Quaqtaq

ᑐᑭᖓ: ᖁᒪᕐᑕᓕᒃ
ᐃᓄᑦᑕᖏᑦ: 315


quartaq1ᖁᐊᕐᑕᐅᑉ ᓄᓇᓕᖓ ᐃᓂᖃᕐᑐᖅ ᑐᕚᑉ ᓯᑦᔭᖓᑕ ᖃᕙᙵᓂᖓᓂ ᐃᑭᕋᓴᕐᔪᐊᓗ ᐅᖓᕙᐅᓪᓗ ᐃᒪᖏᓐᓄᑦ ᑲᑎᕝᕕᐅᓂᖃᕐᑐᒥ. ᑕᒫᓂ ᓄᓇᖓᓂ ᖃᖅᑲᔪᐊᖃᕐᒥᔪᖅ ᑕᕐᕋᖓᓂ ᐊᒻᒪᓗ ᓯᕿᓂᖓᓂ ᐅᔭᕂᓐᓇᓂᒃ ᖃᖅᑲᖃᕐᒥᓱᓂ. ᑕᒫᓂ ᓄᓇᒥ ᑐᕚᑉ ᓄᓇᖓᓂ ᓄᓇᖃᑦᓯᐊᑐᖅ ᑕᕆᐅᑉ ᐆᒪᔪᖏᓐᓂᓗ ᐱᑕᖃᕐᒥᓱᓂ ᐃᖃᓗᖃᕐᓱᓂᓗ ᑕᕆᐅᑉ ᓂᕿᖏᓐᓂᓗ ᒪᑯᓂᖓ ᐅᕕᓗᒃᓂᒃ ᑕᓪᓗᕈᓐᓇᓂᓪᓗ ᐊᒻᒨᒪᔪᕐᓂᓗ.

1930 ᐊᕐᕌᒍᖏᓐᓄᑦ ᑎᑭᐅᑎᑦᓱᑎᒃ ᑕᒪᑦᓱᒪᐅᑉ ᓄᓇᖓ ᖃᐅᔨᒪᔭᐅᒍᓯᖃᕐᑐᕕᓂᖅ ᓄᕗᑯᑖᒥᒃ. ᑭᓯᐊᓂ ᐅᓂᒃᑲᐅᓯᕐᑎᒍᑦ, ᐊᖑᑎᒥᒃ ᑕᒪᐅᖓᑐᖃᓚᐅᕐᑐᕕᓂᖅ ᕿᓚᓗᒐᕐᓯᐅᑐᒥᒃ ᖃᐅᔨᑦᓱᓂᓗ ᖁᒪᕐᑕᓕᒻᒥᒃ ᐊᓇᕐᒥᓂᒃ. ᑖᑦᓱᒪᐅᑉ ᒪᙯᖃᑎᖏᑦ ᑕᒪᑦᓱᒥᖓ ᓄᓇᒥ ᖁᐊᕐᑕᐅᓂᕂᓯᔪᕕᓃᑦ ᐊᒻᒪᓗ ᐊᑎᖓ ᖃᐅᔨᒪᔭᐅᓯᑦᓱᓂ ᐊᒥᓱᓄᑦ.

ᓱᓇᒐᓓᑦ ᑕᑯᔭᐅᓯᒪᔪᑦ ᑕᒫᓂ ᓴᓂᐊᓂ ᐊᑦᔨᒋᔭᐅᖏᑐᒥᒃ ᑕᑯᑦᓴᐅᑎᑦᓯᔪᑦ ᐃᓄᐃᑦ ᓇᔫᑎᓯᒪᓕᕐᑎᓗᒋᑦ ᑕᒪᑦᓱᒥᖓ ᓄᓇᒥᒃ 3,500-ᒐᓚᓐᓂᒃ ᐅᑭᐅᓂᒃ. ᐃᓄᐃᑦ ᑌᑦᓱᒪᓂᑕᐅᓂᕐᓭᑦ, ᓯᕗᓪᓕᕆᔭᐅᔪᑦ ᐅᓪᓗᒥ ᐃᓅᓕᕐᑐᓄᑦ ᑎᑭᒋᐊᙵᑐᕕᓃᑦ ᑕᒪᐅᖓ 1400 1500 ᓴᓂᐊᓂ ᑲᔦᑦᑐᓯ ᐃᓅᓕᓚᐅᕐᑎᓇᒍ.

ᐃᒻᒥᓂᕿᔪᒥᒃ ᑕᐅᕐᓰᑲᑦᑕᑎᒥᒃ ᓇᑉᐯᒋᐊᙵᑐᖃᕐᑐᕕᓂᖅ 1927-ᒥ ᐃᒡᒋᐊᔮᕐᒥ, ᖁᐊᕐᑕᐅᑉ ᓯᕿᓂᖓᓃᑦᑐᒥᒃ. ᑖᓐᓇ 11-ᓂᒃ ᐅᑭᐅᓂᒃ ᐊᐅᓚᔪᕕᓂᖅ. ᑌᑦᓱᒪᓂᐅᑎᓪᓗᒍ, ᐅᓪᓗᒥ ᖁᐊᕐᑕᐅᓕᕐᑐᒥ, ᑐᕚᓗᒻᒥᐅᑦ ᐃᓄᐃᑦ ᐅᑭᐅᒃᑯᑦ ᐊᐅᓪᓛᓯᒪᕕᖃᖃᑦᑕᑐᕕᓃᑦ ᓯᑯᑕᖃᙱᓂᐅᑉ ᓴᓂᐊᓃᒐᓱᐊᕐᓱᑎᒃ. ᑕᕆᐅᑉ ᐆᒪᔪᖏᓐᓂᒃ ᐱᑕᖃᑦᓯᐊᓲᖑᓯᒪᔪᖅ ᐅᑭᐅᒃᑯᑦ ᐃᒃᑮᓇᕐᑐᒪᕆᐅᑎᓪᓗᒍ. 1931-ᒥ, ᐅᐃᒍᐃᒃᑯᑦ ᒥᖅᑯᓕᓐᓂᒃ ᑕᐅᕐᓰᑲᑦᑕᕕᖓ Rᖀᑲᓂᓗᓗᓕᓴ Fᑭᕂᑭᕿᐅ-ᑯᑦ ᐅᒃᑯᐃᓯᒋᐊᓪᓚᑐᕕᓃᑦ ᓂᐅᕕᕐᓂᐊᕕᒻᒥᒃ ᐃᒡᒋᐊᔭᕐᒥ, ᖃᑦᓴᓐᐯ ᑲᒻᐸᓂᒃᑯᓄᑦ ᑎᒍᔭᐅᓕᕐᑐᕕᓂᕐᒥᒃ 1936-ᒥ. ᕿᑭᕐᑖᓗᒻᒥᐅᑦ ᑕᐅᕐᓰᑲᑦᑕᕕᖓᓂᒃ ᓂᐅᕕᕐᕕᒥᒃ ᐅᒃᑯᐃᑕᐅᔪᖃᕐᑐᕕᓂᖅ 1939-ᒥ ᑕᒫᓂᑦᓭᓇᖅ ᓄᓇᒥ ᐊᒻᒪᓗ ᑭᖑᓂᐊᒍᑦ ᐊᕐᕌᒍᓕᕐᒥᒪᑦ ᑲᒻᐸᓂᒃᑯᑦ ᓂᐅᕕᕐᓂᐊᕕᒻᒥᓂᒃ ᐅᒃᑯᐊᓯᓕᕐᑐᕕᓃᑦ ᐃᒡᒋᐊᔮᕐᒥ. ᑖᒃᑯᐊ ᕿᑭᕐᑖᓗᒻᒥᐅᑦ ᐅᒃᑯᐃᓯᓕᕐᓂᒥᔪᐃᑦ ᓂᐅᕕᕐᕕᒥᓂᒃ 10 ᐊᕐᕌᒍᐃᑦ ᑭᖑᓂᐊᒍᑦ ᑌᒪ ᐃᓄᐃᑦ ᐃᒡᒋᐊᔭᕐᒥᐅᖑᖃᑦᑕᑐᕕᓃᑦ ᓄᑦᑎᓚᕿᓂᐊᓕᕐᒪᑕ ᖁᐊᕐᑕᒧᑦ. 1947-ᒥ ᑲᑕᓕᒃᑯᑦ ᑐᑦᓯᐊᕕᓕᐅᓯᓐᓂᒥᔪᑦ ᖁᐊᕐᑕᒥ.

ᐃᓄᓐᓂᒃ ᐱᒍᑦᔨᓃᑦ ᑲᔪᓯᑎᑕᐅᑦᓴᐅᑎᒋᓯᒪᙱᑐᑦ ᐊᓯᖏᑎᑐᑦ ᓄᓇᓖᑦ. ᖁᐊᕐᑕᖅ ᐃᓱᒪᒋᔭᐅᓯᒪᕗᖅ ᒥᑭᓗᐊᕆᐊᖓ. ᐊᐅᐸᓗᑦᑕᑳᕐᓇᑐᒥᒃ ᐊᓐᓂᐊᒥᒃ 195<<2″”-ᖑᑎᓪᓗᒍ ᐱᔪᖃᓚᐅᕐᑐᕕᓂᐅᒻᒪᑦ ᑐᖁᑕᐅᔪᖃᓚᕿᑎᓪᓗᒍ 11-ᓂᒃ ᐃᓄᒻᒪᕆᓐᓂᒃ, 10 ᐳᓴᓐᑎᖏᓐᓂᒃ ᖁᐊᕐᑕᒥᐅᓕᒫᑦ ᐃᓄᖏᓐᓂᒃ. 1960 ᐊᕐᕌᒍᖏᓐᓃᓕᕐᑎᓗᒋᑦ, ᑯᐯᒃᑯᑦ ᑲᕙᒪᖓᑦ ᐅᒃᑯᐃᓯᔪᕕᓃᑦ ᓂᐅᕕᕐᓂᐊᕕᒻᒥᒃ ᐊᓪᓚᑖᕐᕕᒥᓪᓗ ᓈᓚᐅᑎᖃᕐᑎᓯᑦᓱᑎᒃ ᑕᓚᕘᕈᑕᐅᒍᓐᓇᑐᒥᒃ. 1974-ᒥ, ᑖᓐᓇ ᓂᐅᕕᕐᓂᐊᕕᖓ ᑯᐊᐸᒃᑯᓄᑦ ᑎᒍᔭᐅᓯᓐᓂᒥᔪᖅ ᐊᒻᒪᓗ 1978-ᒥ ᖁᐊᕐᑕᖅ ᐱᖁᔭᕐᑎᒍᑦ ᑕᕐᕋᒥᐅᓄᑦ ᓄᓇᓕᙳᑎᑕᐅᓂᖃᓚᐅᕐᓯᒪᑦᓱᑎᒃ.

ᐊᑉᐸᑑᑉ ᕿᑭᕐᑕᖓ ᐅᖓᕙᐅᑉ ᐃᒪᖓᓃᑦᓱᓂ ᖁᐊᕐᑕᐅᑉ ᖃᕙᙵᓂᖓᓃᑦᑐᖅ ᐊᑯᓂᐅᓕᕐᑐᖅ ᖃᐅᔨᒪᔭᐅᒍᑎᖃᕐᑐᖅ ᑕᒫᓂ ᓄᓇᒥ ᐁᕕᕐᓯᐅᕕᑦᓯᐊᖑᒋᐊᖓ ᓇᓄᕐᓯᐅᕕᑦᓯᐊᖑᒋᐊᖓᓗ. ᐊᒻᒪᓗᑦᑕᐅᖅ ᑕᒡᒐᓂ ᕿᑭᕐᑕᒥ ᐃᓐᓈᕈᖏᑦ ᐅᓪᓗᓕᐅᕐᕕᐅᓯᒪᓲᖑᒻᒥᔪᑦ ᐊᒥᓱᒻᒪᕆᐊᓗᓐᓄᑦ ᐊᑉᐸᓄᑦ.

ᑕᑯᒥᓇᕐᑐᖁᑎᖏᑦ

  • ᑐᕚᓗᒃ ᒪᙯᕝᕕᓯᐊᖑᑦᓱᓂᓗ ᐆᒪᔪᕐᓂᓗ ᑕᑯᓐᓇᐅᔭᕐᕕᐅᒍᓐᓇᓱᓂ.
  • ᐊᒥᓱᒐᓚᓐᓂᒃ ᑐᓂᕐᑕᓕᑦᑕᖃᕐᑐᖅ ᐃᕐᐸᖓᔪᓂᒃ ᑕᒫᓂᓕᒫᖅ ᓄᓇᒥ.