Kuujjuaq

ᑐᑭᖓ: ᑰᕌᓗᒃ ᐊᖏᔪᖅ
ᐃᓄᑦᑕᖏᑦ: 2132


kuujjuaq1ᑰᒃᔪᐊᖅ, ᓄᓇᕕᒻᒥ ᓄᓇᓕᕐᓚᐅᓂᕐᐸᐅᔪᖅ ᐃᓂᖃᕐᑐᖅ ᑰᑦᔪᐊᑉ ᑰᖓᓂ ᓯᑦᔭᖓᑕ ᐊᑐᐊᕐᓂᖓᓂ 50 ᑭᓚᒦᑕᓂᒃ ᐅᖓᓯᓐᓂᖃᕐᓱᓂ ᐅᖓᕙᐅᑉ ᐃᒪᖓᓂᑦ. ᖃᐅᑕᒫᑦ ᐃᓅᓯᖏᑦ ᓄᓇᓖᑦ ᐱᑐᑦᓯᒪᓂᖃᕐᑐᖅ ᑖᑦᓱᒧᖓ ᓲᖑᔪᒻᒪᕆᒻᒧᑦ ᑰᒻᒧᑦ. ᑖᑦᓱᒪ ᐅᓕᑦᑕᓂᖓᓗ ᑎᓂᑦᑕᓂᖓᓗ ᐊᓯᑦᔨᑐᐃᖏᓐᓇᓕᒫᖃᑦᑕᑐᑦ ᓄᓇᖓᓂᒃ ᐊᒻᒪᓗ ᑕᒪᒃᑯᐊ ᐱᐅᓯᑐᖃᕐᒥᓂᒃ ᐊᑑᑎᖏᓐᓀᓇᕐᐸᓱᑎᒃ ᐅᐱᕐᖔᑯᑦ ᓱᒐᓱᐊᕐᓂᖃᓕᑐᐊᕋᒥᒃ.

ᓇᐸᕐᑐᐃᑦ ᐱᑕᖃᕐᑐᑦ ᑰᑦᔪᐊᒥ. ᓇᐹᕐᑐᐃᑦ ᐊᑦᔨᒌᖏᑐᑦ ᐃᒪᕐᓱᒦᓲᖑᒻᒥᔪᑦ ᑭᕕᓕᓂᕐᒦᑐᐊᕋᒥᒃ. ᑰᑦᔪᐊᒥᐅᑦ ᑕᑯᓐᓈᓂᖃᓲᖑᒻᒥᔪᑦ ᑲᖏᕐᓱᐊᓗᑦᔪᐊᑉ ᑐᑦᑐᖏᑦᑕ ᐊᕐᕌᒍᑕᒫᑦ ᐃᖏᕐᕋᓂᕆᓲᖓᓂᒃ. ᑕᒪᒃᑯᐊ ᑐᑦᑐᐃᑦ ᑕᒪᐅᓇ ᓄᓇᑦᑎᒎᕐᐸᑐᑦ ᐊᐅᒍᔅᑎᒥᓗ ᓯᑉᑎᒻᐱᕆᒥᓗ.

ᑰᑦᔪᐊᖅ ᖃᐅᔨᒪᔭᐅᒍᓯᖃᕐᓯᒪᔪᖅ ᓯᕗᓂᐊᒍᑦ ᐊᑎᕆᓯᒪᔭᕐᒥᓄᑦ ᕘᑦ ᓭᒨᒥᒃ. ᑖᓐᓇ <ᓭᒧ< ᓚᔪᖅ ᐅᖃᑦᓯᐊᖏᑦᑐᒍᑎᐅᑦᓱᑎᒃ “ᓭᒧᕐᒥᒃ” <ᓭᒨᓚᐅᕐᒃ

ᓯᕗᓪᓕᐹᖑᑦᓱᑎᒃ ᑕᕆᐅᑉ ᐊᑭᐊᓂᒥᐅᑦ ᐃᓄᓐᓂᒃ ᑲᑎᓯᒋᐊᙵᑐᕕᓃᑦ ᒧᕌᕕᐊᒥᐅᖑᓂᕋᕐᑕᐅᓯᒪᔪᑦ. ᐊᐅᒍᔅᑎ 25, 1811-ᒥ, ᐅᒥᐊᕐᑐᓱᑎᒃ ᓛᐸᑐᐊᒃᑯᓗ ᐅᖓᕙᒃᑯᓗ, ᐊᓂᙳᐊᑦ ᐱᓐᔭᒥᓐ ᑰᓪᒣᔅᑐᓗ ᐊᒻᒪᓗ ᐊᓂᙳᐊᖅ ᔪᐊᔾ ᑭᒧᔅ ᑎᑭᑦᑐᕕᓂᐅᔫᒃ ᐃᓄᐃᑦ ᑕᒻᒫᓯᒪᕕᖓᓄᑦ ᑰᑦᔪᐊᑉ ᑰᖓᑕ ᖃᕙᙵᓂᖓᓃᑦᑐᒧᑦ, ᐅᖓᓯᑦᑐᓗᐊᖏᑐᒥᒃ ᐅᓪᓗᒥ ᑰᑦᔪᐊᑉ ᓄᓇᓕᒋᓕᕐᑕᖓᓂᑦ. ᑖᒃᑯᐊ ᓯᕗᓂᖃᕐᑐᕕᓂᐅᔫᒃ ᑕᒪᒃᑯᓂᖓ ᐃᓄᑐᐃᓐᓇᓂᒃ ᑲᔦᑦᑐᓯᒥᐅᕈᕐᑎᓯᒍᒪᑦᓱᑎᒃ. ᑕᑯᑦᓱᒋᑦ ᐊᓪᓚᑕᐅᖃᑦᑕᑐᕕᓃᑦ ᑖᑦᓱᒧᖓ ᐊᓂᙳᐊᒧᑦ ᑰᓪᒣᔅᑐᒧᑦ, ᑰᑦᔪᐊᒥᐅᑦ ᐃᓄᖏᑦ ᐱᔭᑦᓴᐅᔮᕈᑎᖃᑦᓯᐊᑐᕕᓃᑦ ᒧᕌᕕᐊᒥᐅᓂᒃ ᑐᑦᓯᐊᑎᑦᓯᔨᖃᕈᒪᒋᐊᒥᒃ ᑕᒫᓂ ᓄᓇᒥ.

1830-ᒐᓚᒻᒥ, ᖃᑦᓴᓐᐯᒃᑯᑦ ᑲᒻᐸᓂᖏᑦ ᐱᒋᐊᕐᑎᓯᔪᕕᓃᑦ ᒥᖅᑯᓕᓐᓂᒃ ᑕᐅᕐᓰᑲᑦᑕᓂᕐᒥᒃ ᓄᓇᕕᒻᒥ ᓇᑉᐯᓱᑎᒃ ᓂᐅᕕᕐᓂᐊᕕᒻᒥᒃ ᑰᑦᔪᐊᑉ ᑰᖓᑕ ᖃᕙᙵᓂᖓᓂ, 5 ᑭᓚᒦᑕᓂᒃ ᐅᖓᓯᓐᓂᖃᕐᑐᒥᒃ ᓄᓇᓕᐅᓕᕐᑐᒥᑦ. ᑖᓐᓇ ᐅᒃᑯᐊᑕᐅᓕᕐᑐᕕᓂᖅ 1842-ᒥ, ᐅᒃᑯᐃᑕᐅᒋᐊᓪᓚᓯᒻᒥᓱᓂ 1866-ᒥ. ᑌᑦᓱᒪᓂᐅᑎᓪᓗᒍ ᐃᓄᐃᑦ ᐃᖅᑭᓖᓪᓗ ᒨᓐᑕᓃᓪᓗ ᑕᐅᕐᓰᑲᑦᑕᕆᐊᕐᑐᖃᑦᑕᑐᕕᓃᑦ ᑕᒪᐅᖓ ᓂᐅᕕᕐᓂᐊᕕᒻᒧᑦ.

ᓴᓇᔭᐅᔪᖃᑐᐊᕐᒪᑦ ᐊᒥᐊᔨᑫᑦ ᐅᓇᑕᕐᑎᖏᑦᑕ ᒥᕝᕕᖓᓂᒃ 1942-ᒥ ᑰᑦᔪᐊᑉ ᑰᖓᑕ ᐊᑐᐊᕐᓂᖓᓂᐅᓂᕐᓴᖅ, ᐅᓪᓗᒥ ᓄᓇᓕᒋᔭᐅᓕᕐᑐᒥᒃ, ᐊᒻᒪᓗ ᐊᒥᐊᔨᑲᒥᐅᑦ ᐅᓇᑕᕐᑎᖏᓐᓄᑦ ᓇᔫᑎᔭᐅᓚᐅᔪᑦᓱᓂ 1942-ᓗ 1945-ᓗ ᐊᑯᓐᓂᖓᓂ ᐱᕙᓪᓕᐊᑎᑦᓯᒍᑎᐅᓯᒪᔪᖅ ᓱᑲᑦᑐᒥᒃ ᓄᓇᓕᓐᓂᒃ. ᓯᓚᕐᔪᐊᒥ ᐅᓇᑕᕐᓂᔪᐊᖅ ᐃᓱᓕᑐᐊᕐᒪᑦ ᐊᒥᐊᔨᑲᒥᐅᑦ ᒥᕝᕕᒥᓂᒃ ᑲᓇᑕᐅᑉ ᑲᕙᒪᖓᓅᕆᓯᔪᕕᓃᑦ. 1948-ᒥ, ᐃᕐᓯᕋᕐᔪᐊᑯᑦ ᑲᑕᓕᒃᑯᑦ ᑐᑦᓯᐊᕕᒻᒥᒃ ᓄᐃᑦᓯᔪᕕᓃᑦ, ᑭᖑᓪᓕᖃᕐᓱᑎᒃ ᐊᓐᓂᐊᕕᒻᒥᒃ ᐃᓕᓐᓂᐊᕕᒻᒥᓗ ᓯᓚᓐᓂᐊᕕᒻᒥᓗ. ᑲᒻᐸᓂᒃᑯᑦ ᓂᐅᕕᕐᓂᐊᕕᖁᑎᖏᑦ ᓄᐃᑦᓯᔪᕕᓂᐅᓕᕐᑐᑦ ᓂᐅᕕᕐᓂᐊᕕᒻᒥᓂᒃ 1958-ᒥ, ᒪᓕᑦᑕᐅᓱᑎᓪᓗ ᐃᓚᒌᖑᔪᓄᑦ ᑰᑦᔪᐊᑐᖃᕐᒥᒃ ᓱᓕ ᓄᓇᓕᖃᕐᑐᕕᓂᕐᓄᑦ. 1961-ᒥ ᑯᐊᐸᒃᑯᑦ ᐱᒋᐊᕐᑎᓯᔪᕕᓂᐅᒻᒥᔪᑦ.

ᒪᕐᕉᓂᒃ ᒥᕝᕕᖃᕐᓂᒥᓄᑦ ᑰᑦᔪᐊᖅ ᑕᒪᓂᓕᒫᖅ ᓄᓇᓕᖃᕐᕕᐅᔪᒧᑦ ᐃᖏᕐᕋᔪᕐᓄᑦ ᐊᖅᑯᓵᕐᕕᒋᔭᐅᓲᖑᕗᖅ. ᓄᓇᓖᑦ ᓇᑉᐯᓯᒪᕕᐅᔪᑦ ᓯᓂᑦᑕᕕᓐᓄᑦ, ᓂᕆᕕᓐᓄᓗ, ᓂᐅᕕᕐᓂᐊᕕᓐᓄᓗ, ᓴᓇᙳᐊᒐᕐᓄᓗ ᒥᕐᓱᒐᕐᓄᓗ ᐊᒻᒪᓗ ᑮᓇᐅᔭᒃᑯᕕᒻᒧᑦ.

ᑕᑯᒥᓇᕐᑐᖁᑎᖏᑦ

  •     ᐃᖃᓗᓐᓂᐊᓂᖅ ᓵᒪᓂᒃ ᐃᖃᓗᑉᐱᓂᓪᓗ, ᑐᑦᑐᓂᐊᕐᕕᖃᕐᒥᓱᓂᓗ.
  •     ᑰᑦᔪᐊᑐᖃᖅ: ᓄᓇᓕᒋᔭᐅᒋᐊᖓᑐᕕᓂᖅ ᑰᑉ ᐊᑭᐊᓃᑦᓱᓂ.