Kangiqsualujjuaq

ᑐᑭᖓ: ᑲᖏᕐᓱᖓ ᐊᖏᔪᐊᓗᒃ
ᐃᓄᑦᑕᖏᑦ: 735


kangisualujjuaq1ᑲᖏᕐᓱᐊᓗᒃᔪᐊᖅ ᓄᓇᕕᐅᑉ ᖃᕙᙵᓂᓐᓂᐸᐅᑦᓱᓂ ᓄᓇᓕᐅᕗᖅ, ᐃᓂᖃᕐᓱᓂ 160-ᓂᒃ ᐅᖓᓯᓐᓂᓕᒻᒥᒃ ᑰᑦᔪᐊᑉ ᑕᕐᕋᖓᑕ ᖃᕙᙵᓂᖓᓂ. ᐅᖓᕙᒥᑦ <<2″”5 ᑭᓚᒦᑕᓂᒃ ᐅᖓᓯᓐᓂᖃᕐᑐᖅ ᑲᖏᕐᓱᐊᓗᑦᔪᐊᑉ ᑰᖓᑕ ᐃᓗᐊᓂ ᐊᑭᓕᓴᑲᓪᓚᐅᓂᕋᕐᑕᒦᑦᓱᓂ. ᐅᓕᑦᑕᓃᑦ ᑰᒃᑯᑦ ᓄᓇᓕᓐᓄᑦ ᑎᑭᐅᑎᓲᖑᒐᒥᒃ ᑎᓂᙵᓕᑐᐊᕐᒪᑦ ᑲᖏᕐᓱᐊᐱᓕᒫᖓ ᐃᒣᕈᑦᑕᐅᓲᖅ. ᑲᖏᕐᓱᐊᓗᑦᔪᐊᒥᐅᑦ ᑌᒣᒻᒪᑦ ᐅᐱᕐᖔᑯᑦ ᐃᓅᓯᖃᕐᐸᑐᑦ ᒪᓕᑦᓱᑎᒃ ᐅᓕᑦᑕᓃᓪᓗ ᑎᓂᑦᑕᓃᓪᓗ ᐱᐅᓯᖏᓐᓂᒃ. ᓄᓇᓖᑦ ᐊᑖᓃᕝᕕᖃᓲᖑᒻᒥᔪᖅ ᖃᖅᑳᓗᒻᒥᒃ ᐅᔭᕂᓐᓈᓗᒻᒥᒃ ᑲᖏᕐᓱᖓᑕ ᑕᕐᕋᖓᓃᑦᑐᐊᓗᒻᒥᒃ. ᑕᕐᕋᒦᓐᓂᓴᐅᒐᓗᐊᕐᓱᓂ, ᑖᓐᓇ ᑭᕕᓕᓂᖓ ᓄᓇᓕᒻᒥᒃ ᐅᖅᑯᐊᓕᓂᕐᑎᓯᔪᖅ ᐱᐅᔪᒻᒪᕆᐅᔪᖅ ᐱᕈᕐᑐᔭᖃᑦᓯᐊᕋᒥ. 1960 ᐊᕐᕌᒍᖏᓐᓃᑎᓪᓗᒋᑦ ᓄᓇᓕᓐᓂ ᐊᐅᓚᑕᐅᔪᖃᕐᓯᒪᔪᖅ ᒥᑭᔪᕐᒥᒃ ᕿᔪᓕᕆᕕᒻᒥᒃ.

ᒪᙯᑦᑎᓄᓪᓕ, ᐃᖃᓗᓐᓂᐊᑎᓄᓪᓗ ᑕᑯᓂᐊᕐᑎᒐᓚᓄᓪᓐᓃᑦ, ᑲᖏᕐᓱᐊᓗᑦᔪᐊᑉ ᐊᕙᓗᖓ ᑕᑕᑦᑐᑕᖃᕐᑐᖅ ᑕᑯᒥᓇᕐᑐᑐᖃᐅᔪᕐᓂᒃ. ᓄᕐᕂᔭᕐᕕᒋᔭᐅᓲᑦ ᓄᓀᑦ ᑲᖏᕐᓱᐊᓗᑦᔪᐊᑉ ᑐᑦᑐᖁᑎᖏᓐᓄᑦ ᑖᒃᑯᐊ ᓯᓚᕐᔪᐊᓕᒫᒥ ᐅᓄᕐᓂᐸᐅᓂᕋᕐᑕᐅᒪᑕ ᐊᒥᓱᒐᓓᑦ 100 ᑕᐅᓴᓐᑎᒦᑦᑐᓂᒃ ᐅᓄᕐᓂᖃᕐᓱᑎᒃ ᑲᖏᕐᓱᐊᓗᑦᔪᐊᒧᑦ ᖃᓂᑦᑑᒥᔪᖅ. ᑲᖏᕐᓱᐊᓗᑦᔪᐊᑉ ᑰᖓ ᐊᓯᖏᓪᓗ ᑰᖑᒻᒥᔪᐃᑦ ᑕᒫᓃᑦᑐᑦ, ᐃᖃᓗᖃᑦᓯᐊᒪᕆᓲᖑᒻᒥᔪᑦ ᐃᖃᓗᑉᐱᓗᐊᖑᐊᓂᒃ, ᓵᒪᓂᓪᓗ ᐊᑦᔨᒌᖏᑐᓂᓪᓗ ᐃᓯᐅᕋᓕᑦᑖᓴᔭᕐᓂᒃ. ᖁᕐᓗᑐᕐᒥ )ᕿᓗᕿᓴᐅ Fᖑᓗᓗᐅ-ᒥ, 64-ᓂᒃ ᐅᖓᓯᓐᓂᓕᒻᒥᒃ ᑲᖏᕐᓱᐊᓗᑦᔪᐊᒥᑦ, ᐊᒥᓱᓂᒃ ᒪᙯᑦᑎᓯᔩᑦ ᒪᙯᕝᕕᖏᓐᓂᒃ ᑐᙵᓱᑦᑎᓯᔪᖃᕈᓐᓇᑐᖅ ᐳᓛᕆᐊᕐᓯᒪᔪᓂᒃ ᐃᖃᓗᓐᓂᐊᑎᑦᓯᒍᓐᓇᑐᓂᒃ ᐊᓕᐊᒋᔭᐅᒻᒪᕆᒍᓐᓇᓯᐊᕐᑐᓂᒃ.

100-ᒐᓚᓐᓂᒃ ᐅᖓᓯᓐᓂᓕᒻᒥᒃ ᑲᖏᕐᓱᐊᓗᑦᔪᐊᑉ ᖃᕙᙵᓂᖓᓄᑦ ᑑᕐᙰᑦ ᖃᖅᑲᔪᐊᖏᑦ ᑖᕙᓃᑦᑐᑦ. ᑖᒃᑯᐊ ᖃᖅᑲᔪᐊᑦ ᐅᖓᓯᓐᓂᖃᕐᑐᑦ 300 ᑭᓚᒦᑕᓂᒃ ᑯᐯᓗ ᓚᐸᑐᐊᕐᓗ ᓄᓇᖏᑦᑎᒎᕐᓱᓂ, ᐅᖓᕙᐅᓪᓗ ᓛᐸᑐᐊᑉ ᑕᕆᐅᖓᑕᓗ ᐊᑯᓐᓂᖓᓂᑦᓱᓂ. ᐃᓱᖃᙱᑐᒧᑦ ᐊᐳᑎᑕᖃᕐᓂᖓᓄᑦ, ᓯᑯᕐᔪᐊᖃᕐᓂᖓᓄᓪᓗ, ᐊᒻᒪᓗᑭᑕᐅᔭᕐᓂᖓᓄᓪᓗ ᑲᖏᕐᓱᑯᑖᖃᕐᓂᖓᓄᓪᓗ ᖃᖅᑲᔪᐊᖃᕐᓂᖓᓄᓪᓗ ᓚᓕᒥᓴᑎ ᕈIᑕᕿᑭᑲᓂᓗᓗᕿ-ᒥᒃ ᐳᕐᑐᓂᖃᕐᓱᓂ 1646 ᒦᑕᓂᒃ ᐅᐸᒍᒥᓇᕐᑐᕈᑎᖃᕐᑐᖅ. ᑰᕈᕐᔪᐊᑉ ᑰᖓ ᐱᒋᐊᕐᕕᖃᓲᖑᑦᓱᓂ ᑑᕐᙰᑦ ᖃᖅᑲᔪᐊᖏᓐᓂᑦ ᐅᖓᕙᒨᕐᑐᒥᒃ ᐊᒻᒪᓗᑦᑕᐅᖅ, ᒍᑕᓗᓕᑲᓂᖑᓄ Fᒧᓕᑭᖁ-ᒥ ᐃᔨᕐᓯᒪᑎᑦᓯᓲᖑᕗᑦ ᑭᓯᑦᓴᐅᖏᑦᑐᓂᒃ ᐱᐅᔫᑐᖃᐅᓂᖃᕐᑐᓂᒃ ᐊᔪᒉᒋᔭᐅᒍᓐᓇᑐᓂᓪᓗ ᑕᒪᒃᑯᓄᖓ ᐱᓱᕋᔭᑦᑎᓄᑦ, ᖃᔭᕆᐊᕐᑐᑎᓄᓪᓗ ᖃᔭᕐᑐᑎᓄᓪᓗ ᕿᒥᕐᕈᔭᐅᒍᓐᓇᑐᓂᒃ.

ᐊᒻᒪᓗᑦᑕᐅᖅ ᖃᐅᔨᒪᔭᐅᒍᓯᑐᖃᖓᓄᑦ ᑖᓐᓇ ᑲᖏᕐᓱᐊᓗᑦᔪᐊᖅ ᓄᓇᓕᙳᐸᓪᓕᐊᓂᑦᔭᖏᑦᑐᖅ 1960 ᐊᕐᕌᒍᖏᑦ ᐊᑐᓚᐅᕐᑎᓇᒋᑦ. ᖃᑦᓴᓐᐯᒃᑯᑦ ᑲᒻᐸᓂᖏᑦᑕ ᓂᐅᕕᕐᓂᐊᕕᖁᑎᖏᑦ ᑖᑦᓱᒪ ᓄᓇᓕᐅᓕᕐᑑᑉ ᓯᕿᓂᒋᐊᖓᓃᑦᓱᑎᒃ ᐊᐅᓚᑕᐅᓂᖃᕐᓂᒥᔪᑦ 1838-42-ᒥ, 1876-1915-ᒥᓗ ᐊᒻᒪᓗ 1923-32-ᒥ. ᑭᓯᐊᓂ, ᐃᓄᐃᑦ ᑕᒫᓃᑦᑐᑦ ᓂᐅᕕᕐᓂᐊᕕᐅᑉ ᓴᓂᐊᓄᑦ ᐃᓂᓪᓚᓗᑐᓚᐅᕐᓂᖏᑦᑐᑦ, ᓯᑦᔭᒥᐅᖑᖔᖃᑦᑕᓱᑎᒃ ᐅᐱᕐᖔᖑᓕᑐᐊᕐᒪᑦ ᐅᑭᐅᖑᓕᕐᒪᓗ 50-ᓂᒃ ᐅᖓᓯᓐᓂᓕᒻᒥᒃ ᓯᑦᔭᒥᑦ ᓄᓇᓕᖃᖃᑦᑕᓱᑎᒃ. 1959-ᒥ, ᓄᓇᓖᑦ ᐃᓄᖁᑎᖏᑦ, ᐃᒻᒥᓂᕐᓱᓱᑎᒃ, ᓯᕗᓪᓕᐹᒥᒃ ᑯᐊᐸᒃᑯᓂᒃ ᓂᐅᕕᕐᓂᐊᕕᒻᒥᒃ ᓴᖅᑭᑎᑦᓯᒋᐊᙵᑐᕕᓃᑦ ᑯᐯᒃ ᑕᕐᕋᖓᓂ ᓂᐅᕐᕈᑎᖃᖃᑦᑕᕈᒪᑦᓱᑎᒃ ᐃᖃᓗᑉᐱᓂᒃ. ᓄᓇᓖᑦ ᓴᓇᕕᐅᓯᔪᕕᓃᑦ 1962-ᒥ ᐊᒻᒪᓗ ᐊᕐᕌᒍᐃᑦ ᐊᓂᒍᕐᒪᑕ, ᑲᖏᕐᓱᐊᓗᑦᔪᐊᒥᐅᓕᒫᑦ ᐃᓪᓗᖃᕐᑎᑕᐅᓕᓚᐅᕐᓯᒪᔪᑦ ᐃᑭᐊᕐᒥᐅᓯᒌᕐᓯᒪᔪᓂᒃ. ᐃᓕᓐᓂᐊᕕᓕᐅᕐᑕᐅᔪᖃᓯᓐᓂᒥᔪᖅ 1963-ᒥ, ᑯᐊᐸᒃᑯᓗ ᓂᐅᕕᕐᓂᐊᕕᖓᓂᒃ ᑲᕙᒪᒃᑯᓗ ᐃᓪᓗᖁᑎᖏᓐᓂᒃ. 1980-ᒥ ᑲᖏᕐᓱᐊᓗᑦᔪᐊᖅ ᐱᖁᔭᕐᑎᒍᑦ ᓄᓇᓕᙳᑎᑕᐅᓚᐅᕐᓯᒪᔪᖅ ᒥᓂᓯᐹᓕᑎᙳᓱᓂ.

ᑕᑯᒥᓇᕐᑐᖁᑎᖏᑦ

  •     ᓵᒪᓂᓪᓗ ᐃᖃᓗᑉᐱᓂᓪᓗ ᐃᖃᓗᓐᓂᐊᕕᑦᓯᐊᒪᕆᒃ, ᑐᑦᑐᓯᐊᕐᕕᓯᐊᒻᒪᕆᐅᑦᓱᓂᓗ ᑑᕐᙰᑦ ᖃᖅᑲᔪᐊᖏᑦ ᐃᓚᖃᕐᓱᑎᒃ ᓚᓕᒥᓴᑎ ᕈ<<’””<<I””ᑕᕿᑭᑲᓂᓗᓗᕿ-ᒥᒃ, 1646-ᓂᒃ ᒦᑕᓂᒃ ᐳᕐᑐᓂᓕᒻᒥᒃ
  •     ᑰᕈᕐᔪᐊᑉ ᑰᖓ
  •     ᒍᑕᓗᓕᑲᓂᖑᓄ Fᒧᓕᑭᖁ
  •     ᑲᖏᕐᓱᐊᓗᑦᔪᐊᑉ ᑰᖓ ᐊᒻᒪᓗ )ᕿᓗᕿᓴ’’””ᐅ Fᖑᓗᓗᐅ.
  •     ᐆᒪᔪᐃᑦ ᑕᑯᑦᓭᑦ: ᑐᑦᑐᐃᑦ, ᐊᑦᓭᑦ, ᑎᒋᒐᓐᓂᐊᑦ ᐊᒪᕈᐃᓪᓗ.