ᒪᑭᕝᕕᐅᑉ ᐱᓇᓱᑦᑎᖏᑦ ᐊᐱᕐᓱᖃᑦᑕᓂᕐᒪᑕ ᓂᕈᐊᕐᑕᐅᒐᓱᐊᕐᑐᓂᒃ ᐋᐱᑎᐱᒥ–ᔦᒥᓯ ᐯᒥ–ᓄᓇᕕᒻᒥ–ᐄᔫᒥᓪᓗ ᑭᒡᒐᑐᕐᑐᓴᓂᒃ ᑲᕙᒪᑐᖃᒃᑯᑦ ᓂᕈᐊᕐᑎᓯᓂᕆᓛᓕᕐᒥᔭᖓᓄᑦ
ᐅᑯᐊᑕᒐ ᑭᐅᔭᐅᒍᑎᒋᓯᒪᔭᕗᑦ
Q1 - ᖃᓂᒪᓇᖅ ᑰᕕᑦ-19-ᒧᑦ ᓯᓚᕐᔪᐊᒥ ᓄᐃᑦᓯᖃᑦᑕᓚᐅᔪᕗᖅ ᐊᑦᔨᒌᖕᖏᑑᑎᑕᐅᓂᕆᓲᖏᓐᓂᒃ ᐃᓄᐃᑦ ᓄᓇᖓᓂᒥᐅᑦ. ᓱᑲᑦᑐᒥᒃ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖃᕋᑎᒃ, ᓂᕿᑦᓴᖃᑦᓯᐊᕋᑎᒃ, ᓂᓐᓂᐅᕋᓚᐅᑎᑦᓱᑎᒃ ᐃᓪᓗᒥᐅᒍᖃᑎᒌᑦ ᖃᖓᑦᑕᔫᒃᑯᓗ ᐅᖓᓯᑦᑐᒧᑦ ᐃᖏᕐᕋᐅᑎᑐᐊᖃᕐᓱᑎᒃ ᑕᒪᒃᑯᐊᓗ ᐃᑭᑦᑑᓱᑎᒃ ᐆᑦᑐᕋᐅᑎᑐᐃᓐᓀᑦ ᐱᓐᓀᓗᑕᐅᓲᑦ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ ᐱᓐᓀᓗᑦᓯᒍᑕᐅᓪᓚᕆᖃᑦᑕᓚᐅᔫᑦ. ᑲᕙᒪᑐᖃᒃᑯᑦ ᑮᓇᐅᔭᖃᕐᑎᓯᒍᑎᖏᑦ ᐃᑲᔪᕐᓯᒍᑕᐅᑫᓐᓇᖃᑦᑕᓚᐅᔫᒐᓗᐊᑦ ᑕᒪᒃᑯᐊ ᐱᓐᓀᓗᑕᐅᔪᑦ ᐃᓚᖏᓐᓂᒃ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ, ᖃᓂᒪᓇᕐᓕ ᑰᕕᑦ 19-ᒧᑦ ᐱᑕᖃᕈᓐᓀᕈᓐᓇᑎᓪᓗᒍ ᑕᒪᒃᑯᐊ ᐱᓐᓀᓗᑕᐅᔪᑦ ᐱᓐᓀᓗᑕᐅᓕᒫᑐᐃᓐᓇᕙᓚᖓᒻᒪᑕ. ᓱᓇᓂᒃ ᑐᓂᒪᐅᑎᑦᓴᖃᕐᑐᕆᕙᑎᑦ ᑲᕙᒪᑐᖃᒃᑯᑦ ᑕᒪᒃᑯᐊ ᐱᓐᓀᓗᑕᓪᓚᕆᐅᔪᑦ ᐃᓚᖏᑦᑕ ᖃᓄᐃᓕᔭᐅᒋᐊᕈᑎᑦᓴᕆᓂᐊᕐᑕᖏᓐᓂᒃ ᓄᓇᕕᒻᒥᐅᓄᑦ ᐅᓪᓗᑕᒫᑦ ᐊᑑᑎᔭᐅᒻᒪᑕ ?
A1 - ᑲᓇᑕᒥᐅᑦ ᐊᑦᓱᐃᑐᕐᒥᐅᒍᕗᑦ, ᑕᑕᒥᓐᓇᓚᕆᑦᑐᖅ ᓱᑲᑦᑐᒥᒃ ᖃᕆᑕᐅᔭᒃᑯᑦ ᐱᑐᑦᓯᒪᖃᑕᐅᒍᑎᑕᖃᖕᖏᒋᐊᖓ, ᓂᕿᑦᓴᖃᑦᓯᐊᖏᑦᑐᑕᖃᕆᐊᖓ, ᐃᓪᓗᓴᖃᖕᖏᓂᖓᓗ ᐊᑭᑐᒋᔭᐅᓗᐊᖕᖏᑐᓂᒃ ᐃᖏᕐᕋᐅᑎᑦᓴᖃᑦᓯᐊᖏᓐᓂᖓᓗ ᑕᒪᒃᑯᐊ ᑕᖅᕋᒥᐅᒍᑦᓱᑕ ᐱᓐᓀᓗᑕᕆᕙᒃᑲᑎᒋᑦ ᓱᓕ.
ᐊᖏᕈᑎᖃᕐᑐᖓ ᑮᓇᐅᔭᖃᕐᑎᑕᐅᒍᑏᑦ ᐱᓐᓀᓗᑕᐅᔪᓂᒃ ᐋᕐᖀᓱᐃᑫᓐᓈᐱᑐᐃᓐᓇᕈᑎᐅᓲᒋᒋᐊᖏᓐᓂᒃ, ᑌᒣᓕᖓᖃᑦᑕᒪᑕ ᑕᒐᑕᒐ ᑲᕙᒪᐅᔪᑦ.
ᑌᒣᒻᒪᑦ Green Party-ᑯᑎᒍᑦ, ᐱᓇᓱᖃᑎᖃᕈᒪᕗᒍᑦ ᑐᕃᓐᓇᑐᒃᑯᑦ ᓄᓇᓕᒻᒥ ᓄᓇᓕᑐᙯᑦ ᑲᕙᒪᖏᓐᓂᒃ ᐱᒋᐊᕐᑎᓯᒍᓐᓇᓂᐊᕐᒪᑕ ᐃᒪᑦᓯᐊᖃᕆᐊᖃᕐᓂᒥᒃ, ᐃᓪᓗᖃᕆᐊᖃᕐᓂᒥᒃ, ᐅᓛᕈᒥᑕᕐᑎᓯᖃᑦᑕᓂᕐᒥᒃ, ᖃᕆᑕᐅᔭᒃᑯᑦ ᐱᑐᑦᓯᒪᖃᑕᐅᒍᑎᑦᓴᖃᕐᓂᒥᒃ ᐅᖄᒍᑎᖃᕆᐊᖃᕐᓂᒥᓪᓗ ᐃᖏᕐᕋᐅᑎᓕᕆᓂᕐᒥᒃ.
Q2 - ᐃᓅᒐᓱᐊᕈᑎᑦᓭᑦ ᓄᓇᕕᒻᒥᐅᓄᑦ ᐊᑭᑐᔪᒻᒪᕆᐊᓗᐃᑦ ᓯᑕᒪᕕᓪᓗᐊᑐᒥᒃ ᐊᑭᑐᓂᕐᓴᐅᒍᓐᓇᑐᑦ ᓯᕿᓂᕐᒦᑐᓄᑦ ᐅᑦᑐᕋᐅᑎᒋᒍᑦᑎᒍ ᑕᒪᓐᓇ ᒪᓐᑐᔨᐊᒧᐊᓪᓛᑦ, ᑌᒣᒻᒪᑦ ᓇᒻᒥᓂᖅ ᐱᓇᓱᒐᖃᕐᕖᑦ ᐊᑕᐅᓯᐅᑦᑎᑐᐃᓪᓗ ᐱᒐᓱᐊᒻᒪᕆᓐᓇᑐᒃᑰᓚᕆᓲᒍᕗᑦ. ᖃᓄᐃᓘᕆᐊᖃᕐᑐᕆᕙᑎᓪᓕ ᑲᕙᒪᑐᖃᒃᑯᑦ ᐊᑭᑐᓗᐊᕐᑐᒥᐅᑦ ᑕᖅᕋᒥᐅᑦ ᓈᒻᒪᖁᐊᕆᔭᐅᑎᑕᐅᒍᑎᑦᓴᖏᓐᓂᒃ ᓯᕿᓂᕐᒦᑐᓄᑦ ? ᑲᕙᒪᑐᖃᒃᑰᑦ ᑐᕃᓐᓇᑐᒃᑯᑦ ᐃᑲᔪᕐᓯᖃᑦᑕᑐᑦᓴᐅᕙᑦ ᐊᑕᐅᓯᐅᑦᑎᑐᓂᒃ ᐅᕝᕙᓘᓐᓃᑦ ᓂᐅᕕᕐᕕᓂᒃ ?
A2 - Green Party-ᑯᓄᑦ ᐃᓚᐅᑦᓱᖓ, ᐅᑉᐱᕆᔭᖃᕐᑐᖓ ᑲᕙᒪᑐᖃᒃᑯᑦ ᓂᕈᐊᕐᑕᐅᓯᒪᔪᖁᑎᖏᑦᑕ ᑮᓇᐅᔭᑎᒍᑦ ᐃᑲᔪᕐᓯᒋᐊᕐᑐᓴᐅᓂᖏᓐᓂᒃ ᓂᕿᑦᓴᓯᐅᕐᑎᐅᓲᓂ ᐃᖃᓗᓐᓂᐊᓱᑎᒃ ᒪᙯᑉᐸᓱᑎᓪᓘᓃᑦ, ᑕᖅᕋᒥ ᐊᖑᓇᓱᒐᓱᐊᕋᑦᓴᖃᑦᓯᐊᒪᑦ ᑲᓇᑕᒥ ᒪᑭᑕᒐᓱᐊᕈᑎᑦᓴᖃᕐᓂᒥᒃ ᐊᖑᒪᑦᓯᒍᑎᑦᓯᐊᒥᒃ ᑕᒐᑕᒐ ᐅᐃᒪᓇᕐᑐᑎᒎᕐᓇᖃᑦᑕᑎᓪᓗᒍ.
ᑕᒪᒃᑯᐊᒍᒻᒪᑕ, ᑖᒃᓰᔭᕐᑎᓯᔪᑦᓴᐅᒋᕗᒍᑦ ᐊᔪᕐᓴᖏᑦᑐᓂᒃ ᐱᓇᓱᕝᕕᒪᕆᓐᓂᓗ ᓱᒃᑯᑎᕆᑐᐃᓐᓇᓲᒍᒻᒪᑕ ᓄᓇᑦᑎᓂᒃ ᑕᓯᑦᑎᓂᓪᓗ ᖄᖏᕐᓂᑯᓕᐅᕈᑎᒋᒐᓱᐊᕐᓱᒋᑦ.
ᑖᒃᓰᔭᕐᑎᓯᒍᑏᑦ carbon tax-ᒍᓂᕋᕐᑌᑦ ᐊᒻᒪᓗ 1%-ᒥᒃ ᐊᑦᓱᐃᑑᓂᕐᐹᑦ ᑲᓇᑕᒥᐅᒍᑦᓱᑎᒃ ᐊᑭᓖᖃᑦᑕᓂᐊᕐᑎᓗᒋᑦ ᐊᑭᓕᕆᐊᓕᒥᓂᒃ ᒪᑭᑕᒐᓱᐊᕈᑎᑦᓴᓅᓕᖓᓂᐊᕐᑐᓂᒃ ᐊᕙᑎᖃᑦᓯᐊᕆᐊᖃᕐᓂᒧᑦ.
Q3 - 1975-ᒥ ᔦᒥᓯ ᐯᒥ ᑯᐯᒃᓗ ᑕᖅᕋᖓᓂ ᐊᖏᖃᑎᒌᒍᑎᒥ ᐃᓄᐃᑦ ᐃᒻᒥᓂᒃ ᐊᐅᓚᑦᓯᒍᓐᓇᓂᖓ ᑕᖅᕋᒥᒃ ᐅᖃᐅᓯᐅᒋᐊᓪᓚᓯᒪᖕᖏᑐᖅ. ᖃᓄᕐᓕ ᑲᕙᒪᓯ ᐃᓱᒪᒋᔭᖃᕐᐸ ᐃᓄᐃᑦ- ᐃᒻᒥᓂᒃ-ᐊᐅᓚᑦᓯᒍᒪᓂᖓᓂᒃ ᓄᓇᕕᒻᒥ ᑲᕙᒪᑖᕈᓐᓇᓯᒐᔭᕐᓗᑎᒃ ?
A3 - ᓴᐳᑦᔨᓯᐊᕐᑐᖓ ᓄᓇᕕᒻᒥᐅᑦ ᓇᒻᒥᓂᖅ-ᐊᐅᓚᑦᓯᒍᓐᓇᓯᒍᒪᓂᖓᓂᒃ, ᑯᐯᒃᑎᑐᑦ, ᓄᓇᕕᒃ ᐊᑦᔨᒋᔭᐅᖕᖏᑑᓲᒍᒻᒪᑦ ᑌᒣᒻᒪᑦ ᐱᒍᒪᔭᑦᓯᓂᒃ ᐅᖑᒪᑦᓯᒋᐊᖃᕐᐳᒍᑦ ᑌᒫᑦᓭᓇᖅ ᑯᐯᒻᒥᐅᑦ ᐱᒍᒪᔭᖏᓐᓂᒃ ᐅᖑᒪᑦᓯᒋᐊᖃᕐᐸᑲᑦᑕ. ᓇᓗᓀᒃᑯᑌᑦ 2013-ᒥ ᓄᓇᕕᒻᒥ ᓭᒻᒪᓴᐅᑎᒃ ᐆᑦᑐᕋᐅᑎᒋᑦᓱᒍ ᕿᓄᒍᑕᐅᓯᒪᔪᖅ ᐊᖏᕈᑕᐅᒋᐊᓕᐅᒐᓗᐊᖅ. ᐅᐱᒍᓱᑦᑐᖓ ᑯᐯᒃ ᑕᖅᕋᖓᓂᒥᐅᔭᐅᒋᐊᖅ, ᐊᒥᓱᑦ ᑕᒫᓂᒥᐅᑦ ᑌᒣᒻᒥᒪᑕ. ᑭᓯᐊᓂᓕ, ᐃᓕᕋᒃᑯᑎᓇᕐᑑᕗᖅ ᑯᐯᒃᒥᐅᒍᖃᑎᑦᑎᓄᑦ ᖄᖏᓐᓈᑕᐅᓂᕆᓲᕗᑦ. ᐱᐅᔪᕐᔪᐊᒥᒃ ᐃᓕᕐᖁᓯᖃᕐᑐᒍᑦ ᐃᕐᖃᓇᕐᑐᖁᑎᖃᕐᓱᑕᓗ. ᑭᒡᒐᑐᕐᑎᖃᑦᓯᐊᕆᐊᓪᓚᕆᐊᖃᓂᑎᓐᓂᒃ ᐊᕐᓱᕉᑎᖃᕆᐊᖃᕐᐳᒍᑦ !
Q4 - ᑐᑭᑖᕐᓯᒪᔪᑎᑦ ᓂᕈᐊᕐᑕᐅᒐᓱᐊᕐᓂᐊᓂᕐᒥᒃ ᓂᕈᐊᕐᓂᐅᓛᕐᑐᒥ, ᓂᕈᐊᕐᑕᐅᒐᓱᐊᓛᕋᕕᑦ ᐋᐱᑎᐱᒥ--ᔦᒥᓯ ᐯᒥ--ᓄᓇᕕᒻᒥ--ᐄᔫᒥᓪᓗ ᑭᒡᒐᑐᕐᓂᐊᓗᑎᑦ ᓱᓀᑦ ᐱᓐᓀᓗᑕᐅᓲᑦ ᐱᓪᓚᕆᐅᓂᕐᐸᐅᔪᕆᕙᑎᑦ ᐃᓕᓐᓄᑦ ᖃᓄᕐᓗ ᐅᖃᐅᓯᕆᒍᓐᓇᖃᑦᑕᓛᕐᑐᕆᕙᑎᑦ ?
A4 - ᓯᓚᕐᔪᐊᒥ ᓯᓚᐅᑉ ᐊᓯᑦᔨᕙᓪᓕᐊᓂᖓ ᐅᐃᒪᓇᕐᓯᓯᒪᓕᕐᑐᖅ, ᐃᓪᓗᐃᓂᐊᕐᓂᓗ, ᓭᒻᒪᖃᑎᒌᒋᐊᖃᕐᓂᖏᓪᓗ ᓄᓇᕐᔪᐊᒥᐅᒍᖃᑎᒌᑦ ᐊᑐᐃᓐᓇᖃᕐᑎᑕᐅᖕᖏᓂᕐᓗ ᐅᓪᓗᑕᒫᑦ ᑭᖕᖒᒪᓇᓲᓂᒃ ᐃᒪᑦᓯᐊᒥᒃ ᐊᒻᒪᓗ ᐱᒍᑦᔨᐅᑎᐅᒋᐊᓕᓐᓂᒃ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒧᑦ.
ᑕᒪᒃᑯᐊ ᐱᓐᓀᓗᑕᐅᔪᑦ ᖄᖏᓐᓈᑕᐅᑐᐃᓐᓇᓲᑦ ᑕᒐᑕᒐ ᐱᓂᐊᕐᓂᓕᕆᔨᓄᑦ ᐊᑐᒑᒦᑦᑐᓄᑦ. ᖃᐅᔨᒪᖕᖏᑐᑦ ᑕᒪᒃᑯᐊ ᐱᓐᓀᓗᑌᑦ ᖃᓄᓪᓗᐊᑎᒋ ᓱᕐᕃᓂᖃᕐᒪᖔᑕ ᓄᓇᑦᓯᐊᕌᓗᑦᑎᓂ.
ᑲᒪᑦᓯᐊᓂᕋᖕᖑᐊᓲᑦ, ᑮᓇᐅᔭᓂᒃ ᐃᓱᒪᒋᔭᑐᐊᖃᕐᓱᑎᒃ. ᐃᒻᒥᓂᒃ ᐱᕙᓪᓕᕈᒪᑐᐃᓐᓇᓱᑎᒃ ᓂᕈᐊᕐᑎᒋᓯᒪᔭᒥᓂᒃ ᓴᓂᕐᕓᓯᒪᑐᐃᓐᓇᓚᖓᑦᓱᑎᒃ. ᐃᓄᓐᓂᓕ ᑭᒡᒐᑐᕈᒪᕗᖓ. 18-ᓂᒃ ᐅᑭᐅᖃᕐᓱᖓ ᐃᓕᓵᒍᑦᓱᖓ, ᐱᓂᐊᕐᓂᓕᕆᓲᒍᒋᐊᕐᓯᒪᕗᖓ ᑭᒡᒐᑐᕐᓂᐊᓗᖓ ᑭᒡᒐᑐᕐᑎᖃᖕᖏᑐᓂᒃ.
ᓇᑯᕐᒦᒪᕆᐊᓗᒃ ᐊᑐᐊᕐᓯᒐᕕᑦ ᑖᒃᑯᓂᖓ. ᑐᑭᓯᒋᐊᓪᓚᕈᒪᒍᕕᑦ ᓂᕈᐊᕐᑕᐅᒐᓱᐊᕈᑎᑦᑎᓂᒃ ᑕᑯᒋᐊᕈᓐᓇᐳᓯ ᖃᕆᑕᐅᔭᒃᑯᑦ ᐅᕗᖓ greenparty.ca
ᑕᑯᒋᐊᕈᓐᓇᒥᔪᓯ facebook page -ᑎᒍᑦ. ᐊᑎᕋ Facebook -ᑎᒍᑦ (Didier Pilon) ᐊᓪᓚᓗᒍ ᑕᑯᒍᓐᓇᑌᑦ !
ᐳᐃᒍᕐᑌᓕᓗᓯᓗ ᓂᕈᐊᕆᐊᕐᑐᕆᐊᒥᒃ ᓯᑦᑎᒻᐸ 20-ᒥ
Q1 - ᖃᓂᒪᓇᖅ ᑰᕕᑦ-19-ᒧᑦ ᓯᓚᕐᔪᐊᒥ ᓄᐃᑦᓯᖃᑦᑕᓚᐅᔪᕗᖅ ᐊᑦᔨᒌᖕᖏᑑᑎᑕᐅᓂᕆᓲᖏᓐᓂᒃ ᐃᓄᐃᑦ ᓄᓇᖓᓂᒥᐅᑦ. ᓱᑲᑦᑐᒥᒃ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖃᕋᑎᒃ, ᓂᕿᑦᓴᖃᑦᓯᐊᕋᑎᒃ, ᓂᓐᓂᐅᕋᓚᐅᑎᑦᓱᑎᒃ ᐃᓪᓗᒥᐅᒍᖃᑎᒌᑦ ᖃᖓᑦᑕᔫᒃᑯᓗ ᐅᖓᓯᑦᑐᒧᑦ ᐃᖏᕐᕋᐅᑎᑐᐊᖃᕐᓱᑎᒃ ᑕᒪᒃᑯᐊᓗ ᐃᑭᑦᑑᓱᑎᒃ ᐆᑦᑐᕋᐅᑎᑐᐃᓐᓀᑦ ᐱᓐᓀᓗᑕᐅᓲᑦ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ ᐱᓐᓀᓗᑦᓯᒍᑕᐅᓪᓚᕆᖃᑦᑕᓚᐅᔫᑦ. ᑲᕙᒪᑐᖃᒃᑯᑦ ᑮᓇᐅᔭᖃᕐᑎᓯᒍᑎᖏᑦ ᐃᑲᔪᕐᓯᒍᑕᐅᑫᓐᓇᖃᑦᑕᓚᐅᔫᒐᓗᐊᑦ ᑕᒪᒃᑯᐊ ᐱᓐᓀᓗᑕᐅᔪᑦ ᐃᓚᖏᓐᓂᒃ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ, ᖃᓂᒪᓇᕐᓕ ᑰᕕᑦ 19-ᒧᑦ ᐱᑕᖃᕈᓐᓀᕈᓐᓇᑎᓪᓗᒍ ᑕᒪᒃᑯᐊ ᐱᓐᓀᓗᑕᐅᔪᑦ ᐱᓐᓀᓗᑕᐅᓕᒫᑐᐃᓐᓇᕙᓚᖓᒻᒪᑕ. ᓱᓇᓂᒃ ᑐᓂᒪᐅᑎᑦᓴᖃᕐᑐᕆᕙᑎᑦ ᑲᕙᒪᑐᖃᒃᑯᑦ ᑕᒪᒃᑯᐊ ᐱᓐᓀᓗᑕᓪᓚᕆᐅᔪᑦ ᐃᓚᖏᑦᑕ ᖃᓄᐃᓕᔭᐅᒋᐊᕈᑎᑦᓴᕆᓂᐊᕐᑕᖏᓐᓂᒃ ᓄᓇᕕᒻᒥᐅᓄᑦ ᐅᓪᓗᑕᒫᑦ ᐊᑑᑎᔭᐅᒻᒪᑕ ?
A1 - ᓂᕈᐊᕐᑕᐅᒐᓱᐊᕐᑑᑉ Liberal Party-ᑯᓐᓂᑦ ᑲᓇᑕᒥ ᐅᖃᐅᓯᑦᑕᖏᑦ:
ᖃᐅᔨᒪᑦᓯᐊᑐᖓ ᓄᓇᑦᓯᓂ ᖃᓄᐃᓕᖓᓂᑦᓯᓂᒃ, ᐱᓗᐊᕐᑐᖅ ᑕᖅᕋᒥᐅᒍᑦᓱᓯ ᐅᖓᓯᒋᔭᐅᔪᒥᐅᒍᑦᓱᓯᓗ, 2021-ᒦᓕᕐᓱᑕ ᐋᕐᕿᒋᐊᕈᑎᑦᓴᑕᖃᓚᖓᖕᖏᑐᐊᕐᐸᑦ ᐊᔪᒉᑦᑐᒪᕆᐅᓚᖓᒻᒪᑦ. ᓂᕈᐊᕐᑕᐅᒍᒪ, ᓄᐃᑦᓯᒍᒪᕗᖓ ᑲᑐᑦᔨᖃᑎᒌᒍᑎᖃᕐᑐᓴᓂᒃ ᑐᑭᑖᕋᓱᐊᕐᑎᐅᓲᒍᓕᒫᓂᒃ ᑭᒡᒐᑐᕐᑎᑕᖃᕐᑐᓂᒃ ᐋᕐᕐᑮᒋᐊᕈᑎᑦᓴᓯᐅᖃᑎᒌᑦᑐᓴᓂᒃ ᐅᖄᒍᑎᒋᒋᐊᕐᑐᖃᑦᑕᓂᐊᕐᓗᒋᑦ ᑲᕙᒪᒃᑯᓄᑦ ᓄᐃᑦᓯᒍᑕᐅᓂᐊᕐᓗᑎᒃ ᐊᑑᑎᔭᐅᖃᑦᑕᕆᐊᓕᓐᓂᒃ ᖃᓄᕐᑑᕈᑎᑦᓴᓂᒃ.
ᐃᓄᓐᓂᒃ ᐱᓇᓱᖃᑎᙯᓐᓇᐸᓚᖓᔪᒍᑦ ᓂᕿᑦᓴᖃᑦᓯᐊᕆᐊᖃᕐᓂᐅᑉ ᐱᑦᓯᐊᕆᐊᕈᑕᐅᓂᑦᓴᖓ ᐱᓪᓗᒍ ᐃᓄᐃᑦ ᓄᓇᖓᓂ, ᐊᕐᖁᑎᒋᒻᒥᓗᒋᑦ ᓂᕿᑦᓴᖃᕆᐊᖃᕐᓂᒧᑦ ᑮᓇᐅᔭᖃᕐᑎᑕᐅᒍᑏᑦ ᐊᓯᑦᔨᑐᐃᒋᐊᕐᓗᑕᓗ ᓂᕿᑦᓯᐊᑐᖃᑦᑕᕆᐊᖃᕐᓂᒧᑦ ᑕᖅᕋᒥᐅᑦ ᐃᑲᔪᕐᓯᔭᐅᒍᑎᖏᓐᓂᒃ ᐃᔨᕐᑐᐊᕆᔭᐅᖕᖏᓂᕐᓴᐅᓂᐊᓕᕐᑎᓗᒍᓗ ᐃᓄᐃᓪᓗ ᑭᖕᖒᒪᒋᔭᖏᓐᓅᓕᖓᓂᕐᓴᐅᑎᓂᐊᓕᕐᓗᒍ.
ᐅᖃᕐᓯᒪᒐᑦᑎᒍ ᐱᓇᓱᖃᑎᒌᓐᓂᑎᒍᑦ, ᑲᑎᓯᓗᑭᖃᑦᑕᓛᕈᒪᕗᒍᑦ ᐃᓄᐃᑦ-ᑲᕙᒪᒃᑯᓗ ᐱᓇᓱᖃᑎᒌᑦᑐᖁᑎᖏᓐᓂᒃ ᐃᓄᐃᑦ ᓯᕗᓪᓕᐅᔨᒐᑦᓴᐅᖁᔭᖏᓐᓂᒃ ᐱᕙᓪᓕᐊᖃᑎᒋᒍᒪᑦᓱᒋᑦ.
- ᓄᓇᓕᑐᙯᑦ ᓄᓇᓕᖏᓐᓂᒃ ᐃᑲᔪᕐᓯᒍᑎᑦᓴᓂᒃ ᑮᓇᐅᔭᓂᒃ ᑐᒃᓯᕋᕈᑏᑦ ᐃᓘᓐᓇᑲᓵᑎᒃ ᑌᓯᒍᑕᐅᓯᒪᕗᑦ ᓂᕿᑦᓴᖃᑦᓯᐊᕆᐊᖃᕐᓂᒥᒃ
- ᑎᓯᒻᐸᒥ, ᑲᕙᒪᒃᑯᑦ ᑐᓴᕐᑕᐅᑎᑦᓯᔪᕕᓃᑦ $30-ᒥᓕᐊᓐ ᐱᓯᒪᔪᑦ $100-ᒥᓕᐊᓐᓂᑦ ᐅᐃᒪᓇᕐᑐᒥᒃ ᑮᓇᐅᔭᖃᕐᑎᓯᒍᑎᑦᓴᓂᑦ ᓂᕿᑦᓴᖃᑦᓯᐊᕆᐊᖃᕐᓂᒨᓕᖓᔪᑦ ᓅᑕᐅᒐᔭᕐᓂᕋᕐᑕᐅᑎᓪᓗᒋᑦ ISC-ᓚᔭᐅᔪᓅᕐᓗᒋᑦ ᐱᓗᑎᒃ Agriculture and Agri-Food Canada-ᑯᓐᓂᑦ ᐃᑲᔪᕐᓯᒍᑎᑦᓴᐅᓗᑎᒃ ᓂᕿᑦᓴᖃᑦᓯᐊᕆᐊᖃᕐᓂᒥᒃ ᓄᓇᓕᑐᙯᑦ ᓄᓇᓕᖏᓐᓂ, ᐊᒡᒍᑕᐅᔪᕕᓂᐅᑦᓱᑎᓪᓗ ᓄᓇᓕᑐᙯᑦ ᓄᓇᓕᖏᓐᓂ ᐃᑲᔪᕐᓯᒍᑎᑦᓴᓂᒃ ᑮᓇᐅᔭᖃᕐᑎᓯᒍᑎᑎᒍᑦ
- ᓴᐳᑦᔨᒍᒪᓯᒪᔪᒍᑦ ᐃᓄᐃᑦ ᑲᓇᑕᒥᐅᑦ ᓂᕿᑦᓴᖃᑦᓯᐊᕆᐊᖃᕐᓂᖓᓅᓕᖓᔪᓂᒃ ᐊᕐᕌᒍᓄᑦ ᐊᒥᓱᓄᑦ ᐸᕐᓀᕈᑎᓂᒃ
- ᓂᕿᑦᓯᐊᑐᖃᑦᑕᕆᐊᖃᕐᓂᖅ ᑕᖅᕋᒥᐅᑎᒍᑦ (ᖃᐅᔨᒪᔭᕋ ᑖᓐᓇ ᐊᓕᐊᒋᔭᐅᑦᓯᐊᐸᖕᖏᑑᒋᐊᖓ)
Q2 - ᐃᓅᒐᓱᐊᕈᑎᑦᓭᑦ ᓄᓇᕕᒻᒥᐅᓄᑦ ᐊᑭᑐᔪᒻᒪᕆᐊᓗᐃᑦ ᓯᑕᒪᕕᓪᓗᐊᑐᒥᒃ ᐊᑭᑐᓂᕐᓴᐅᒍᓐᓇᑐᑦ ᓯᕿᓂᕐᒦᑐᓄᑦ ᐅᑦᑐᕋᐅᑎᒋᒍᑦᑎᒍ ᑕᒪᓐᓇ ᒪᓐᑐᔨᐊᒧᐊᓪᓛᑦ, ᑌᒣᒻᒪᑦ ᓇᒻᒥᓂᖅ ᐱᓇᓱᒐᖃᕐᕖᑦ ᐊᑕᐅᓯᐅᑦᑎᑐᐃᓪᓗ ᐱᒐᓱᐊᒻᒪᕆᓐᓇᑐᒃᑰᓚᕆᓲᒍᕗᑦ. ᖃᓄᐃᓘᕆᐊᖃᕐᑐᕆᕙᑎᓪᓕ ᑲᕙᒪᑐᖃᒃᑯᑦ ᐊᑭᑐᓗᐊᕐᑐᒥᐅᑦ ᑕᖅᕋᒥᐅᑦ ᓈᒻᒪᖁᐊᕆᔭᐅᑎᑕᐅᒍᑎᑦᓴᖏᓐᓂᒃ ᓯᕿᓂᕐᒦᑐᓄᑦ ? ᑲᕙᒪᑐᖃᒃᑰᑦ ᑐᕃᓐᓇᑐᒃᑯᑦ ᐃᑲᔪᕐᓯᖃᑦᑕᑐᑦᓴᐅᕙᑦ ᐊᑕᐅᓯᐅᑦᑎᑐᓂᒃ ᐅᕝᕙᓘᓐᓃᑦ ᓂᐅᕕᕐᕕᓂᒃ ?
A2 - ᑲᔪᓯᓚᖓᔪᒍᑦ ᐱᓇᓱᐊᕐᑕᑎᓐᓂᒃ ᓄᑖᓂᒃ ᑲᓇᑕᒥ ᐱᕙᓪᓕᖁᑎᓂᒃ-ᑐᓴᐅᒪᑎᑦᓯᖃᑎᒌᒍᑎᖃᕐᓂᐅᑉ ᐃᓂᓪᓚᖓᐅᓯᓕᐅᕐᑕᐅᓯᒪᐅᑎᖓᓂᒃ ᐃᓄᐃᑦ ᓄᓇᓕᖏᑦ ᐱᕙᓪᓕᖁᑎᖃᕐᐸᖁᑦᓱᒋᑦ ᑐᕃᓐᓇᑐᒃᑯᑦ ᐱᑦᓴᑖᕐᕕᓭᑦ ᐱᕙᓪᓕᐊᔭᐅᒋᐊᓖᑦ ᐱᓇᓱᐊᕐᑕᐅᓂᖏᓐᓂᒃ ᐃᓄᐃᑦ ᓄᓇᖓᓂ. ᐱᓇᓱᖃᑎᖃᑦᓭᓇᖃᑦᑕᓚᖓᔪᒍᑦ ᐃᓄᓐᓂᒃ ᒪᑭᑉᐸᓕᐊᒐᓱᐊᕈᑎᑦᓭᑦ ᑲᔪᓯᑎᑕᐅᑦᓯᐊᕋᓱᐊᕐᑎᓗᒋᑦ ᓴᐳᑦᔨᒍᒪᒐᑦᑕ ᐃᓄᐃᑦ ᒪᑭᑉᐸᓕᐊᒐᓱᐊᕈᑎᑦᓴᖏᑦᑕ ᐱᕙᓪᓕᐊᔭᐅᓂᖏᓐᓂᒃ.
- ᑲᓇᑕᒥ ᓄᐃᑦᓯᓂᖃᕐᓯᒪᔪᖅ ᑲᔪᓯᑎᑦᓯᓂᖃᕐᓱᓂᓗ ᑐᑭᒧᐊᒋᐊᕈᑎᑦᓴᒥᒃ ᐱᑦᔪᑎᓕᒻᒥᒃ ᐅᖃᐅᓯᕐᑕᖏᓐᓂᒃ 24-ᒦᑦᑐᓂᒃ ᓄᓇᕘᕐᒥ ᐊᖏᖃᑎᒌᒍᑎᓕᐊᒍᓯᒪᔪᒥ ᐃᑲᔪᕐᓯᒍᑎᑦᓴᐅᓂᐊᕐᓗᓂ ᐃᓄᐃᑦ ᐱᓇᓱᒐᖃᕐᕕᖏᓐᓂᒃ ᑲᕙᒪᒃᑯᑦ ᐱᓇᓱᒍᑦᔨᓂᒃᑯᑦ ᐊᖏᖃᑎᒌᒍᑎᑎᒍᑦ ᐱᓇᓱᑦᑎᑖᕈᑎᒋᓲᖏᓐᓂᒃ ᐱᒐᓱᐊᖔᕈᓐᓇᖃᑦᑕᓂᐊᕐᓗᑎᒃ, ᐃᓚᐅᒻᒥᑎᓪᓗᒍ real property leases-ᓚᔭᐅᔪᖅ, ᐃᓚᐅᒍᓐᓇᓂᕐᓴᐅᖃᑦᑕᓂᐊᕐᒪᑕ ᑲᕙᒪᒃᑯᑦ ᓂᐅᕕᕋᕐᓂᖏᓐᓄᑦ
- ᐱᓇᓱᐊᕐᓯᒪᒻᒥᔪᒍᑦ 2019-ᒥ ᑎᓕᔭᐅᒪᐅᑎᑦᑎᓂᒃ ᓄᐃᑦᓯᓱᑕ ᒪᓕᒐᕐᒥᒃ 5%-ᒧᑦ ᑎᑭᐅᑎᒍᓐᓇᑐᓂᒃ ᑲᕙᒪᑐᖃᒃᑯᓂᑦ ᓂᐅᕕᕋᕐᓂᓄᑦ ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑎᓂᒃ ᐱᑎᑕᐅᒍᓐᓇᓯᒍᑎᑦᓴᖏᓐᓂᒃ ᓄᓇᓕᑐᙯᑦ ᓇᒻᒥᓂᖅ ᐱᓇᓱᒐᖃᕐᕕᖏᑦ
- ᐃᓚᐅᑎᑦᓯᖃᑦᑕᓂᕐᓴᐅᒍᒪᔪᒍᑦ ᓄᓇᓕᑐᖃᕐᓂᒃ ᒪᑭᑕᒐᓱᐊᕈᑎᑦᓴᓕᕆᓂᕐᓄᑦ.
Q3 - 1975-ᒥ ᔦᒥᓯ ᐯᒥ ᑯᐯᒃᓗ ᑕᖅᕋᖓᓂ ᐊᖏᖃᑎᒌᒍᑎᒥ ᐃᓄᐃᑦ ᐃᒻᒥᓂᒃ ᐊᐅᓚᑦᓯᒍᓐᓇᓂᖓ ᑕᖅᕋᒥᒃ ᐅᖃᐅᓯᐅᒋᐊᓪᓚᓯᒪᖕᖏᑐᖅ. ᖃᓄᕐᓕ ᑲᕙᒪᓯ ᐃᓱᒪᒋᔭᖃᕐᐸ ᐃᓄᐃᑦ- ᐃᒻᒥᓂᒃ-ᐊᐅᓚᑦᓯᒍᒪᓂᖓᓂᒃ ᓄᓇᕕᒻᒥ ᑲᕙᒪᑖᕈᓐᓇᓯᒐᔭᕐᓗᑎᒃ ?
A3 - ᐃᓄᓐᓂᒃ ᐱᓇᓱᖃᑎᖃᖃᑦᑕᓗᑕ ᑲᑐᑦᔨᓗᑕ ᐱᔭᕇᕋᓱᐊᕐᓗᑕ ᒪᓕᒐᓕᐊᕆᓯᒪᔭᑦᑎᓂᒃ ᐃᓄᐃᑦ ᓄᓇᖓᓅᓕᖓᔪᒥᒃ ᑲᔪᓯᑎᑕᐅᑦᓴᐅᑎᒋᖁᑦᓱᒍ.
ᐃᓄᓐᓂᒃ ᐱᓇᓱᖃᑎᖃᖃᑦᑕᓗᑕ ᑲᔪᓯᑎᑦᓯᒍᒪᓂᕐᒧᑦ ᓱᓇᒥᑦᑐᒥᒃ ᐃᓄᐃᑦ ᓄᓇᑖᕋᓱᐊᕐᓂᒧᑦ ᐊᖏᖃᑎᒌᒍᑎᖏᓐᓂᒃ. ᑲᔪᓯᑎᑦᓯᓂᖃᓛᕐᒥᔪᒍᑦ ᓱᓇᒥᑦᑐᒥᒃ ᓄᓇᕐᔪᐊᒥᐅᒍᖃᑎᒌᑦ ᐅᖃᒻᒪᕆᐅᑎᖓᓂᒃ ᐱᑦᔪᑎᓕᒻᒥᒃ ᐱᒍᓐᓇᐅᑎᖏᓐᓂᒃ ᓄᓇᓕᑐᙯᑦ ᐱᖁᔭᖓᓂᒃ ᓄᐃᑦᓯᖃᑎᒌᓪᓗᑕᓗ ᐱᓇᓱᐊᕐᑕᐅᒋᐊᓕᓐᓂᒃ ᑎᑭᐅᑎᒐᓱᐊᕈᑎᑦᓴᑎᓐᓂᒃ ᑐᕌᒐᓕᐊᕆᓯᒪᔭᑦᑎᓄᑦ ᐅᖃᒻᒪᕆᐅᑎᓃᑦᑐᓂᒃ.
- ᑐᓴᕐᕕᖃᕈᒣᓐᓇᓲᒍᔪᒍᑦ ᓄᓇᓕᒻᒥᐅᑦ ᓯᕗᓂᑦᓴᕆᒍᒪᒐᔭᕐᑕᖏᓐᓂᒃ ᐃᒻᒥᓂᒃ-ᐊᐅᓚᑦᓯᒍᓐᓇᓯᒍᒪᓂᖅ ᐱᓪᓗᒍ.
- ᐱᓇᓱᖃᑎᙯᓐᓇᓚᖓᔪᒍᑦ ᒪᑭᕝᕕᒥᒃ ᑲᔪᓯᑎᑕᐅᓂᕆᒋᐊᓕᖓᓄᑦ ᔦᒥᓯ ᐯᒥ ᑯᐯᒃᓗ ᑕᖅᕋᖓᓂ ᐊᖏᖃᑎᒌᒍᑎᐅᑉ.
Q4 - ᑐᑭᑖᕐᓯᒪᔪᑎᑦ ᓂᕈᐊᕐᑕᐅᒐᓱᐊᕐᓂᐊᓂᕐᒥᒃ ᓂᕈᐊᕐᓂᐅᓛᕐᑐᒥ, ᓂᕈᐊᕐᑕᐅᒐᓱᐊᓛᕋᕕᑦ ᐋᐱᑎᐱᒥ--ᔦᒥᓯ ᐯᒥ--ᓄᓇᕕᒻᒥ--ᐄᔫᒥᓪᓗ ᑭᒡᒐᑐᕐᓂᐊᓗᑎᑦ ᓱᓀᑦ ᐱᓐᓀᓗᑕᐅᓲᑦ ᐱᓪᓚᕆᐅᓂᕐᐸᐅᔪᕆᕙᑎᑦ ᐃᓕᓐᓄᑦ ᖃᓄᕐᓗ ᐅᖃᐅᓯᕆᒍᓐᓇᖃᑦᑕᓛᕐᑐᕆᕙᑎᑦ ?
A4 -
ᖃᓄᐃᖕᖏᓯᐊᕐᑐᓴᐅᓂᖅ ᐃᓱᒪᒃᑯᓗ ᖃᓄᐃᖕᖏᓯᐊᕐᑐᓴᐅᓂᖅ
ᑲᑐᑦᔨᓗᑕ ᓄᐃᑦᓯᓛᕐᑐᒍᑦ ᑮᓇᐅᔭᖃᕐᑎᓯᓗᑕᓗ ᐃᓱᒪᒃᑯᑦ ᖃᓄᐃᖕᖏᓯᐊᕐᑐᓴᐅᓂᕐᒧᑦ ᐊᕐᕌᒍᓄᑦ ᐊᒥᓱᓄᑦ ᐸᕐᓀᕈᑎᒥᒃ ᐱᓇᓱᐊᕈᑎᑦᓴᐅᑎᓪᓗᒍ ᐃᓄᓕᒫᑦ ᑭᖕᖒᒪᒋᔭᖏᓐᓂᒃ. ᐱᓇᓱᐊᕐᓂᐅᓛᕐᑐᖅ ᓱᕐᕋᑕᐅᓯᒪᒍᑎᐅᔪᓂᒃ ᐃᓕᕐᖁᓯᖃᑎᒋᖕᖏᑕᒥᓂᒃ ᐃᓕᕐᖁᓯᕐᑖᑎᑕᐅᒐᓱᐊᕐᓂᐅᓯᒪᔪᒥᒃ ᐃᓕᓴᕆᐊᕐᑎᑕᐅᓯᒪᓂᕐᒧᓗ ᓱᕐᕋᑕᐅᓯᒪᒍᑎᐅᔪᓂᒃ. ᑕᒪᓐᓇ ᑲᑐᑦᔨᒍᑕᐅᓯᒪᔪᖅ ᐃᓱᒪᒃᑯᑦ ᖃᓄᐃᖕᖏᓯᐊᕐᑐᓴᐅᓂᕐᒧᑦ ᐊᕐᕌᒍᓄᑦ ᐊᒥᓱᓄᑦ ᐸᕐᓀᕈᑎ ᐱᓇᓱᐊᕐᓂᐅᒍᓐᓇᒥᔪᖅ ᐅᐃᒪᓇᕐᓯᒍᑕᐅᓯᒪᓂᖓᓂᒃ opioid-ᓂᕋᕐᑕᐅᔪᑦ, ᐃᓄᐃᑦ ᐃᓕᕐᖁᓯᖓᑎᒍᑦ ᐱᒍᑦᔨᐅᑎᑦᓴᓂᒃ ᐅᐃᕆᓯᒪᐅᑎᓕᓐᓂᒃ, ᖁᐊᕐᓵᖓᓇᕐᑐᑰᕐᓯᒪᓂᕐᓂᒃ, ᐃᓅᓯᕐᒥᒃ ᑭᐱᓯᑐᐃᓐᓇᓂᐅᕙᑦᑐᓂᒃ, ᐃᓅᒍᒪᓂᕐᒥᓗ ᑫᓪᓚᑐᐃᒍᑎᖃᕐᓂᒥᒃ, ᒪᒥᓴᕐᕕᓭᓪᓗ ᓴᓇᔭᐅᓂᑦᓴᖏᓐᓂᒃ ᐃᓄᐃᑦ ᓄᓇᓕᖏᓐᓂ ᓯᕗᓪᓕᐅᔨᒐᑦᓴᐅᖁᔭᐅᔪᑦ ᒪᓕᓪᓗᒋᑦ. ᑲᔪᓯᓚᖓᔪᒍᑦ, ᐃᓄᓐᓂᒃ ᑲᑐᑦᔨᖃᑎᖃᕐᓗᑕ, ᖃᓂᒪᓇᖅ ᑰᕕᑦ-19-ᒨᓕᖓᔪᓂᒃ ᐃᑲᔪᕐᓯᒋᐊᕈᑎᖃᕐᓗᑕ.
ᓴᐳᑦᔨᖏᓐᓇᓚᖓᔪᒍᑦ ᐃᓄᐃᑦ ᐱᒋᐊᕐᑎᓯᒪᔭᖏᓐᓂᒃ ᐳᕙᓪᓗᓇᕐᑐᖃᕈᓐᓀᑎᑦᓯᒐᓱᐊᕐᓂᒧᑦ ᐃᓄᐃᑦ ᓄᓇᖓᓂ
ᐊᕐᕌᒍᓂ ᑕᓪᓕᒪᓂ ᐱᓇᓱᐊᕐᑕᐅᒋᐊᓖᑦ, ᐱᓗᑲᐅᑎᓂᕐᓅᓕᖓᔪᑦ
ᐃᓄᓐᓂᒃ ᐱᓇᓱᖃᑎᖃᖃᑦᑕᓛᕐᑐᒍᑦ $2.2-ᐱᓕᐊᓐ ᐅᖓᑖᓅᕐᑐᓂᒃ ᑮᓇᐅᔭᖃᕐᑎᓯᓗᑕ ᐊᕐᕌᒍᓄᑦ ᑕᓪᓕᒪᓅᓕᖓᔪᓂᒃ, ᐱᒋᐊᕐᓗᒍ 2021-2022, $160.9 ᒥᓕᐊᓐᓂᓪᓗ ᑲᔪᓯᔪᒥᒃ ᑮᓇᐅᔭᖃᕐᑎᓯᓗᑕ, ᐱᓇᓱᐊᕈᑎᑦᓴᓂᒃ ᐱᓗᑲᑦᑕᐅᑌᓕᒋᐊᖃᕐᓂᖏᓐᓂᒃ ᓄᓇᓕᑐᙯᑦ ᐊᕐᓀᑦ, ᓂᕕᐊᕐᓯᐊᓗ ᐊᒻᒪᓗ 2ELGBTQIA+ ᐃᓚᒋᔭᖓᓂᐅᒃ ᑲᔪᓯᑎᑕᐅᓂᖓᑕ ᑲᕙᒪᑐᖃᒃᑯᑦ ᐊᕐᖁᓯᐅᕐᓂᖓᑕ ᐊᒻᒪᓗ 2021-ᒥ ᑲᓇᑕᒥ ᐱᓇᓱᐊᕐᑕᐅᒋᐊᓖᑦ.
ᐅᖃᐅᓯᖅ
ᑲᔪᓯᑎᑦᓯᓭᓐᓇᓚᖓᔪᒍᑦ ᓄᓇᓕᑐᙯᑦ ᐅᖃᐅᓯᕐᒧᑦ ᐱᖁᔭᖓᓂᒃ ᐱᐅᓕᐊᕆᐊᖃᕐᓂᒧᑦ, ᖃᐅᔨᒪᔭᐅᑎᑦᓯᒋᐊᖃᕐᓂᒧᑦ ᓄᐃᑦᓯᒋᐊᓪᓚᕆᐊᖃᕐᓂᒧᓪᓗ ᓄᓇᓕᑐᙯᑦ ᐅᖃᐅᓯᖓᓂᒃ ᑲᓇᑕᒥ ᐃᑲᔪᕐᓯᔭᐅᓗᑕ ᐊᑯᓃᕐᑐᒨᓕᖓᔪᓂᒃ, ᖃᐅᔨᒪᓇᑦᓯᐊᑐᓂᒃ ᓈᒻᒪᓈᕐᑐᓂᓪᓗ ᑮᓇᐅᔭᖃᕐᑎᑕᐅᒍᑎᓂᒃ.
ᕿᑐᕐᖓᐅᔪᑦ ᐃᓚᒌᓪᓗ
ᐱᓇᓱᖃᑎᖃᖃᑦᑕᓛᕐᑐᒍᑦ ᐃᓄᓐᓂᒃ ᑲᔪᓯᑎᑕᐅᓂᖃᑦᓯᐊᖁᒐᑦᑎᒍ ᓄᓇᓕᑐᙯᓪᓗ, ᐃᓄᐃᓪᓗ ᒦᑏᓪᓗ ᕿᑐᕐᖓᖏᓐᓄᑦ, ᐅᕕᒐᕐᑐᓄᓪᓗ ᐃᓚᒌᓄᓪᓗ ᐱᖁᔭᖅ, ᐊᑯᓃᕐᑐᒨᓕᖓᔪᓂᒃ, ᖃᐅᔨᒪᓇᑦᓯᐊᑐᓂᒃ ᓈᒻᒪᓈᕐᑐᓂᓪᓗ ᑮᓇᐅᔭᖃᕐᑎᑕᐅᖁᑦᓱᒍ ᑕᒪᑐᒧᖓᐅᓕᖓᔪᓂᒃ.
ᓯᓚᕐᔪᐊᒥ ᓯᓚᐅᑉ ᐊᓯᑦᔨᕙᓪᓕᐊᓂᖓ
ᐱᓇᓱᖃᑎᖃᑦᓭᓇᖃᑦᑕᓚᖓᔪᒍᑦ ᐃᓄᓐᓂᒃ ᓯᓚᕐᔪᐊᒥ ᓯᓚᐅᑉ ᐊᓯᑦᔨᕙᓪᓕᐊᓂᖓ ᐅᖄᒍᑎᒋᖃᑦᑕᓗᒍ, ᐱᓗᐊᕐᑐᖅ ᐃᑉᐱᒋᔭᐅᑎᑦᓯᖃᑦᑕᓗᑕ ᓱᕐᕃᓂᕆᓲᖓᓂᒃ ᓯᓚᐅᑉ ᐊᓯᑦᔨᕙᓪᓕᐊᓂᖓᑕ ᓄᓇᒋᓯᒪᔭᖓᓂᒃ ᑌᒪᖕᖓᓂᐊᓗᒃ ᐃᒪᕐᒥᓗ ᑲᑐᑦᔨᒍᑎᖃᕐᓗᑕᓗ ᐊᕐᕌᒍᓄᑦ ᐊᒥᓱᓄᑦ ᐸᕐᓀᕈᑎᓂᒃ ᓯᕗᓂᑦᓴᓕᐅᕈᑎᑦᓴᓂᒃ.
ᐃᓪᓗᓕᕆᓂᖅ
ᑮᓇᐅᔭᖃᕐᑎᓯᓂᖅ $2-ᐱᓕᐊᓐᒋᐊᓪᓚᓂᒃ ᓄᓇᓕᑐᙯᑦ, ᐃᓄᐃᓪᓗ ᒦᑏᓪᓗ ᐃᒻᒥᓂᒃ- ᐃᓪᓗᓕᐅᕈᑎᑦᓴᖏᓐᓂᒃ, ᐊᕝᕙᓗᐊᖏᑦᑕ ᐅᖓᑖᓅᕐᑐᑦ ᑮᓇᐅᔭᖃᕐᑎᑕᐅᒍᑏᑦ ᐊᑐᐃᓐᓇᐅᒐᔭᕐᑎᓗᒋᑦ ᐊᐅᔭᐅᓛᕐᑐᒥ ᐅᐱᕐᖓᒍᓛᕐᑐᒥ ᓴᓇᖃᑦᑕᕆᐊᓯᓚᐅᕐᑎᓇᒋᑦ ᐃᓪᓗᓕᐅᕐᑏᑦ.
ᐅᐱᒍᓱᑉᐳᖓ ᐅᖄᒍᑎᖃᖃᑦᑕᓛᕋᒪ ᓯᕗᓪᓕᐅᔨᒐᑦᓴᓯᓐᓂᒃ ᐱᓐᓀᓗᑕᕆᓲᑦᓯᓂᓪᓗ. ᐱᓇᓱᐊᕐᑕᓃᕙᖓ ᑐᓂᒪᒍᑎᖃᑦᓯᐊᓲᒍᒐᒪ. ᐃᓕᑦᓯᓂᒃ ᐱᓇᓱᒍᑦᔨᒐᒪ ᐃᓄᓕᒫᓂᓪᓗ. ᑲᑐᑦᔨᓗᑕ ᓯᕗᒻᒧᕆᐊᖃᑎᒌᓚᖓᕗᒍᑦ ᐋᕐᕿᓱᐃᒍᑎᑦᓴᓯᐅᖃᑎᒌᓪᓗᑕᓗ ᑭᖕᖒᒪᒋᔭᖏᓐᓅᓕᖓᔪᓂᒃ ᓄᓇᕕᒻᒥᐅᑦ ᓂᕈᐊᕐᑕᐅᒋᐊᓪᓚᓯᒪᓕᕐᑎᓗᒋᓪᓗ liberal Party-ᑯᑦ.
Q1 - ᖃᓂᒪᓇᖅ ᑰᕕᑦ-19-ᒧᑦ ᓯᓚᕐᔪᐊᒥ ᓄᐃᑦᓯᖃᑦᑕᓚᐅᔪᕗᖅ ᐊᑦᔨᒌᖕᖏᑑᑎᑕᐅᓂᕆᓲᖏᓐᓂᒃ ᐃᓄᐃᑦ ᓄᓇᖓᓂᒥᐅᑦ. ᓱᑲᑦᑐᒥᒃ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖃᕋᑎᒃ, ᓂᕿᑦᓴᖃᑦᓯᐊᕋᑎᒃ, ᓂᓐᓂᐅᕋᓚᐅᑎᑦᓱᑎᒃ ᐃᓪᓗᒥᐅᒍᖃᑎᒌᑦ ᖃᖓᑦᑕᔫᒃᑯᓗ ᐅᖓᓯᑦᑐᒧᑦ ᐃᖏᕐᕋᐅᑎᑐᐊᖃᕐᓱᑎᒃ ᑕᒪᒃᑯᐊᓗ ᐃᑭᑦᑑᓱᑎᒃ ᐆᑦᑐᕋᐅᑎᑐᐃᓐᓀᑦ ᐱᓐᓀᓗᑕᐅᓲᑦ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ ᐱᓐᓀᓗᑦᓯᒍᑕᐅᓪᓚᕆᖃᑦᑕᓚᐅᔫᑦ. ᑲᕙᒪᑐᖃᒃᑯᑦ ᑮᓇᐅᔭᖃᕐᑎᓯᒍᑎᖏᑦ ᐃᑲᔪᕐᓯᒍᑕᐅᑫᓐᓇᖃᑦᑕᓚᐅᔫᒐᓗᐊᑦ ᑕᒪᒃᑯᐊ ᐱᓐᓀᓗᑕᐅᔪᑦ ᐃᓚᖏᓐᓂᒃ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ, ᖃᓂᒪᓇᕐᓕ ᑰᕕᑦ 19-ᒧᑦ ᐱᑕᖃᕈᓐᓀᕈᓐᓇᑎᓪᓗᒍ ᑕᒪᒃᑯᐊ ᐱᓐᓀᓗᑕᐅᔪᑦ ᐱᓐᓀᓗᑕᐅᓕᒫᑐᐃᓐᓇᕙᓚᖓᒻᒪᑕ. ᓱᓇᓂᒃ ᑐᓂᒪᐅᑎᑦᓴᖃᕐᑐᕆᕙᑎᑦ ᑲᕙᒪᑐᖃᒃᑯᑦ ᑕᒪᒃᑯᐊ ᐱᓐᓀᓗᑕᓪᓚᕆᐅᔪᑦ ᐃᓚᖏᑦᑕ ᖃᓄᐃᓕᔭᐅᒋᐊᕈᑎᑦᓴᕆᓂᐊᕐᑕᖏᓐᓂᒃ ᓄᓇᕕᒻᒥᐅᓄᑦ ᐅᓪᓗᑕᒫᑦ ᐊᑑᑎᔭᐅᒻᒪᑕ ?
A1 -
ᐊᓯᒥᓂᑦ ᐱᓯᒪᑦᓱᒋᑦ ᐊᓯᑦᔨᑐᕐᑕᐅᓃᑦ ᐃᓅᓯᕐᒥᒍᑦ ᐱᕐᖁᓯᕐᒥᑎᒍᓪᓗ ᓱᓕ ᑲᔪᓯᔪᑦ ᐅᓪᓗᒥᒧᑦ ᓄᓇᑦᑎᓂ. ᑭᓇᓘᓐᓃᑦ ᐱᕕᖃᕐᑎᑕᐅᖕᖏᑑᓗᓂ ᐊᖏᕐᕋᖃᕐᑐᓴᐅᖕᖏᓚᖅ ᐃᓄᒋᐊᓗᐊᕐᑐᒥᒃ ᐅᕝᕙᓗᓘᓐᓃᑦ ᐃᒥᕋᑦᓴᖃᑦᓯᐊᖏᑦᑑᓗᓂ. ᐊᑯᓂᐅᓗᐊᕐᑐᖅ ᑲᓇᑕᐅᑉ ᑲᕙᒪᖓ ᑲᖐᓱᑦᓯᒪᖕᖏᒪᑦ ᓄᓇᕗᒻᒥᐅᑦ ᑭᖕᖒᒪᒋᔭᖏᓐᓂᒃ ᐃᓅᖃᑕᐅᓂᕐᒥᓄᑦ ᐱᒍᓐᓇᐅᑎᒥᓂᒃ, ᓄᓇᖓᓂᓪᓗ ᐱᑦᓴᑖᕿᕕᖃᖏᓐᓇᓱᓂ ᒪᑭᑕᒍᑎᑦᓴᓂᒃ. ᓄᑖᖅ ᑲᑐᑦᔨᖃᑎᒌᓐᓂᖅ ᐃᓱᒪᕐᓱᕈᓐᓇᓱᓂ ᑐᓂᒪᒍᑎᖃᕐᖁᑦ ᑕᒪᑦᓱᒪ ᐊᓯᐊᒍᑦ ᐱᓇᓱᐊᕐᓂᐊᓗᑎᒃ.
ᓯᕗᓪᓕᐸᐅᑦᔨᒐᑦᓴᓕᐊᕆᓯᒪᔭᕗᑦ ᐃᓕᖓᔪᖅ ᓄᓇᕗᒻᒧᑦ ᓲᖕᖑᓯᑎᒋᐊᕐᓗᒋᑦ ᓇᒻᒥᓂᖅ ᑐᑭᑖᕈᓐᓇᕆᐊᖃᕐᓂᖏᑦ. ᓄᓇᓕᓐᓃᑐᑦ ᐃᓄᓐᓂᒃ ᐱᑦᔪᔨᕖᑦ ᖃᐅᔨᒪᓂᕐᐸᐅᕗᑦ ᑭᖕᖒᒪᒋᔭᒥᓂᒃ ᓇᓗᓀᔦᓂᕐᒧᑦ ᐊᒻᒪᓗ ᖃᐅᔨᒪᑎᑦᓯᖃᑦᑕᓯᒪᓕᕐᓱᑎᒃ ᐊᑐᕐᑕᐅᒍᓐᓇᑐᓂᒃ ᐃᓂᓪᓚᓯᒪᐅᑎᐅᓗᑎᒃ ᖃᐅᔨᒪᑎᑦᓯᒍᑎᒋᑦᓱᒋᑦ ᑲᕙᒪᒥᒃ ᐊᑯᓂᐋᓗᒃ. ᐱᓇᓱᐊᒻᒪᕆᓐᓂᐊᑐᒍᑦ ᓱᕐᖁᐃᑐᒥᒃ ᓄᓇᕗᒻᒥᐅᑦ ᓂᐱᖃᕈᓐᓇᓯᖁᓪᓗᒋᑦ ᑐᓵᑐᐃᓐᓇᕈᓐᓀᓗᑎᒃ ᓈᓚᑦᑕᐅᒍᓐᓇᓯᓗᑎᑦᑕᐅᖅ ᑌᒣᖁᓪᓗᒋᑦ. ᓄᑖᖅ ᑲᑐᑦᔨᖃᑎᒌᓐᓂᖅ ᐃᓱᒪᕐᓱᕈᓐᓇᓱᓂ ᐅᓪᓗᑕᒫᑦ ᐊᔪᐃᓐᓇᕈᑎᖃᖃᑦᑕᓂᐊᕐᖁᖅ ᐊᔪᐃᓐᓈᕆᓗᒋᑦ ᓴᓇᔭᐅᖃᑦᑕᕆᐊᓖᑦ ᐃᓱᐊᖁᑎᑦᓴᐅᓗᑎᒃ ᐅᐃᒪᓇᕐᑑᑎᓪᓗᒋᑦ ᐅᐃᒪᓇᕐᒪᑕ. ᑲᕙᒪᒥ, ᑮᓇᐅᔭᕐᑕᓰᓂᐊᕐᑐᒍᑦ 4ᐱᓕᐊᓐᓂᒃ ᐊᖏᕐᕋᓴᐅᓗᑎᒃ ᐃᒃᓗᔪᐊᓕᐅᕈᑎᑦᓴᓂᒃ ᐊᓯᖏᓪᓗ ᐃᓱᐊᖁᑎᑦᓭᑦ ᐱᓇᓱᓐᓂᒨᓕᖓᔪᑦ, ᐃᓚᖃᕐᒥᑎᓪᓗᒋᑦ ᐃᖏᕐᕋᐅᑎᓕᕆᓂᕐᒥᒃ, ᐅᒥᐊᒃᑯᕕᓐᓂᒃ, ᐊᕐᖁᑎᑯᑖᑦ ᓄᓇᓕᐅᑉ ᐊᓯᐊᓄᑦ ᐱᑐᑦᑐᓯᒪᔪᑦ, ᐊᑐᕈᓐᓇᓯᑎᓗᒋᑦ ᓱᑲᑦᑐᓂᒃ ᖃᕆᑕᐅᔭᕈᑎᓂᒃ ᐊᒻᒪᓗ ᖃᖓᑦᑕᔫᕐᓂᐊᕖᑦ.
Q2 - ᐃᓅᒐᓱᐊᕈᑎᑦᓭᑦ ᓄᓇᕕᒻᒥᐅᓄᑦ ᐊᑭᑐᔪᒻᒪᕆᐊᓗᐃᑦ ᓯᑕᒪᕕᓪᓗᐊᑐᒥᒃ ᐊᑭᑐᓂᕐᓴᐅᒍᓐᓇᑐᑦ ᓯᕿᓂᕐᒦᑐᓄᑦ ᐅᑦᑐᕋᐅᑎᒋᒍᑦᑎᒍ ᑕᒪᓐᓇ ᒪᓐᑐᔨᐊᒧᐊᓪᓛᑦ, ᑌᒣᒻᒪᑦ ᓇᒻᒥᓂᖅ ᐱᓇᓱᒐᖃᕐᕖᑦ ᐊᑕᐅᓯᐅᑦᑎᑐᐃᓪᓗ ᐱᒐᓱᐊᒻᒪᕆᓐᓇᑐᒃᑰᓚᕆᓲᒍᕗᑦ. ᖃᓄᐃᓘᕆᐊᖃᕐᑐᕆᕙᑎᓪᓕ ᑲᕙᒪᑐᖃᒃᑯᑦ ᐊᑭᑐᓗᐊᕐᑐᒥᐅᑦ ᑕᖅᕋᒥᐅᑦ ᓈᒻᒪᖁᐊᕆᔭᐅᑎᑕᐅᒍᑎᑦᓴᖏᓐᓂᒃ ᓯᕿᓂᕐᒦᑐᓄᑦ ? ᑲᕙᒪᑐᖃᒃᑰᑦ ᑐᕃᓐᓇᑐᒃᑯᑦ ᐃᑲᔪᕐᓯᖃᑦᑕᑐᑦᓴᐅᕙᑦ ᐊᑕᐅᓯᐅᑦᑎᑐᓂᒃ ᐅᕝᕙᓘᓐᓃᑦ ᓂᐅᕕᕐᕕᓂᒃ ?
A2 -
ᑲᓇᑕᐅᑉ ᑲᕙᒪᖓ ᓯᕗᓕᕈᑎᖃᕈᓐᓇᒪᑦ ᑮᓇᐅᔭᕐᑕᓰᓗᓂ ᐃᓅᓯᖏᑦ ᐱᕙᓪᓕᖁᓪᓗᒋᑦ ᓄᓇᕗᒻᒥᐅᑦ. ᑮᓇᐅᔭᖃᕐᑎᓗᒋᑦ ᐱᐅᓯᑐᐃᓐᓇᐅᑎᓪᓗᒍ ᐱᑦᔪᔭᐅᒍᑎᐅᒋᐊᓖᑦ ᐃᓅᓯᕐᒥ ᑭᖕᖒᒪᓇᕐᑐᑦ, ᐃᑉᐱᒋᑦᓯᐊᕈᓐᓇᑕᕗᑦ ᓄᓇᕗᒻᒥᐅᑦ ᐱᑦᓴᑖᕐᕕᓴᖃᑦᓯᐊᕈᓐᓇᖁᓪᓗᒋᑦ ᐱᕙᓪᓕᐊᓯᐊᕈᑎᑦᓴᓂᒃ. ᐱᒐᓱᓐᓂᐊᒥᔪᒍᑦ ᓄᓇᕗᒻᒥᐅᑦ ᐃᓄᖏᑦ ᐱᒍᓐᓇᓯᑦᓯᐊᖁᓪᓗᒋᑦ ᓄᓇᒥᒃ ᓱᒃᑯᑎᕆᖕᖏᓂᕐᓴᓂᒃ ᐊᑐᕐᓗᑎᒃ ᑮᓇᐅᑦᔭᓴᐅᑎᑦᓯᐊᖑᓗᑎᓪᓗ ᐱᓇᓱᒐᑦᓴᓂᒃ ᐱᕙᓪᓕᖁᓪᓗᒋᑦ ᓄᓇᓕᒻᒥᓂ ᐱᑦᔪᔨᕖᑦ (ᑲᕙᒫᐱᒃ) ᓄᓇᓖᓪᓗ ᐊᖏᕐᕋᕆᔭᐅᔪᑦ. ᓴᐳᒻᒥᒍᑎᒋᓂᐊᕐᒥᔭᕗᑦ ᐃᓄᑐᐃᓐᓀᑦ ᐱᒍᓐᓇᓂᖏᓐᓂᒃ ᓂᕿᖃᕆᐊᖃᕐᓂᒧᑦ ᐊᒻᒪᓗ ᓄᐃᑎᒋᐊᓪᓚᓗᒍ ᓂᕿᑦᓴᖃᑦᓯᐊᕆᐊᖃᕐᓂᒧᑦ ᑕᕐᕋᒥ ᐃᖏᕐᕋᑎᑕᐅᔪᖅ ᐃᓚᒌᑦ ᓂᕿᑦᓴᖃᑦᓯᐊᕆᐊᖃᕐᓂᖓ ᐱᕙᓪᓕᒋᐊᖁᓪᓗᒍ, ᐃᓚᐅᑎᓪᓗᒋᑦ ᓂᕿᑐᐃᓐᓀᑦ ᓂᕿᒻᒪᖏᓪᓗ ᐱᕐᖁᓯᕐᒥᑎᒍᑦ. ᖃᐅᔨᒪᒐᑦᑕ ᑕᒪᓐᓇ ᑕᕐᕋᒥ ᓂᕿᑦᓴᖃᑦᓯᐊᕆᐊᖃᕐᓂᒧᑦ ᐃᖏᕐᕋᑎᑕᐅᔪᖅ ᐃᓄᓐᓅᓕᖓᔪᑦᓴᔭᐅᒋᐊᖓ ᐃᑲᔪᕐᓯᒪᓗᓂ ᓄᓇᓕᒻᒥᒃ ᐃᑲᔪᕐᓯᒍᑎᐅᖕᖏᖔᕐᑎᓗᒍ ᓂᐅᕕᕐᓂᐊᕕᖁᑎᓕᓐᓂᒃ.
Q3 - 1975-ᒥ ᔦᒥᓯ ᐯᒥ ᑯᐯᒃᓗ ᑕᖅᕋᖓᓂ ᐊᖏᖃᑎᒌᒍᑎᒥ ᐃᓄᐃᑦ ᐃᒻᒥᓂᒃ ᐊᐅᓚᑦᓯᒍᓐᓇᓂᖓ ᑕᖅᕋᒥᒃ ᐅᖃᐅᓯᐅᒋᐊᓪᓚᓯᒪᖕᖏᑐᖅ. ᖃᓄᕐᓕ ᑲᕙᒪᓯ ᐃᓱᒪᒋᔭᖃᕐᐸ ᐃᓄᐃᑦ- ᐃᒻᒥᓂᒃ-ᐊᐅᓚᑦᓯᒍᒪᓂᖓᓂᒃ ᓄᓇᕕᒻᒥ ᑲᕙᒪᑖᕈᓐᓇᓯᒐᔭᕐᓗᑎᒃ ?
A3 -
ᓲᓱᒋᑦᓯᐊᓂᐊᕐᑕᕗᑦ ᐃᓄᑐᐃᓐᓀᑦ ᓇᒻᒥᓂᖅ ᑐᑭᑖᕈᓐᓇᓂᖓ ᐱᓇᓱᖃᑎᒋᓗᒋᑦ ᓄᐃᑦᓯᖃᑎᒋᓗᒋᑦ ᑕᕐᕋᒨᓕᖓᓗᓂ ᒪᓕᒐᐅᓂᐊᕐᑐᓂᒥᒃ ᐊᒻᒪᓗ ᑕᕐᕋᒥ ᑐᖕᖓᕕᐅᒐᔭᕐᑐᓂᒃ ᐊᑐᕐᓗᒋᑦ ᑲᑐᑎᑦᓱᒋᑦ ᒪᓕᒐᑦᓴᓕᐊᖑᓯᒪᔪᑦ ᑲᕙᒪᓐᓂᒧᑦ ᑕᒃᒐᓂ ᐃᓄᑐᐃᓐᓀᑦ ᐊᑕᓂᐊᓘᓪᓗ ᐱᓇᓱᖃᑎᒌᕝᕕᖓᒍᑦ ᑲᑎᖕᖓᔨᖏᑎᒍᑦ,ᐃᓚᖃᕐᒥᓗᓂ ᑐᑭᑖᕈᑎᒃᑯᑦ ᐊᖏᖃᑎᒌᒍᑎᐅᓯᒪᔪᒥᒃ ᐱᓪᓗᒍ ᐃᓄᑐᐃᓐᓀᑦ ᓄᓇᖓᓐᓂ ᒪᓕᒐᖅ. ᓴᐳᒻᒥᓂᐊᕐᒥᔪᒍᑦ ᑮᓇᐅᔭᑎᒍᑦ ᒪᑭᑕᒍᑎᑦᓴᓂᒃ ᐊᒻᒪᓗ ᐃᓄᐃᑦ ᓇᒻᒥᓂᖅ ᑕᑎᒋᒍᓐᓇᓂᖏᑦ ᐃᓄᑐᐃᓐᓀᑦ ᒪᑯᑎᒎᓇ ᑲᒪᒋᓗᒋᑦ ᐊᖏᔪᒻᒪᕆᒻᒥᒃ ᓴᓇᓂᒻᒪᕆᐅᒋᐊᓕᐅᒐᓗᐊᑦ ᐃᓱᐊᖁᑎᑦᓴᓂᒃ ᑭᖕᖒᒪᓇᒻᒪᕆᓐᓂᖏᑦ ᑕᕐᕋᒦᑦᑐᓂ ᓄᓇᓕᓐᓂ, ᐃᓚᐅᑎᓪᓗᒍ ᐃᓄᐃᑦ ᐊᖏᕐᕋᓴᖏᑦ, ᖃᕆᑕᐅᔭᕈᑏᑦ ᓱᑲᓐᓂᓭᑦ, ᐊᒻᒪᓗ ᖃᖓᑦᑕᔫᕐᓂᐊᕖᑦ, ᐊᒻᒪᓗ ᓱᕐᖁᐃᑐᒥᒃ ᑲᓇᑕᐅᑉ ᑲᕙᒪᖓ ᓂᕈᐊᕐᑎᓯᓕᕐᐸᑦ ᐊᒃᓚᓯᒪᖃᑦᑕᓂᐊᕐᓗᑎᒃ ᓄᓇᖃᕐᖄᓯᒪᔪᑦ ᐅᖃᐅᓯᖏᓐᓂᒃ ᐊᑐᕐᓗᑎᒃ ᐃᓚᐅᑎᓪᓗᒍ ᐃᓄᒃᑎᑐᑦ ᐃᓄᐃᓐᓇᑐᓪᓗ.
Q4 - ᑐᑭᑖᕐᓯᒪᔪᑎᑦ ᓂᕈᐊᕐᑕᐅᒐᓱᐊᕐᓂᐊᓂᕐᒥᒃ ᓂᕈᐊᕐᓂᐅᓛᕐᑐᒥ, ᓂᕈᐊᕐᑕᐅᒐᓱᐊᓛᕋᕕᑦ ᐋᐱᑎᐱᒥ--ᔦᒥᓯ ᐯᒥ--ᓄᓇᕕᒻᒥ--ᐄᔫᒥᓪᓗ ᑭᒡᒐᑐᕐᓂᐊᓗᑎᑦ ᓱᓀᑦ ᐱᓐᓀᓗᑕᐅᓲᑦ ᐱᓪᓚᕆᐅᓂᕐᐸᐅᔪᕆᕙᑎᑦ ᐃᓕᓐᓄᑦ ᖃᓄᕐᓗ ᐅᖃᐅᓯᕆᒍᓐᓇᖃᑦᑕᓛᕐᑐᕆᕙᑎᑦ ?
A4 -
ᐃᓄᐃᑦ ᓄᓇᓖᑦ ᐊᐱᑦᓯᐱ-ᔦᒥᓯ ᐯ- ᓄᓇᕕᒃ-ᐃᔫᒥᓗ ᐱᑕᖃᕆᐊᖃᕐᒥᔪᑦ ᑲᓇᑕᐅᑉ ᑲᕙᒪᖓᓂᒃ ᓈᓚᒍᓐᓇᑐᒥᒃ, ᐃᓕᑕᕆᔭᖃᑦᓯᐊᓗᓂ ᐃᑲᔪᕐᓯᒪᕐᔪᐊᓂᖏᓐᓂᒃ ᐱᕙᓪᓕᐊᓯᐊᕐᓂᖓᓄᑦ ᓲᖕᖑᔫᓂᖓᓄᓪᓗ ᑲᓇᑕᓕᒫᑉ, ᓂᐱᖃᕐᑎᖃᑦᑕᓂᐊᕐᑕᕗᑦ ᑲᓇᑕᐅᑉ ᑲᕙᒪᖓᓂ ᖃᐅᑕᒫᑦ.ᓱᓕᔪᕐᓴᕋᒪ ᓇᓪᓕᐅᑎᓯᒪᓕᕐᒪᑦ ᐊᓯᑦᔨᑐᕆᐊᖃᕐᓂᖓ ᐱᐅᓂᕐᓴᐅᖁᓪᓗᒋᑦ ᐃᓅᓯᖏᑦ ᐃᓄᐃᑦ ᑲᓇᑕᓕᒫᒥ ᓂᕈᐊᕐᕕᐅᒍᓐᓇᑐᓂ, ᓄᑖᖅ ᑲᑐᑦᔨᖃᑎᒌᓐᓂᖅ ᐃᓱᒪᕐᓱᕈᓐᓇᓱᓂ ᐃᖏᕐᕋᑎᑦᓯᒍᑎᑦᓴᓕᐊᕆᓯᒪᔭᖓ ᐊᒻᒪᓗ ᐊᑑᑎᖃᑦᑕᓯᒪᔪᑦ ᑲᕙᒪᒥ ᐱᒐᓱᐊᕈᑎᖃᕐᓱᑎᒃ ᑭᖕᖒᒪᒋᔭᖏᓐᓂᒃ ᐃᓄᖏᑦᑕ ᑲᓇᑕᐅᑉ ᓄᓇᖁᑎᓕᒫᖓᓂ ᑕᒪᒻᓇᑕᒐ ᐱᑦᔪᑎ ᐃᓚᐅᕕᒋᒍᒪᔭᕋ.
Q1 - ᖃᓂᒪᓇᖅ ᑰᕕᑦ-19-ᒧᑦ ᓯᓚᕐᔪᐊᒥ ᓄᐃᑦᓯᖃᑦᑕᓚᐅᔪᕗᖅ ᐊᑦᔨᒌᖕᖏᑑᑎᑕᐅᓂᕆᓲᖏᓐᓂᒃ ᐃᓄᐃᑦ ᓄᓇᖓᓂᒥᐅᑦ. ᓱᑲᑦᑐᒥᒃ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖃᕋᑎᒃ, ᓂᕿᑦᓴᖃᑦᓯᐊᕋᑎᒃ, ᓂᓐᓂᐅᕋᓚᐅᑎᑦᓱᑎᒃ ᐃᓪᓗᒥᐅᒍᖃᑎᒌᑦ ᖃᖓᑦᑕᔫᒃᑯᓗ ᐅᖓᓯᑦᑐᒧᑦ ᐃᖏᕐᕋᐅᑎᑐᐊᖃᕐᓱᑎᒃ ᑕᒪᒃᑯᐊᓗ ᐃᑭᑦᑑᓱᑎᒃ ᐆᑦᑐᕋᐅᑎᑐᐃᓐᓀᑦ ᐱᓐᓀᓗᑕᐅᓲᑦ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ ᐱᓐᓀᓗᑦᓯᒍᑕᐅᓪᓚᕆᖃᑦᑕᓚᐅᔫᑦ. ᑲᕙᒪᑐᖃᒃᑯᑦ ᑮᓇᐅᔭᖃᕐᑎᓯᒍᑎᖏᑦ ᐃᑲᔪᕐᓯᒍᑕᐅᑫᓐᓇᖃᑦᑕᓚᐅᔫᒐᓗᐊᑦ ᑕᒪᒃᑯᐊ ᐱᓐᓀᓗᑕᐅᔪᑦ ᐃᓚᖏᓐᓂᒃ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ, ᖃᓂᒪᓇᕐᓕ ᑰᕕᑦ 19-ᒧᑦ ᐱᑕᖃᕈᓐᓀᕈᓐᓇᑎᓪᓗᒍ ᑕᒪᒃᑯᐊ ᐱᓐᓀᓗᑕᐅᔪᑦ ᐱᓐᓀᓗᑕᐅᓕᒫᑐᐃᓐᓇᕙᓚᖓᒻᒪᑕ. ᓱᓇᓂᒃ ᑐᓂᒪᐅᑎᑦᓴᖃᕐᑐᕆᕙᑎᑦ ᑲᕙᒪᑐᖃᒃᑯᑦ ᑕᒪᒃᑯᐊ ᐱᓐᓀᓗᑕᓪᓚᕆᐅᔪᑦ ᐃᓚᖏᑦᑕ ᖃᓄᐃᓕᔭᐅᒋᐊᕈᑎᑦᓴᕆᓂᐊᕐᑕᖏᓐᓂᒃ ᓄᓇᕕᒻᒥᐅᓄᑦ ᐅᓪᓗᑕᒫᑦ ᐊᑑᑎᔭᐅᒻᒪᑕ ?
A1 - ᓯᕗᓕᕐᑎᕗᑦ ᑲᓇᑕᒥᐅᓄᓪᓗ ᐊᖓᔪᕐᖄᑖᒍᓛᕐᑐᖅ ᓯᕗᓂᕐᒥ ᐃᐊᕆᓐ ᐅᑑᓪ ᑕᓪᓕᒪᐅᓚᕿᖓᔪᓂᒃ ᐸᕐᓀᕈᑎᒋᓯᒪᔭᒥᓂᒃ ᑐᓴᕐᑕᐅᑎᑦᓯᓂᕐᖁᖅ ᑲᓇᑕᒥᐅᑦ ᒪᑭᒋᐊᑦᓯᐊᕈᑎᑦᓴᖏᓐᓂᒃ, ᐃᓚᖓᑦ ᓄᐃᑦᓯᒍᒪᓂᖅ ᐊᕐᕌᒍᓄᑦ ᐊᒥᓱᓄᑦ ᐊᒥᒐᕐᓯᔭᐅᒐᔭᖕᖏᑐᓂᒃ ᐱᓇᓱᒍᑎᑦᓴᓂᒃ ᓯᕗᓂᑦᑎᓂ, ᑲᓇᑕᒥ ᐅᐸᓗᙰᕐᓯᒪᒍᑎᑦᓴᑎᓐᓂᒃ ᓯᓚᕐᔪᐊᓕᒫᒥ ᖃᓂᒪᓇᕐᑐᖃᕋᔭᕐᒥᐸᑦ. ᓱᓕᓗ, conservative-ᑯᑦ ᑲᕙᒪᐅᑦᓱᑎᒃ ᓲᓱᑦᓴᓂᖃᕐᒪᑕ ᑲᓇᑕᒥᐅᓕᒫᓂᒃ ᐱᓗᐊᕐᑐᖅ ᐅᖓᓯᒋᔭᐅᔪᒥᐅᓂᒃ, ᓱᑲᓐᓂᓴᒻᒪᕆᒻᒥᒃ ᐊᐅᓚᑦᔭᕆᐊᕈᑎᖃᕈᓐᓇᖃᑦᑕᓛᕋᑦᑕ ᐊᓯᖏᓐᓂᒃ ᓄᓇᕐᔪᐊᒍᖃᑎᑦᑎᓂᒃ ᑕᑎᖃᕋᓱᐊᑐᐃᓐᓇᕈᓐᓀᓗᑕ.
Q2 - ᐃᓅᒐᓱᐊᕈᑎᑦᓭᑦ ᓄᓇᕕᒻᒥᐅᓄᑦ ᐊᑭᑐᔪᒻᒪᕆᐊᓗᐃᑦ ᓯᑕᒪᕕᓪᓗᐊᑐᒥᒃ ᐊᑭᑐᓂᕐᓴᐅᒍᓐᓇᑐᑦ ᓯᕿᓂᕐᒦᑐᓄᑦ ᐅᑦᑐᕋᐅᑎᒋᒍᑦᑎᒍ ᑕᒪᓐᓇ ᒪᓐᑐᔨᐊᒧᐊᓪᓛᑦ, ᑌᒣᒻᒪᑦ ᓇᒻᒥᓂᖅ ᐱᓇᓱᒐᖃᕐᕖᑦ ᐊᑕᐅᓯᐅᑦᑎᑐᐃᓪᓗ ᐱᒐᓱᐊᒻᒪᕆᓐᓇᑐᒃᑰᓚᕆᓲᒍᕗᑦ. ᖃᓄᐃᓘᕆᐊᖃᕐᑐᕆᕙᑎᓪᓕ ᑲᕙᒪᑐᖃᒃᑯᑦ ᐊᑭᑐᓗᐊᕐᑐᒥᐅᑦ ᑕᖅᕋᒥᐅᑦ ᓈᒻᒪᖁᐊᕆᔭᐅᑎᑕᐅᒍᑎᑦᓴᖏᓐᓂᒃ ᓯᕿᓂᕐᒦᑐᓄᑦ ? ᑲᕙᒪᑐᖃᒃᑰᑦ ᑐᕃᓐᓇᑐᒃᑯᑦ ᐃᑲᔪᕐᓯᖃᑦᑕᑐᑦᓴᐅᕙᑦ ᐊᑕᐅᓯᐅᑦᑎᑐᓂᒃ ᐅᕝᕙᓘᓐᓃᑦ ᓂᐅᕕᕐᕕᓂᒃ ?
A2 - ᓯᕗᓕ ᑕᒣᓐᓂᓕ ᐱᓇᓱᐊᕐᓂᖃᕐᓗᑕ. ᑲᓇᑕᒥᐅᑦ ᒪᑭᒋᐊᑦᓯᐊᕈᑎᑦᓴᖏᓐᓂᒃ ᐸᕐᓀᕈᑎᑦᑎᓄᑦ ᐃᓚᐅᑎᓪᓗᒍ, ᐱᓇᓱᒐᑦᓴᓂᒃ ᒥᓕᐊᓐᓃᑦᑐᓂᒃ ᐱᓇᓱᒐᕐᑖᕆᔭᐅᒋᐊᓪᓚᖁᔨᕗᒍᑦ ᒫᑦᓯ 2000-ᒥᓂᑦ ᐱᓇᓱᒐᕆᔭᐅᕙᒍᓐᓀᓯᒪᔪᓂᒃ. ᑮᓇᐅᑦᔭᓴᐅᑎᓂᒃ ᐅᓄᕐᓰᒋᐊᕈᒪᔪᒍᑦ ᒪᑭᑕᒐᓱᐊᕐᕕᓂᓪᓗ ᓱᑲᑦᑐᒥᒃ ᐃᖏᕐᕋᓯᕙᓪᓕᐊᖁᔨᑦᓱᑕ. ᑌᒣᓕᖓᓕᕐᐸᑦ, ᖃᐅᔨᓴᕆᐊᖃᕋᔭᕐᑐᒍᑦ ᐊᑑᑎᔭᐅᒋᐊᓖᑦ ᐅᖓᓯᒋᔭᐅᔪᒥᐅᓄᑦ ᑕᖅᕋᒥᓪᓗ ᑲᓇᑕᒥ ᓴᐳᑦᔭᐅᒍᓐᓇᖃᑦᑕᓂᐊᕐᒪᑕ ᐱᓐᓀᓗᑕᐅᔪᑦ ᐊᑭᑦᑐᐸᓪᓕᐊᓂᕐᒧᑦ ᐃᓅᒐᓱᐊᕈᑎᑦᓭᑦ ᐱᓪᓗᒋᑦ. ᑲᕙᒪᐅᔪᑦ ᑕᒐᑕᒐ ᑲᓇᑕᒥᐅᓂᒃ ᑕᖅᕋᒥᐅᓂᒃ ᐅᖓᓯᒋᔭᐅᔪᒥᐅᓂᒃ ᐱᒍᑦᔨᓯᐊᕐᓯᒪᖕᖏᒪᑕ. ᐊᐅᓚᑦᔭᕆᐊᕆᐊᖃᓕᕐᖁᒍᑦ.
Q3 - 1975-ᒥ ᔦᒥᓯ ᐯᒥ ᑯᐯᒃᓗ ᑕᖅᕋᖓᓂ ᐊᖏᖃᑎᒌᒍᑎᒥ ᐃᓄᐃᑦ ᐃᒻᒥᓂᒃ ᐊᐅᓚᑦᓯᒍᓐᓇᓂᖓ ᑕᖅᕋᒥᒃ ᐅᖃᐅᓯᐅᒋᐊᓪᓚᓯᒪᖕᖏᑐᖅ. ᖃᓄᕐᓕ ᑲᕙᒪᓯ ᐃᓱᒪᒋᔭᖃᕐᐸ ᐃᓄᐃᑦ- ᐃᒻᒥᓂᒃ-ᐊᐅᓚᑦᓯᒍᒪᓂᖓᓂᒃ ᓄᓇᕕᒻᒥ ᑲᕙᒪᑖᕈᓐᓇᓯᒐᔭᕐᓗᑎᒃ ?
A3 - ᓴᐳᑦᔨᓯᒣᓐᓇᐸᓐᓂᐊᑐᒍᑦ ᐊᑑᑎᒐᑦᓴᓕᐊᒍᓯᒪᔪᓂᒃ ᓭᒻᒪᐅᑎᖃᑎᖃᕆᐊᖃᕐᓂᒧᑦ ᓄᓇᓕᑐᖃᓕᒫᑦᓯᐊᓂᒃ ᓄᓇᓕᓕᒫᑦ ᑲᓇᑕᒥ ᐃᓚᐅᑦᓯᐊᐸᓐᓂᐊᒪᑕ ᒪᑭᒋᐊᑦᓯᐊᕈᑎᑦᓴᓄᑦ. ᒪᑭᑕᒐᓱᐊᕈᑎᑦᓴᖃᕐᓂᖅ ᑲᔪᓯᓂᖃᑦᓯᐊᓕᕐᐸᑦ, ᐊᓯᖏᑦ ᐱᓐᓀᓗᑕᐅᓲᑦ ᐅᖃᐅᓯᕆᒋᐊᒥᒃ ᐃᓱᐊᕐᓂᓴᐅᒐᔭᕐᒪᑕ ᑕᒪᓐᓇ ᓯᕗᓪᓕᐅᔨᒐᑦᓴᐅᓕᕋᔭᕐᖁᖅ.
Q4 - ᑐᑭᑖᕐᓯᒪᔪᑎᑦ ᓂᕈᐊᕐᑕᐅᒐᓱᐊᕐᓂᐊᓂᕐᒥᒃ ᓂᕈᐊᕐᓂᐅᓛᕐᑐᒥ, ᓂᕈᐊᕐᑕᐅᒐᓱᐊᓛᕋᕕᑦ ᐋᐱᑎᐱᒥ--ᔦᒥᓯ ᐯᒥ--ᓄᓇᕕᒻᒥ--ᐄᔫᒥᓪᓗ ᑭᒡᒐᑐᕐᓂᐊᓗᑎᑦ ᓱᓀᑦ ᐱᓐᓀᓗᑕᐅᓲᑦ ᐱᓪᓚᕆᐅᓂᕐᐸᐅᔪᕆᕙᑎᑦ ᐃᓕᓐᓄᑦ ᖃᓄᕐᓗ ᐅᖃᐅᓯᕆᒍᓐᓇᖃᑦᑕᓛᕐᑐᕆᕙᑎᑦ ?
A4 - ᓇᓗᓇᖕᖏᓯᐊᕐᑐᖅ, ᐱᒍᑦᔭᐅᒍᑎᐅᒋᐊᓪᓚᕆᐊᖃᕐᓂᖏᑦ ᐅᐃᒪᓇᕐᑐᑦ ᐅᐃᒪᓇᖕᖏᑐᐃᓪᓗ ᖃᓄᐃᖕᖏᓯᐊᕐᑐᓴᐅᓂᕐᒧᑦ ᐱᓐᓀᓗᑕᐅᓲᑦ. ᑯᐯᒻᒥᐅᓄᑦ ᐱᓇᓱᖃᑎᒋᔭᐅᓂᑦᑎᓄᑦ, conservative-ᑰᓱᑕ ᑲᕙᒪᐅᑦᓱᑕ ᐅᓄᕐᓰᒋᐊᕈᒪᒐᑦᑕ ᐊᑐᐃᓐᓇᐅᑎᑦᓯᖃᑦᑕᕈᒪᑦᓱᑕᓗ ᓄᑖᓂᒃ ᑲᕙᒪᑐᖃᒃᑯᓂᑦ ᐱᓯᒪᔪᓂᒃ ᑮᓇᐅᔭᓂᒃ ᑯᐯᒃᑯᑦ ᑲᕙᒪᖓ ᖃᓄᕐᑑᕆᐊᑦᓴᐅᑎᒋᒍᓐᓇᓂᐊᕐᒪᑦ ᖃᓄᐃᖕᖏᓯᐊᕐᑐᓴᐅᓂᓕᕆᓂᖅ ᑮᓇᐅᔭᖃᕐᑎᑕᐅᖁᑦᓱᒍ. 60 ᐱᓕᐊᓐ ᐊᑐᐃᓐᓇᐅᑎᑕᐅᔪᑦ ᐊᕐᕌᒍᓄᑦ ᖁᓕᓐᓅᓕᖓᔪᑦᓭᑦ ᑕᒪᒃᑯᓂᖓ ᐱᓐᓀᓗᑕᐅᓲᓂᒃ ᐱᓇᓱᒍᑎᑦᓭᑦ.
Q1 - ᖃᓂᒪᓇᖅ ᑰᕕᑦ-19-ᒧᑦ ᓯᓚᕐᔪᐊᒥ ᓄᐃᑦᓯᖃᑦᑕᓚᐅᔪᕗᖅ ᐊᑦᔨᒌᖕᖏᑑᑎᑕᐅᓂᕆᓲᖏᓐᓂᒃ ᐃᓄᐃᑦ ᓄᓇᖓᓂᒥᐅᑦ. ᓱᑲᑦᑐᒥᒃ ᖃᕆᑕᐅᔭᒃᑯᑦ ᐱᑐᑦᓯᒪᐅᑎᖃᕋᑎᒃ, ᓂᕿᑦᓴᖃᑦᓯᐊᕋᑎᒃ, ᓂᓐᓂᐅᕋᓚᐅᑎᑦᓱᑎᒃ ᐃᓪᓗᒥᐅᒍᖃᑎᒌᑦ ᖃᖓᑦᑕᔫᒃᑯᓗ ᐅᖓᓯᑦᑐᒧᑦ ᐃᖏᕐᕋᐅᑎᑐᐊᖃᕐᓱᑎᒃ ᑕᒪᒃᑯᐊᓗ ᐃᑭᑦᑑᓱᑎᒃ ᐆᑦᑐᕋᐅᑎᑐᐃᓐᓀᑦ ᐱᓐᓀᓗᑕᐅᓲᑦ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ ᐱᓐᓀᓗᑦᓯᒍᑕᐅᓪᓚᕆᖃᑦᑕᓚᐅᔫᑦ. ᑲᕙᒪᑐᖃᒃᑯᑦ ᑮᓇᐅᔭᖃᕐᑎᓯᒍᑎᖏᑦ ᐃᑲᔪᕐᓯᒍᑕᐅᑫᓐᓇᖃᑦᑕᓚᐅᔫᒐᓗᐊᑦ ᑕᒪᒃᑯᐊ ᐱᓐᓀᓗᑕᐅᔪᑦ ᐃᓚᖏᓐᓂᒃ ᓯᓚᕐᔪᐊᒥ ᖃᓂᒪᓇᖃᕐᑎᓗᒍ, ᖃᓂᒪᓇᕐᓕ ᑰᕕᑦ 19-ᒧᑦ ᐱᑕᖃᕈᓐᓀᕈᓐᓇᑎᓪᓗᒍ ᑕᒪᒃᑯᐊ ᐱᓐᓀᓗᑕᐅᔪᑦ ᐱᓐᓀᓗᑕᐅᓕᒫᑐᐃᓐᓇᕙᓚᖓᒻᒪᑕ. ᓱᓇᓂᒃ ᑐᓂᒪᐅᑎᑦᓴᖃᕐᑐᕆᕙᑎᑦ ᑲᕙᒪᑐᖃᒃᑯᑦ ᑕᒪᒃᑯᐊ ᐱᓐᓀᓗᑕᓪᓚᕆᐅᔪᑦ ᐃᓚᖏᑦᑕ ᖃᓄᐃᓕᔭᐅᒋᐊᕈᑎᑦᓴᕆᓂᐊᕐᑕᖏᓐᓂᒃ ᓄᓇᕕᒻᒥᐅᓄᑦ ᐅᓪᓗᑕᒫᑦ ᐊᑑᑎᔭᐅᒻᒪᑕ ?
A1 -
ᓯᕗᓕᕐᑎᒧᑦ ᑐᖓᓕᕆᔭᐅᕗᖓ ᑕᒃᒐᓂ ᓄᓇᖃᕐᖄᓯᒪᔪᑦ ᑕᕐᕋᒥᓗ ᐱᑦᔪᔭᐅᒍᑎᖏᑦᑕ ᑲᑎᖕᖓᔨᖏᓐᓄᑦ. ᐱᒋᐊᓕᓚᐅᔪᒻᒪᓂᑦ ᖃᓂᒻᒪᓯᒻᒪᕆᒃ,ᖃᐅᔨᓵᕆᒍᑎᙯᓐᓇᓱᖓ ᐊᐱᕆᖃᑦᑕᓱᒋᑦ ᑲᑎᖕᖓᔩᑦ ᐊᑐᓕᕐᑎᓯᖁᑦᓱᒋᑦ ᐅᐃᒪᓇᕐᑐᒥᒃ ᖃᐅᔨᓴᖁᑦᓱᒋᑦ ᖃᓄᐃᓕᖓᓂᐅᔪᓂᒃ ᓄᓇᓕᓐᓂ. ᒪᓂᓯᒪᓕᕐᑕᑲ ᐅᑯᐊ ᐱᖁᔨᒍᑎᓕᐊᕆᑦᓱᒋᑦ ᑐᓴᕐᑎᓯᐅᑎᓂᒃ ᐊᒃᓚᓱᖓ:
- ᑲᕙᒪᐅᑉ ᐃᖏᕐᕋᑎᑕᖏᑦ ᐊᑑᑎᓪᓚᕆᑦᑕᖓᓅᓕᖓᓂᕐᓴᐅᓗᑎᒃ ᓴᖑᒍᓐᓇᓂᕐᓴᐅᓗᑎᓪᓗ ᐱᓐᓇᓯᒍᑕᐅᓂᐊᕐᓗᑎᒃ ᐃᓘᓐᓇᖏᓐᓂᒃ ᑭᖕᖒᒪᒋᔭᖏᓐᓂᒃ ᓄᓇᓖᑦ ᐱᑦᔪᔭᐅᒍᓯᖏᑦᐊᑦᔨᒌᖑᓂᕐᓴᐅᓗᑎᒃ ᓄᓇᖃᕐᖄᓯᒪᔪᑦ ᐃᓄᐃᑦ;
- ᑖᓐᓇ ᑲᓇᑕᐅᑉ ᑲᕙᒪᖓ ᓴᐳᒻᒥᓗᓂ ᓄᓇᖃᕐᖄᓯᒪᔪᑦ ᒪᑭᑕᒍᑎᑦᓴᖏᓐᓂᒃ ᑮᓇᐅᔭᑎᒍᑦ ᐊᕐᖁᑎᒋᓗᒋᑦ ᑲᕙᒪᐅᑉ ᐱᓇᓱᑦᑎᓯᓂᕐᒧᑦ ᐊᖏᖃᑎᒌᒍᑎᓕᐊᕆᓲᖏᑦ ᐱᑦᔪᔨᒍᑎᒋᓗᒋᑦ ᓂᐅᕕᐊᑦᓴᓴᓂᒃ ᐱᑦᔪᔨᒍᑎᐅᒋᐊᓕᓐᓂᓗ;
- ᑲᓇᑕᐅᑉ ᑲᕙᒪᖓ ᑮᓇᐅᔭᖃᕐᑎᓯᓗᓂ ᐱᕙᓪᓕᐊᒍᑎᑦᓴᓂᒃ, ᓴᐳᒻᒥᓗᓂ ᐊᒻᒪᓗ ᐊᑐᓕᕐᑎᓯᓗᓂ ᖃᕆᑕᐅᔭᑎᒍᑦ ᖃᐅᔨᒪᒍᑎᑦᓴᐅᓂᐊᕐᓗᑎᒃ ᐃᓂᓪᓚᓯᒪᐅᑎᑦᓴᓂᒃ ᐃᓕᖓᔪᓂᒃ ᓄᓇᖃᕐᖄᓯᒪᔪᓄᑦ;
- ᑲᓇᑕᐅᑉ ᑲᕙᒪᖓ ᑌᒫᓪᓗᐊᖅ ᑯᐯᒃ ᐃᓂᓪᓚᓯᒪᐅᑎᓕᐊᕆᓯᒪᔭᖓᑎᑐᑦ ᒪᓕᓪᓗᓂ ᓄᐃᑕᐅᓯᒪᔪᒥ ᐱᖁᔭᖅ ᐊᑐᕐᓱᒍ 66 ᐃᓕᖓᔪᖅ ᐃᖏᕐᕋᓯᑎᑦᓯᓂᕐᒧᑦ ᓴᓇᔭᐅᒍᑎᑦᓴᖏᓐᓂᒃ ᐃᓄᑐᙯᑦ ᐊᖏᕐᕋᓴᖏᑦᑕ;
- ᑖᓐᓇ ᑲᓇᑕᐅᑉ ᑲᕙᒪᖓ ᐃᖏᕐᕋᓯᑎᑦᓯᓂᐊᕐᓗᓂ ᓄᐃᑕᐅᒋᐊᖃᕐᓂᖓᓂᒃ ᓱᑲᑦᑑᓗᓂ ᖃᕆᑕᐅᔭᕈᑎᑦᓴᐅᑉ ᐃᓘᓐᓇᖏᓐᓂ ᓄᓇᖃᕐᖄᓯᒪᔪᑦ ᓄᓇᓕᖏᓐᓂ.
- ᑖᓐᓇ ᑲᓇᑕᐅᑉ ᑲᕙᒪᖓ ᒫᓐᓇᐅᑎᓪᓗᒍ ᑮᓇᐅᔭᓕᐅᕈᑎᒥᑎᒍᑦ ᐃᓂᓪᓚᓯᒪᐅᑎᓕᐅᕐᓗᓂ ᐃᓕᖓᔪᓂᒃ ᓄᓇᖃᕐᖄᓯᒪᔪᑦ ᓇᒻᒥᓂᖅ ᑮᓇᐅᔭᑎᒍᑦ ᒪᑭᑕᒐᓱᐊᕈᑎᖏᑎᒍᑦ ᐱᑕᖃᕆᐊᖃᓪᓚᕆᑦᑐᓂᒃ;
- ᑖᓐᓇ ᑲᓇᑕᐅᑉ ᑲᕙᒪᖓ ᓴᐳᒻᒥᓗᓂ ᐱᕐᖁᓯᒥᑎᒍᑦ ᓂᕿᑦᓴᖃᑦᓯᐊᕆᐊᖃᕐᓂᖏᓐᓂᒃ;
- ᑖᓐᓇ ᑲᓇᑕᐅᑉ ᑲᕙᒪᖓ ᑮᓇᐅᔭᖃᕐᑎᓯᒍᑎᖃᕐᓗᓂ ᓴᓇᔭᐅᒋᐊᖃᕐᓂᖏᓐᓄᑦ ᐊᖏᕐᕋᐅᒐᔭᕐᑐᑦ ᐃᒃᓗᔪᐊᑦ ᓄᓇᓕᓐᓂ;
- ᑖᓐᓇ ᑲᓇᑕᐅᑉ ᑲᕙᒪᖓ ᑮᓇᐅᔭᖃᕐᑎᓯᓗᓂ ᐃᓘᓐᓇᖏᓐᓂᒃ ᖃᓄᐃᖕᖏᓯᐊᕐᓂᒨᓕᖓᔪᓂᒃ, ᑮᓇᐅᔭᑎᒍᑦ ᒪᑭᑕᒐᓱᐊᕐᓂᓄᑦ ᐊᒻᒪᓗ ᐃᓄᐃᑦ ᐱᑦᔪᔭᐅᒍᑎᖏᑎᒍᑦ ᐃᓚᐅᒻᒥᑎᓪᓗᒍ ᐃᓕᓐᓂᐊᓯᒪᒋᐊᖃᕐᓂᖅ ᐃᒃᓗᔪᐊᓕᕆᓂᕐᓗ ᐊᖏᕐᕋᓴᓂᒃ;
- ᑖᓐᓇ ᑲᓇᑕᐅᑉ ᑲᕙᒪᖓ ᑮᓇᐅᔭᖃᕐᑎᓯᓗᓂ ᐱᑕᖃᕆᐊᓕᓐᓂᒃ ᓴᓇᓂᒻᒪᕆᓐᓂᒃ ᐃᓱᐊᖁᑎᑦᓴᓂᒃ ᐱᑕᖃᑦᓯᐊᖁᓪᓗᒍ ᐃᒪᑦᓯᐊᒥᒃ ᐃᒥᕋᑦᓴᐅᓗᓂ ᐊᒻᒪᓗ ᖁᕕᕋᕐᕕᓂᐊᕐᑕᐅᒍᑎᐅᒋᐊᓕᑦᑎᒍᑦ;
- ᑖᓐᓇ ᑲᓇᑕᐅᑉ ᑲᕙᒪᖓ ᓱᑲᑦᑑᓗᓂ ᐃᑲᔪᕐᓗᓂ ᓄᐃᑕᐅᒋᐊᓕᑦᑎᒍᑦ ᑲᒪᒋᔭᐅᒍᑎᒋᒋᐊᓕᖏᑦᑎᒍᓪᓗ ᑐᓴᐅᒪᖃᑦᑕᐅᑎᒍᑎᐅᒋᐊᓖᑦ ᓴᓇᔭᐅᒋᐊᖃᕐᓂᖏᑦ ᐱᑐᑦᑐᕈᑎᐅᓂᐊᕐᑎᓗᒋᑦ ᑲᓇᑕᐅᑉ ᑕᕐᕋᖓᓄᑦ ᓄᓇᕐᔪᐊᓕᒫᒧᑦ, ᑮᓇᐅᔭᓕᐅᕈᑎᐅᒍᓐᓇᓱᑎᒃ ᐱᓇᓱᒐᑦᓭᑦ ᓄᓇᕕᒻᒥᐅᑦ ᐃᓚᐅᕕᒋᒍᒪᓪᓚᕆᑦᑕᖏᑦ.
Q2 - ᐃᓅᒐᓱᐊᕈᑎᑦᓭᑦ ᓄᓇᕕᒻᒥᐅᓄᑦ ᐊᑭᑐᔪᒻᒪᕆᐊᓗᐃᑦ ᓯᑕᒪᕕᓪᓗᐊᑐᒥᒃ ᐊᑭᑐᓂᕐᓴᐅᒍᓐᓇᑐᑦ ᓯᕿᓂᕐᒦᑐᓄᑦ ᐅᑦᑐᕋᐅᑎᒋᒍᑦᑎᒍ ᑕᒪᓐᓇ ᒪᓐᑐᔨᐊᒧᐊᓪᓛᑦ, ᑌᒣᒻᒪᑦ ᓇᒻᒥᓂᖅ ᐱᓇᓱᒐᖃᕐᕖᑦ ᐊᑕᐅᓯᐅᑦᑎᑐᐃᓪᓗ ᐱᒐᓱᐊᒻᒪᕆᓐᓇᑐᒃᑰᓚᕆᓲᒍᕗᑦ. ᖃᓄᐃᓘᕆᐊᖃᕐᑐᕆᕙᑎᓪᓕ ᑲᕙᒪᑐᖃᒃᑯᑦ ᐊᑭᑐᓗᐊᕐᑐᒥᐅᑦ ᑕᖅᕋᒥᐅᑦ ᓈᒻᒪᖁᐊᕆᔭᐅᑎᑕᐅᒍᑎᑦᓴᖏᓐᓂᒃ ᓯᕿᓂᕐᒦᑐᓄᑦ ? ᑲᕙᒪᑐᖃᒃᑰᑦ ᑐᕃᓐᓇᑐᒃᑯᑦ ᐃᑲᔪᕐᓯᖃᑦᑕᑐᑦᓴᐅᕙᑦ ᐊᑕᐅᓯᐅᑦᑎᑐᓂᒃ ᐅᕝᕙᓘᓐᓃᑦ ᓂᐅᕕᕐᕕᓂᒃ ?
A2 -
ᓱᓕᒋᐊᓪᓚᓗ ᓄᓇᖃᕐᖄᓯᒪᔪᑦ ᑕᕐᕋᒥᓗ ᐱᑦᔪᔭᐅᒍᑎᖏᑦᑕ ᑲᑎᖕᖓᔨᖏᑦ, ᐱᔭᕇᕐᓯᒪᓕᕐᑐᒍᑦ ᖃᐅᔨᓴᕈᑎᒋᓚᐅᔪᔭᑦᑎᓂᒃ ᑕᒪᑦᓱᒧᖕᖓᓕᖓᑦᓱᓂ. ᑐᓴᕐᕕᖃᖃᑦᑕᓚᐅᑲᑦᓱᑕ ᐊᑕᐅᓯᐅᖕᖏᑐᒥᒃ ᑕᒃᒍᖓ ᐃᓚᐅᔪᓂᒃ ᐊᒻᒪᓗ ᖃᐅᔨᒪᔪᒥᒃ ᐃᓕᓐᓂᐊᓯᒪᐅᑎᒋᑦᓱᒍ ᑕᒪᑦᓱᒧᖕᖓᓕᖓᑦᓱᓂ ᐱᑦᔪᑎᒧᑦ, ᑐᓴᕐᑎᓯᐅᑏᑦ ᓄᐃᑕᐅᓚᐅᔪᔪᑦ ᐊᒃᓚᓯᒪᔪᕐᑕᖃᕐᓱᑎᒃ ᐱᖁᔨᒍᑎᓂᒃ ᑲᓇᑕᐅᑉ ᑲᕙᒪᖓᓐᓂᒃ. ᐅᑯᐊᑕᒐ ᒪᓂᓯᒪᔭᒃᑲ ᐱᖁᔨᒍᑎᓕᐊᕆᓯᒪᑦᓱᒋᑦ:
ᑖᓐᓇ ᓂᕿᑦᓴᖃᑦᓯᐊᕆᐊᖃᕐᓂᒨᓕᖓᑦᓱᓂ ᑕᕐᕋᒥ ᐃᖏᕐᕋᑎᑕᐅᔪᖅ ᓄᑕᐅᓯᓕᑎᕐᑕᐅᓗᓂ ᑌᒣᑉᐸᑦ ᐱᑦᔪᑎᖏᑦ ᐃᑲᔪᕐᓯᒍᑎᐅᒋᐊᖃᕐᒪᑕ ᓂᕿᑦᓴᖃᑦᓯᐊᖏᓐᓂᐅᓲᒥᒃ, ᐊᑑᑎᖃᕐᓂᓴᐅᓗᓂ ᐊᑑᑎᓪᓚᕆᑦᑕᖏᑎᒍᑦ ᓄᓇᕕᒻᒥᐅᑦ ᐊᒻᒪᓗ ᐃᓚᐅᓪᓚᕆᓪᓗᑎᒃ ᓄᓇᓖᑦ ᐃᓱᒪᒋᔭᐅᓗᑎᒃ ᐋᕐᕿᒋᐊᕐᑕᐅᒍᑎᖏᓐᓄᑦ ᐃᖏᕐᕋᑎᑕᐅᔫᑉ;
- ᐊᑑᑎᒍᓐᓇᑐᐃᓐᓇᕆᐊᓕᒃ ᐱᒍᓐᓇᓂᕐᑖᓕᐅᒥᓗᑎᒃ ᑐᑭᑖᕈᓐᓇᓂᕐᒥᒍᑦ ᖃᓄᖅ ᐊᑐᕐᑕᐅᔪᑦᓴᐅᒪᖔᑕ ᐃᑲᔪᕐᓯᔭᐅᒍᑏᑦ ᐱᑕᖃᕐᑎᑕᐅᒍᑎᖏᑦ ᐊᑐᓂ ᓄᓇᑖᕐᓯᒪᔪᓄᑦ ᐃᓱᒪᒋᔭᐅᑦᓯᐊᓕᐅᒥᓂᕐᓴᐅᖁᓪᓗᒋᑦ ᓄᓇᖏᓐᓂ ᐃᓂᖏᑎᒍᑦ ᒪᓕᑦᓱᒋᑦ ᖃᓄᐃᓕᖓᐅᓯᖏᑦ ᓂᖀᑦ ᐊᑐᐃᓐᓇᕆᔭᐅᒋᐊᖃᕐᓂᖏᑦ ᖃᓄᖅ ᐱᒍᓐᓇᕋᔭᕐᒪᖔᑕ ᕿᒥᕐᕈᔭᐅᓗᑎᒃ;
- ᑲᓇᑕᐅᑉ ᑲᕙᒪᖓᑕ ᐃᖏᕐᕋᑎᑕᖏᑦ ᓂᕿᑦᓴᖃᑦᓯᐊᕆᐊᖃᕐᓂᒨᓕᖓᔪᑦ ᐱᒐᑦᓴᐅᓂᕐᓴᐅᓗᑎᒃ ᓄᓇᓕᓐᓂ ᓂᕿᑦᓴᖃᕐᓯᐊᕆᐊᖃᕐᓂᒧᑦ ᐃᖏᕐᕋᑎᑕᐅᔪᑎᒍᑦ;
- ᐃᖏᕐᕋᑎᑕᐅᔪᖅ ᕿᒥᕐᕈᔭᐅᒍᓐᓇᓗᓂ ᓄᓇᓕᒻᒥᓃᑦᑐᓄᑦ ᓄᓇᑖᕐᕕᐅᓯᒪᔪᓕᒫᓂᓗ ᑌᒣᓕᖓᑉᐸᑕ ᓄᓇᓖᑦ ᑭᖕᖒᒪᑦᓯᔪᑦ ᐱᒐᓱᐊᕈᓐᓇᖃᑦᑕᓂᐊᕐᒪᑕ ᐊᕐᖁᑎᖃᓪᓗᑯᒍᓐᓀᓗᑎᒃ ᐊᑯᓂᕆᔪᐋᓗᓐᓂᒃ ᐊᒥᓱᓂᒃ ᐊᕐᕌᒍᕐᑐᓱᑎᒃ ᒪᓕᑦᓱᑎᒃ ᐊᐅᓚᑕᐅᒍᑎᓕᐊᖑᓯᒪᔪᓂᒃ;
- ᓄᓇᓖᑦ ᐅᐸᐅᑎᑐᐃᓐᓇᖃᔭᕐᓇᖏᑦᑐᒥᒃ ᐱᒍᓐᓇᖃᑕᐅᓗᑎᒃ ᑖᒃᓰᕈᑎᓂᒃ ᐃᓱᒪᒋᓗᒋᑦ ᓂᐅᕕᐊᑦᓴᖃᓲᑦ ᐊᑭᖁᑎᖏᑦ; ᐱᖑᓐᓇᓯᓕᐅᒥᓗᑎᒃ ᓂᕿᒻᒪᒥᓂᒃ.
- ᑖᒃᑯᐊ ᒪᓕᑦᑕᐅᒋᐊᓖᑦ ᒪᓕᒐᖁᑎᖏᑦ ᓂᕿᑦᓴᖃᑦᓯᐊᕆᐊᖃᕐᓂᒧᑦ ᑕᕐᕋᒥ ᑲᓇᑕᐅᑉ ᑲᕙᒪᖓᑕ ᐃᓱᐊᕐᑑᓂᐊᕐᒪᑕ,ᑌᒣᑉᐸᑕ ᓄᓇᓯᒪᔪᑦ ᐱᒍᓐᓇᓯᓂᐊᕐᒪᑕ ᑭᖕᖒᒪᒋᔭᒥᓂᒃ ᐊᒻᒪᓗ ᐱᒐᓱᐊᕐᕕᖃᕈᓐᓇᓗᑎᒃ ᓂᐅᕕᐊᑦᓴᖁᑎᓕᓐᓂᒃ;
- ᐃᖏᕐᕋᑎᑕᐅᔪᑦ ᐊᑐᐃᓐᓇᐅᒪᓗᑎᒃ ᓄᓇᓕᒻᒥ ᐊᐅᓚᑕᐅᓗᑎᒃ ᓇᓪᓕᐊᓄᑦ ᑯᐊᐸᒧᓪᓘᓃᑦ ᐊᑐᕋᔭᕐᑎᓗᒍ ᑖᒃᑯᓂᖓ ᐃᖏᕐᕋᑎᑕᐅᔪᑦ ᑮᓇᐅᔭᖁᑎᖏᓐᓂᒃ ᐊᑐᐃᓐᓇᖃᕈᑎᒋᓂᐊᕐᓗᒋᑦ ᓂᑦᓯᐊᓂᒃ ᑎᒥᒧᑦ ᐱᐅᔫᓗᑎᒃ ᐊᑭᑐᓗᐊᕈᓐᓀᑎᓪᓗᒋᑦ ᐅᕝᕙᓗᓘᓐᓃᑦ ᐊᒃᒍᑐᕐᑕᐅᖃᑦᑕᓗᑎᒃ ᑐᕃᓐᓇᑐᒥᒃ ᓂᐅᕕᐊᑦᓴᖃᓲᓄᑦ ᐊᒻᒪᓗ ᑖᒃᑯᐊ ᓂᐅᕕᕐᓂᐊᕕᖃᓲᑦ ᐊᐅᓚᑦᓯᒍᓐᓇᓗᑎᒃ ᑮᓇᐅᔭᓂᒃ;
- ᑖᒃᑯᐊ ᒪᓕᒐᖏᑦ ᑕᕐᕋᒥ ᓂᕿᑦᓴᖃᑦᓯᐊᕆᐊᖃᕐᓂᒧᑦ ᐃᖏᕐᕋᑎᑕᐅᔪᑦ ᐃᓱᐊᕐᑐᓕᐊᕆᓯᒪᓗᒋᑦ ᐊᑐᕈᓐᓇᓂᐊᕐᑎᓗᒍ ᐊᑕᐅᓯᐅᖕᖏᑐᖅ ᓂᐅᕕᕐᓂᐊᕕᒃ ᓄᓇᓕᒻᒥ.
Q3 - 1975-ᒥ ᔦᒥᓯ ᐯᒥ ᑯᐯᒃᓗ ᑕᖅᕋᖓᓂ ᐊᖏᖃᑎᒌᒍᑎᒥ ᐃᓄᐃᑦ ᐃᒻᒥᓂᒃ ᐊᐅᓚᑦᓯᒍᓐᓇᓂᖓ ᑕᖅᕋᒥᒃ ᐅᖃᐅᓯᐅᒋᐊᓪᓚᓯᒪᖕᖏᑐᖅ. ᖃᓄᕐᓕ ᑲᕙᒪᓯ ᐃᓱᒪᒋᔭᖃᕐᐸ ᐃᓄᐃᑦ- ᐃᒻᒥᓂᒃ-ᐊᐅᓚᑦᓯᒍᒪᓂᖓᓂᒃ ᓄᓇᕕᒻᒥ ᑲᕙᒪᑖᕈᓐᓇᓯᒐᔭᕐᓗᑎᒃ ?
A3 -
ᑖᒃᑯᐊBloc Québécois, ᓱᓕᔪᕐᓴᓱᑎᒃ ᐱᒐᓱᐊᕈᑎᐅᔪᓂᒃ ᐱᒍᓐᓇᓯᒍᒪᓂᕐᒧᑦ ᓇᒻᒥᓂᖅ ᐊᐅᓚᑦᓯᒍᓐᓇᓯᓗᑎᒃ, ᐃᓚᐅᒻᒥᑎᓪᓗᒍ ᐱᒍᓐᓇᐅᑎᖓ ᓄᓇᖃᕐᖄᓯᒪᔪᑦ ᓇᒻᒥᓂᖅ ᑲᕙᒪᓕᐅᕈᓐᓇᓱᑎᒃ,ᐱᖑᓐᓇᓯᒍᑕᐅᒍᓐᓇᒪᑕ ᐱᒍᓐᓇᕈᑎᒋᓂᐊᕐᑕᖏᓐᓂ ᐃᓘᓐᓇᖏᓐᓂᒃ ᓄᐃᑦᓯᓂᕐᒥᒃ ᐊᑐᓂ ᑕᒪᒃᑯᓂᖓ. ᐃᓂᓪᓚᓯᒪᔭᖓ ᐱᑐᑦᑐᓯᒪᐅᑎᔪᑦ ᐃᓅᖃᑎᒌᑦᔪᐊᑦ (United Nations ) ᐅᖃᒻᒪᕆᐅᑎᒋᓯᒪᔭᖓᑦ ᐃᖏᕐᕋᓯᑎᑕᐅᒋᐊᓕᒃ ᓄᐃᑦᓯᖃᑦᑕᓂᐊᕐᒪᑦ ᓱᓕᓪᓚᕆᑦᑐᓂᒃ. ᑌᒣᑦᓴᕋᓗᐊᕐᑎᓗᒍ Bloc Québécois iᐊᑑᑎᒍᒪᔪᖅ ᐱᒋᐊᑦᓯᐊᓂᕐᒥᒃ ᑐᑭᓯᒪᐅᑎᖃᑎᒌᒎᑕᐅᑦᓱᑎᒃ ᐱᔭᐅᓯᒪᔪᓂᒃ ᐃᓂᓪᓓᓂᕐᒧᑦ ᒪᓕᒐᕐᓂᒃ ᐃᓘᓐᓇᓕᒫᑦᓯᐊᖏᓐᓂᒃ, ᐃᓚᐅᑎᓪᓗᒍ ᐃᓱᒪᒋᖃᓯᐅᑦᔭᐅᒍᒪᔪᓄᑦ ᐅᖃᒻᒪᕆᐅᑎᐅᓯᒪᔪᖅ,ᑭᓯᐊᓂᓗ ᐃᓱᒪᒻᒥᓱᓂ ᓄᐃᑦᓯᒋᐊᒥᒃ ᐃᒻᒥᒎᕐᓗᓂ ᑕᒪᒃᑯᓂᖓ ᑲᒪᕕᐅᖃᑦᑕᕋᔭᕐᑐᒥᒃ. ᓄᐃᑕᐅᒍᓂ ᓱᑲᓯᐅᒥᑎᑦᓯᒐᔭᕐᑐᖅ ᐱᕙᓪᓕᐊᔭᐅᒍᓯᖏᓐᓂᒃ ᑐᑦᓯᕋᐅᑏᑦ ᓄᕐᖃᑎᑦᓯᒍᑎᐅᓗᓂᓗ ᐹᕐᓯᖓᓂᐅᓲᒥᒃ ᑖᓐᓇ ᒪᓕᒐᖅ ᐊᐅᓚᑕᐅᒋᐊᓕᒃ ᑲᓇᑕᐅᑉ ᑲᕙᒪᖓᓐᓄᑦ. ᐃᓘᓐᓇᓯᐊᑎᒃ ᓄᓇᕐᔪᐊᒥᐅᒃ ᐃᓄᖏᑦ ᐱᖑᓐᓇᐅᑎᒥᓂᒃ ᐊᑐᕐᓗᑎᒃ ᓇᒻᒥᓂᖅ ᑲᕙᒪᒍᒪᒻᒪᑕ ᐃᑲᔪᕐᑎᓴᓖᑦ Bloc.ᒥᒃ. ᐊᐅᓚᑦᓯᖃᑕᐅᓗᓂ ᖃᐅᔨᔭᐅᑎᑦᓯᒐᓱᐊᖃᑕᐅᓗᓂᓗ ᐱᑦᓴᑖᕐᕕᐅᒍᓐᓇᑐᓂᒃ ᐃᓚᒋᓗᒋᑦ ᓄᓇᖃᕐᖄᓯᒪᔪᑦ ᐃᓄᐃᑦ
Q4 - ᑐᑭᑖᕐᓯᒪᔪᑎᑦ ᓂᕈᐊᕐᑕᐅᒐᓱᐊᕐᓂᐊᓂᕐᒥᒃ ᓂᕈᐊᕐᓂᐅᓛᕐᑐᒥ, ᓂᕈᐊᕐᑕᐅᒐᓱᐊᓛᕋᕕᑦ ᐋᐱᑎᐱᒥ--ᔦᒥᓯ ᐯᒥ--ᓄᓇᕕᒻᒥ--ᐄᔫᒥᓪᓗ ᑭᒡᒐᑐᕐᓂᐊᓗᑎᑦ ᓱᓀᑦ ᐱᓐᓀᓗᑕᐅᓲᑦ ᐱᓪᓚᕆᐅᓂᕐᐸᐅᔪᕆᕙᑎᑦ ᐃᓕᓐᓄᑦ ᖃᓄᕐᓗ ᐅᖃᐅᓯᕆᒍᓐᓇᖃᑦᑕᓛᕐᑐᕆᕙᑎᑦ ?
A4 -
ᓂᕆᐅᒍᒥᓇᕐᑐᖅ ᐃᓄᐃᑦ ᓄᓇᓖᑦ ᐊᐱᑦᓯᐱ-ᐯ ᔦᒥᓯ-ᓄᓇᕕᒃ-ᐃᔫᒥᓗ ᐅᕙᓐᓂᒃ ᑕᑎᖃᕈᓐᓇᓂᕐᒥᓂᒃ ᓱᓕ ᑲᔪᓯᑦᓴᓚᐅᕐᐸᑕ ᑐᖓᓕᐊᓂ ᐱᒋᐊᓕᕐᕿᓗᖓ ᐱᑦᔪᔨᓂᕐᒥᒃ ᑲᔪᓯᖁᓪᓗᒋᑦ ᐱᓇᓱᑦᓯᒪᓕᕐᑕᑲ. ᓯᕗᓪᓕᐅᔨᒍᒪᔭᒃᑲ ᓱᓕ ᑖᒃᑯᐊᓭᓐᓇᐅᖏᓐᓇᑐᑦ. ᓈᓚᑦᓯᐊᕈᓐᓇᓱᖓ ᐃᓄᓐᓂᒃ, ᖃᐅᔨᒪᔪᖓ ᐱᓇᓱᒐᑦᓴᖃᑦᓯᐊᖏᓐᓂᒥᒃ ᑲᒪᓪᓚᕆᒋᐊᖃᕆᐊᒥᒃ, ᑲᓇᑕᐅᑉ ᐊᓯᐊᓂᑦ ᐱᓯᒪᔪᑦ, ᐱᓇᓱᒋᐊᑐᓯᒪᔪᓂᒃ ᐊᐅᓪᓚᑐᐃᓐᓇᑎᑦᓯᑌᓕᓂᕐᒨᓕᖓᔪᑦ, ᓄᓇᕕᒻᒥ ᐱᕙᓪᓕᐊᓂᐅᒋᐊᓕᒃ ᐃᓚᐅᑦᓴᖏᔦᑦᑎᓗᒍᓗ,Blocᑲᕙᒪᖓᓐᓄᑦ ᐅᖄᔨᒋᔭᐅᒐᒪ ᐃᓕᖓᔪᓂᒃ ᓄᓇᖃᕐᖄᓯᒪᔪᑦ ᑲᒪᒋᔭᐅᒍᑎᒋᒋᐸᓕᖏᓐᓄᑦ, ᐊᔪᐃᓐᓇᕈᑎᒃᑲᓂᒃ ᑲᔪᓯᑎᑦᓯᒋᐊᖃᕋᒪ ᑲᓇᑕᐅᑉ ᑲᕙᒪᖓ ᐊᔪᐃᓐᓈᕆᓗᒍ ᐱᒍᓐᓇᓂᓕᒫᒥᓄᑦ ᐱᕙᓪᓕᑎᑦᓯᒋᐊᖁᓗᒍ ᐃᓅᑦᔪᓯᖏᓐᓂᒃ ᓄᓇᕕᒻᒥᐅᑦ, ᓂᕿᑦᓴᖃᑦᓯᐊᕆᐊᖃᕐᓂᐅᐸᑦ, ᐃᒃᓗᔪᐊᓕᕆᓂᖅ, ᐃᒥᕋᑦᓴᖃᑦᓯᐊᕆᐊᖃᕐᓂᖅ, ᖃᕆᑕᐅᔭᕈᑎ, ᓴᓇᓂᒻᒪᕆᐅᖃᑦᑕᕆᐊᓖᑦ ᐊᓯᖏᓪᓗ ᐊᒥᓱᑦ.
Q4 - ᑐᑭᑖᕐᓯᒪᔪᑎᑦ ᓂᕈᐊᕐᑕᐅᒐᓱᐊᕐᓂᐊᓂᕐᒥᒃ ᓂᕈᐊᕐᓂᐅᓛᕐᑐᒥ, ᓂᕈᐊᕐᑕᐅᒐᓱᐊᓛᕋᕕᑦ ᐋᐱᑎᐱᒥ--ᔦᒥᓯ ᐯᒥ--ᓄᓇᕕᒻᒥ--ᐄᔫᒥᓪᓗ ᑭᒡᒐᑐᕐᓂᐊᓗᑎᑦ ᓱᓀᑦ ᐱᓐᓀᓗᑕᐅᓲᑦ ᐱᓪᓚᕆᐅᓂᕐᐸᐅᔪᕆᕙᑎᑦ ᐃᓕᓐᓄᑦ ᖃᓄᕐᓗ ᐅᖃᐅᓯᕆᒍᓐᓇᖃᑦᑕᓛᕐᑐᕆᕙᑎᑦ ?
A4 -
ᓇᑯᕐᓴᓯᐊᕋᔭᕐᖁᖓ ᑐᓴᕐᑎᑕᐅᒍᒪ ᐃᓄᐃᑦ ᐋᕐᕿᓯᒪᐅᑎᑦᓴᐅᑎᓪᓗᒋᑦ ᖃᐅᔨᒪᔭᖏᓐᓂᒃ, ᐊᑑᑎᑎᓯᑦᓴᐅᑎᒋᓗᒋᓪᓗ ᑕᕝᕙᐃᓇᖅ.
ᖃᐅᔨᒪᓪᓚᕆᒃᑯᖓ ᐃᓘᓐᓇᖏᓐᓂᒃ ᐱᓐᓗᑕᓂᒃ ᓄᓇᖃᕐᖄᓯᒪᔪᑦ ᐊᓂᒍᕈᓐᓇᓲᖏᓐᓂᒃ ᐃᑲᔪᕈᒪᓪᓚᕆᐊᓗᑦᑐᖓ ᖃᒻᒥᑯᑦ ᐃᑲᔪᕈᑎᒋᓗᒋᑦ ᐃᓘᓐᓇᑎᑦ ᑐᑦᓯᕋᐅᑎᒋᓲᑎᑦ...
ᐃᖏᕐᕋᔪᓕᕆᓂᖅ, ᐋᓐᓂᐊᓯᐅᑏᑦ, ᐊᒻᒪᓗ ᐱᑐᖃᑎᒌᑦᑎᓗᒋᑦ ᓄᓇ ᓱᕐᕋᒣᑦᑐᖅ ᐱᓇᓱᕝᕕᒪᕇᓪᓗ ᑕᒪᒃᑯᐊ ᓯᕗᓪᓕᐅᑎᒍᒪᔭᒃᑲᓄᑦ ᐃᓚᒋᔭᐅᒻᒥᔪᑦ, ᐅᑦᑑᑎᒋᓗᒍ, ᐊᑐᕐᓗᒍ ᐸᕐᖄᕈᑎᐅᒍᓐᓇᑐᖅ ᐱᓗᒍ ᑮᓇᐅᔭᑎᒍᑦ ᒪᑭᑕᒐᓱᐊᕐᕕᓂᑦ ᐊᑐᕐᑕᐅᓗᓂ ᐱᕈᕐᓰᕕᒻᒧᑦ ᓇᒻᒥᓂᖅ ᐱᕈ3ᓰᒍᓐᓇᓂᐊᕐᒪᑕ ᐱᖁᕐᑐᔭᓂᒃ ᐅᖓᓯᑦᑐᒥᐅᔭᐅᖕᖏᑑᓗᑎᒃ ᑎᑭᒋᐊᖃᓕᕈᑎᒃ, ᐱᓇᓱᒐᑦᓴᓂᓪᓗ ᓄᐃᑦᓯᒍᑎᐅᒍᓐᓇᓱᓂ!
ᑕᒃᒐᓂ ᑎᒥᖁᑎᑦᑎᓂ ᑭᒃᒐᑐᕈᑎᖃᕐᑐᒍᑦ ᐃᓱᒪᕐᓱᓗᓂ ᓂᓪᓕᕈᓐᓇᓂᕐᒥᒃ ᓂᕈᐊᕈᓐᓇᓂᕐᒥᓗ, ᐃᓚᖃᕐᒥᓱᓂ ᑐᕃᓐᓇᑐᒥᒃ ᑲᕙᒪᒍᑦᔨᒍᓐᓇᓂᕐᒥᒃ. ᓄᕐᖃᑎᑦᓯᒍᒪᒻᒥᔪᒍᑦ ᖃᐅᔨᓴᕈᑎᐅᑦᓱᑎᒃ ᑲᐴᑎᐅᓲᓂᒃ ᐊᒻᒪᓗ ᑕᒪᓐᓇ ᐃᒻᒥᒎᕐᑐᒧᑦ ᖃᐅᔨᓴᕐᑕᐅᖁᑦᓱᒍ.
ᖃᐅᔨᒪᔭᐅᒋᐊᓕᒃ: ᒪᑭᕝᕕᒃ ᐊᖏᕐᓯᒪᒍᑎᖃᕆᐊᖃᓲᒍᖕᖏᒪᑦ ᓂᕈᐊᕐᑕᐅᒐᓱᐊᕐᑐᓂᒃ ᓂᕈᐊᕐᓂᖃᕐᑎᓗᒍ, ᑭᐅᒍᑎᖏᓐᓂᓗ ᐊᓯᑦᔨᑐᐃᓲᒍᒐᑕ. ᑖᒃᑯᐊ ᐊᐱᕐᓲᑏᑦ ᑭᐅᒍᑎᑕᖃᕐᓱᑎᒃ ᐃᑲᔪᕐᓯᒋᐊᕈᑎᑐᐃᓐᓀᑦ ᑐᑭᓯᒪᑦᓯᐊᖁᑦᓱᒋᑦ ᓄᓇᕕᒻᒥᐅᑦ ᓂᕈᐊᕆᐊᖃᓛᓕᕈᑎᒃ.