ᓄᓇᕕᒻᒥᐅᑦ ᐃᓄᐃᑦ ᐅᖃᒻᒪᕆᒍᑎᖓᑦ ᐊᓂᒎᑎᑎᑕᐅᔪᖅ ᒪᑭᕝᕕᐅᑉ ᐊᕐᕌᒍᑕᒫᕐᓯᐅᑎᒥᓐᓂᒃ ᑲᑎᖕᖓᓂᒻᒪᕆᖓᓂ
ᑰᒃᔪᐊᖅ, ᓄᓇᕕᒃ – ᒫᑦᔨ 27, 2015 – ᒪᑭᕝᕕᐅᑉ ᐊᕐᕌᒍᑕᒫᕐᓯᐅᑎᒥᓂᒃ ᑲᑎᖕᖓᓂᒻᒪᕆᖓᓄᑦ ᐃᓚᐅᔭᕐᑐᓯᒪᔪᑦ ᑐᑭᒧᐊᒍᑎᒃᑯᑦ ᐊᓂᒎᑎᑎᑦᓯᓚᐅᕐᖁᑦ ᑉᔾᖕᑦ-ᒥ ᓄᓇᕕᒻᒥᐅᑦ ᐃᓄᐃᑦ ᐅᖃᒻᒪᕆᒍᑎᖓᓐᓂᒃ: ᐅᐱᒍᓱᑦᑐᑦ, ᐊᑕᐅᓯᐅᖃᑎᒌᑦᑐᑦ, ᐱᔪᑦᓴᐅᔮᕐᓱᑎᓪᓗ, ᐊᐅᓚᑦᓯᒍᑎᒋᒋᐊᓯᑦᓱᒍ ᐊᑐᓕᕐᑎᓯᓂᕐᒥᒃ ᐸᕐᓇᓯᒪᐅᑎᒃᑯᓂᒃ.
“ᑖᒃᑯᐊ ᐅᖃᒻᒪᕆᒍᑏᑦ ᑐᑭᑖᕈᑎᐅᒻᒪᑕ, ᑐᑭᓯᓇᑦᓯᐊᑐᒥᒃ ᐅᖃᒻᒪᕆᓕᕐᐳᒍᑦ ᑲᔪᓯᑎᑦᓯᓂᐊᕐᓱᑕ ᓴᐳᑦᔨᓯᒪᓂᑦᑎᓂᒃ ᐃᓗᕐᖁᓯᑦᑎᓂᓪᓗ ᐅᖃᐅᓯᑦᑎᓂᓪᓗ, ᐱᐅᓯᒋᐊᕆᓗᑕᓗ ᐃᓅᑦᔪᓯᒃᑯᓗ- ᑮᓇᐅᔭᓕᐅᕈᑎᑎᒍᓪᓗ ᖃᓄᐃᓕᖓᓂᑦᑎᓂ ᐱᓇᓱᓪᓗᑕᓗ ᓯᕗᓂᖃᕐᓗᑕ ᓄᑖᒥᒃ ᑲᕙᒪᒍᑎᑦᓴᑎᓐᓂᒃ ᐃᓂᓪᓚᐃᒐᔭᕐᓂᒥᒃ”, ᐅᖃᓚᐅᔪᕗᖅ ᔫᐱ ᑕᕐᕿᐊᐱᒃ ᒪᑭᕝᕕᐅᑉ ᐊᖓᔪᕐᖄᒪᕆᖓ
ᐸᕐᓇᓯᒪᐅᑎᒃ ᓄᐃᑕᐅᒍᓐᓇᓯᓯᒪᕗᖅ ᐊᕐᕌᒎᒃ ᒪᕐᕉᒃ ᐊᓂᒍᕐᑎᓗᒋᒃ ᐱᓇᓱᕝᕕᐅᒪᕆᓚᐅᕐᑑᒃ ᓄᓇᓕᓕᒫᑎᒍᓪᓗ ᓄᓇᓕᐅᓈᕐᑎᑐᑎᒍᓪᓗ ᐊᑕᐅᓯᐅᖃᑎᒌᓐᓂᑯᑦ ᐊᑕᖏᕐᓯᔪᓂᒃ ᓯᕗᓂᑦᓴᑎᓐᓂᒃ ᑕᐅᑐᖃᑎᒌᓐᓂᖃᓕᕐᓱᑕ ᓄᓇᓕᓕᒫᓄᓕᖓᔪᑦ ᐱᕙᓪᓕᐊᑎᑕᐅᓂᑦᓴᖏᑎᒍᑦ. ᓄᓇᓖᑦ ᐃᓚᖏᑦ ᐱᕙᓪᓕᐊᑎᑦᓯᒍᑎᖃᓕᕇᕐᑐᑦ ᐸᕐᓇᓯᒪᐅᑎᒃᑯᑦ ᐱᓇᓱᒍᑎᒋᖃᑦᑕᓚᐅᔪᔭᖏᓐᓂᒃ ᓄᓇᓕᒻᒥᓂᓪᓗ ᐱᓇᓱᒍᑎᖃᓕᕐᓱᑎᒃ ᐃᓚᖏᑦ.
“ᒪᑭᕝᕕᒃ, ᑐᕃᓐᓇᑐᒥᒃ ᐃᓚᐅᕕᖃᑦᓯᐊᑎᓪᓗᒋᑦ ᐊᓯᖏᑦ ᐃᓚᐅᔫᖃᑎᖏᑦ ᐸᕐᓇᓯᒪᐅᑎᓕᕆᔩᑦ, ᐱᓯᒪᔪᑦ ᓄᓇᕕᒻᒥ ᐃᓗᓯᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᒍᑦᔨᕕᒻᒥ, ᑲᑎᕕᒃ ᐃᓕᓐᓂᐊᓂᓕᕆᓂᕐᓗ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓪᓗ, ᓄᓇᕕᒻᒥ ᓄᓇᒥᒃ ᑎᒍᒥᐊᕐᑏᑦ ᑲᑐᑦᔨᖃᑎᒌᕝᕕᖓᓪᓗ, ᐊᕙᑕᖅ ᐱᐅᓯᑐᖃᓕᕆᔨᒃᑯᓗ ᓄᓇᕕᒻᒥᓗ ᐅᕕᒐᕐᑐᑦ ᑲᑐᑦᔨᖃᑎᒌᕝᕕᖓᑦ, ᑖᒃᑯᓗᑎᒃ ᓄᐃᑦᓯᓚᖓᓕᕐᑐᑦ ᐱᓇᓱᒍᑎᑦᓴᓂᒃ ᐊᖏᖃᑎᒌᖃᑎᖃᕋᓱᖃᑦᑕᓗᑎᓪᓗ ᑲᕙᒪᐅᔪᑦ ᖁᑦᓯᓂᕐᐹᖏᓐᓂᒃ ᐅᖃᖃᑎᒌᖃᑎᒋᓗᒋᑦ ᐱᓪᓚᕆᐊᓗᑦᓱᑎᒃ ᐱᔭᑦᓴᖁᑎᑦᑎᓂᒃ ᓯᕗᓪᓕᐅᔨᒋᐊᓕᑦᑎᓂᓪᓗ. ᐳᕿᐊᓱᖕᖏᓚᖓ ᑲᑐᑦᔨᖃᑎᒌᒍᑎᒋᓗᒋᑦ ᐊᖏᔪᒥᒃ ᐱᕙᓪᓕᓂᖃᕐᓂᓴᑦᑎᓂᒃ,” ᓚᑦᓱᓂ ᐅᖃᕆᐊᓪᓚᑐᖅ ᐊᖓᔪᕐᖄᒪᕆᒃ.
ᑖᒃᑯᓄᖓ ᐃᓚᐅᔪᑦ ᑕᑯᒋᐊᕈᓐᓇᑕᑎᑦ ᓄᓇᕕᒻᒥᐅᑦ ᐃᓄᐃᑦ ᐅᖃᒻᒪᕆᒍᑎᖏᑦ.
Button to download a .PDF file of The Nunavik Inuit Declaration.
wtagoona@makivik.org
819-964-2925
ᒪᑭᕝᕕᒃ ᐱᕙᓪᓕᐊᑎᑦᓯᓂᕐᓄᑦ ᐱᓇᓱᕝᕕᖁᑎᐅᕗᖅ ᑎᓕᔭᐅᒪᒍᑎᖃᕐᓱᓂ ᑲᒪᔨᐅᓂᐊᕐᓂᒥᓂᒃ ᕿᒻᒪᖁᓯᐅᑎᐅᑦᓱᑎᒃ ᑮᓇᐅᔭᖁᑎᑖᕆᓯᒪᔭᖏᓐᓂᒃ ᓄᓇᕕᐅᑉ ᐃᓄᑐᐃᓐᓇᖏᑕ ᐱᑕᖃᕐᑎᑕᐅᒍᑎᖃᕐᓱᑎᒃ ᔭᐃᒥᓯ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂᑦ. ᒪᑭᕝᕕᐅᑉ ᐱᔭᑦᓴᖁᑎᖏᑦ ᐃᓚᖃᕐᐳᑦ ᐊᐅᓚᑦᓯᔨᐅᓂᕐᒥᒃ ᑮᓇᐅᔭᓕᐅᕋᓱᒍᑎᖃᕐᓂᒥᓪᓗ ᑖᒃᑯᓂᖓ ᑮᓇᐅᔭᓂᒃ ᖁᕝᕙᑎᕆᔨᐅᑦᓱᓂᓗ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᒃ ᐱᕙᓪᓕᐊᑎᑦᓯᒍᑎᓂᒃ.
Button to download a .PDF file of this press release.