Construction Division

housingᖃᐅᔨᒪᓇᕐᒪᑦ ᓄᓇᕕᒻᒥᐅᑦ ᐅᕕᒐᕐᑐᑦ ᐊᒥᓱᒻᒪᕆᐅᒻᒪᑕ ᓱᑲᑦᑐᒥᓪᓗ ᐅᓄᒋᐊᑦᓯᕙᓪᓕᐊᓱᑎᒃ, ᐃᓪᓗᖃᑦᓯᐊᑎᑦᓯᓂᖅ ᒪᑭᕝᕕᐅᑉ ᐃᓱᒫᓗᒋᖏᓐᓇᓕᒫᕐᐸᐅᒃ, ᑲᕙᒪᑐᖃᒃᑯᑦ ᑯᐯᒃᑯᓗ ᑲᕙᒪᖓᑕ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ.

ᒪᑭᕝᕕᐅᑉ ᓴᓇᔨᖏᑦ ᑐᖓᓕᐊᓃᓕᕐᑐᑦ ᐊᕐᕌᒍᓄᑦ ᑕᓪᓕᒪᓄᑦ ᐊᖏᖃᑎᒌᒍᑎᒋᓚᐅᔭᒥᓂ ᑲᓇᑕᐅᑉ ᑲᕙᒪᖓᓂᒃ ᑯᐯᓪᓗ ᑲᕙᒪᖓᓂᒃ ᐊᖏᖃᑎᖃᕐᓱᑎᒃ ᐃᓄᐃᑦ ᐃᓪᓗᖏᑦᑕ ᓴᓇᔭᐅᒍᑎᑦᓴᖏᓄᑦ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ ᐃᓪᓗᐃᓂᐊᕐᓂᖅ ᓄᓇᑦᑎᓂ ᐱᓇᓱᐊᕐᑕᐅᒍᓐᓇᓯᑦᓯᐊᖁᑦᓱᒍ.

ᒫᓐᓇᐅᑎᓪᓗᖑ ᐊᕐᕌᒍᓄᑦ ᑕᓪᓕᒪᓅᓕᖓᔪᖅ ᐊᖏᖃᑎᒌᒍᑎ ᐊᑎᓕᐅᕐᑕᐅᓚᐅᕐᓯᒪᔪᖅ 2005-ᖑᑎᓪᓗᒍ ᑮᓇᐅᔭᖃᕐᑎᓯᒍᑎᐅᑦᓱᓂ ᒥᑦᓴᐅᓴᕐᓱᒋᑦ R69 ᒥᓕᐊᓂᒃ ᐊᕐᕌᒍᓂ ᑕᓪᓕᒪᓂ ᐃᓪᓗᓕᐅᕈᑎᐅᒐᔭᕐᑐᓂᒃ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ. ᑖᒃᑯᐊ ᐊᕐᕌᒍᓄᑦ ᑕᓪᓕᒪᓄᑦ ᐸᕐᓇᓯᒪᒍᑎᐅᔪᑦ ᑮᓇᐅᔭᖃᕐᑎᓯᒍᑎᐅᖃᑦᑕᒥᔪᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᓪᓗᓕᕆᔨᖏᓐᓂᒃ ᐊᕐᕌᒍᓂ ᐊᕙᑎᓂ ᓯᖁᒥᓯᒪᔪᕐᓂᐊᕈᑎᐅᖃᑦᑕᓂᐊᕐᑐᓂᒃ ᐃᖏᕐᕋᑎᑦᓯᒍᑎᐅᓗᑎᓪᓗ ᑖᒃᑯᓂᖓ ᐃᓪᓗᓂᒃ. ᑖᒃᑯᐊ ᐱᓇᓱᐊᕐᑎᓯᒍᑎᐅᔪᑦ ᓴᓇᒍᑎᐅᒍᓐᓇᑐᑦ 60-ᓂᒃ ᐃᑦᓯᒥᑦᑎᑕᕇᓂᒃ ᒪᕐᕉᓂᒃ ᖃᕆᐊᓕᓐᓂᒃ ᐊᕐᕌᒍᑕᒫᑦ 2009 ᓴᓇᓐᓇᖅ ᐃᓱᓕᓗᒍ. ᐊᖏᖃᑎᒌᒐᓱᐊᓕᕐᒥᔪᑦ ᐊᖏᖃᑎᒌᒍᑏᑦ ᐱᖓᔪᒋᓕᕐᑕᖓᓂᒃ ᐊᕐᕌᒍᓄᑦ ᑕᓪᓕᒪᓅᓕᖓᒐᔭᕐᑐᒥᒃ 2010-ᒥ ᐱᒋᐊᕐᓗᓂ.

ᒪᑭᕝᕕᐅᑉ ᓴᓇᔨᖏᑦᑕ ᐱᔭᕐᓃᓕᐅᕈᑎᒋᓗᐊᙳᐊᖃᑦᑕᑕᖓ ᐱᓇᓱᑦᑎᖃᕋᓱᐊᕐᓂᖅ ᓄᕐᙯᓇᕐᑕᖏᑦᑐᓂᒃ ᐃᓄᓐᓂᒃ ᐃᓪᓗᓕᕆᓂᐅᑉ ᐱᓇᓱᐊᕐᑕᐅᓂᖓᓂ, ᓄᕐᖃᑕᕈᑎᐅᓗᐊᙳᐊᖃᑦᑕᑐᖅ ᐃᓄᑐᐃᓐᓇᓂᒃ ᕿᔪᓕᕆᓂᕐᒥᒃ ᐊᓯᖏᓐᓂᓗ ᐱᒍᓐᓇᐅᑎᒋᔭᐅᓲᓂᒃ ᐃᓪᓗᓕᐅᕐᓂᒥ ᐱᑕᖃᙱᒪᑦ ᓄᓇᕕᒻᒥ.

ᑌᒣᒐᓗᐊᕐᑎᓗᒍ ᐱᓇᓱᐊᖃᑎᖃᕐᑐᒍᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᓪᓗ ᕿᔪᓕᕆᔨᐅᒐᔭᕐᑐᓂᒃ ᐱᒋᐅᕐᓴᑎᑦᓯᓱᑕ.