ᔮᔨ ᐴᑎ

  • ᔮᔨ ᐴᑎ

    ᑮᓇᐅᔭᓕᕆᔨᒻᒪᕆᐅᑉ

    1-819-964-2925

    Head Office: P.O. Box 179 Kuujjuaq, Quebec J0M 1C0

ᔮᔨ ᐴᑎ ᔭᓄᐊᕆ 16, 2020-ᖑᑎᓪᓗᒍ ᓂᕈᐊᕐᑕᐅᓚᐅᔪᕗᖅ ᑮᓇᐅᔭᓕᕆᔨᒻᒪᕆᐅᑉ ᐃᓂᖓᓄᑦ. ᒪᑭᕝᕕᒧᑦ ᐊᓪᓚᑎᒻᒪᕆᒋᔭᐅᖃᑦᑕᓯᒪᒻᒥᓱᓂ ᐊᕐᕌᒍᖏᓐᓂ 1998 – ᑎᑭᑦᓱᒍ 2010, ᐊᒻᒪᓗ ᐳᕐᑐᓂᕐᓴᒧᑦ ᐃᑲᔪᕐᑎᒋᔭᐅᓯᒪᒻᒥᓱᓂ ᐊᖓᔪᕐᖄᒪᕆᐅᑉ-ᑐᖓᓕᖓᓄᑦ ᓄᑕᐅᓯᓕᕈᓐᓇᑐᓂ ᐱᑦᓴᑖᕐᕕᓴᓕᕆᓂᕐᓄᑦ ᐱᑦᔪᕕᒻᒥ ᐊᕐᕌᒎᓐᓂ 1996-1998-ᓂ.

ᔮᔨ ᐴᑎ ᑰᒃᔪᐊᒥ ᐃᓅᓕᓚᐅᕐᓯᒪᕗᖅ ᒫᑦᔨ 24, 1974-ᖑᑎᓪᓗᒍ. ᐃᓕᓐᓂᐊᓯᒪᒋᐊᓕᒻᒥᓂᓪᓗ ᐃᓕᓐᓂᐊᓯᒪᑦᓱᓂ ᔮᓂᒻᒪᕆᒃ ᐃᓕᖕᓂᐊᕕᒻᒥ ᑰᒃᔪᐊᒥ (1992-ᒥ ᐱᔭᕇᕈᑎᑖᕐᓱᓂ), ᐱᔭᕇᕈᑎᑖᕐᒥᓱᓂᓗ ᓄᓇᕕᒃ ᓯᕗᓂᒃᓴᕗᑦ ᐃᓕᓐᓂᐊᑎᑦᓯᒍᑎᓂᒃ (2019-ᖑᑎᓪᓗᒍ).

ᓂᕈᐊᕐᑕᐅᒪᕕᒋᓚᖓᓯᒻᒥᔭᒥᓄᑦ ᑎᑭᐅᑦᔨᔪᖅ ᐊᖏᔪᐊᓗᓐᓂᒃ ᐊᑑᑎᔭᖃᖃᑦᑕᓯᒪᓂᕐᓂᒃ ᐊᑑᑎᓂᖃᕐᕕᒋᖃᑦᑕᓚᖓᓕᕐᒥᔭᒥᓂ ᒪᑭᕝᕕᒧᑦ ᑮᓇᐅᔭᓕᕆᔨᒻᒪᕆᒋᔭᐅᓕᕐᓗᓂ, ᐱᓇᓱᒐᖃᖃᑦᑕᓯᒪᒐᒥ ᐊᑕᐅᑦᓯᑯᕐᑎᓯᔨᐅᑦᓂ ᑲᑎᕕᒃ ᓄᓇᓕᓕᒫᑦ ᑲᕙᒪᐅᑉ ᑲᑎᖕᖓᔨᓂᒃ ᓯᕗᓕᕐᑎᖓᑕ ᐊᓪᓚᕕᖓᓂ (1993-1994 ᐊᕐᕌᒍᖏᓐᓂ); ᑲᒪᔨᒻᒪᕆᒋᔭᐅᓯᒪᑦᓱᓂᓗ ᑕᕐᕋᒥᐅᑦ ᓂᐱᖓᓐᓄᑦ (1994-ᒥᑦ ᑎᑭᑦᓱᒍ 1996); ᐊᖓᔪᕐᖄᒪᕆᐅᑉ ᑐᖓᓕᕆᓯᒪᒻᒥᔭᖓ ᐃᓄᐃᑦᑯᓐᓂ (2010-ᒥᑦ ᑎᑭᑦᓱᒍ 2011); ᐊᖓᔪᕐᖄᒪᕆᒋᔭᐅᑦᓱᓂᓗ ᓱᓗᒃᒧᑦ (2012-ᒥᑦ ᑎᑭᑦᓱᒍ 2014; ᐳᕐᑐᓂᕐᓴᒥ ᑐᑭᒧᐊᑦᑎᓯᔨᐅᓚᐅᔪᒻᒪᔪᖅ ᐅᖓᕙᒥ ᑐᓚᑦᑕᕕᒃ ᐃᓗᓯᓕᕆᓂᕐᓄᑦ ᐱᑦᔪᔨᕕᒻᒥ (2015-ᒥᑦ ᑎᑭᑦᓱᒍ 2017) ᐃᒐᔨᒋᔭᐅᓯᒪᒻᒥᓱᓂᓗ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ (2017-ᒥᑦ ᑎᑭᑦᓱᒍ 2018).

ᐱᓇᓱᒐᕆᓚᐅᕐᓯᒪᔭᓕᒫᒥᓂ ᔮᔨ ᐴᑎ ᐱᑦᔪᔨᓂᕐᒥᒍᑦ ᐱᓇᓱᒋᐊᓕᒻᒥᓂᒃ ᑲᔪᓯᑎᑦᓯᓂᖃᑦᓯᐊᖃᑦᑕᓯᒪᕗᖅ ᑐᓂᕐᕈᓯᓂᖃᑦᓯᐊᓱᓂ ᓄᓇᓕᒻᒥᓄᑦ – ᑰᒃᔪᐊᒧᑦ – ᐃᓘᓐᓈᒍᓪᓗ ᓄᓇᕕᐅᑉ ᓄᓇᓕᓕᒫᖏᓐᓄᑦ. ᐱᓇᓱᒐᕆᖃᑦᑕᓯᒪᔭᒥᒍᑦ ᐊᑑᑎᓯᒪᔭᓕᒫᖏᑦ, ᑐᑭᒧᐊᑦᑎᓯᔨᒋᔭᐅᕙᑦᓱᓂ, ᐃᓕᓐᓂᐊᓯᒪᔭᖏᓪᓗ ᓲᕐᓗ ᑎᑭᐅᑦᔨᕗᑦ ᑐᑭᓯᒍᐊᕐᑑᓂᕐᒥᒃ ᐊᑑᑎᔭᐅᒋᐊᓕᒻᒥ ᒪᑭᕝᕕᐅᑉ ᑮᓇᐅᔭᓕᕆᔨᒻᒪᕆᖓᑕ ᐃᓂᖓᓃᓕᕐᑐᑐᐃᓐᓇᒧᑦ.

ᔮᔨ ᐊᓕᐊᒋᔭᖃᕐᐳᖅ ᐊᖑᓇᓱᓐᓂᓂᒃ, ᐃᖃᓗᓐᓂᐊᓂᕐᓂᒃ, ᐊᖁᐃᒪᓂᕐᓂᒃ, ᐊᒻᒪᓗ ᓯᑭᑑᕋᓚᒋᐊᒥᒃ ᖁᕕᐊᓱᐊᒐᓱᑐᐃᓐᓇᓂᖃᕈᑎᒋᑦᓱᒋᓪᓗ ᐊᒻᒪᓗ ᓂᕿᑦᓴᓯᐅᕐᓱᓂ ᐃᖏᕐᕋᐅᑎᒋᑦᓱᓂᒋᑦ.