ᒪᑭᕕᐅᑉ ᐊᖓᔪᖅᑳᖓ ᐊᒻᒪᓗ ᑲᑎᕕᒃ ᓄᓇᓕᓕμᑦ ᑲᕙᒪᖓᑕ ᐊᖓᔪᖅᑳᖓ ᑲᑎᓯᔫᒃ ᑯᐯᑉ ᓯᕗᓕᕐᑎᖓᓂ ᕕᓕᑉ ᑯᐃᔮᒥᒃ

ᑰᑦᔪᐊᖅ, ᑯᐯᒃ, ᐆᑦᑑᐱᕆ 8, 2014ᖑᑎᓪᓗᒍ ─ ᒪᑭᕕᐅᑉ ᐊᖓᔪᕐᖄᖓ ᔫᐱ ᑕᕐᕿᐊᐱᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᖓᔪᕐᖄᖓ ᒫᑭ ᐃᒪᓪᓚᒃ ᐅᓪᓗᒥ ᑲᑎᓯᑫᓐᓇᑑᒃ ᑯᐯᑉ ᐊᖓᔪᕐᖄᖓᓂᒃ ᕕᓕᑉ ᑯᐃᔮᒥᒃ. ᐁᓯᒪᖃᑕᐅᑫᓐᓇᒥᔪᑦ ᑯᐯᑉ ᐱᑦᓴᖑᕈᓐᓇᑐᓕᕆᓂᕐᒧᑦ ᑕᕐᕋᒧᓪᓗ ᐸᕐᓇᓂᒻᒪᕆᐅᑉ ᑐᕐᖃᑕᕐᕕᖓᑕ ᐊᖓᔪᕐᖄᖓᓂᒃ ᐱᐊ ᐋᕐᑳᓐ, ᑯᐯᑉ ᓄᓇᖃᕐᖄᓯᒪᔪᓕᕆᕕᖓᑕ ᑐᕐᖃᑕᕐᕕᖓᑕ ᐊᖓᔪᕐᖄᖓᓂᒃ ᔨᐊᕝ ᑭᐊᓕ, ᐊᒻᒪᓗᑦᑕᐅᖅ ᐅᖓᕙᐅᑉ ᑭᒡᒐᑐᕐᑎᖓᓂᒃ ᔮᓐ ᐳᓰ.

ᑕᒪᓐᓇ ᑲᑎᖕᖓᒋᐊᖕᖓᐅᑎᐅᑫᓐᓇᑐᖅ ᓄᓇᕕᒻᒥᐅᑦ ᓯᕗᓕᕐᑎᖏᓐᓄᑦ ᐊᒻᒪᓗ ᑯᐯᑉ ᐊᖓᔪᕐᖄᖓᓄᑦ ᓕᐳᔪᒃᑯᑦ ᓂᕈᐊᕐᑕᐅᓚᐅᔪᓂᖓᑕ ᑭᖑᓂᐊᒍᑦ ᐁᕆᓕᐅᓚᐅᔪᒥ. ᐊᑑᑎᖃᑫᓐᓇᑐᖅ ᐊᒻᒪᓗ ᐁᓯᒪᔪᓄᑦ ᖃᐅᔨᓵᕈᑕᐅᑫᓐᓇᓱᓂ ᑲᕙᒪᐅᓕᕐᑐᐃᑦ ᖃᓄᑎᒋᒃ ᑐᓂᓯᒪᓂᖏᓐᓂᒃ ᐃᓅᖃᑎᒌᒍᓐᓇᓂᕐᒥᒃ ᓄᓇᕕᒻᒥᐅᑦ ᑯᐯᒻᒥᐅᓗ ᐊᕐᕌᒍᑦ 20 ᓈᔪᓂ ᑌᒣᑦᑑᒍᓐᓇᓯᒪᑎᓪᓗᒋᑦ.

ᑲᑎᖕᖓᓂᕐᒥ, ᑯᐯᑉ ᐊᖓᔪᕐᖄᖓ ᐊᒻᒪᓗ ᑯᐯᑉ ᑕᕐᕋᒧᑦ ᐸᕐᓇᓂᒻᒪᕆᐅᑉ ᑐᕐᖃᑕᕐᕕᖓᑕ ᐊᖓᔪᕐᖄᖓ ᖃᐅᔨᑎᑦᓯᒋᐊᖕᖓᑫᓐᓇᑑᒃ ᑲᕙᒪᒻᒥᑕ ᑕᕐᕋᒧᑦ ᐊᑐᕐᑐᓴᓕᐊᕆᓯᒪᔭᖏᓐᓂᒃ ᐊᒻᒪᓗ ᑮᓇᐅᔭᕐᑎᒍᑦ ᒪᑭᑉᐸᓕᐊᒐᓱᐊᕐᓂᒧᑦ ᐊᑐᕐᑐᓴᓕᐊᕆᓯᒪᔭᒥᓂᒃ, ᓄᓇᕕᒻᒧᑦ ᑭᒡᒐᑐᕐᑐᑦ, ᑯᐯᒻᒥᒃ ᑐᓴᕐᑎᓯᑎᓪᓗᒋᑦ ᐸᕐᓇᓯᒪᐅᑎᒃ ᖃᓄᐃᓕᖓᓕᕐᒪᖔᑦ.

“ᑐᑭᓯᑎᑦᓯᓯᐊᑫᓐᓇᑐᒍᑦ ᓄᓇᕕᒻᒥᐅᑦ ᐃᓄᖏᑦ ᐱᕙᓪᓕᐊᔪᖃᓚᖓᑉᐸᑦ ᐃᓚᐅᑎᑕᐅᑦᓯᐊᒋᐊᖃᕐᓂᖏᓐᓂᒃ. ᐃᓕᕐᖁᓯᕗᑦ, ᐅᖃᐅᓯᕗᓪᓗ, ᑭᓇᐅᓂᕗᓪᓗᑕᐅᖅ ᐊᒻᒪᓗ ᓄᓇᑦᑕ ᐊᕙᑎᖓ ᓴᐳᑦᔭᐅᓯᐊᒻᒪᕆᐊᓗᒋᐊᖃᕐᓂᖓ”, ᓚᑦᓱᓂ ᐅᖃᑫᓐᓇᑐᖅ ᒪᑭᕕᐅᑉ ᐊᖓᔪᕐᖄᖓ ᔫᐱ ᑕᕐᕿᐊᐱᒃ. ᕖᓄᓇᕕᒻᒥᐅᑦ ᐃᓄᖏᑦ ᑯᐯᒻᒥᐅᓂᒃ ᐃᓅᖃᑎᖃᑦᓯᐊᒍᓐᓇᑐᑦ ᐊᒻᒪᓗ ᐊᑐᐃᓐᓇᐅᕕᖃᕐᓱᑎᒃ ᐱᓇᓱᐊᖃᑎᒌᒐᓱᐊᕐᑐᓂᒃ ᑕᕐᕋᒥ ᐱᕙᓪᓕᐊᓂᕐᒧᑦ ᐃᓱᐊᕐᑐᑯᑦ ᓈᒻᒪᓈᕐᑐᑯᓪᓗ.”

ᐃᓪᓗᐃᓂᐊᕐᓂᖅ ᐊᒻᒪᓗ ᓄᓇᕕᒻᒥ ᐃᓅᒐᓱᐊᕐᓂᑯᑦ ᐊᑭᑐᔪᕐᒥᐅᖑᓂᖅ ᐅᖄᒍᑕᐅᑫᓐᓇᒥᔪᑦ ᑲᑎᖕᖓᓂᕐᒥ, ᓴᕿᔫᑉ ᐱᓇᓱᐊᕐᑕᐅᓂᖓᑕ ᐃᓂᓪᓓᒋᐊᑦᓯᐊᕈᑎᑦᓴᖓᓗ ᐅᖄᒍᑕᐅᑫᓐᓇᒥᔪᖅ, ᖃᕆᑕᐅᔭᒃᑯᑦ ᐱᑐᑦᓯᒪᐅᑎᐅᑉ ᒥᑦᓵᓄᑦ ᐅᖄᒍᑕᐅᑫᓐᓇᒥᔪᖅ ᐊᒻᒪᓗ ᓄᓇᐅᑉ ᐊᕙᑎᖓᑕ ᓴᐳᑦᔭᐅᒋᐊᖃᕐᓂᖏᑦ ᐱᕙᓪᓕᐊᓂᕐᒥ ᐅᖄᒍᑕᐅᑫᓐᓇᒥᔪᑦ. ᕖᓄᓇᕕᒻᒥᐅᑦ ᐱᓀᓗᑕᓄᑦ ᐊᑦᔨᒌᖕᖏᑐᓄᑦ ᖃᓄᐃᓕᒋᐊᕈᑎᑦᓴᕆᒐᔭᕐᑕᒥᓂᒃ ᐱᕐᖁᓯᒥᑎᒎᕐᑐᓂᒃ ᐅᖃᐅᓯᖃᖃᑦᑕᑐᑦ. ᓄᓇᓕᑦᑎᓄᑦ ᐃᓅᓯᑦᑎᓄᓪᓄ ᑐᓂᓯᒪᑦᓯᐊᑐᒍᑦ. ᑲᕙᒪᒃᑯᑦ ᐱᕙᓪᓕᖁᑎᑦᓴᖏᑦ ᑭᖕᖒᒪᓇᓕᕐᑐᐃᑦ ᖃᓄᐃᓕᒋᐊᕈᑎᑦᓭᑦ ᐊᐅᓚᑦᔭᒋᐊᕈᑎᑦᓴᒋᓂᐊᕐᑕᖏᓐᓄᑦ ᐃᓅᓯᑦᑕ ᓲᖑᓯᒋᐊᕈᑎᑦᓴᖏᓐᓄᑦ ᐊᒻᒪᓗ ᓄᓇᓕᕗᑦ ᐱᕙᓪᓕᐊᕈᑎᑦᓴᖏᓐᓄᑦ,” ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᖓᔪᕐᖄᖓ ᒫᑭ ᐃᒪᓪᓚᒃ ᓚᑦᓱᓂ ᐅᖃᓕᑫᓐᓇᒥᔪᖅ. ᒪᑭᕕᐅᑉ ᐊᖓᔪᕐᖄᖓ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᖓᔪᕐᖄᖓ ᑯᐯᑉ ᐊᖓᔪᕐᖄᖓᓂᒃ ᑲᕙᒪᖁᑎᖓᓂᓗ ᐊᐅᓚᑦᔭᒋᐊᖁᔨᔫᒃ ᑕᕐᕿᓂ ᙯᔪᓂ, ᓄᓇᕕᒻᒥᐅᑦ ᐃᓄᖏᓐᓂᒃ ᑎᒥᐅᔪᖁᑎᖏᓐᓂᓗ ᐅᖃᖃᑎᒌᒋᐊᓪᓚᖁᔨᒍᓐᓇᓯᒍᒪᑦᓱᑎᒃ.


For more information:

Angela Petru
Communications Coordinator
Kativik Regional Government
Tel. 819-964-2961, ext. 2317
media@krg.ca
www.krg.ca
William Tagoona
Senior Communications Officer
Makivik Corporation
Tel. 819-964-2925
wtagoona@makivik.org
www.makivik.org

Makivik is the development corporation mandated to manage the heritage funds of the Inuit of Nunavik provided for under the James Bay and Northern Québec Agreement. Makivik’s role includes the administration and investment of these funds and the promotion of economic growth by providing assistance for the creation of Inuit-operated businesses in Nunavik. Makivik promotes the preservation of Inuit culture and language as well as the health, welfare, relief of poverty, and education of Inuit in the communities.


Please click here to download a .PDF file of this press release.

ᒪᑭᕕᐅᑉ ᐊᖓᔪᖅᑳᖓ ᐊᒻᒪᓗ ᑲᑎᕕᒃ ᓄᓇᓕᓕμᑦ ᑲᕙᒪᖓᑕ ᐊᖓᔪᖅᑳᖓ ᑲᑎᓯᔫᒃ ᑯᐯᑉ ᓯᕗᓕᕐᑎᖓᓂ ᕕᓕᑉ ᑯᐃᔮᒥᒃ