Ungaluk Program

ᑐᑦᓯᕋᓚᐅᕆᑦ ᑮᓇᐅᔭᓂᒃ ᐅᖓᓗᒃᑯᓂᒃ ᑕᕐᓯᑐᐃᓗᑎᑦ ᓄᑖᓂᒃ ᖃᕆᑕᐅᔭᒃᑯᑦ ᑐᑦᓯᕋᐅᑎᒥᒃ ᐊᓪᓚᕕᑦᓴᕗᓐᓂᒃ

  ᐅᖓᓗᒃᑯᑦ ᑐᑦᓯᕋᐅᑎᓂᒃ ᐊᓪᓚᕕᑦᓴᖏᑦ

ᐃᒣᓘᕐᓗᑎᑦ:

  1. ᐊᑐᐊᕐᓯᓗᑎᑦ ᑐᑭᒧᐊᒍᑎᓂᒃ ᐊᒻᒪᓗ ᐱᓂᐊᕐᓂᖃᕈᑎᐅᑉ ᖃᐅᔨᒪᔭᑦᓴᑕᖏᓐᓂᒃ ᑐᑦᓯᕋᐅᑎᓕᐅᖕᖏᓂᕐᓂ (ᑕᑯᓗᒋᑦ ᓃᓂᕐᑐᒉᑦ ᑖᑦᓱᒪ ᖃᕆᑕᐅᔭᒃᑯᑦ ᒪᑉᐱᕕᐅᑉ ᐃᓱᐊᓂ).
  2. ᐅᖓᓗᒃᑯᑦ ᐅᒃᑯᐃᖔᓛᕐᑐᑦ ᔫᓂ 6-ᒥ ᐅᒃᑯᐊᓗᓂ ᓯᑦᑎᒻᐱᕆ 8, 2017-ᒥ ᑕᓪᓕᒪᙳᒥ ᐅᓐᓄᓴᒃᑯᑦ. ᑐᑦᓯᕋᐅᑎᓕᒫᑦ ᑎᑭᑎᑕᕕᓃᑦ ᐅᓪᓗᖅ ᐊᓂᒍᒌᕐᓯᒪᓕᕐᑎᓗᒍ ᐃᓱᒪᑦᓴᓯᐅᕈᑎᐅᓛᑦᔭᖏᑦᑐᑦ. ᑐᑭᑖᕈᑕᐅᓛᕐᑐᑦ ᑎᓯᒻᐱᕆ 2017-ᒥ. ᑐᑭᑖᕐᓂᖃᕇᕐᑎᓗᒍ ᑮᓇᐅᔭᓂᒃ ᐊᑐᐃᓐᓇᖃᖏᓐᓇᐸᑦ, ᕿᒥᕐᕈᓂᖃᕆᐊᓪᓚᓛᕐᑐᑦ ᔭᓄᐊᕆ 201-ᒥ. ᑌᒣᒐᓗᐊᕐᑎᓗᒍ, ᑐᑦᓯᕋᐅᑎᓕᐅᕐᑐᓂᒃ ᐱᓇᓱᒍᒪᔭᒥᓄᑦ ᑐᑦᓯᕋᐅᑎᓕᐅᖁᔨᓪᓚᕆᑦᑐᒍᑦ ᓯᕗᓪᓕᒧᑦ ᕿᒥᕐᕈᓂᕐᒧᑦ ᓈᒻᒪᓈᕐᓯᒪᒐᓱᐊᕐᑎᓗᒋᑦ.
  3. ᑕᑕᕐᓴᒐᕐᓂ ᐱᒍᓐᓇᐳᓯ ᖃᕆᑕᐅᔭᒃᑯᑦ ᓄᓇᕐᔪᐊᓕᒫᒧᑦ ᐱᑐᒍᑎᒥᒃ Internet Explorer-ᒥᒃ, Safari-ᒥᓪᓘᓃᑦ ᖃᕆᑕᐅᔭᕐᓯᓅᕐᓯᖄᕐᓗᓯ. ᐊᑐᕈᓐᓇᒥᔪᓯ Firefox-ᒥᒃ ᑭᓯᐊᓂ ᖃᕆᑕᐅᔭᕐᓯᓅᕆᕐᖄᓗᓯ Extended Support Release version-ᒥᒃ ᐊᑐᐃᓐᓇᐅᔪᒥ ᐅᕙᓂ:https://www.mozilla.org/en-US/firefox/organizations/faq/
  4. ᐱᓯᒪᓕᕈᕕᐅᒃ, ᐅᒃᑯᐃᓗᑎᑦ ᐅᖓᓗᒃᑯᑦ ᖃᕆᑕᐅᔭᓄᑦ ᒪᑉᐱᕕᖓᓄᑦ ᐊᒻᒪᓗ ᓃᓂᕐᓗᒍ ᐅᓇ “ᐅᖓᓗᒃᑯᑦ ᑐᑦᓯᕋᐅᑎᓂᒃ ᐊᓪᓚᕕᑦᓴᖓ“.
  5. ᓂᕈᐊᕐᓗᒍ ᐅᓇ “ᐊᓪᓛᐱᒻᒥᒃ ᐊᓪᓚᑕᐅᑎᑦᓯᓂᖅ”.
  6. ᐊᓪᓛᐱᓐᓂᒃ ᐊᓪᓚᑕᐅᑎᑦᓯᒌᕈᕕᑦ, ᑎᑭᑕᐅᓚᖓᔪᑎᑦ ᖃᕆᑕᐅᔭᒃᑯᑦ ᐊᓪᓚᑖᕈᑎᒧᑦ ᐃᓗᓕᖃᕐᑎᓗᒍ ᐃᓕᓐᓅᓕᖓᔪᓂᒃ ᐊᑐᕐᑎᐅᑉ ᐊᑎᖓᓂᒃ ᐊᒻᒪᓗ ᐃᑎᕈᑎᐅᑉ ᐅᖃᐅᓯᖓᓂᒃ.
  7. ᐊᑎᓕᐅᕐᓗᑎᑦ ᐃᑎᕐᓗᑎᑦ ᐊᓪᓛᐱᑎᓐᓄᑦ.
  8. ᐃᑎᕐᓯᒪᓕᕈᕕᑦ, ᐁᓗᑎᑦ ᐅᕗᖓ “ᐊᓪᓛᐱᒃᑲ”, ᑌᒪ ᐅᕗᖓ “ᑮᓇᐅᔭᓂᒃ ᑐᑦᓯᕋᕐᓂᖅ – ᐱᖕᖑᐃᓂᖅ ᓄᑖᒥᒃ ᖃᕆᑕᐅᔭᒃᑯᑦ ᑐᑦᓯᕋᐅᑎᒥᒃ” ᑌᒪ “ᐊᑌ” ᓚᔪᖅ ᓃᓂᕐᓗᒍ.
  9. ᐊᑐᕐᓗᑎᑦ ᐃᑲᔪᕐᑏᑦ ᐊᓪᓚᖏᓐᓂᒃ (ᑕᑯᓗᒍ ᓇᓗᓀᒃᑯᑕᖓ ‘?’ ᐊᐱᕐᓲᑏᑦ ᓴᓂᐊᓂ) ᑐᑭᓯᒋᐊᕈᒪᑐᐊᕈᕕᑦ.
  10. ᐊᐱᕐᓲᑎᒥᒃ ᑭᐅᒍᓐᓇᖏᒃᑯᕕᑦ “ᐊᓪᓚᓗᑎᑦ ᐃᒫᒃ “ᒥᑦᓯᖃᖕᖏᑐᖅ”.

ᑕᒪᑐᒥᖓ ᓱᕐᖃᔦᖕᖏᐅᒪᒍᕕᑦ ᐅᖃᖁᓇᕐᖁᑎᑦ ᐅᖓᓗᒃᑯᑦ ᐱᓇᓱᑦᑎᖏᑦᑕ ᓇᓪᓕᐊᓄᑦ. ᑐᕌᕐᕕᐅᒍᑎᖏᑦ ᑕᑯᑦᓭᑦ “ᐅᖓᓗᒃᑯᑦ ᐱᓇᓱᑦᑎᖏᑦᑕ ᓈᓭᑎᖏᓐᓂᒃ” ᓃᓂᕐᓯᒍᑎᒥ ᑕᒡᒐᓂ ᖃᕆᑕᐅᔦᑦ ᒪᑉᐱᕕᖓᓂ.

ᖃᕆᑕᐅᔭᕐᓄᑦ ᑎᒍᓯᒍᓐᓇᕋᓗᐊᕐᒥᔪᑎᑦ ᑐᑦᓯᕋᐅᑎᐅᑉ ᐊᓪᓚᕕᑦᓴᖓᓂᒃ, ᑭᓯᐊᓂ ᐊᓪᓚᑕᐅᑎᑦᓯᒋᐊᖃᓚᖓᔪᑎᑦ ᐊᓪᓛᐱᒻᒥᒃ ᐃᑎᕐᕕᒋᓗᒍᓗ, ᐊᒻᒪᓗ ᓯᕗᓂᐊᒍᑦ ᐅᖃᕆᐊᖃᓚᖓᑦᓱᑎᑦ ᐅᖓᓗᒃᑯᑦ ᐱᓇᓱᑦᑎᖓᓄᑦ.

ᐱᓂᐊᕐᓂᖓᑕ ᒥᑦᓵ

ᐊᑦᑕᓇᖕᖏᓂᕐᓴᓂᒃ ᓄᓇᓕᓐᓂᒃ ᐱᓂᐊᕐᓂᖃᕈᑎ, ᐊᑐᓯᓚᐅᔪᔪᖅ ᓈᒻᒪᓈᕐᑐᕋᑕᕐᒥᒃ ᐃᓄᐃᑦ ᐅᖃᐅᓯᖓᓂᒃ, ᐅᖓᓗᒃ, ᓴᓇᔭᐅᓚᐅᕐᓯᒪᕗᖅ ᕕᕈᐊᕆ 2007-ᒥ ᑭᖑᓂᕆᔭᐅᑦᓱᓂ ᓴᓇᕐᕈᑎᒃ ᐊᖏᖃᑎᒌᓐᓂᒧᑦ ᑯᐯᒃᑯᑦ ᑲᕙᒪᖓᑕ ᐊᖏᕈᑎᒋᓯᒪᔭᖓᓄᑦ ᒪᑭᕝᕕᒧᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ (KRG). ᐅᖓᓗᒃ ᐃᓄᐃᑦ ᐅᖃᐅᓯᕆᕙᐅᒃ ᓯᕗᓪᓕᐹᓄᑦ ᓴᕕᐅᔭᕐᑐᐊᓄᑦ ᐃᓪᓗᕕᒐᐅᑉ ᐊᕙᓗᐊᑕ ᑐᖕᖓᕕᖏᓐᓄᑦ, ᐊᒻᒪᓗ ᑕᒪᓐᓇ ᓯᕗᓪᓕᐹᖑᕗᖅ ᐃᓄᓐᓄᑦ-ᐊᐅᓚᑕᐅᑦᓱᓂ ᐱᓂᕐᓗᖓᒍᑎᓂᒃ ᓯᕗᕐᖏᓂᒋᐊᕐᓂᒥᒃ ᐱᓂᐊᕐᓂᖃᕈᑕᐅᓂᕐᒥᒍᑦ. ᐅᖓᓗᒃ ᐊᐅᓚᑕᐅᕗᖅ ᒪᑭᕝᕕᒧᑦ ᐊᒻᒪᓗ ᑲᑎᕕᒃ ᓄᓇᓕᓕᒫ ᑲᕙᒪᒃᑯᓄᑦ. ᐱᓂᐊᕐᓂᑕᖓ ᐃᓕᔨᕙᑦᑐᖅ $10 ᒥᓕᐊᓐ ᑖᓚᓂᒃ ᐊᕐᕌᒍᑕᒫᑦ, ᐊᑭᑦᑐᐸᓪᓕᐊᓂᕐᒧᑦ ᐱᑐᑦᓯᒪᑦᓯᐊᑐᓂᒃ, ᐱᓂᕐᓗᖓᐅᑎᓂᒃ ᓯᕗᕐᖏᓂᒋᐊᕈᑎᒥᒃ ᐱᒋᐊᕐᑎᓯᒍᑎᓄᑦ ᓇᓂᓕᒫᖅ ᓄᓇᖁᑎᐅᑉ ᐃᓗᐊᓂ ᐊᒻᒪᓗ ᐃᓚᖓᓂᒃ ᐃᓪᓗᒐᓴᓕᓐᓂ ᑯᐯᒃ ᓄᓇᖓᓂ. ᐳᕐᑐᓂᕐᓴᖏᑦ ᒪᑭᕝᕕᒥ ᐊᒻᒪᓗ ᑲᑎᕕᒃ ᓄᓇᓕᓕᒫ ᑲᕙᒪᒃᑯᓂ ᑲᒪᔨᐅᕗᑦ ᑮᓇᐅᔦᕈᑏᑦ ᐊᖏᕐᑕᐅᓂᖓᓂᒃ. ᐱᓂᐊᕐᓂᖃᕈᑎᖓ ᐋᕐᕿᒋᐊᕐᓯᒪᓕᕐᑐᖅ ᐃᑲᔪᕐᑕᐅᒍᑎᒋᑦᓱᒍ ᓄᓇᕐᔪᐊᖑᓕᕇᓂ ᐱᓇᓱᕝᕕᒧᑦ ᐱᓂᕐᓗᖓᓃᑦ ᓯᕗᕐᖏᑕᐅᒪᓂᖓᓂᒃ (ICPC). ᑕᒪᓐᓇ ᐱᓂᐊᕐᓂᑕᖓ ᐃᓚᖃᓕᕐᑐᖅ ᒪᓕᑦᑎᒌᓂᒃ ᓄᑖᓂᒃ ᓯᕗᓪᓕᐅᔨᒍᒫᕈᑎᓂᒃ ᐊᒻᒪᓗ ᓂᐳᕐᑎᒋᐊᓕᓐᓂᒃ ᑐᑦᓯᕋᐅᑎᓕᐅᕐᑐᑦ ᐃᓱᒪᒋᒋᐊᓕᖏᓐᓂᒃ ᑮᓇᐅᔭᕐᑖᑎᑕᐅᓂᐊᕈᑎᒃ:

ᖃᐅᔨᒪᔩᑦ ᑲᑎᒪᔨᖏᑦ (ᐃᓐᓄᓯᒪᔪᑦ ᓯᑕᒪᐅᔪᕐᑐᓂᒃ, ᓯᑕᒪᑦ ᑎᒡᒍᐊᑕᐅᑎᓪᓗᒋᑦ ᑯᐯᒃᑯᑦ ᑲᕙᒪᖓᓄᑦ ᐊᒻᒪᓗ ᒪᕐᕉᓂᒃ ᒪᑭᕝᕕᒃ ᐊᒻᒪᓗ KRG-ᑯᑦ ᐃᓛᒃᑯᑦ ᑎᒡᒍᐊᓯᑎᓪᓗᒋᒃ) ᐊᕐᕌᒍᑕᒫᑦ ᑲᑎᖃᑦᑕᓚᖓᔪᑦ ᓇᓗᓀᕐᓯᓚᖓᓗᑎᒃ ᓄᓇᖁᑎᒧᑦ ᑭᖕᖒᒪᓇᕐᑐᓂᒃ ᑫᒥᑦᓯᖃᑦᑕᓗᑎᓪᓗ ᓄᑖᓂᒃ ᓯᕗᓪᓕᐅᔨᒍᑎᑦᓴᓂᒃ ᐊᕐᕌᒍᒥ ᑕᒫᑦ ᓱᕐᖁᐃᕆᐊᕐᓗᑎᒃ ᐱᓇᓱᐊᑦᓭᑦ ᑮᓇᐅᔦᕐᕕᐅᓯᒪᔪᑦ ᐅᖓᓗᒻᒧᑦ ᓱᒻᒣᓂᖓᓂᒃ ᒪᑯᓂᖓ:

  • ᓯᕗᕐᖏᓂᓐᓂᒥᒃ ᐊᒻᒪᓗ ᐊᑭᓂᐊᕐᓂᒥᒃ ᐱᓂᕐᓗᖓᒍᑎᓂᒃ
  • ᑫᓪᓗᐊᓂᕐᒥᒃ ᐊᑦᑕᓇᖕᖏᑐᓂᒃ ᐊᒻᒪᓗ ᐃᓱᕐᕆᓯᐊᕐᑐᓂᒃ ᓄᓇᓕᖃᕐᓂᒥᒃ
  • ᑐᓂᔨᓂᖅ ᐃᑲᔪᕐᓯᐅᑎᓂᒃ ᐱᓂᕐᓗᖓᒍᑏᑦ ᐱᓂᕐᓗᓯᒪᔭᖏᓐᓄᑦ
  • ᐱᐅᓯᒋᐊᕆᓂᕐᒥᒃ ᐋᕐᕿᒋᐊᕐᑎᓯᓂᒃᑯᑦ ᐱᒍᑦᔨᒍᑎᓂᒃ ᐃᓄᓐᓅᓕᖓᔪᓂᒃ

ᐅᖓᓗᒃᑯᑦ ᑐᕌᕆᐊᓕᓐᓂᒃ ᓯᕗᓪᓕᐅᔨᒍᑎᖏᑦ (ᐱᒻᒪᕆᐅᓂᖓ ᒪᓕᑦᓱᒍ)*:

*ᐱᓇᓱᐊᕐᑎᓯᒍᑏᑦ ᒪᑯᐊ ᐃᓚᖓᓐᓂᒃ ᑐᕌᕆᐊᓖᑦ ᑮᓇᐅᔭᕐᑖᑎᑕᐅᒍᓐᓇᓂᐊᕈᑎᒃ. ᐱᓇᓱᐊᑦᓭᑦ ᐃᓕᖓᔪᑦ ᑐᕌᕆᐊᓕᒃ #1-ᒧᑦ ᓯᕗᓪᓕᐅᔭᐅᖃᑦᑕᓚᖓᔪᑦ.

  1. ᐃᑯᓪᓚᐅᒥᑎᑦᓯᓂᖅ ᐱᑑᒪᒉᑦ ᐊᑐᕐᓂᓗᑦᑕᐅᓂᖓᓂᒃ ᐊᒻᒪᓗ/ᐅᕝᕙᓘᓐᓃᑦ ᐊᔪᕆᒪᒍᑎᓂᒃ

ᓱᒨᑦ ᑕᒪᓐᓇ ᑐᕌᕐᑕᐅᓯᕆᕙ ᐅᖓᓗᒃᑯᓄᑦ? 70%-ᑲᓵᑦ ᐱᒻᒪᕆᑦᑐᓄᑦ ᐱᓂᕐᓗᕈᑎᓄᑦ ᓄᓇᕕᐅᑉ ᐃᓗᐊᓂ ᑐᕃᓐᓇᑐᒥᒃ ᐊᑦᑐᐊᓲᖑᕗᑦ ᐋᖓᔮᒍᑎᓄᑦ ᐊᒻᒪᓗ ᐃᒥᐊᓗᓐᓄᑦ.

ᖃᓅᖅ ᑐᕌᕐᑕᖓ ᐱᔭᐅᓚᖓᕙ?

  • ᒪᓂᔨᓗᓂ ᐱᑑᒪᒐᕐᓂᒃ ᐊᑐᕐᓂᓗᑦᑌᓕᓂᕐᒥᒃ ᐱᓂᐊᕈᑎᓂᒃ
  • ᒪᓂᔨᓗᓂ ᐃᓱᐊᕐᓭᓂᕐᒥᒃ ᐅᕝᕙᓘᓐᓃᑦ ᑐᔪᕐᒥᐅᕕᖃᕐᑎᓯᑫᓐᓇᓂᕐᒥᒃ
  • ᒪᓂᔨᓗᓂ ᐃᑲᔪᖃᑎᒌᓂᒃ
  • ᒪᓂᔨᓗᓂ ᐱᓇᓱᒐᕐᒥᒃ ᐊᒻᒪᓗ ᐃᓕᓐᓂᐊᕈᓐᓇᓯᒍᑎᓂᒃ ᑌᒃᑯᓄᖓ ᒪᒥᓴᕐᑐᓄᑦ ᐊᒻᒪᓗ ᒪᒥᓴᕐᓂᒥᒃ ᐊᓂᒍᐃᓕᕐᑐᓄᑦ
  1. ᓯᕗᕐᖏᓂᓐᓂᖅ ᐋᓐᓂᑎᕆᓂᕐᒥᒃ ᐊᓯᖏᓐᓂᓗ ᐱᓂᕐᓗᖓᒍᑎᓂᒃ (ᐃᓄᒻᒪᕆᓐᓂ ᐊᒻᒪᓗ/ᐅᕝᕙᓘᓐᓃᑦ ᐃᓅᓱᑦᑐᓂ)

ᓱᒨᑦ ᑖᓐᓇ ᑐᕌᕐᑕᐅᓴᕆᕙ ᐅᖓᓗᒃᑯᓄᑦ? ᐅᖓᓗᒃᑯᑦ ᐱᖕᖑᑎᑕᐅᓯᒪᕗᑦ ᓯᕗᕐᖏᓂᒍᑎᑦᓴᐅᓱᑎᒃ ᐱᓂᕐᓗᖓᐅᑎᓂᒃ ᐊᒻᒪᓗ ᐋᓐᓂᑎᕆᐅᑎᓂᒃ ᓄᓇᕕᐅᑉ ᐃᓗᐊᓂ.

ᖃᓅᖅ ᑐᕌᕐᑕᖓ ᐱᔭᐅᓚᖓᕙ?

  • ᓱᕐᖁᐃᓗᓂ ᓯᕗᕐᖏᓂᒋᐊᕐᑐᒥᒃ ᐱᐅᓯᖃᕐᓂᒥᒃ ᓯᕗᓪᓕᐸᐅᑎᓪᓗᒍ ᓇᐅᓕᒫᓂ ᑲᒪᒍᑎᓕᒫᓂ.
  1. ᑫᓪᓗᐊᓂᖅ ᐃᓅᖃᑎᒌᓄᑦ ᐃᓚᒋᓕᐅᑎᓂᕐᒥᒃ ᐅᕝᕙᓘᓐᓃᑦ ᐃᓚᒋᓕᐅᑎᒋᐊᑦᓯᐊᓂᕐᒥᒃ (ᓯᕗᕐᖏᓂᓯᒪᓂᖅ ᐱᓂᕐᓗᓂᕐᒥᒃ ᐅᕝᕙᓘᓐᓃᑦ ᐱᓂᕐᓗᓕᕐᕿᓂᕐᒥᒃ)

ᓱᒨᑦ ᑖᓐᓇ ᑐᕌᕐᑕᐅᓴᕆᕙ ᐅᖓᓗᒃᑯᓄᑦ? ᐃᓄᐃᑦ ᐅᑎᓕᕋᒥᒃ ᓄᓇᓕᒻᒧᑦ ᑎᒍᔭᐅᒪᔪᕕᓂᐅᑦᓱᑎᒃ ᐅᕝᕙᓘᓐᓃᑦ ᒪᒥᓴᕐᑐᕕᓂᐅᑦᓱᑎᒃ ᓄᓇᓕᒻᒥ ᐃᓅᖃᑎᓄᑦ ᓴᐳᒻᒥᔭᐅᓂᕐᒥᒃ ᐱᒋᐊᖃᓲᖑᕗᑦ ᖃᓄᐃᖕᖏᑐᒥᒃ ᐃᓅᓯᖃᕐᓂᐊᕋᒥ. ᓴᐳᒻᒥᔭᐅᖕᖏᑯᑎᒃ, ᐅᑎᑐᐃᓐᓇᕈᓐᓇᒪᑕ ᐱᐅᖕᖏᑐᓄᑦ ᐱᐅᓯᕕᓂᕐᒥᓄᑦ ᐅᕝᕙᓘᓐᓃᑦ ᓯᖁᑦᑎᕆᓯᒍᓐᓇᒪ,ᑕ ᒪᓕᒐᖃᕐᑎᑕᐅᒍᑎᒥᓂᒃ.

ᖃᓅᖅ ᑐᕌᕐᑕᖓ ᐱᔭᐅᓚᖓᕙ?

  • ᒪᓂᔨᓗᓂ ᒪᒥᓴᕐᓂᑯᑦ ᐱᑦᔪᔨᒍᑎᓂᒃ (ᓴᖑᒋᐊᕐᕕᒥ ᐅᕝᕙᓘᓐᓃᑦ ᑎᒍᔭᐅᒪᔮᕝᕕᒥ)
  • ᐱᑦᔪᔨᓂᕐᒥᒃ ᒪᓂᔨᓗᓂ (ᓴᐳᒻᒥᓂᖅ, ᐃᓱᐊᕐᓭᓂᖅ, ᐱᑑᒪᒐᕐᓂᒃ ᐊᑐᕐᓂᓗᑦᑐᓂᒃ ᒪᒥᓭᓂᖅ ᐊᓯᖏᓪᓗ) ᐱᓂᕐᓗᓯᒪᔪᓄᑦ ᐸᕐᓇᓀᕐᑕᐅᒪᔪᓄᑦ, ᐅᕝᕙᓘᓐᓃᑦ ᐸᕐᓇᓀᕐᓯᕕᒻᒥᒃ ᐊᓂᑎᑕᐅᓕᕐᐸᑕ ᐅᕝᕙᓘᓐᓃᑦ ᒪᓕᒐᖃᕐᑎᑕᐅᑦᓱᑎᒃ ᐊᓂᒍᓐᓇᓯᑎᑕᐅᑉᐸᑕ
  • ᒪᓂᔨᓗᓂ ᐃᓚᒋᓕᐅᑎᒋᐊᑦᓯᐊᓂᕐᒥᒃ ᐱᑦᔪᔨᒍᑎᓂᒃ ᐱᓂᕐᓗᖓᓚᐅᕐᑐᕕᓂᕐᓄᑦ ᐊᒻᒪᓗ ᑖᒃᑯᐊ ᐃᓚᖏᓐᓄᑦ
  • ᒪᓂᔨᓗᓂ ᐃᓕᓐᓂᐊᑎᑦᓯᒍᑎᐊᐱᓐᓂᒃ ᓄᓇᓕᒻᒥᐅᓄᑦ ᐱᑦᔪᑎᖃᕐᑎᓗᒋᑦ ᐃᓚᒋᓕᐅᑦᔨᒋᐊᑦᓯᐊᓂᕐᒥᒃ ᐱᓂᕐᓗᑐᕕᓂᕐᓂᒃ
  • ᒪᓂᔨᓗᓂ ᐱᓇᓱᒐᕐᒥᒃ ᐊᒻᒪᓗ/ᐅᕝᕙᓘᓐᓃᑦ ᐃᓕᓐᓂᐊᕈᑎᑦᓴᓂᒃ ᐱᓂᕐᓗᖓᓚᐅᕐᑐᕕᓂᕐᓄᑦ
  1. ᑲᒪᑦᓯᐊᓂᖅ ᖁᐊᕐᓵᓯᒪᓂᕐᒥᒃ ᐊᒻᒪᓗ/ᐅᕝᕙᓘᓐᓃᑦ ᐃᓱᒪᒃᑯᑦ ᐃᓗᓯᕐᓱᓂᕐᒥᒃ

ᓱᒨᑦ ᑖᓐᓇ ᑐᕌᕐᑕᐅᓴᕆᕙ ᐅᖓᓗᒃᑯᓄᑦ? ᓄᓇᕕᒻᒥᐅᑦ ᐊᒥᓱᑦ ᐋᓐᓂᐊᒍᑎᖃᕐᖁᑦ ᒫᓐᓇᐅᖏᑦᑐᖅ ᖁᐊᕐᓭᔭᐅᒍᑎᕕᓂᕐᓂᒃ ᐊᒻᒪᓗ ᐃᓱᐊᖁᑎᑦᓴᖃᖕᖏᓗᐊᕐᖁᖅ ᐃᒻᒥᓂᕿᒍᓐᓇᑐᓄᑦ ᐃᓄᓐᓄᑦ ᐊᒻᒪᓗ ᐃᓄᓐᓄᑦ ᐋᓐᓂᐊᓕᓐᓄᑦ ᓄᐃᖏᓐᓇᑕᕐᑐᓂᒃ ᐊᒻᒪᓗ ᐱᒻᒪᕆᓐᓂᒃ ᐃᓱᒪᒃᑯᑦ ᖃᓄᐃᒍᑎᓂᒃ.

ᖃᓅᖅ ᑐᕌᕐᑕᖓ ᐱᔭᐅᓚᖓᕙ?

  • ᒪᓂᔨᓗᓂ ᐃᒻᒥᓂᐊᕐᑌᓕᓂᕐᒥᒃ ᐱᓂᐊᕈᑎᓂᒃ
  • ᒪᓂᔨᓗᓂ ᐃᓱᐊᕐᓭᓂᒃᑯᑦ ᒪᒥᓭᓂᒃᑯᓗ ᐱᑦᔪᔨᒍᑎᓂᒃ ᐃᓄᒻᒪᕆᓐᓄᑦ, ᐃᓅᓱᑦᑐᓄᑦ, ᐱᓂᕐᓗᖓᔪᕕᓂᕐᓄᑦ ᐊᒻᒪᓗ ᐃᓄᓐᓄᑦ ᐸᕐᓇᓀᕐᑕᐅᒪᔪᓄᑦ (ᐆᑦᑑᑎᒋᓗᒍ ᓄᓕᐊᕐᓂᑯᑦ ᐱᓗᑲᒍᑎᓄᑦ, ᐃᓱᒪᒃᑯᑦ ᖃᓄᐃᒍᑎᓄᑦ, ᓂᖓᕐᓂᒥᒃ ᐅᖑᒪᑦᓯᓂᖅ, ᒪᒥᓴᕐᓂᖅ/ᖁᐊᕐᓵᖓᓂᖅ, ᖃᓄᐃᒐᓂ ᐃᓅᖃᑕᐅᓂᖅ)
  • ᒪᓂᔨᓗᓂ ᐱᓇᓱᐊᕈᑎᓂᒃ ᑐᕌᖓᔪᓂᒃ ᒫᓐᓇᓴᐅᑎᒋᒃᑯᑦ ᐊᒻᒪᓗ ᐊᑯᓂᐅᓂᕐᓴᑯᑦ ᐃᓂᓕᐅᕐᓂᒧᑦ ᐃᓄᓐᓂᒃ ᐃᓱᒪᒥᒍᑦ ᖃᓄᐃᒍᑎᓕᓐᓂᒃ
  • ᒪᓂᔨᓗᓂ ᐱᓇᓱᒐᕐᒥᒃ ᐊᒻᒪᓗ ᐃᓕᓐᓂᐊᓂᒃᑯᑦ ᐱᑦᔪᔨᒍᑎᓂᒃ ᑌᒃᑯᓄᖓ ᒪᒥᓴᕐᑐᓄᑦ ᐊᒻᒪᓗ ᑌᒃᑯᓄᖓ ᒪᒥᓴᕐᓂᒥᒃ ᐊᓂᒎᑎᓯᔪᓄᑦ
  1. ᓴᓇᓂᖅ ᕿᑐᕐᖓᓂᒃ ᐱᕈᕐᓭᒍᓯᕐᓂᒃ ᐱᑦᓯᐊᓂᒃᑯᑦ ᐊᒻᒪᓗ/ᐅᕝᕙᓘᓐᓃᑦ ᑲᑦᓱᙰᓕᑎᕆᓂᖅ ᐃᓚᒌᑦ ᐊᑦᑕᓇᖕᖏᓂᖓᓂᒃ

ᓱᒨᑦ ᑖᓐᓇ ᑐᕌᕐᑕᐅᓴᕆᕙ ᐅᖓᓗᒃᑯᓄᑦ? ᐱᐅᔪᒥᒃ ᐃᓚᒌᓂ ᐊᕙᑎᖃᕐᓂᖅ ᐱᒻᒪᕆᓪᓗᑐᑦᓯᐊᖑᕗᖅ ᐱᐊᕋᕐᒧᑦ. ᐱᐊᕋᓖᑦ ᐃᑦᔪᐊᕋᑦᓴᓯᐊᖑᒋᐊᖃᕐᖁᑦ ᐱᐊᕋᕐᒥᓄᑦ. ᐱᐊᕋᓖᑦ ᐃᓚᖓᓂᒃ ᐃᑲᔪᕐᑕᐅᒋᐊᖃᓲᖑᕗᑦ ᓴᐳᒻᒥᓂᕐᒥᒍᑦ ᐱᐊᕋᕐᒥᓂᒃ ᐊᒻᒪᓗ ᓄᐃᑕᑦᓯᓂᕐᒥᒍᑦ ᐊᑦᑕᓇᖕᖏᑐᒥᒃ ᐊᓂᕐᕋᒥᒃ.

ᖃᓅᖅ ᑐᕌᕐᑕᖓ ᐱᔭᐅᓚᖓᕙ?

  • ᒪᓂᔨᓗᓂ ᐱᐊᕋᓕᐅᑉ ᐱᕈᕐᓭᔨᑦᓯᐊᖑᓂᕐᒥᒃ ᐃᓕᓐᓂᐊᕈᑎᖏᓐᓂᒃ
  • ᒪᓂᔨᓗᓂ ᐃᑲᔪᕐᓂᒥᒃ ᐱᐊᕋᐅᑉ ᐃᓅᓕᕐᓂᖓᑕ ᓯᕗᓂᐊᒍᑦ ᐊᒻᒪᓗ ᑭᖑᓂᐊᒍᑦ
  • ᒪᓂᔨᓗᓂ ᐃᑲᔪᕐᑎᐅᖃᑎᒌᓂᒃ ᐱᐊᕋᓕᓐᓄᑦ
  1. ᓯᕗᕐᖏᓂᓐᓂᖅ ᐃᓕᓐᓂᐊᕕᒻᒥᒃ ᓄᕐᙯᓇᕐᓂᒥᒃ ᐊᒻᒪᓗ/ᐅᕝᕙᓗᓐᓃᑦ ᑫᒥᑎᕆᓂᖅ ᐃᓕᓐᓂᐊᕈᑎᒥᒃ ᐱᔪᓐᓇᓯᒍᑎᑦᓴᓂᒃ

ᓱᒨᑦ ᑖᓐᓇ ᑐᕌᕐᑕᐅᓴᕆᕙ ᐅᖓᓗᒃᑯᓄᑦ? ᐃᓅᓱᑦᑐᐃᑦ ᓄᕐᙯᓇᑲᑦᑕᓂᖓ ᐃᓕᓐᓂᐊᕕᓐᓂ ᓱᑲᑦᑐᒪᕆᐅᕗᖅ ᓄᓇᕕᒻᒥ. ᐳᕐᑐᓂᕐᓴᓂᒃ ᐃᓕᓐᓂᐊᕕᒻᒥᒃ ᐊᓂᒎᑎᓂᖅ ᐱᒻᒪᕆᐅᕗᖅ. ᓴᐳᒻᒥᓂᕐᒥᒃ ᐱᑕᖃᕆᐊᓕᒃ ᐃᓅᓱᑦᑐᐃᑦ ᐃᓕᓐᓂᐊᖏᓐᓇᖁᓗᒋᑦ ᐊᒻᒪᓗ ᐱᔭᕇᖁᓗᒋᑦ, ᐊᒻᒪᓗ ᐃᑲᔪᕐᓂᖃᕆᐊᖃᕐᓱᓂ ᑌᒃᑯᓂᖓ ᐃᓅᓱᑦᑐᓂᒃ ᐃᓕᓐᓂᐊᕕᒻᒥ ᓄᕐᙯᓇᕐᓯᒪᓕᕐᑐᓂᒃ.

ᖃᓅᖅ ᑐᕌᕐᑕᖓ ᐱᔭᐅᓚᖓᕙ?

  • ᒪᓂᔨᓗᓂ ᐃᓕᓐᓂᐊᓇᐅᑉ ᑭᖑᓂᖓᓂ ᓴᐳᑦᔨᐅᑎᓂᒃ ᐃᓕᓐᓂᐊᑎᓄᑦ ᐃᓕᓐᓂᐊᕕᒻᒥ ᐊᑦᓱᕈᕐᑐᓄᑦ (ᓄᕐᙯᓇᑐᐃᓐᓇᕆᐊᖃᓕᕐᑐᓄᑦ)
  • ᒪᓂᔨᓗᓂ ᐃᓱᐊᕐᓭᒍᑎᓂᒃ ᐊᒻᒪᓗ ᒪᒥᓭᒍᑎᓂᒃ ᐃᓕᓐᓂᐊᕕᐅᑉ ᐃᓗᐊᓂ
  • ᒪᓂᔨᓗᓂ ᓵᓚᕐᖄᖃᕐᓂᐅᑉ ᐊᑭᓂᐊᕐᑕᐅᒍᑎᖏᓐᓂᒃ ᐃᓕᓐᓂᐊᕕᐅᑉ ᐃᓗᐊᓂ
  • ᒪᓂᔨᓗᓂ ᐹᕐᓯᖓᐅᑎᒍᑎᓂᒃ ᐋᕐᕿᓱᐃᔨᐅᖃᑎᒌᓂᒃ ᐃᓕᓐᓂᐊᕕᐅᑉ ᐃᓗᐊᓂ
  • ᒪᓂᔨᓗᓂ ᐱᓇᓱᒐᕐᒥᒃ ᐊᒻᒪᓗ ᐃᓕᑦᓯᓇᕐᑐᑦ ᐱᓇᓱᑦᑕᐅᒍᑎᖏᓐᓂᒃ ᑐᕌᕐᑎᓗᒋᑦ ᐃᓅᓱᑦᑐᓄᑦ ᐃᓕᓐᓂᐊᕕᒻᒥᒃ ᓄᕐᙯᓇᕐᓯᒪᔪᓄᑦ.
  1. ᑫᓪᓗᐊᓂᖅ ᐊᓯᒋᓕᐅᑎᔪᑦᓴᓂᒃ ᐊᒻᒪᓗ ᓴᖑᕕᑦᓴᓂᒃ ᐊᑐᖕᖏᖔᕐᓗᓂ ᐱᓂᕐᓗᖓᓂᑯᓂᒃ ᐃᕐᖃᑐᐃᔨᒃᑯᑦ ᐱᕐᕈᓯᖓᓂᒃ

ᓱᒨᑦ ᑖᓐᓇ ᑐᕌᕐᑕᐅᓴᕆᕙ ᐅᖓᓗᒃᑯᓄᑦ? ᐅᓪᓗᒥ ᐃᕐᖃᑐᐃᔨᖃᕈᑕᐅᔪᑦ ᐱᐅᓯᖓ ᓄᓇᕕᒻᒥ ᓂᐳᕐᑎᓯᒍᑕᐅᖕᖏᑐᖅ ᓄᓇᕕᒻᒥᐅᑦ ᐱᒋᐊᓕᖏᓐᓂᒃ. ᓄᓇᕕᒻᒥᐅᑦ ᐊᑑᑎᓯᒪᔪᑦ ᐱᓂᕐᓗᕈᑎᓂᒃ ᐱᒋᐊᖃᕐᖁᑦ ᓴᐳᒻᒥᐅᑎᓄᑦ ᐱᑦᔪᔭᐅᒍᑎᓂᒃ ᐸᕐᓇᓀᕐᑕᐅᓴᕈᓐᓀᓗᑎᒃ. ᐸᕐᓇᓀᕐᓯᕕᒃ ᐋᕐᕿᕈᑕᐅᓚᖓᑦᔭᖏᓪᓚᖅ ᓄᓇᕕᒻᒥ ᐃᓅᖃᑎᒌᑦ ᐃᓱᐃᓗᑕᖏᓐᓄᑦ. ᓄᐃᑦᓯᒋᐊᖃᕐᖁᒍᑦ ᐅᓄᕐᓂᓴᓂᒃ ᐱᑦᔪᔨᒍᑎᑦᓴᓂᒃ ᐃᓄᓐᓄᑦ ᐱᓂᕐᓗᕈᑎᒥᒃ ᓵᑕᐅᒍᑎᖃᕐᓯᒪᔪᓄᑦ ᐊᒻᒪᓗ ᑌᒃᑯᓂᖓ ᑲᐅᑦᑕᐅᒍᑎᖃᕐᓯᒪᔪᓄᑦ.

ᖃᓅᖅ ᑐᕌᕐᑕᖓ ᐱᔭᐅᓚᖓᕙ?

  • ᓴᐳᒻᒥᓗᓂ ᐊᒻᒪᓗ ᐊᖏᓪᓕᑎᕆᓗᓂ ᐱᑦᔪᔭᐅᒍᑎᓂᒃ ᓄᓇᕕᒻᒥ ᐃᕐᖃᑐᐃᓂᕐᒧᑦ ᑲᑎᒪᔨᐊᐱᓐᓄᑦ
  • ᐱᕙᓪᓕᐊᓗᓂ ᐱᓂᐊᕐᓂᖃᕈᑎᓂᒃ ᓄᐃᑖᑎᕆᔪᓂᒃ ᐸᕐᓇᓀᕐᑕᐅᓂᕐᒧᑦ ᐊᓯᒋᓕᐅᑎᒍᓐᓇᑐᓂᒃ
  • ᐱᕙᓪᓕᐊᓗᓂ ᐱᓂᐊᕐᓂᖃᕈᑎᓂᒃ ᐱᓂᕐᓗᓂᑯᐃᑦ ᑲᐅᑦᑕᐅᒪᒍᑎᒥᓂᒃ ᐊᑐᕈᓐᓇᓚᖓᑎᓪᓗᒋᑦ ᓄᓇᓕᒻᒥᓃᓪᓗᑎᒃ

ᐅᖓᓗᒃᑯᑦ ᓯᕗᓪᓕᐅᔨᔭᖏᓐᓄᑦ ᑐᕌᕐᑕᐅᓚᖓᔪᑦ ᐃᓄᖏᑦ (ᐱᒻᒪᕆᐅᓂᖓ ᒪᓕᓱᒍ)*:

*ᐱᓇᓱᐊᕐᑎᓯᒍᑏᑦ ᐃᓚᐅᑎᑦᓯᒋᐊᓖᑦ ᐅᑯᐊ ᐱᓇᓱᐊᑦᓴᒧᑦ ᐃᓚᐅᓚᖓᑎᓪᓗᒋᑦ ᑐᕌᕐᑕᐅᔪᑦᓭᑦ ᐃᓄᐃᑦ ᓇᓪᓕᖏᓐᓂᒃ ᑮᓇᐅᔭᕐᑖᑎᑕᐅᒍᓐᓇᓂᐊᕈᑎᒃ. ᐱᓇᓱᐊᑦᓭᑦ ᐃᓕᖓᔪᑦ ᑐᕌᕆᐊᓕᒃ #1-ᒧᑦ ᓯᕗᓪᓕᐅᔭᐅᖃᑦᑕᓚᖓᔪᑦ.

ᐊᑦᑕᓇᕐᑐᒦᑦᑐᑦ

ᐱᓇᓱᐊᕈᑏᑦ ᐃᑲᔪᕐᓯᔪᑦ ᐃᓄᓐᓂᒃ ᐃᓅᔪᓂᒃ ᐊᑦᑕᓇᕐᓂᐅᔭᔪᒻᒪᕆᓐᓂᒃ ᐊᕙᑎᖃᕐᓱᑎᒃ (ᐃᒥᐊᓗᑦᑐᒪᕆᓐᓂᒃ, ᐊᔪᕆᒪᐅᑎᓕᓐᓂᒃ, ᑌᒫᒐᓚᒃ) ᐅᕝᕙᓘᓐᓃᑦ ᒫᓐᓇᐅᖏᑦᑐᖅ ᖃᐅᔨᓯᒪᔪᓂᒃ ᖁᐊᕐᓵᖓᒍᑎᓂᒃ ᐊᒻᒪᓗ ᓴᐳᒻᒥᔨᖃᕆᐊᓕᓐᓂᒃ ᐱᓂᕐᓗᕈᑎᒥᒃ ᐊᑐᕐᓂᓴᖓ ᓯᕗᕐᖏᓚᖓᓗᒍ, ᐅᕝᕙᓘᓐᓃᑦ ᐱᓂᕐᓗᑕᐅᓚᕿᓂᐊᖕᖏᒪᑦ.

ᐊᑦᓱᕈᕐᓇᑐᒃᑰᑐᑦ

ᐱᓇᓱᐊᕈᑏᑦ ᐃᑲᔪᕐᑐᑦ ᐃᓄᓐᓂᒃ ᐱᓂᕐᓗᕈᑎᒥᒃ ᐊᑐᕐᓯᒪᔪᓂᒃ ᐊᒻᒪᓗ ᐸᕐᓇᓀᕐᑕᐅᒪᔪᓂᒃ, ᐊᒻᒪᓗ ᓴᐳᒻᒥᔨᖃᕆᐊᓕᓐᓂᒃ ᓯᕗᕐᖏᓚᖓᓗᒍ ᐱᓂᕐᓗᕆᐊᓪᓚᓂᑦᓴᖓ, ᐅᕝᕙᓘᓐᓃᑦ ᒪᓕᒐᖃᕐᑎᑕᐅᒍᑎᒥᓂᒃ ᓯᖁᒥᑦᓯᓂᑦᓴᖓ.

ᐱᓇᓱᐊᕈᑏᑦ ᐃᑲᔪᕐᑐᑦᖅ ᐃᓄᓐᓂᒃ ᒪᒥᓴᕆᐊᓕᓐᓂᒃ ᐅᕝᕙᓘᓐᓃᑦ ᒪᒥᓴᕐᓂᒦᑦᑐᓂᒃ.

ᐱᓇᓱᐊᕈᑏᑦ ᐃᑲᔪᕐᑐᑦ ᐃᓄᓐᓂᒃ ᐋᓐᓂᑕᐅᓂᑯᓂᒃ ᐱᓂᕐᓗᕈᑎᒧᑦ ᐊᒻᒪᓗ ᐋᓐᓂᑎᕆᓂᕐᒧᑦ.

ᐱᓇᓱᐊᕈᑏᑦ ᐃᑲᔪᕐᑐᑦ ᐃᓚᒌᓂᒃ ᖃᑕᖕᖑᑎᓕᓐᓂᒃ ᐱᓂᕐᓗᕈᑎᒧᑦ ᐋᓐᓂᑕᐅᓯᒪᔪᒥᒃ ᐅᕝᕙᓘᓐᓃᑦ ᐱᓂᕐᓗᓯᒪᔪᒥᒃ.

ᓄᓪᓚᐸᓪᓕᐊᓕᕐᑐᑦ

ᐱᓇᓱᐊᕈᑏᑦ ᐃᑲᔪᕐᑐᑦ ᐃᓄᓐᓂᒃ ᐸᕐᓇᓀᕐᓯᕕᒻᒥᒃ ᐊᓂᑎᑕᐅᓕᕋᒥᒃ ᐃᓚᒋᓕᐅᑎᑎᒋᐊᑦᓯᐊᕆᐊᓕᓐᓂᒃ ᐊᒻᒪᓗ ᓴᐳᒻᒥᔭᐅᓂᖃᕆᐊᓕᓐᓂᒃ (ᐃᓅᖃᑎᒌᓂ, ᐱᓇᓱᑦᑎᐅᓂᖓᑎᒍᑦ, ᒪᑭᑕᐅᑎᖃᕐᓂᖓᑎᒍᑦ, ᑌᒫᒐᓚᒃ) ᓯᕗᕐᖏᓚᖓᓗᒍ ᑖᑦᓱᒪ ᐱᓂᕐᓗᕆᐊᓪᓚᓂᑦᓴᖓ, ᐅᕝᕙᓘᓐᓃᑦ ᒪᓕᒐᖃᕐᑎᑕᐅᒍᑎᒥᓂᒃ ᓯᖁᒥᑦᓯᓂᑦᓴᖓ.

ᐱᓇᓱᐊᕈᑏᑦ ᐃᑲᔪᕐᑐᑦ ᐃᓄᓐᓂᒃ ᒪᒥᓴᕐᑕᐅᓂᕐᒥᒃ ᐊᓂᒎᑎᓕᕐᓱᑎᒃ ᓴᐳᒻᒥᔭᐅᓂᕐᒥᒃ ᑭᖕᖒᒪᑦᓯᔪᓂᒃ.

ᑖᒃᑯᐊ ᐃᓄᐃᑦ ᓴᐳᒻᒥᔭᐅᓂᖃᕆᐊᖃᕐᒥᔪᑦ ᐃᓚᒋᓕᐅᑎᒋᐊᑦᓯᐊᓚᖓᓗᑎᒃ ᑕᒪᑐᒪᓂ ᓄᓇᓕᒻᒥᓄᑦ.

ᐊᓪᓚᓯᒪᔪᐃᑦ ᑕᒡᒐᓂ ᐊᓪᓕᐹᑦ ᑕᑯᓗᒋᑦ ᖃᐅᔨᒋᐊᓪᓚᕈᒪᒍᕕᑦ ᐱᓂᐊᕐᓂᐅᑉ ᒥᑦᓵᓄᑦ, ᐅᕝᕙᓘᓐᓃᑦ ᐅᖃᕐᓗᑎᑦ ᐱᓂᐊᕐᓂᖃᕈᑎᒥᒃ ᑐᑭᒧᐊᑦᑎᓯᔨᒧᑦ:

ᓯᐊᔭ ᐁᕈ, ᐅᖓᓗᒻᒥᒃ ᑐᑭᒧᐊᑦᑎᓯᔨ

(819) 935-4790

s_airo@makivik.org

Facebook-ᒥ ᑕᑯᒋᐊᓚᐅᕐᑎᒍᑦ! https://www.facebook.com/Ungaluk-Safer-Communities-program-1033218163428055/

Program Information
Click here to download the file

Guidelines
Click here to download the file

Examples of crime prevention projects
Click here to download the file

Ungaluk tour presentations on: 

  1. Developing a crime prevention project
    How to fill out the Application Form
    Types of projects needed

Click here to download the file

Community safety plan information
Click here to download the file

Ungaluk staff list
Click here to download the file

How to start a project and how to manage your project
Click here How to start a project PDF

Other Sources of Funding
Click here to download the file

Monitoring and evaluating your project:
Click here to consult the web page

2017/2018 Ungaluk projects – Regional projects
Click here to download the file

Overview of Ungaluk projects 2017
Click here to consult the web page

2017/2018 Ungaluk projects – Community projects
Click here to consult the web page

2016/2017 Ungaluk projects – Regional projects
Click here to download the file

2016/2017 Ungaluk projects – Community projects
Click here to consult the web page

2015/2016 Ungaluk projects – Regional projects
Click here to download the file

2015/2016 Ungaluk projects – Community projects
Click here to consult the web page

2007-2014 Ungaluk Funded Projects:
Click here to consult the web page

Checklist for projects with Northern Village (NV)
Click here to download the file

Evaluation Report of Nunavik Youth Hockey Development Program
Click here to download the file

Ungaluk Annual Report
Click here to download the file