Summer
ᐊᓪᓚᑕᖏᑦ ᒍᐃᓕᐋᒻ ᑕᒍᕐᓈᑉ
ᐊᕐᕌᒍᓂ 50-ᓂ ᓴᕐᕿᔮᕐᓂᖃᓕᕐᓂᒥᓂᒃ ᐃᓄᐃᑦ ᑕᐱᕇᑦ ᑲᓇᑕᒥᒃ ᓇᓪᓕᐅᓂᕐᓯᐅᕈᑎᖃᕐᓂᖓᑦ ᐱᒐᔭᕐᑐᓴᐅᓐᓂᖏᓪᓚᖅ ᖃᓪᓗᓈᑦ ᐱᐅᓯᖏᓐᓂᒃ ᐱᐅᓯᕐᑕᑕᐅᒐᓱᓐᓂᖅ ᐊᑑᑎᔭᐅᓚᐅᕐᓂᖏᑐᐊᕐᐸᑦ ᐱᔮᕆᔭᖃᕐᓂᒥᒃ ᐱᐅᓯᑲᕐᓱᑎᒃ ᑲᕙᒪᐅᔪᓪᓗ ᑐᑦᓯᐊᕖᓪᓗ ᑭᒡᒐᑐᕐᑎᖏ ᐱᐅᓯᖃᓚᐅᕐᓂᖏᑉᐸᑕ. ᐃᓄᑐᐃᓐᓀᑦ ᐃᔅᑭᒨᑦ ᖃᑕᖕᖑᑎᒌᓐᓂᒥᒃ ᑭᖕᖒᒪᕐᓂᖓᑦ ᐃᓱᒪᑖᖑᓚᐅᕐᓂᖏᑉᐸ ᓴᕐᕿᑎᑕᐅᓚᕿᓚᐅᕐᓯᒪᓐᓂᖏᑉᐸᑦ ᐊᓂᕐᕋᖃᕐᑎᓯᕕᐅᑦᓱᑎᒃ ᐃᓕᓐᓂᐊᑎᑦᓯᔩᑦ ᓴᕐᕿᓚᐅᕐᓂᖏᑉᐸᑕ, ᐱᓗᐊᕐᑐᒥ ᑰᒃᔪᐊᕌᓗᒻᒥ ᒫᓂᑑᐸᒦᑦᑐᒥ ᐊᒻᒪᓗ ᐃᒡᓗᓕᒑᕐᔪᒥ, ᓄᓇᑦᓯᐊᒥᑦᑐᒥ. ᑖᓐᓇ ᐃᓄᐃᑦ ᑕᐱᕇᑦ ᑲᓇᑕᒥ ᓴᕐᕿᑎᑕᐅᓗᐊᖕᖑᐊᓯᒪᒻᒪᑦ ᐃᓄᑐᐃᓐᓇᓄᑦ ᑖᒃᑯᓇᓂ ᐊᓂᕐᕋᕆᔭᐅᑎᑕᐅᑦᓱᑎᒃ ᐃᓕᓐᓂᐊᑎᑦᓯᕕᐅᓯᒪᔪᓂ ᐃᓕᓐᓂᐊᑎᐅᖃᑦᑕᓂᑯᓄᑦ.
ᓄᓇᕕᒃ ᔪᕆᒍᑎᑦᓴᓕᐊᒻᒪᕆᐊᓘᕗᖅ ᐱᔪᕆᒪᒍᑎᑦᓴᖃᑦᓯᐊᓱᓂᓗ ᓱᕐᕃᓯᒪᓂᖏᑎᒍᑦ ᐃᓄᑐᐃᓐᓇᐅᓱᑎᒃ ᓯᕗᓕᕐᑎᖏᑦ ᐃᑲᔪᕐᓯᓯᒪᒻᒪᕆᒻᒪᑕ ᐃᓄᐃᑦ ᑕᐱᕇᓴᒃᓂᒃ ᑲᓇᑕᒥ ᑭᖑᓂᐊᒍᓪᓗ ᐃᓄᐃᑦ ᑕᐱᕇᑦᑯᓂ ᑲᓇᑕᒥ ᑕᒪᑐᒥᖓ ᐱᓇᓱᐊᕐᓱᑎᒃ ᐊᕐᕌᒍᓂ 50-ᓂ ᐊᓂᒍᕐᑐᓂ. ᓄᓇᕕᐅᑉ ᓯᕗᓕᕐᑎᖏᑦ ᐳᕿᐊᓇᖕᖏᓚᕆᒻᒪᑕ ᐊᖏᔪᒻᒪᕆᒻᒥᒃ ᐃᓚᐅᓯᒪᓂᖃᕆᐊᖏᑦ ᐊᖏᔪᒻᒪᕆᒻᒥᓗ ᐊᐅᓚᑦᓯᓯᒪᑦᓱᑎᒃ ᐃᓄᑐᐃᓐᓇᑎᒍᑦ ᐱᕙᓪᓕᐊᓂᖃᕐᓂᑎᓐᓂᒃ ᑲᓇᑕᒥ ᑕᒪᓐᓇ ᐱᔪᖃᕋᔭᕐᓯᒪᕐᖂᖏᒻᒪᑦ ᓄᓇᕕᐅᑉ ᐃᓄᑐᐃᓐᓇᖏᑦ ᐱᒐᓱᑦᓯᒪᖕᖏᑐᐊᕐᐸᑕ. ᓴᕐᕿᓂᖏᑦ ᐃᓄᐃᑦ ᑕᐱᕇᑦᓴᑦ ᑲᓇᑕᒥᒃᑯᑦ 1972-ᖑᑎᓪᓗᒍ ᐊᒻᒪ ᐃᓂᓪᓚᑕᐅᓂᖏᑦ ᐊᓯᖏᑕ ᑲᓇᑕᒥ ᓄᓇᓕᑐᖃᐅᔪᑦ ᐱᓇᓱᒐᖃᕐᕕᖁᑎᖏᑦ ᓲᕐᓗ ᐋᕐᕿᓱᒐᐅᑉ ᐃᓚᒋᑦᓱᓂᒋᑦ ᐊᓯᐅᒪᔨᔭᑐᑦ ᐱᓚᐅᔪᕗᑦ ᑲᓇᑕᐅᑉ ᐅᓪᓗᒥᐅᓕᕐᑐᖅ ᐱᐅᓯᕆᓕᕐᑕᖓ ᓴᕐᕿᕙᓪᓕᐊᑎᓪᓗᒍ. ᑕᒪᒃᑯᐊ ᑐᓂᕐᕈᑎᒋᓐᓂᖏᑦᑕᖏᑦ ᑲᕙᒪᑐᖃᒃᑯᑦ ᐃᓱᒪᑕᕆᔭᐅᓯᒪᖔᕐᒪᑕᓕ ᐃᓄᑐᐃᓐᓇᓄᑦ, ᓄᓇᖃᕐᖃᓯᒪᔪᓄᑦ ᐊᒻᒪᓗ ᐊᓪᓚᖓᔪᓄᑦ, ᑲᓇᑕᓕ ᓇᑯᕆᔭᖃᕆᐊᖃᕐᐳᖅ ᑌᒣᓯᒪᓂᖏᓐᓂᒃ.
ᑌᑲᖕᖓᑦ ᐱᕙᓪᓕ ᐊᓯᒪᓂᑎᒍᑦ ᓯᕗᓪᓕᐹᖑᓚᐅᕐᓯᒪᔪᒥᑦ ᐃᓄᑐᐃᓐᓀᑦ ᓄᓇᑦᓯ ᐊᒥᐅᑦ, ᑯᐯᒃ ᑕᕐᕋᖓᓂᒥᐅᑦ ᐊᒻᒪᓗ ᓛᐸᑐ ᐊᕐᒥᐅᑦ ᑲᑎᖕᖓᓂᖃᕆ- ᐊᖕᖓᐅᑎᒋᓚᐅᕐᓯᔭᖓᓂᑦ ᐹᖕᓂᕐᑑᒥ 1971-ᖑᑎᓪᓗᒍ ᐅᖃᖃᑎᒌᕝᕕᐅᒋ-ᐊᖕᖓᓯᒪᔪᒥ ᓲᕐᓗ ᖃᑕᖕᖑᑎᒌᑎᑐᑦ ᑲᓇᑕᒥᐅᓄᑦ ᐃᓄᑐᐃᓐᓇᑦ ᐊᑕᐅᓯᕐᒥᒃ ᓂᐱᖃᕐᕕᐅᓯᓚᐅᕐᓯᒪᑦᓱᓂ ᐅᓪᓗᒥᒧᑦ ᑲᑎᖕᖓᓯᓂᐅᕙᓕᕐᑐᓄᑦ ᑲᕙᒪᑐᖃᒃᑯᑦ ᐊᖓᔪᕐᖄᖓᓐᓂᒃ ᐊᕐᖁᑎᒋᑦᓱᒋᑦ ᐃᓄᑐᐃᓐᓀᓗ-ᑲᕙᒪᐅᔫᓪᓗ ᐱᓇᓱᖃᑎᒌᒍᑎᖃᕐᓂᒥᒃ ᑲᑎᖕᖓᔨᖏᑦ, ᓄᓇᕕᒃ ᓯᕗᒃᑲᑕᕐᓯᒪᕗᖅ ᑐᑭᑖᕐᑐᐃᒍ-ᑎᐅᖃᑦᑕᓯᒪᓕᕐᑐᓂᒃ. ᓄᓇᓕᑐᙯᑦ ᐱᔪᓐᓇᐅᑎᖏᑦ ᑲᓇᑕᒥ ᐱᖁᔭᕐᔪ ᐊᑎᒍᑦ ᓇᓗᓀᕐᑕᐅᓂᖏᓐᓂᑦ ᐱᒋ ᐊᕐᓱᑎᒃ ᑎᑭᐅᑎᑦᓱᒍ ᒥ ᐊᔨ ᓭᒪᓐ ᓄᓇᓕᑐᖃᐅᑦᓱᓂ ᓯᕗᓪᓕᐹᖑᑦᓱᓂ ᑲᓇᑕᒥ ᐊᑕᓂ ᐊᓘᑉ ᑭᒡᒐᑖᖑᓂᖓ ᑎᑭᑦᓱᒍ, ᑕᒪᒃᑯ ᐊ ᐃᓘᓐᓇᑎᒃ ᐊᑑᑎᓂᖃᕐᓯᒪᓕᕐᖁᑦ ᐊᑦᓱᕈᕐᓱᑎᒃ ᐱᓇᓱᖃᑦᑕᓱᖑᒻᒪᑕ ᓄᓇᕕᒻᒥᐅᑦ ᑲᓇᑕᓕᒫᒥᑦ ᑕᐅᑐᑦᑕᐅᓂᖃᕐᐸᓱᑎᒃ ᐱᒐᓱ ᐊᒻᒪᕆᑦᑎᓗᒋᑦ.
ᑌᒣᒻᒪᑦ ᓇᓪᓕᐅᑎᒍᑦᔭᐅᓕᕐᑎᓗᑕ ᑲᓇᑕᒥ ᐃᓄᑐᐃᓐᓇᐅᖃᑎᒌᑎᒍᑦ ᐱᓇᓱᒐᖃᕐᕕᖁᑎᑦᑕ ᓴᕐᕿᔮᕐᓂᖓᓂᒃ ᓇᓪᓕᐅᓂᕐᓯᐅᕈᑎᖃᕐᓂᑎᓄᑦ, ᓄᓇᕕᒻᒥ-ᐅᑎᒍᑦ ᐅᐱᒍᓱᓐᓂᖃᓚᐅᕐᑕ ᐊᖏᔪᒥᒃ ᐱᔭᖃᕐᓯᒪᓂᑦᑎᓂᒃ.
ᒍᐃᓕᐋᒻ ᑕᒍᕐᓈᖅ ᐃᓚᐅᓚᐅᕐᓯᒪᕗᖅ 1971-ᒥ ᐱᕙᓪᓕᐊᓯᒪᔪᑎᒍᑦ ᐊᖏᔪᒻᒪᕆᐅᓚᖓᔪᒥᒃ ᐱᓂᐊᕐᓂᖃᓕᕐᑎᓗᒋᑦ ᐃᓄᑐᐃᓐᓀᑦ ᓯᕗᓪᓕᐹᒥ ᑲᑎᖕᖓᓂᖃᓂᖓᓐᓄᑦ ᐹᖕᓂᕐᑑᖅ, ᓄᓇᕗᑦᒥ. 1972-ᒥᓗ ᓯᕗᓪᓕᐹᒥᒃ ᐊᕐᕌᒍᑕᒫᕐᓯᐅᑎᐅᕙᓐᓂᐊᓕᕐᑐᒥᒃ ᐃᓗᓐᓀᓂᒃ ᑲᑎᖕᖓᑎᑦᓯᓂᕐᒧᑦ ᐃᓚᐅᓯᒪᒻᒥᓱᓂ ᐃᓄᐃᑦ ᑕᐱᕇᑦᓴᑦ ᑲᓇᑕᒥᒃᑯᑦ ᑲᑎᖕᖓᓂᖃᕆᐅᓕᕐᑎᓗᒋᑦ ᖃᒪᓂᕐᑐᐊᖅ, ᓄᓇᕗᑦᒥ, ᐃᓚᐅᕕᒋᓚᐅᕐᓯᒪᒻᒥᔭᒥᓂ ᓲᕐᓗ ᐅᕕᒃᑲᐅᓱᓂ ᑐᓴᕋᑦᓴᓂᐊᕐᑎᐅᓕᕐᓱᓂ.
