ᑮᓇᐅᔭᓂᒃ ᐊᑭᓕᕐᑕᐅᒍᑏᑦ ᐃᓄᓐᓅᔭᕐᑕᐅᓂᖏᓐᓄᑦ
ᓇᑦᓴᓯᒋᐊᖃᕐᐳᑎᑦ ᐊᖏᖃᑎᒌᓐᓂᒧᑦ ᐃᓚᐅᒍᑎᑉᐱᑦ ᓯᒃᑭᑖᐱᖓᓂᒃ ᐊᒻᒪᓗ ᐱᓇᓱᒍᓐᓇᐅᑎᑉᐱᑦ ᑭᓯᑦᔪᑎᖓᑕ ᓯᒃᑭᑖᐱᖓᓂᒃ (ᑭᓯᑦᔪᑎᑐᐃᓐᓇᖓᓂᓪᓗᓃᑦ) ᑮᓇᐅᔭᑦᓴᔭᓂᒃ ᐃᓄᖏᓐᓅᔦᓂᕐᒥᒃ ᐱᓇᓱᕝᕕᒧᑦ ᓄᓇᓕᑦᓯᓂ (ᐅᓪᓗᖓ ᓱᓕ ᑐᑭᑖᖑᒋᐊᓕᒃ)
ᑐᓴᕋᑦᓭᑦ
07/15/2021
ᑐᓴᕋᑦᓭᑦ ᑰᑦᔪᐊᒥᑦ, ᔪᓓ 14, 2021 – ᔪᓓ 12, 2021-ᒥ, ᐃᓄᐃᑦ ᑕᐱᕇᑦ ᑲᓇᑕᒥ ᐱᒋᐊᕐᑎᓯᓚᐅᔪᕗᑦ ᐃᓄᐃᑦ ᓄᓇᖓᓂ ᓂᕿᑦᓴᖃᑦᓯᐊᕆᐊᖃᕐᓂᒧᑦ ᐸᕐᓀᕈᑎᓂᒃ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᒪᑭᕝᕕᓗ ᐸᕐᓀᕈᑎᒥᒃ ᐱᓇᓱᐊᖃᑕᐅᒍᒪᑦᓯᐊᐳᑦ, ᑐᕌᒐᖃᕈᑕᐅᔪᒥᒃ ᓂᕿᑦᓴᖃᑦᓯᐊᕆᐊᖃᕐᓂᒧᑦ ᐱᓐᓀᓗᑕᐅᔪᓂᒃ […]
07/06/2021
ᑐᓴᕋᑦᓴᖅ ᑐᕓᔭᕉᑦ 6, 2021 – ᑰᒃᔪᐊᖅ, ᓄᓇᕕᒃ – 10:00-ᖑᑎᓪᓗᒍ ᐅᓛᖅ, ᐊᖓᔪᕐᖄᔪᐊᖅ ᔭᔅᑎᓐ ᑐᕉᑑ ᐅᖃᕐᕕᒧᑦ ᐁᕐᖃᐅᔪᖅ ᐅᖃᐅᓯᖃᕆᐊᕐᑐᓱᓂ ᑲᓇᑕᐅᑉ 30-ᒋᓕᕐᓱᒍ ᐊᑕᓂᐊᓗᒻᒧᑦ ᑭᒡᒐᑐᕐᑎᑖᖓᓂᒃ. ᑭᖑᓪᓕᖃᑦᓴᐅᑎᒋᕐᖃᐅᔪᖅ ᒥᐊᔨ ᓭᒪᓐᒥᒃ. ᑲᓇᑕᐅᑉ ᐊᖓᔪᕐᖄᖓ ᐅᖃᓕᒪᒋᐊᖕᖓᒌᑐᐊᕐᒪᑦ […]
06/07/2021
ᑐᓴᕐᑎᓯᒍᑏᑦ ᑰᒃᔪᐊᖅ, ᔫᓂ 7, 2021 –ᐱᓂᕐᓗᓂᒻᒪᕆᖃᖃᑦᑕᖃᒻᒥᓚᐅᕐᑎᓗᒍ, ᑯᐯᒃ ᑲᕙᒪᖓ ᑐᓴᕐᑕᐅᑎᑦᓯᒍᑎᖃᕐᐳᖅ ᑮᓇᐅᔭᒻᒪᕆᓐᓂᒃ ᐅᓄᕐᓕᓐᓂᒃ $10-ᒥᓕᐋᓐᓂᒃ ᑮᓇᐅᔭᕐᑕᑎᑦᓯᒍᑎᖃᓛᓕᕐᓱᓂ ᓄᓇᕕᒻᒧᑦ ᐃᓕᖓᓪᓗᑯᕐᓂᓕᓐᓂᒃ ᓄᓇᕕᒻᒥᐅᓂᒃ ᓴᐳᑦᔨᓯᒪᒍᑎᑦᓴᐅᑎᓪᓗᒋᑦ ᐱᑦᔪᔭᐅᒍᑎᖏᑎᒍᑦ ᐱᔪᖃᕐᑎᓯᑦᑌᓕᓂᑦᓴᑯᑦ ᐊᒻᒪᓗ ᑲᒪᒋᔭᖃᕆᐊᕐᓂᓴᒃᑯᑦ ᐃᓚᒌᑦᑐᑦ ᓱᒃᑯᔨᐊᕆᐅᑎᓂᖏᓐᓂᒃ. ᑖᒃᑯᐊ ᑮᓇᐅᔦᑦ ᐱᔪᓐᓇᕈᑎᐅᓚᖓᕗᑦ […]
ᒪᑭᕝᕕᐅᑉ ᑎᓕᔭᐅᓯᒪᒍᑎᖓ
ᑎᒥᐅᔪᖅ ᔭ ᒪᑭᕝᕕᐅᑉ ᑎᓕᔭᐅᓯᒪᒍᑎᖓ ᐱᓂᐊᕐᓂᓕᕆᓂᑎᒍᑦ, ᐃᓗᕐᖁᓯᕐᑎᒍᑦ ᒪᑭᑕᒐᓱᐊᕐᓂᑎᒍᓪᓗ ᒪᑭᕝᕕᒃ ᓯᕗᓕᕐᑎᐅᕙᑦᑐᖅ ᐱᕈᕐᑎᓯᓂᕐᒥᒃ ᓴᕐᕿᑎᑦᓯᓂᕐᒥ ᓗ ᓄᓇᐅᔪᒥᒃ ᑌᔭᐅᓂᖃᕐᑐᒥᒃ ᓄᓇᕕᒻᒥᒃ, ᑲᓇᑕᒥᐅᖑᑦᓱᑎᒃ ᑯᐯᒻᒥᐅᖑᑦᓱᑎᓪᓗ ᐃᓄᐃᑦ ᓄᓇᒋᔭᖓᓂᒃ ᐊᑦᔨᐅᖏᑦᑑᒍᑎᒋᑦᓱᒍ ᑭᓇᐅᓂᖏᓐᓂᓗ ᖃᐅᔨᒪᐅᑎᒋᑦᓱᒍ. ᒪᑭᕝᕕᒃ ᐃᓄᑦᑎᑐᑦ ᑐᑭᖃᕐᑐᖅ “ᒪᑭᓐᓂᒥᒃ” ᐊᑦᓯᑕᐅᓯᒪᒍᑎᖓ ᑕᒡᒍᖓ ᑎᒥᐅᔪᒧᑦ ᓈᒻᒪᓈᑦᓯᐊᓱᓂ ᑎᓕᔭᐅᒍᑎᖃᕐᓯᒪᒻᒪᑦ ᓴᐳᒻᒥᓂᐊᕐᓗᓂ ᐱᒍᓐᓇᐅᑎᒋᔭᐅᔪᓂᒃ, ᐱᓇᓱᐊᕈᒪᔭᐅᔪᓂᒃ ᑮᓇᐅᔭᕐᑖᕆᔭᐅᓯᒪᔪᓂᓪᓗ ᐃᓄᓐᓄᑦ 1975-ᖑᑎᓪᓗᒍ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᒍᑦ, ᑖᓐᓇ ᓯᕗᓪᓕᐹᖑᑦᓱᓂ ᓄᓇᑖᕐᓂᒧᑦ ᐊᖏᖃᑎᒌᒍᑎᐅᓯᒪᔪᖅ ᑲᓇᑕᒥ ᖃᒻᒥᐅᓂᕐᓴᑯᓪᓗ ᑕᕆᐅᒦᑦᑐᓄᑦ ᐊᖏᖃᑎᒌᒍᑎᓕᐅᕐᖃᒥᓚᐅᔪᑦᓱᑎᒃ ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᒍᑦ ᑖᓐᓇ ᐊᑐᓕᕐᑎᑕᐅᓚᐅᔪᖅ 2008-ᒥ.;
ᑎᒥᐅᔫᑉ ᑎᓕᔭᐅᓯᒪᒍᑎᖓᑕ ᐊᑦᔨᐅᖏᑦᑑᔪᖅ ᓇᒻᒥᓂᖁᑎᖃᕐᓱᓂ ᐃᖏᕐᕋᑎᑦᓯᓱᓂᓗ ᖄᖏᕐᓂᑯᓕᐅᕐᑎᒪᕆᓐᓂᒃ ᐱᓇᓱᒐᖃᕈᑎᐅᒍᓐᓇᑐᓂᒃ; ᐃᓄᑦᑎᒍᑦ ᒪᑭᑉᐸᓕᐊᒐᓱᐊᕐᑐᓕᕆᓂᕐᒥᒃ, ᐃᓪᓗᖃᕐᑎᑕᐅᓂᕐᑎᒍᑦ, ᓴᐳᒻᒥᓂᕐᒥᓗ ᐃᓄᐃᑦ ᐅᖃᐅᓯᖓᓂᒃ ᐃᓗᕐᖁᓯᖓᓂᓪᓗ ᐊᕙᑎᖓᓂᓗ ᓄᓇᖁᑎᖓᓂᒃ. ᒪᑭᕝᕕᐅᑉ ᐱᓇᓱᐊᕐᓂᕆᓲᖓ ᓴᕐᕿᔮᕐᑎᓯᕗᖅ ᐅᓪᓗᒥᐅᓕᕐᑐᖅ ᓄᓇᖃᖅᑳᓯᒪᔪᑦ ᐊᖏᖃᑎᒌᒍᑎᖏᓐᓂᒃ ᐱᖁᔭᕐᔪᐊᑎᒍᑦ ᐃᓕᑕᕆᔭᐅᓂᖃᕐᑐᓂᒃ ᓄᓇᑖᕐᓂᒧᓪᓗ ᐊᖏᖃᑎᒌᒍᑎᐅᓯᒪᔪᓂᒃ ᐱᕙᓪᓕᖁᑎᐅᒍᓐᓇᓂᐊᕐᓱᑎᒃ ᑲᕙᒪᓄᑦ ᐃᓄᓐᓄᓗ. 1975-ᖑᑎᓪᓗᒍ ᓯᕗᓪᓕᐹᖅ ᐊᖏᖃᑎᒌᒍᑎ ᐊᑎᓕᐅᕐᑕᐅᓚᐅᕐᓯᒪᔪᖅ ᓴᕐᕿᑎᑦᓯᒍᑎᐅᓯᒪᕗᖅ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖏᑦ ᑕᐅᑐᑦᑕᐅᔪᑦᓴᐅᓂᖏᓐᓂᒃ “ᐱᒋᐊᕐᓂᓕᐅᑎᐅᓗᑎᒃ” ᑐᑭᖃᕐᑎᓗᒍ ᐱᕈᕐᐸᓕᐊᑎᑦᓯᓂᕐᒥᒃ ᐊᑐᓕᕐᑎᓯᓂᕐᒥᓗ ᐱᓇᓱᐊᖃᑎᒌᓐᓂᓂᒃ ᐱᒐᓱᐊᕈᓯᕐᓂᓗ ᑲᕙᒪᖓᓂ ᑯᐯᑉ ᑲᓇᑕᐅᓪᓗ. ᒪᑭᕝᕕᒃ ᑎᒥᖁᑎᖏᓪᓗ ᐱᐅᔪᕋᑕᕐᓂᒃ ᐅᓂᒃᑲᐅᓯᑦᓴᖃᕐᑐᑦ ᕿᒥᕐᕈᒍᓐᓇᑕᓯ ᖃᕆᑕᐅᔭᒃᑯᑦ ᑕᒡᒐᓂ ᓴᕐᕿᔮᕐᑎᓯᕕᐅᔪᒥ ᒪᑭᕝᕕᒃ ᐅᓂᒃᑲᐅᑕᐅᔪᖅ ᐃᓄᐃᓪᓗ ᓄᓇᕕᒻᒥᐅᑦ. ᑎᒥᐅᔫᑉ ᑐᕌᒐᖏᑦ
Corporate Objectives
ᑎᒍᓯᓂᐊᕐᓗᓂ, ᐊᐅᓚᑦᓯᓂᐊᕐᓗᓂ, ᑐᓂᐅᕐᙯᓂᐊᕐᓗᓂ ᑮᓇᐅᔭᓕᐅᕋᓱᐊᕈᑎᖃᕐᓂᐊᓗᓂᓗ ᐃᓄᐃᑦ ᓄᓇᕕᒻᒥᐅᑦ ᑮᓇᐅᔭᖁᑎᖏᓐᓂᒃ ᐱᔭᐅᔪᓂᒃ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᓂᑦ;
ᐊᔪᕐᓴᓗᐊᕐᓂᒥᒃ ᓄᖑᑎᑦᓯᒐᓱᐊᕐᓂᐊᓗᓂ, ᐃᓗᓯᕐᓱᓯᐊᕐᓂᒥᒃ ᑫᓪᓚᑐᐃᒍᑎᖃᕐᓂᐊᓗᓂ, ᓯᕗᒧᐊᑉᐸᓕᐊᑎᑦᓯᓂᐊᕐᓗᓂ ᐃᓄᐃᓪᓗ ᐃᓕᓐᓂᐊᑎᑕᐅᓂᖓᓂᒃ ᑲᒪᒋᔭᖃᕐᓂᐊᓗᓂ; ᐃᑉᐱᒋᔭᖃᕐᓂᐊᓗᓂ, ᑫᓪᓚᑐᐃᒍᑎᖃᕐᓂᐊᓗᓂ, ᓴᐳᒻᒥᓂᐊᕐᓗᓂ ᐃᑲᔪᕐᓯᒪᓗᓂᓗ ᐃᓄᐃᑦ ᐃᓅᓯᖏᓐᓂ, ᐱᒻᒪᕆᐅᔪᖁᑎᖏᓐᓂᒃ ᐱᐅᓯᑐᖃᖓᓂᓪᓗ;
ᐱᖁᔭᑎᒍᑦ ᐊᖏᖃᑎᒌᒍᑎᒃᑯᓗᓐᓃᑦ ᐱᓇᓱᐊᕆᐊᓕᒻᒥᓂᒃ ᑲᔪᓯᑎᑦᓯᓂᐊᕐᓗᓂ; ᐱᕈᕐᑎᓯᓂᐊᕐᓗᓂ ᐱᕙᓪᓕᑎᑦᓯᓗᓂᓗ ᐃᓄᐃᑦ ᓄᓇᓕᖏᓐᓂᒃ ᐱᐅᓯᑎᒋᐊᕐᓗᒋᓪᓗ ᐊᐅᓚᑦᔭᕆᐊᕈᑎᒋᔭᖏᑦ.