕᒻᒥ ᐱᓇᓱᑦᑎᓂᒃ.

ᐱᓇᓱᑦᑎᓴᕐᓯᐅᐳᒍᑦ ᑐᓴᕐᑎᓯᒍᑎᓕᐅᕐᑎᓴᒥᒃ (Gladue Report Writer)  ᓄᓇᕕᒻᒥ ᐃᕐᖃᑐᐃᓂᓕᕆᓂᕐᒥᒃ ᐊᐅᓚᑦᓯᔨᓂᒃ ᑐᓴᕐᑎᓯᒍᑎᑦᓴᓂ.ᒃ

ᑐᓴᕐᑎᓯᒍᑎᓕᐅᕐᑎᓴᐅᑉ ᑐᕌᒐᖏᑦ:

  • ᐃᕐᖃᑐᐃᔨᓂᒃ ᑐᓴᕐᑎᓯᒍᑎᓂᒃ ᑐᓂᔨᖃᑦᑕᓗᓂ ᐊᓪᓚᑕᕕᓂᕐᒥᓂᒃ ᐃᓅᓯᖓ ᖃᓄᐃᑦᑑᓯᒪᒻᒪᖔᑦ ᐸᓯᔭᐅᓯᒪᔫᑉ ᐃᕐᖃᑐᕋᑦᓴᖑᕐᑎᑕᐅᓚᐅᕋᓂ. ᑐᓴᕐᑎᓯᒍᑎ ᓇᓗᓀᕐᓯᒍᑎᐅᓚᖓᑎᓪᓗᒍ ᐸᓯᔭᐅᓯᒪᔪᖅ ᑎᒍᔭᐅᖕᖏᖔᕐᓗᓂ ᐊᓯᐊᒍᒑᖅ, ᓄᓇᓕᒻᒥ ᐃᑲᔪᕐᓯᔭᐅᒍᑎᑦᓴᓂᖔᖅ, ᐃᓚᐅᑎᒻᒥᓗᒋᑦ ᐃᓄᓐᓅᓕᖓᔪᑦ ᐃᑲᔪᕐᓯᒍᑎᑦᓭᑦ ᐱᒍᑦᔨᐅᑏᓪᓗ ᐃᑲᔪᕐᓯᒍᑎᐅᒍᓐᓇᑐᑦ ᐸᓯᔭᐅᓯᒪᔫᑉ ᐱᓐᓀᓗᑕᖏᓐᓂᒃ.

Responsibilities:

ᑲᒪᒋᔭᑦᓴᖏᑦ:

  • ᑲᑎᓯᖃᑦᑕᓗᓂ ᐸᓯᔭᐅᓯᒪᔪᒥᒃ ᐊᑐᐃᓐᓇᕈᕐᑎᕆᓂᐊᕐᓗᓂ, ᖃᐅᔨᓴᕐᓂᐊᓗᓂ, ᑐᓴᕐᑎᓯᒍᑎᓕᐅᕐᓂᐊᓗᓂᓗ ᐃᕐᖃᑐᐃᔨᓅᕐᑐᓴᒥᓂᒃ;
  • ᑐᓴᕐᑎᓯᒍᑎᓕᐅᖁᔨᒍᑎᖏᓐᓂᒃ ᓄᓇᕕᒻᒥ ᐃᕐᖃᑐᐃᓂᓕᕆᓂᕐᒥᒃ ᐊᐅᓚᑦᓯᔨᐅᑉ ᐁᑦᑐᑕᐅᖃᑦᑕᕆᐊᓕᒃ;
  • ᑐᓴᐅᒪᖃᑎᒌᑦᑎᓯᓂᐊᕐᓗᓂ ᓄᓇᓕᑐᖃᕐᓂᒃ ᓄᓇᓕᑐᖃᐅᖕᖏᑐᓂᓪᓗ ᐱᓇᓱᑦᑎᓂᒃ / ᐱᒍᑦᔨᕕᓐᓂᓗ ᐊᑐᐃᓐᓇᕈᕐᑎᓯᒪᑦᓯᐊᑐᓂᒃ ᐸᕐᓀᓯᒪᒍᒪᒐᒥ;
  • ᐃᕐᖃᑐᐃᓂᕐᒥᒃ ᐱᓇᓱᑦᑎᓂᒃ ᐱᓇᓱᖃᑎᖃᑦᓯᐊᓂᐊᕐᓗᓂ (ᐃᕐᖃᑐᐃᔨᓂᒃ, ᓴᐳᓐᓂᐊᑎᓂᒃ, ᑐᕿᑖᕐᑎᓯᔨᓂᓪᓗ) ᑐᓴᕐᑎᓯᒍᑎᓕᐅᕐᓂᒥᓂ;
  • ᐊᑐᐃᓐᓇᕈᕐᑎᕆᖃᑦᑕᓂᐊᕐᓗᓂ ᒪᓂᔨᓂᐊᕐᓗᓂᓗ ᑐᓴᕐᑎᓯᒍᑎᓕᒫᓂᒃ ᑭᖕᖒᒪᓇᕐᑐᓂᒃ ᐃᓚᖃᕐᑎᓗᒋᑦ ᑭᑎᑦᓯᒍᑕᐅᓯᒪᔪᓂᒃ ᑐᓴᕐᑎᓯᒍᑎᓂᒃ ᑭᖕᖒᒪᒋᔭᐅᓯᒪᔪᓂᒃ ᓄᓇᕕᒻᒥ ᐃᕐᖃᑐᐃᓂᓕᕆᓂᕐᒥᒃ ᐊᐅᓚᑦᓯᔨᒧᑦ;
  • ᐱᓇᓱᐊᕐᑕᐅᔪᒥᒃ ᑫᓪᓚᑐᐃᒍᑎᖃᖃᑦᑕᓗᓂ ᑲᖐᒋᔭᐅᑎᑦᓯᖃᑦᑕᓗᓂᓗ (ᐃᕐᖃᑐᐃᓂᓕᕆᓂᕐᒥᒃ ᐊᑕᐅᑦᓯᑰᕐᑎᓯᔨᑦ ᐱᒋᐅᕐᓴᔭᐅᓂᖃᓕᕐᐸᑦ ᓄᓇᓕᒥᓪᓗ ᐃᓕᓴᕐᑐᖃᓕᕐᐸᑦ);
  • ᖃᐅᔨᒪᔭᖃᑦᓯᐊᓕᕐᓗᓂ ᓄᓇᓕᒻᒥ ᐃᑲᔪᕐᑕᐅᕕᑦᓴᓂᒃ (ᓄᓇᓕᑐᖃᕐᓂᒃ ᓄᓇᓕᑐᖃᐅᖕᖏᑐᓂᓪᓗ) ᐊᑐᐃᓐᓇᐅᔪᓂᒃ ᐃᓄᓐᓄᑦ ᐱᕋᔭᑦᓯᒪᔪᓄᑦ;
  • ᐊᑐᐃᓐᓇᕈᕐᑎᕆᓗᓂ ᐃᓂᕐᑎᕆᐅᑎᓕᐊᒍᖁᔭᐅᔪᒥᒃ (ᓀᓐᓂᓴᐅᒪᔪᒥᒃ ᑐᓴᕐᑎᓯᒍᑎᓕᐊᕆᒋᐊᓕᖓᑕ) ᐃᕐᖃᑐᐃᔨᒧᑦ, ᑐᑭᑖᕐᑎᕆᔨᒧᑦ, ᓴᐳᓐᓂᐊᑎᒧᓪᓘᓃᑦ, ᓇᓪᓕᖏ ᐊᑑᑎᔭᐅᓯᒪᔪᑦ ᐱᓪᓗᒋᑦ;
  • ᑯᐯᒃᒥ ᓄᓇᕕᒻᒥᓘᓐᓃᑦ ᐊᕐᕕᑕᖃᑦᑕᓗᓂ ᒋᐊᖃᓕᕈᓂ;
  • ᑎᓕᔭᐅᒍᑎᒥᓂᒃ ᐊᓯᖏᓐᓂᒃ ᑐᓴᕋᑦᓴᓕᐅᕐᓂᒨᓕᖓᔪᓂᒃ ᐱᓇᓱᐊᖃᑦᑕᓗᓂ.

Qualifications:

ᐱᒍᓐᓇᐅᑎᒋᒋᐊᓕᖏᑦ ᐱᒍᓐᓇᕆᐊᓕᖏᓪᓗ:

  • ᐃᓕᓐᓂᐊᓯᒪᓂᖓ: ᐳᕐᑐᓂᕐᓴᒥᒃ 5-ᒥᒃ ᐱᔭᕇᕐᓯᒪᓗᓂ;
  • ᐅᖃᐅᓯᖃᕐᓗᓂ: ᐃᓄᒃᑎᑐᑦ ᖃᓪᓗᓈᑎᑐᓪᓗ;
  • ᐱᓇᓱᐊᓕᓂᐅᓗᓂ ᐃᕐᖃᑐᐃᓂᓕᕆᓂᕐᒥᒃ, ᓄᓇᕕᒻᒥᓗᐊᖕᖑᐊᖅ;
  • ᖃᐅᔨᒪᔭᖃᕐᓗᓂ ᐃᓄᓕᕆᓂᕐᒥᒃ, ᐃᕐᖃᑐᐃᓂᓕᕆᓂᕐᒥᒃ ᐅᕝᕙᓘᓐᓃᑦ ᑎᒍᔭᐅᒪᓂᓕᕆᓂᕐᒥᒃ;
  • ᐱᓇᓱᐊᓕᓂᐅᓗᓂ ᑲᒪᖃᑦᑕᓂᕐᒥᒃ ᐅᕕᒐᕐᑐᓂᒃ ᐅᕝᕙᓘᓐᓃᑦ ᐃᓄᒻᒪᕆᓐᓂᒃ;
  • ᖃᓪᓗᓈᑎᑐᑦ ᐊᓪᓚᒍᓐᓇᓯᐊᕐᓗᓂ;
  • ᖃᕆᑕᐅᔭᓕᕆᒍᓐᓇᓗᓂ ᒪᑯᓂᖓ; word, internet, excel, etc.;
  • ᐃᓂᓪᓚᖓᑎᑦᓯᓯᑎᐅᓗᓂ;
  • ᐱᔭᕇᕐᑕᐅᓯᒪᕕᐅᒋᐊᓕᓐᓂᒃ ᐅᓪᓗᓂᒃ ᐊᖑᒪᑦᓯᓯᐊᕐᓗᓂ ᓯᕗᓪᓕᐅᔨᒐᑦᓭᓗ ᐊᓯᑦᔨᒋᐊᖃᕐᐸᑕ ᓴᖑᑎᕆᒍᓐᓇᓯᐊᕐᓗᓂ;
  • ᐱᓇᓱᒋᐊᕐᑐᓯᐊᖃᑦᑕᓗᓂ ᐃᒻᒥᓂᕿᒍᓐᓇᓯᐊᕐᓗᓂᓗ;
  • ᓲᓱᑦᓴᓂᖃᕐᓗᓂ (ᖃᐅᔨᒪᔭᐅᒋᐊᖃᖕᖏᑐᓅᓕᖓᔪᓂᒃ ᐃᕐᖃᑐᐃᓲᒍᒍᓐᓀᓗᓂᓗ);
  • ᐊᕐᕕᑕᖃᑦᑕᕈᓐᓇᓗᓂ ᐱᒋᐅᕐᓴᕆᐊᕐᑐᓗᓂ, ᑲᑎᒪᒋᐊᕐᑐᓗᓂ ᐊᑐᐃᓐᓇᕈᕐᑎᕆᒋᐊᕐᑐᓗᓂᓗ ᑐᓴᕐᑎᓯᒍᑎᓂᒃ;
  • ᐊᑐᐃᓐᓇᐅᓗᓂ ᑎᒍᔭᐅᒪᕕᓕᐊᑲᑦᑕᕆᐊᖃᕐᓂᒧᑦ ᓭᓐ-ᔪᕉᒻᒦᑦᑐᒧᑦ /ᓚᕚᓪᒦᑦᑐᒧᑦ / ᒪᓐᑐᕆᐊᓪᒦᑦᑐᒧᓪᓗ;
  • ᐃᕐᖃᑐᕐᑕᐅᓚᐅᕐᓯᒪᒻᒪᖔᑦ ᖃᐅᔨᒪᒍᑎᓂᒃ ᐳᓖᓯᒃᑯᓂᑦ ᐱᓯᒪᒋᐊᓕᒃ;
  • ᐃᖏᕐᕋᐅᑎᑦᓴᖃᕆᐊᓕᒃ ᐱᓇᓱᕝᕕᒥᓂᑦ ᑎᒍᔭᐅᒪᕕᓐᓄᑦ ᒪᓐᑐᕆᐊ ᓴᓂᐊᓃᑦᑐᓄᑦ ᐁᖃᑦᑕᓕᕈᓂ (ᓄᓇᒃᑰᔫᒃᑯᑦ, ᑖᒃᓯᑯᑦ, uber-ᑯᑦ, ᐸᓯᒃᑯᓘᓐᓃᑦ).

 

Benefits:

ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ


ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.

ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.


Are you interested in this position?

You can apply by filling in the form below.

You can apply by visiting our website at www.makivik.org/jobs

  • Max. file size: 52 MB.
  • Max. file size: 52 MB.
  • Only applicants selected for an interview will be contacted.