2021

ᐊᓪᓚᑕᖏᑦ ᓯᑏᕙᓐ ᕿᐊᓐᑐᕆᐅᑉ

ᐊᓪᓕᕇᕐᑐᓂ, ᔫᓂ 14, 2021-ᒥ, ᑖᓐᓇ ᐅᓪᓗᖅ ᐱᒻᒪᕆᐅᓚᐅᔪᕗᖅ ᐅᔮᐱ ᒍᐊᑦᒧᑦ. ᐃᓚᐅᓚᐅᔪᒐᒥ ᖃᕆᑕᐅᔭᑎᒍᑦ ᑐᓴᕐᑎᓯᒍᑎᖃᕐᓂᒥᒃ ᑲᑎᖕᖓᒍᑎᖃᕐᑎᓗᒋᑦ ᑐᓴᕐᑕᐅᑎᑦᓯᓱᑎᒃ ᓄᑖᒥᒃ ᑲᓇᑕᒥ ᐊᓪᓚᕕᒋᔭᐅᓚᖓᓕᕐᑐᒥᒃ ᑲᑎᖕᖓᔨᐅᓯᔪᓄᑦ ᓄᓇᓕᑐᙯᑦ ᐅᖃᐅᓯᖏᓐᓅᓕᖓᔪᓄᑦ. ᐅᔮᐱ ᐊᑦᓯᕌᕐᑕᐅᖃᑕᐅᓚᐅᔪᕗᖅ ᐱᖓᔪᒋᔭᐅᓚᖓᓕᕐᑎᓗᒍ ᑐᑭᒧᐊᑦᑎᓯᔨᓄᑦ, ᐃᓚᒋᔭᐅᓯᓗᓂ ᑲᑎᖕᖓᔨᓄᑦ, ᐅᑯᓄᖓ ᕌᓄᓪ ᐃ. ᐃᒃᓈᔅ, ᐊᒻᒪᓗ ᑐᑭᒧᐊᑦᑎᓯᔨᐅᖃᑎᒋᓯᔭᒥᓄᑦ ᔪᐊᑦᔩᓇ ᓕᐳᑎ, ᐊᒻᒪᓗ ᔫᐅᓐ ᑯᔨᐁᔅ.

ᐅᖃᐅᓯᖃᓚᐅᕐᑎᓗᒍᓂ ᑲᓇᑕᒥ ᕿᒻᒪᖁᑎᑦᓴᓕᕆᓂᕐᓄᑦ ᑐᕐᖃᑕᕐᕕᒃ ᓯᑏᕙᓐ ᔨᐴ, ᐊᒻᒪᓗ ᑲᑎᖕᖓᔨ ᐃᒃᓈᔅ, ᐅᔮᐱ ᐃᓄᒃᑎᑐᑦ ᑭᓯᐊᓂ ᐅᖄᑦᓱᓂ ᐅᖃᓚᐅᔪᕗᖅ ᐃᒫᒃ. “ᐅᖃᐅᓰᑦ ᐃᓘᓐᓇᑎᒃ ᑕᒫᓂ ᓯᓚᕐᔪᐊᒥ ᐊᑦᔨᖃᕋᑎᒃ ᐃᓪᓕᓇᕐᑐᒪᕆᐅᕗᑦ. ᑕᒪᓐᓇ ᐃᓱᒪᒋᑦᓯᐊᓗᒍ ᑎᒍᒥᐊᕐᓚᕗᑦ ᐊᑦᔨᒌᖕᖏᓂᖏᑦ” ᐱᓇᓱᐊᕈᓯᓕᒫᖅ ᓈᑎᓪᓗᒍ, ᐊᐱᕐᓱᑕᐅᓂᖃᕐᓱᓂ, ᐃᒫᒃ ᐅᖃᓕᓚᐅᔪᒻᒥᔪᖅ ᖃᐅᔨᒪᔪᕕᓂᐅᓂᕋᕐᓱᓂ ᐃᓄᒃᑎᑐᑦ ᐅᖃᐅᓯᖅ ᐅᖃᐅᓯᑐᐊᖑᒋᐊᖓ ᐅᖃᐅᓯᐅᑉ ᐁᑉᐹᓄᑦ ᓄᑦᑎᑕᐅᓂᖃᕈᓐᓇᓱᓂ ᑌᒣᒻᒪᑦ ᐱᕕᓕᒫᒥᒍᑦ ᑕᒪᑐᒥᖓ ᐊᑑᑎᓯᒪᔭᖃᕐᐳᖅ.

ᐊᐱᕐᓱᑕᐅᒍᑎᖃᕐᓱᓂ ᖃᓄᖅ ᐅᖃᐅᓯᖃᕐᒪᖔᑦ ᖃᓄᐃᖕᖏᓯᐊᕐᓂ-ᖏᓐᓅᓕᖓᔪᓂᒃ ᐃᓄᒃᑎᑐᑦ ᐅᖃᐅᓯᐅᑉ ᐊᓯᒥᑕ ᓄᓇᓕᑐᖃᐅᔪᑦ ᐅᖃᐅᓯᖏᑦᑕ ᓴᓂᐊᓐᓂ ᐅᔮᐱ ᐃᔪᕐᓱᓂ ᐃᒫᒃ ᐅᖃᓚᐅᔪᕗᖅ, “ᐊᓯᖏᓐᓃᒃ ᑭᖕᖒᒪᑦᓯᒋᕕᑕ! ᐊᑦᔨᒌᓐᓂᖄᐱᑦᔭᖏᓪᓚᒍᑦ! ᐅᓂᒃᑲᑐᐊᓚᐅᔪᕗᕐᓗ ᓄᐃᑦᓯᕙᓪᓕᐊᖃᑕᐅᓯᒪᓂᕐᒥᓂᒃ ᐊᑕᐅᓯᐅᓕᑎᕆᒍᑎᐅᓇᓱᑦᑐᓂᒃ ᐊᓪᓚᒍᓯᕐᒥᒃ — ᐃᓄᒃᑐᑦ ᖃᓕᐅᔮᕐᐯᓂᒃ — ᐃᓄᐃᑦ ᑕᐱᕇᑦ ᑲᓇᑕᒥ ᓯᕗᓕᓚᐅᔪᔭᖏᓐᓂᒃ, ᐅᖃᓚᐅᔪᕗᕐᓗ ᐱᔭᕆᐊᑐᔪᒻᒪᕆᐅᑦᓱᓂ ᐱᓇᓱᒐᐅᓚᐅᔪᒋᐊᖓ. “ᐃᓄᐃᑦ ᑕᐱᕇᑦ ᑲᓇᑕᒥ ᓴᕐᕿᑎᑦᓯᒐᓱᑐᐃᓐᓇᓯᒪᓚᐅᔪᒋᐊᖏᑦ ᐱᐅᓯᐅᒐᔭᕐᑐᒥᒃ ᐊᒥᕐᖃᖃᑎᒌᒍᑎᐅᕙᓪᓗᓂ ᑐᑭᓯᒪᒍᑎᑦᓴᓂᒃ ᑲᓇᑕᓕᒫᒥ ᓈᓗᒋᑦ ᓄᓇᖁᑕᐅᓈᕐᑎᑐᑦ, ᐱᕕᑦᓴᖃᕐᕕᓴᐅᓗᑎᒃ ᐃᓘᓐᓀᓄᑦ ᐊᑐᕐᑕᐅᒍᓐᓇᓗᑎᒃ. ᑌᒣᒻᒪᑦ ᓴᒃᑯᐃᓂᖃᖃᑦᑕᕆᐊᖃᕐᑐᖅ. ᐅᖃᐅᓯᖅ ᑭᓇᐅᓂᑦᑎᓄᑦ ᐱᑐᑦᓯᒪᑦᓯᐊᒪᑦ.”

ᐅᔮᐱ ᐅᖃᓚᐅᔪᔪᖅ ᐱᔭᑦᓴᖁᑎᒥᓂᒃ ᐃᓚᐅᓂᕐᒥᒍᑦ ᐊᓪᓚᕕᒻᒧᑦ ᐃᓕᖓᔪᒧᑦ ᑲᑎᖕᖓᔨᐅᒍᑎᓕᓐᓄᑦ ᓄᓇᓕᑐᙯᑦ ᐅᖃᐅᓯᖏᓐᓂᒃ ᑐᑭᒧᐊᑦᑎᓯᔨᐅᖃᑕᐅᓂᕐᒥᓂᒃ ᐃᑲᔪᕐᓯᒍᑎᖃᕈᒪᑦᓱᓂ ᐃᓄᐃᑦ ᑕᐱᕇᑦ ᑲᓇᑕᒥ ᐃᕐᐸᑎᕆᒍᑎᖃᕐᑎᓗᒍ ᐅᖃᕐᓯᒪᔭᒥᓂᒃ ᐃᓕᖓᑎᓪᓗᒋᑦ ᐊᑦᔨᒌᒥᒃ ᐊᓪᓚᒍᓯᓕᐅᕐᓂᒥᒃ. “ᑕᒪᓐᓇ ᑌᒃᑯᓂᖓ ᖁᕝᕙᑎᕆᒍᑎᒋᓗᒍ, ᓴᐳᒻᒥᒍᑎᒋᓗᒍᓗ, ᓱᕐᖁᐃᑐᒥᓪᓗ ᐃᓄᓕᒫᑦ ᖃᐅᔨᒪᖁᓪᓗᒋᑦ, ‘ᐁ, ᑕᒪᓐᓇᑕᒐ ᐱᓇᓱᐊᕐᑕᐅᔪᖅ ᑕᒫᓂ.’”

ᐊᓪᓚᕕᒃ ᐃᓕᖓᔪᖅ ᑲᑎᖕᖓᔨᐅᒍᑎᓕᓐᓄᑦ ᓄᓇᓕᑐᙯᑦ ᐅᖃᐅᓯᖏᓐᓂᒃ ᓴᕐᕿᑎᑕᐅᒍᑎᖃᕐᓯᒪᕗᖅ ᑲᓇᑕᒥ ᓄᓇᓕᑐᙯᑦ ᐅᖃᐅᓯᖏᑦᑕ ᐱᖁᔭᖏᓐᓂᒃ. ᐊᓪᓚᕕᒃ ᐃᖏᕐᕋᑎᑕᐅᓂᖃᓚᖓᔪᖅ ᐃᒻᒥᒎᕐᓗᓂ ᐊᐅᓚᑕᐅᓂᖃᕈᓐᓀᓗᓂ ᑲᓇᑕᐅᑉ ᑲᕙᒪᖓᓄᑦ ᑲᕙᒪᑐᖃᕐᒧᑦ ᐊᒻᒪᓗ ᓴᐳᑦᔨᓯᒪᑦᓱᓂ ᐱᒐᓱᑦᑕᐅᔪᓂᒃ ᐅᑎᕐᑎᓯᓂᕐᒥᒃ, ᐱᑦᓴᕈᐃᒋᐊᓪᓚᓂᕐᒥᒃ, ᑲᔪᓯᑎᑦᓯᓂᕐᒥᒃ ᐊᒻᒪᓗ ᓄᑭᑖᕆᒋᐊᕐᓂᒥᒃ ᓄᓇᓕᑐᙯᑦ ᐅᖃᐅᓯᖏᓐᓂᒃ. ᖁᕝᕙᑎᕆᓂᖃᖃᑦᑕᓚᖓᒻᒥᓱᓂᓗ ᐃᓄᓕᒫᑦ ᐃᑉᐱᒋᔭᖃᑦᓯᐊᕈᑎᑦᓴᖏᓐᓂᒃ ᓄᓇᓕᑐᙯᑦ ᐅᖃᐅᓯᖏᓐᓂᒃ, ᐱᓇᓱᖃᑦᑕᓗᓂᓗ ᖃᐅᔨᓴᕐᓂᒥᒃ ᐱᑕᖃᕐᑎᓯᒍᑎᐅᒍᓐᓇᑐᓂᒃ ᑮᓇᐅᔭᕐᑐᕈᑎᑦᓴᓂᒃ ᐱᓇᓱᑦᑕᐅᒍᑎᖏᑦᑕ ᓄᓇᓕᑐᖃᐅᔪᑦ ᐅᖃᐅᓯᖏᑕ ᑲᓇᑕᒥ. ᐱᑕᖃᕐᑎᓯᖃᑦᑕᓚᖓᒻᒥᓱᓂᓗ ᓈᒻᒪᒋᐅ-ᑎᖕᖏᓕᕐᑐᑦ ᐋᕐᕿᒍᑎᑦᓴᖏᓐᓂᒃ ᐱᑦᔪᔨᒍᑎᖃᕈᑎᓂᒃ ᐊᒻᒪᓗ ᕿᒥᕐᕈᖃᑦᑕᓗᑎᒃ ᓇᑯᐃᓪᓕᐅᕈᑎᐅᓕᕐᑐᓂᒃ.

ᐅᔮᐱ ᖁᕕᐊᒋᔭᖃᒻᒪᕆᑦᑐᖅ ᐱᓇᓱᒐᕐᑕᕆᕐᖃᒥᕐᒥᓂᒃ ᑐᓴᕐᓴᐅᒍᑎᒋᓚᐅᔪᕚᓗ ᓂᐱᕆᑦᑐᒥᒃ ᑐᑭᓯᓇᑦᓯᐊᑐᒥᓪᓗ. ᐅᖃᓚᐅᔪᕗᕐᓗ ᐃᒣᓕᑦᓱᓂ ᑕᒪᓐᓇ ᐱᕙᓪᓕᐊᓯᓚ-ᐅᔪᔪᖅ ᑖᑦᓱᒥᖓ ᐱᓇᓱᒐᕐᒥᒃ ᐊᐱᕐᓱᑕᐅᒍᑎᖃᕐᓱᖓ ᐱᒋᐊᕐᖃᒥᐅᑎᓪᓗᒍ 2021. “ᑐᑭᑖᓚᐅᔪᒐᒪ ᐱᒐᓱᒻᒪᕆᒍᑎᖃᕐᓂᐊᓕᕐᓱᖓ! ᑖᓐᓇ ᐱᕕᑦᓴᓯᐊᒻᒪᕆᐅᓕᕐᒪᑦ ᓭᒻᒪᖃᑎᒌᓐᓂᖃᕐᓂᒧᑦ. ᓴᕐᕿᑎᑦᓯᖃᑎᒌᓕᕐᑕ ᐊᖏᔪᒥᒃ ᑲᑎᖕᖓᕕᑦᓴᒥᒃ, ᓲᕐᓗ ᐅᖃᐅᓯᐅᑉ ᐃᓂᓪᓚᖓᕕᑦᓴᖓᓂᒃ ᑕᒫᓂ ᐋᑐᒑᒥ. ᑕᒪᓐᓇ ᐱᒐᓱᕝᕕᓴᑦᓯᐊᖑᓕᕐᒪᑦ ᓲᕐᓗ ᖃᐅᒻᒥᔮᕐᓂᓴᑦᑎᓄᑦ, ᑕᑯᑦᓴᐅᑎᑦᓯᓂᑦᓴᑎᓐᓄ ᐅᖃᐅᓯᑦᑎᓂᒃ. ᐃᓄᐃᑦ ᑐᓵᓕᕐᓕᑦ ᐅᖃᐅᓯᑦᑎᓂᒃ ᑕᑯᓐᓇᓕᕐᓗᒍᓗ. ᐃᓂᐅᓗᓂ ᐅᖃᐅᓯᐅᑉ ᐁᑉᐹᓄᑦ ᓄᑦᑎᕆᔨᓄᓪᓗ ᑐᓵᔨᓄᓪᓗ ᐅᐸᑦᑕᐅᒍᓐᓇᓗᓂ. ᐃᒻᒪᖄ ᐃᓄᓕᒫᓄᓕᖓᓗᓂᓗ-ᐃᓓᓐᓇᓅᓕᖓᓗᓂᓗ ᐱᓇᓱᖃᑎᒌᒍᑎᐅᒍᓐᓇᑐᖅ, ᐃᓚᐅᒍᓐᓇᓴᒻᒪᕆᑦᑐᓴᐅᔪᑦ ᐃᓕᓐᓂᐊᕕᕐᔪᐊᑦ.”

ᐃᓱᒪᒋᑦᓱᒋᑦ ᑕᑯᑦᓱᒋᓪᓗ ᐅᔮᐱᐅᑉ ᐱᓇᓱᒐᕐᑎᒍᑦ ᐱᕙᓪᓕᐊᓯᒪᓂᖏᑦ ᑖᓐᓇ ᐱᓇᓱᒐᕐᑖᖓ ᓲᕐᓗ ᐊᒃᒐᔮᑎᑐᑦ ᓈᒻᒪᓯᐊᕐᓂᓕᒃ. ᖃᒻᒥᑯᑦ ᐊᖓᔪᕐᖃᖑᓚᐅᔪᒻᒥᒪᑦ ᑭᒡᒐᑐᕐᑎᒋᔭᐅᑦᓱᓂᓗ ᑲᑎᕕᒃ ᐃᓕᓴᕐᓂᓕᕆᕕᒻᒥ, ᑕᒃᑲᓂ ᐃᓂᒋᓚᐅᔪᔭᒥᓂ ᑐᕃᓐᓇᑐᒥᒃ ᓄᑭᑖᕆᒋᐊᕐᓂᖃᓚᐅᔪᕗᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐊᕐᖁᑎᒋᑦᓱᒋᑦ ᐃᓕᓭᒍᑎᓕᐊᑦ. ᐊᖓᔪᕐᖄᖑᓯᒪᒻᒥᓱᓂᓗ ᐊᕙᑕᖅ ᐱᐅᓯᑐᖃᓕᕆᕕᒻᒥ ᓄᐃᑦᓯ-ᕕᒋᓚᐅᕐᓯᒪᔭᒥᓂ ᐃᓄᑐᐃᓐᓀᑦ ᑏᖏᓐᓂᒃ, ᐱᓇᓱᑦᓯᒪᔭᒥᓂᒃ ᐱᔪᕆᒪᐅ-ᑎᒋᒻᒪᕆᑦᓱᒍ ᓴᓇᒻᒪᖃᕐᓯᒪᒻᒥᒪᑦ ᓴᐳᑦᔨᔪᓂᒃ ᐃᓄᑐᐃᓐᓀᑦ ᐃᓗᕐᖁᓯᖓᓂᓪᓗ ᐅᖃᐅᓯᖓᓐᓂᓗ.

ᐃᓄᒃᑎᑐᑦ ᐅᖃᐅᓯᕐᒥᒃ ᓄᑭᑖᕆᒋᐊᕆᓂᐅᑉ ᑭᓪᓕᐊᓂ, ᐱᑕᖃᕆᕗᑦ ᐊᑦᔨᒌᖕᖏ-ᑐᓂᖃᕐᓃᑦ ᓄᓇᖃᕐᕕᐅᔪᑎᒍᑦ. ᑌᒪᓕ ᐃᓄᒃᑎᑐᑦ ᐅᖃᐅᓯᖅ ᓴᕐᕿᔮᕐᓂ ᖃᑦᓯᐊᓱᓂ ᖃᓄᐃᖕᖏᓯᐊᕐᑐᒐᓗᐊᖅ ᓄᓇᕕᒥ, ᐊᒻᒪᓗ ᓄᓇᕗᑦᒥ, ᐱᓇᓱᑦᑕᐅᒋᐊᖃᕐᒥᒪᑦ ᐱᕙᓪᓕᐊᓂᖃᕐᑎᑕᐅᒋᐊᓪᓚᒋᐊᖃᕐᓂᖓ ᐃᓄᒃᑎᑐᑦ ᐅᖃᐅᓯᖅ ᓄᓇᑦᓯᐊᕗᑦᒥᓗ ᐊᒻᒪᓗ ᐃᓄᕕᐊᓗᐃᑦ ᓄᓇᖁᑎᖓᓐᓂ.

ᖃᕆᑕᐅᔭᒥᑦ ᐊᑦᔨᖑᐊᓕᐊᕕᓂᖅ ᖃᕆᑕᐅᔭᑎᒍᑦ ᑐᓴᕋᑦᓴᓂᐅᑎᑎᒍᓪᓗ ᑲᑎᖕᖓᓱᑎᒃ ᑐᓴᕐᑕᐅᑎᑦᓯᓂᖃᕐᑎᓗᒋᑦ ᓄᑖᒥᒃ ᑲᓇᑕᒥ ᐊᓪᓚᕕᐅᓚᖓᓕᕐᑐᒥᒃ ᑲᑎᖕᖓᔨᖏᓐᓄᑦ ᓄᓇᓕᑐᙯᑦ ᐅᖃᐅᓯᖏᓐᓅᓕᖓᔪᓄᑦ.

“ᐃᓱᒪᔪᖓ ᐊᓪᓚᓯᒪᔪᖕᖑᐃᒍᑎᖃᕐᑐᓴᐅᒋᐊᒥᒃ ᖃᓄᐃᓘᕐᓂᐅᓕᕐᑐᓂᒃ,” ᐅᖃᕐᑐᖅ ᐅᔮᐱ. “ᑭᓇᒃᑯᓗ ᓱᓇᓱᐊᕐᒪᖔᑕ, ᑭᓯᑦᓯᐊᓗᒋᑦ, ᑌᒣᓗᕇᕈᒪᓗ, ᐊᐱᕐᓱᕈᑎᖃᓯᒻᒥᓗᖓ ᖃᓄᒋᐊᓪᓚᒃ ᐃᑲᔪᕐᓯᒍᑎᖃᕐᑐᓴᐅᒻᒪᖔᕐᒪ? ᖃᓄᐃᓘᕐᓗᑖ ᓱᕐᖁᐃᑐᒥᒃ ᑐᕌᕐᑕᑎᓐᓄᑦ ᑎᑭᐅᑎᑎᒐᔭᕐᐸᑎᒋᑦ?”

ᑲᓇᑕᒥ ᐊᓪᓚᕕᒋᔭᐅᓚᖓᓕᕐᑐᖅ ᑲᑎᖕᖓᔨᐅᕕᐅᓗᓂ ᓄᓇᓕᑐᙯᑦ ᐅᖃᐅᓯᖏᓐᓅᓕᖓᔪᓄᑦ ᐊᑦᑕᓇᖕᖏᑐᓂᒃ ᑮᓇᐅᔭᑎᒍᑦ ᑐᕌᒐᖃᓚᖓᕗᖅ ᐱᔭᖃᕈ-ᑎᒋᓛᕐᑕᒥᓂᒃ ᑐᕌᕐᑕᒥᓂᒃ. ᒪᕐᕈᐃᓕᖓᔪᓂᒃ ᑮᓇᐅᔭᖃᕐᑎᑕᐅᕕᖃᓚᖓᔪᖅ – ᐊᕐᕌᒍᑕᒫᑦ ᑮᓇᐅᔭᓂᒃ ᑎᑭᐅᑎᔪᓂᒃ $6.6-ᒥᓕᐋᓐᓄᑦ ᑮᓇᐅᔭᕐᓯᔭᐅᖃᑦᑕᓗᓂ ᐃᖏᕐᕋᑎᑦᓯᒍᑎᒋᓂᐊᕐᑕᒥᓂᒃ, ᐊᒻᒪᓗ $30-ᒥᓕᐋᓐᓄᑦ ᑎᑭᐅᑎᔪᓂᒃ ᐊᕐᕌᒍᑕᒫᑦ ᑮᓇᐅᔭᖃᕐᑎᑕᐅᒍᑎᖃᖃᑦᑕᓗᓂ ᓴᐳᒻᒥᒍᑎᑦᓴᒥᓂᒃ ᓄᓇᓕᑐᙯᑦ ᓄᓇᓕᖏᓐᓂᒃ, ᐱᓇᓱᒐᖃᕐᕕᖁᑎᖏᓐᓂᒃ ᐊᒻᒪᓗ ᑲᕙᒪᖏᑕ ᖃᐅᔨᓴᕈᑎᑦᓴᖏᓐᓂᒃ, ᐊᓯᑦᔨᑎᕆᓂᕐᓄᑦ ᐊᒻᒪᓗ ᓄᑖᓂᒃ ᐱᓪᓗᑯᒋᐊᓕᑎᒍᑦ ᐱᓇᓱᒍᑎᓂᒃ ᐊᑐᕈᑎᓄᑦ. ᑕᒃᑲᓂ ᑮᓇᐅᔭᕐᑐᓇᐅᑉ ᐊᕐᕌᒍᖓᓂ, ᑎᑭᓪᓗᒍ ᐃᓱᓕᕕᑦᓴᖓ ᒫᑦᔨ 30, 2022, ᑲᓇᑕᒥ ᐊᓪᓚᕕᒃ ᑲᑎᖕᖓᔨᐅᕕᐅᑦᓱᓂ ᓄᓇᓕᑐᙯᑦ ᐅᖃᐅᓯᖏᓐᓅᓕᖓᔪᓄᑦ ᐱᑎᑕᐅᒍ ᑎᖃᓚᖓᕗᖅ ᑮᓇᐅᔭᓂᒃ ᐅᓄᕐᓂᓕᓐᓂᒃ $5.5-ᒥᓕᐋᓐᓂᒃ ᐊᑐᕐᑐᓴᐅᑎᓪᓗᒋᑦ ᐃᖏᕐᕋ ᑎᑦᓯᒍᑎᖏᓐᓄᑦ, ᐊᒻᒪᓗ $15-ᒥᓕᐋᓐᓂᒃ ᓴᐳᒻᒥᒍᑎᑦᓴᒥᓂᒃ ᓄᓇᓕᑐᙯᑦ ᓄᓇᓕᖏᓐᓂᒃ.

ᓲᕐᓗ ᓄᓇᕕᒻᒥ, ᐆᑦᑐᑎᒋᓗᒍ ᐅᔮᐱ ᐅᖃᕐᑐᖅ ᐱᒍᒪᔭᐅᓪᓚᕆᒻᒪᑦ ᐅᖃᐅᓯᕐᒥᒃ ᐊᐅᓚᑦᓯᕕᑦᓴᖃᕐᓂᖅ ᐊᕐᕌᒍᓂ ᐅᓄᕐᑐᓂ. “ᒫᓐᓇᓕ ᖃᓄᖅ ᑕᒪᓐᓇ ᐱᒐᓱᓂᐊᓕᕐᐸᕗᑦ?” ᐅᔮᐱ ᑲᑎᖕᖓᖃᑎᖃᕐᓯᒪᓕᕐᑐᖅ ᑯᐯᒃᒥ ᐅᖃᐅᓯᐅᑉ ᒍᐃᒍᐃᑎᑑᕐᑑᑉ ᐊᓪᓚᕕᖓᑕ ᐊᖓᔪᕐᖄᖓᓂᒃ, ᐅᖃᕐᐳᓗ ᐱᑦᔪᑕᐅᔪᓄᑦ ᐃᓚᐅᓂᕋᕐᓱᒋᑦ ᑮᓇᐅᔭᖃᕆᐊᖃᕐᓃᑦ. “ᐊᓪᓚᕕᒃ ᐃᓕᖓᔪᖅ ᒍᐃᒍᐃᑎᑐᑦ ᐅᖃᐅᓯᕐᒧᑦ ᐱᑕᖃᓪᓗᐊᖏᓪᓚᖅ ᑮᓇᐅᔭᕐᑐᕈᑎᑦᓴᒥᓂᒃ, ᑌᒣᒐᓗᐊᕐᓱᓂ ᓴᐳᒻᒥᔭᐅᑦᓯᐊᐳᖅ ᑯᐯᒃ ᑲᕙᒪᖓᓄᑦ.

ᑲᑎᖕᖓᔨᐅᖃᑎᒌᑦᑐᖁᑎᖏᑦ ᑲᓇᑕᒥ ᐊᓪᓚᕕᐅᑉ ᑲᑎᖕᖓᔨᐅᕕᐅᑦᓱᓂ ᓄᓇᓕᑐᙯᑦ ᐅᖃᐅᓯᖏᓐᓅᓕᖓᔪᓄᑦ ᑭᒡᒐᑐᕐᐳᑦ ᓄᓇᓕᑐᙯᑦ ᓄᓇᓕᖏᓐᓂᒃ ᑲᓇᑕᒥ. ᑲᑎᖕᖓᔨ ᕌᓐᓄᓪ ᐃ. ᐃᒃᓈᔅ ᐃᓚᐅᔪᖃᑎᐅᕗᖅ ᐊᓪᓚᓄᑦ Secwepemc-ᓄᑦ ᐳᕆᑎᔅ ᑲᓚᒻᐱᐊᒥ. ᑲᑎᖕᖓᔨ ᔪᐊᑦᔩᓇ ᓕᐳᑎ ᐃᓅᓯᕐᒥᓂᒃ ᑐᓂᒪᑎᓪᓗᒍ ᐊᓯᐅᑎᑦᓯᑌᓕᓂᕐᒧᑦ, ᐱᐅᓕᐊᕐᓯᓂᕐᒧᑦ ᐊᒻᒪᓗ ᐅᐱᒍᓱᒻᒪᕆᐅᑎᖃᕐᓂᒧᑦ ᐊᓪᓚᖓᔫᓂᕐᒥᒍᑦ ᑭᓇᐅᓂᕐᒥᓂᒃ ᐊᓂᕐᓂᒥᓂᓪᓗ, ᔫᐅᓐ ᑯᔨᐁᔅ ᐃᓚᐅᔫᖃᑕᐅᑎᓪᓗᒍ Muskeg Lake-ᒥᐅᓄᑦ ᐊᓪᓚᓄᑦ ᑯᔩᓄᑦ ᓄᓇᖁᑎᒥᓐᓂ ᑭᓯᑦᔪᑎᓕᒻᒥ 6-ᒥᒃ ᓄᓇᒥᓐᓂ ᓵᔅᑳᑦᓯᒍᐋᓐᒥ.

“ᐅᓪᓗᒥ ᓇᓪᓕᐅᑎᒍᑦᔭᐅᕗᒍᑦ ᓄᓇᓕᑐᖃᑎᒍᑦ ᐅᖃᐅᓯᑦᑎᓂᒃ ᐊᓂᕐᓂᑖᕐᑎᓯᒋ-ᐊᑦᓯᓂᕐᒧᑦ ᐃᓕᖓᓚᖓᓕᕐᑐᓂᒃ ᓯᕗᓂᑦᓴᑎᓐᓄᑦ,” ᐅᖃᕐᑐᖅ ᑲᑎᖕᖓᔨ ᐃᒃᓈᔅ. “ᐅᖃᐅᓯᕗᑦ ᑖᓪᓕᑕᐅᒪᑐᐃᓐᓇᓚᖓᒍᓐᓀᑐᖅ ᐊᓯᖏᓐᓄᑦ ᐅᖃᐅᓯᕐᓄᑦ ᑕᒫᓂ ᓄᓇᑦᑎᓂ. ᓄᓇᓕᑐᖃᕐᑎᒍᑦ ᐅᖃᐅᓯᑦᑎᓂᒃ ᖁᑦᓯᑐᒦᑎᑦᓯᖏᓐᓇᖃᑦᑕᑐᑦᓴᐅᕗᒍᑦ.”

ᐅᔮᐱ ᐅᖃᕐᑐᖅ ᑖᓐᓇ ᑐᓴᕋᑦᓴᓂᐅᑎᑎᒍᑦ ᑐᓴᕐᑎᓯᒍᑎᖃᕐᓂᖅ ᐊᑑᑎᔭᐅᓚᐅᔪᔪᖅ ᔫᓂ 14-ᒥ ᓯᕗᓪᓕᐹᖑᒋᐊᖓ ᑲᑎᖃᑎᒌᓐᓂᒥᓐᓄᑦ. “ᐊᕐᕌᒍᓂ ᓯᑕᒪᓂ ᒍᐃᓂᐯᒃᒥᐅᖑᓯᒪᔪᖓ ᔪᐊᑦᔩᓇᒥᓪᓗ ᑕᒃᑲᓂᑦᓭᓇᖅ ᐃᒡᓗᒥᖃᑎᖃᕐᓯᒪᒋᐊᒥᒃ ᐅᑉᐱᐳᖓ. ᑕᒃᑯᒧᑦ ᓱᓕ ᑲᑎᓪᓗᑐᕋᑕᖕᖏᑐᒍᑦ. ᑕᒪᑐᒥᖓ ᐱᕙᓪᓕᐊᑎᑦᓯᓂᖃᓯᓛᕋᑦᑕ ᔪᓓ 12-ᒥ ᑭᓯᐊᓂ. ᖃᐅᔨᒪᔪᖓ ᕌᓐ ᐃᓚᐅᕕᖃᒻᒪᕆᓱᖑᒋᐊᖓ ᐅᖃᐅᓯᕐᒨᓕ-ᖓᔪᓂᓪᓗ ᐃᓗᕐᖁᓯᕐᒨᓕᖓᔪᓂᓪᓗ. ᖃᐅᔨᒪᔭᑐᐊᖃᕐᐳᖓᓕ ᓇᒻᒥᓂᖅ ᑕᒪᑐᒥᖓ ᖁᕕᐊᒋᔭᖃᒻᒪᕆᒋᐊᒥᒃ. ᖃᓄᐃᓘᕈᑎᒋᒋᐊᖃᓕᕋᓗᐊᕈᑦᑎᒍ ᖁᕕᐊᓇᕐᑐᒥᒃ ᐃᖏᕐᕋᓂᖃᕐᕕᒋᓚᖓᕙᕗᑦ!”

08/03/2021

ᐅᔮᐱ ᒍᐊᑦ – ᖁᕕᐊᒋᔭᖃᒻᒪᕆᑦᑐᖅ ᐅᖃᐅᓯᕐᒥᒃ

ᐊᓪᓚᑕᖏᑦ ᓯᑏᕙᓐ ᕿᐊᓐᑐᕆᐅᑉ ᐊᓪᓕᕇᕐᑐᓂ, ᔫᓂ 14, 2021-ᒥ, ᑖᓐᓇ ᐅᓪᓗᖅ ᐱᒻᒪᕆᐅᓚᐅᔪᕗᖅ ᐅᔮᐱ ᒍᐊᑦᒧᑦ. ᐃᓚᐅᓚᐅᔪᒐᒥ ᖃᕆᑕᐅᔭᑎᒍᑦ ᑐᓴᕐᑎᓯᒍᑎᖃᕐᓂᒥᒃ ᑲᑎᖕᖓᒍᑎᖃᕐᑎᓗᒋᑦ ᑐᓴᕐᑕᐅᑎᑦᓯᓱᑎᒃ ᓄᑖᒥᒃ ᑲᓇᑕᒥ ᐊᓪᓚᕕᒋᔭᐅᓚᖓᓕᕐᑐᒥᒃ ᑲᑎᖕᖓᔨᐅᓯᔪᓄᑦ ᓄᓇᓕᑐᙯᑦ ᐅᖃᐅᓯᖏᓐᓅᓕᖓᔪᓄᑦ. ᐅᔮᐱ ᐊᑦᓯᕌᕐᑕᐅᖃᑕᐅᓚᐅᔪᕗᖅ ᐱᖓᔪᒋᔭᐅᓚᖓᓕᕐᑎᓗᒍ […]
08/03/2021

ᐅᐱᒍᓱᓐᓂᒧᑦ ᑐᓴᕐᑎᓯᒍᑏᑦ ITC/ITK-ᑯᓄᑦ

ᐅᐱᒍᓱᑉᐳᒍᑦ ᐃᓄᐃᑦ ᑕᐱᕇᑦ ᑲᓇᑕᒥ ᐊᕐᕌᒍᓂᒃ 50-ᓂᒃ ᓇᓪᓕᐅᓂᕐᓯᐅᓂᖓᓂᒃ ᐱᒍᓐᓇᐅᑎᑦᑎᓂᒃ ᐃᓅᑦᓱᑕ ᐊᕗᖓᐅᓕᑎᑦᓯᒋᐊᕐᓯᒪᓂᖏᓐᓄᑦ ᑲᓇᑕᒥᐅᒍᑦᓱᑕ ᓯᓚᕐᔪᐊᓕᒫᒥᓪᓗ. ᐃᑉᐸᓴᐅᔮᕐᑐᖅ ᓄᓇᕕᒻᒥᐅᑦ ᑲᑎᓯᓚᐅᕐᓯᒪᑎᓪᓗᒋᑦ ᐃᓅᖃᑎᒥᓂᒃ ᐅᐊᓐᓂᒥᐅᓂᒃ, ᓄᓇᑦᓯᐊᒥᐅᓂᓪᓗ ᓛᐸᑐᐊᕐᒥᐅᓂᓪᓗ 1971-ᒥ ᓄᐃᑦᓯᓂᐊᕐᓱᑎᒃ ᐱᓇᓱᕝᕕᓯᐊᓪᓚᕆᐅᔪᑦᓴᒥᒃ ᑌᔭᐅᓂᖃᕐᓯᒪᔪᒥᒃ ᐃᓄᐃᑦ ᑕᐱᕇᓴᑦ ᑲᓇᑕᒥ […]
08/03/2021

ᓄᓇᕕᒻᒥ ᐅᕕᒐᕐᑐᐃᑦ ᓴᐳᒻᒥᔨᖏᑦ

ᐅᕕᒐᕐᑐᐃᑦ ᓴᐳᒻᒥᔨᖏᑦ ᓄᓇᕕᒻᒥᐅᓄᑦ ᐱᓐᓀᓗᑕᒻᒪᕆᐅᕗᖅ. ᑐᓚᑦᑕᕕᒃ ᐋᓐᓂᐊᕕᒃ ᒪᓂᔨᓯᒪᕗᖅ ᐊᓪᓚᖁᑎᓂᒃ ᑐᑭᓯᓇᕐᑎᓯᔪᓂᒃ ᐅᖓᕙᒥ ᐅᕕᒐᕐᑐᐃᑦ ᓴᐳᒻᒥᔨᖏᑦ ᓱᓇᒥᒃ ᐱᓇᓱᐊᓲᒍᒻᒪᖔᑕ ᖃᓄᕐᓗ ᐊᑦᑕᓇᕐᓯᑐᐃᓐᓇᕆᐊᓕᓐᓂᒃ ᐃᑲᔪᕐᓯᓲᒍᒻᒪᖔᑕ, ᐊᓪᓚᑕᐅᓯᒪᔪᓂᒃ ᑕᕝᕙᓂ. ᑐᑭᓯᑎᑦᓯᒋᐊᓪᓚᕈᒪᒧᑦ ᓄᓇᕕᒻᒥᐅᓂᒃ ᓱᓀᑦ ᐱᓇᓱᐊᕐᑕᐅᒪᖔᑕ ᓱᓀᓪᓗ ᐊᑐᐃᓐᓇᐅᒪᖔᑕ, ᒪᑭᕝᕕᐅᑉ […]
08/03/2021

ᑰᑦᔪᐊᒥ ᐊᑎᒋᓕᐅᕆᐅᕐᓴᑎᑦᓯᓂᐅᓚᐅᔫᖅ

ᒍᐃᓂ ᓄᖕᖓᖅ ᐅᖃᐅᑏᖏᓐᓇᐸᑦᑐᖅ ᐊᑎᒋᓕᐅᕆᕐᓴᑎᑦᓱᒋᑦ ᐃᓕᓵᒥᓂᒃ ᐃᓕᑦᓯᕙᓪᓕᐊᒐᓱᐊᕆᐊᒥᒃ ᐱᐅᓂᕐᓴᐅᓂᕃᑦᓱᓂ ᐊᒻᒪᓗ ᐃᒻᒥᓂᒃᐊᑎᒋᓕᐅᖃᑦᑕᖁᑦᓱᒋᑦ ᐱᓕᐅᕈᑦᔭᐅᒍᒫᖕᖏᖔᕐᓗᑎᑦ ᐊᓯᓐᓄᑦ. “ᐅᓪᓗᐃᑦ ᐃᓚᖏᓐᓂ ᐊᓈᓇᐅᔪᐃᑦ ᐅᕝᕙᓘᓐᓃᑦ ᐊᕐᓇᕆᔭᐅᔪᐃᑦ ᐊᓐᓄᕌᓕᐅᕈᓐᓇᖃᑦᑕᓛᕐᑐᑦ ᐃᓚᒥᓂᒃ,” ᑌᒣᓕᑦᓱᓂ ᒍᐃᓂ ᐅᖃᓚᐅᔪᖅ. ᒍᐃᓂ ᓄᖕᖓᖅ ᒥᕐᓱᓯᑎᐊᓘᑦᓱᓂ, ᑮᓇᐅᔭᓕᐅᕋᓱᐊᕈᑎᒥᓂᓪᓗ ᐱᒍᓐᓇᓯ […]