Recent History & Demographics

demographicᓄᓇᓕᕗᑦ  ᖃᒻᒥᓂᑯᑦ ᐊᑑᑎᓯᒪᔪᑦ ᓄᓇᖁᑎᖓᓗ

ᐃᓄᐃᑦ ᑯᐯᑉ ᑕᕐᕋᖓᓂᒥᐅᖑᓕᕐᑐᑦ ᓄᓇᕕᒻᒥ 4000 ᐊᕐᕌᒍᑦ ᐅᖓᑖᓄᑦ. 300 ᐊᕐᕌᒍᑦ ᐊᓂᒍᕐᑐᑦ ᐃᓄᐃᑦ ᓄᓇᕕᒻᒥᐅᑦ ᑕᕆᐅᑉ ᐊᑭᐊᓂᒥᐅᓂᒃ ᑲᑎᓯᒋᐊᙵᓚᐅᕐᑐᕕᓂᐅᑎᓪᓗᒋᑦ ᐊᖏᓕᑲᒃᑯᑦ ᐊᔪᕿᕐᑐᐃᔨᖏᓐᓂᒃ, ᒥᕐᖁᓕᓐᓂᐊᑎᓂᒃ, ᖃᑦᓴᓐ ᐯᒃᑯᓂᓪᓗ. ᑌᑦᓱᒪᓂ ᐃᓄᐃᑦ ᓄᑦᑎᑲᑕᓲᖑᓚᐅᔪᑦ. 1950 ᐊᕐᕌᒍᖏᓐᓂ ᑭᓯᐊᓂ ᐃᓄᐃᑦ ᓄᓇᓕᓐᓅᔭᕐᐸᓕᐊᓯᓚᐅᔪᑦ.
10,000 ᐅᖓᑖᓃᑦᑐᑦ ᐃᓄᐃᑦ ᓄᓇᖃᕐᑐᑦ ᓄᓇᕕᒻᒥᒃ, ᓄᓇᓕᖃᕐᓱᑎᒃ ᖁᓕᓪᓗ ᑕᓪᓕᒪᓪᓗᓂᒃ ᐅᖓᕙᒥ, ᓄᕗᒻᒥᐅᓂ ᑕᓯᐅᔭᕐᔪᐊᒥᓗ (ᑖᓐᓇ ᐃᓚᖃᕐᑐᖅ ᓯᓛᓯᐱᐅᑉ ᓄᓇᓕᖓᓂᒃ ᓄᓇᕕᐅᑉ ᓯᓚᑖᓃᑦᑐᒐᓗᐊᒥᒃ). ᓄᓇᓖᑦ ᖃᓂᑕᕇᙱᑐᑦ 1,000 ᑭᓛᒥᑕᓄᑦ ᐊᒻᒪᓗ 1,900 ᑭᓛᒥᑕᓄᑦ ᒪᑐᕆᐊᓪᒥᑦ. ᓄᓇᓕᓕᒫᑦᓯᐊᑦ ᓯᑕᒪᑦ ᐃᓚᐅᙱᑐᑑᑎᓪᓗᒋᑦ ᐃᓄᖃᕐᑐᑦ 1,000 ᐊᑖᓂ. ᓄᓇᓕᕐᓚᐅᓂᕐᐹᖑᔪᑦ ᑰᑦᔪᐊᖅ, ᐳᕕᕐᓂᑐᖅ, ᓴᓪᓗᐃᑦ ᐃᓄᑦᔪᐊᓗ. ᐃᓄᐃᑦ ᑲᓇᑕᒥᐅᑦ ᑖᒃᓰᔭᕐᑎᐅᓱᑎᒃ ᑲᕙᒪᑐᖃᒃᑯᓄᑦ ᑯᐯᒃᑯᓗ ᑲᕙᒪᖓᓄᑦ ᓂᐅᕕᕐᓂᒥᒍᑦ ᑖᒃᓰᔭᕐᓂᒥᒍᓪᓗ.

ᑭᖑᓪᓕᐹᒥ ᑭᓯᑦᓯᓂᖃᕐᑎᓗᒋᑦ 1000 ᐃᓄᑐᐃᓐᓇᐅᖏᑦᑐᑦ ᓄᓇᓯᒪᓚᐅᔪᑦ ᓄᓇᕕᒻᒥ.

ᓄᓇᕕᒻᒥᐅᑦ ᐃᓄᖏᑦ ᐃᓅᓱᑦᑐᒪᕆᐊᓗᐃᑦ. 60&-ᖏᑦ ᐃᓄᐃᑦ ᐅᑭᐅᖃᕐᑐᑦ ᐊᕙᑎ ᖁᓕᓪᓗ ᐊᑖᓂ ᒪᕐᕈᕕᓪᓗᐊᓱᑎᒃ ᑯᐯᑉ ᓯᕿᓂᖓᓃᑦᑐᓂᒃ. ᐃᓄᐃᑦ ᐅᓄᒋᐊᑦᓯ”ᓪᓕᐊᓂᖓ ᐃᖓᓱᕕᓪᓗᐊᑐᒥᒃ ᓯᑕᒪᕕᓪᓗᐊᑐᓄᑦ ᓱᑲᓂᓴᐅᔪᖅ ᑯᐯᒻᒥᑦ ᑲᓇᑕᓕᒫᒥᓗ. 1950 ᐊᕐᕌᒍᖏᓐᓂᓂᑦ ᐃᓅᓲᖑᓕᕐᑐᑦ 66-ᓄᑦ ᐅᑭᐅᓄᑦ ᑎᑭᑦᓱᒋᑦ 48-ᖑᖃᑦᑕᓯᒪᑎᓪᓗᒍ.

ᐃᓕᓐᓂᐊᕖᑦ ᐃᓂᓪᓚᑕᐅᒋᐊᙵᓯᒪᔪᑦ ᑲᕙᒪᑐᖃᒃᑯᓄᑦ 195ᔾ ᐊᕐᕌᒍᖏᓐᓂ. ᒫᓐᓇᐅᑎᓪᓗᒍ ᐃᓕᓐᓂᐊᓂᖅ ᐃᖏᕐᕋᑎᑕᐅᔪᖅ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ. ᐃᓕᓐᓂᐊᑏᑦ ᐃᓕᓐᓂᐊᑎᑕᐅᓲᑦ ᐃᓄᑦᑎᑐᑦ ᐳᕐᑐᓂᓕᓐᓄᑦ ᐱᖓᓱᓄᑦ ᑎᑭᑦᓱᒍ, ᑭᖑᓂᖓᒍᑦ ᐊᖓᔪᖅᑳᕆᔭᐅᔪᑦ ᓇᓪᓕᑳᒍᓐᓇᕕᖃᕐᑎᓗᒋᑦ ᖃᓪᓗᓈᑎᑐᑦ ᒍᐃᒍᐃᑎᑐᓪᓘᓃᑦ. ᐃᓄᐃᑦ ᐃᓗᕐᖁᓯᖓᑦ ᐅᖃᐅᓯᖓᓗ ᐃᓕᓐᓂᐊᑎᑦᓯᒍᑎᐅᖏᓐᓇᓲᑦ ᐳᒃᑭᓂᕐᓴᓂ ᐳᕐᑐᓂᕐᓴᓂᓪᓗ, ᓄᓇᕕᒻᒥᐅᑦ 95& ᐃᓄᐃᑦ ᐃᓄᑦᑎᑑᕈᓐᓇᑐᑦ. ᐃᓄᑦᑎᑐᑦ ᐅᖃᐅᓯᕆᔭᐅᑦᓱᓂ ᐊᑐᕐᑕᐅᓂᕐᐸᐅᖏᓐᓇᑐᖅ.

ᓄᓇᕕᒻᒥ ᐅᓄᒋᐊᓐᓂᐹᑦ ᐅᑉᐱᓂᖃᕐᑐᑦ ᐊᖏᓕᑲᓐᒥᒃ.