NILCA

nilcaᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓ ᐊᑑᑎᒋᐊᓯᓚᐅᔪᖅ ᔪᓓ 10, 2007-ᖑᑎᓪᓗᒍ. ᑐᕌᖓᑦᓱᓂ ᑕᕆᐅᒦᑦᑐᒧᑦ ᓄᓇᓄᑦ ᑯᐯᒻᒥ, ᓛᐸᑐᐊᑉ ᑕᕐᕋᖓᓂ ᕿᑭᕐᑕᓄᓪᓗ ᓛᐸᑐᐊᑉ ᑕᕐᕋᖓᓃᑦᑐᓄᑦ.ᓄᓇᕕᒻᒥᐅᑦ ᐃᓄᐃᑦ ᐱᒍᓐᓇᐅᑎᖏᑦ ᑕᕆᐅᒥ ᐱᔭᕇᕐᑕᐅᒣᑦᑑᓯᒪᒻᒪᑕ 1975-ᖑᑎᓪᓗᒍ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓ ᐱᓇᓱᐊᕐᑕᐅᑎᓪᓗᒍ. ᑌᒣᒐᓗᐊᕐᑎᓗᒍ ᐊᕐᕌᒍᓂᒃ ᐊᒥᓱᓂᒃ ᖃᐅᔨᓴᑦᓯᐊᕖᙵᓱᑎᒃ ᐱᓂᐊᕐᓂᓕᕆᓂᕐᑎᒍᓪᓗ ᐊᔪᐃᓐᓇᓱᑎᒃ ᐃᓐᓄᐃᓯᒪᒍᑎᖃᕐᓂᒥᓂᒃ ᐊᖏᕐᑕᐅᔨᐊᖃᑦᓴᕋᑕᕐᓯᒪᔪᑦ ᔭᓄᐊᕆ 199<<2″”-ᖑᑎᓪᓗᒍ ᐊᖏᖃᑎᒌᒐᓱᐊᖃᑎᖃᕐᓂᐊᓕᕐᓱᑎᒃ ᑲᓇᑕᐅᑉ ᑲᕙᒪᖓᓂᒃ. ᑌᑲᓂᑦᓭᓇᕐᓗ ᐃᒻᒥᒎᕐᑎᓗᒍ ᐊᑐᐃᓐᓇᕈᕐᑎᕆᓚᐅᕐᓯᒪᑦᓱᑎᒃ ᓛᐸᑐᐊᒦᑦᑐᓂᒃ ᐃᓐᓄᐃᓯᒪᓂᕋᕈᑎᒥᓂᒃ. ᐊᖏᖃᑎᒌᒐᓱᐊᕈᑎᐅᓂᐊᕐᑎᓗᒋᑦ ᐊᖏᕐᑕᐅᓕᒪᐅᕐᓯᒪᔪᑦ 1993-ᒥ.

  • ᓄᓇᕕᒻᒥᐅᑦ ᐃᓄᐃᑦ ᓇᒻᒥᓂᖃᓕᕐᑐᑦ 80&-ᖏᓐᓂᒃ ᕿᑭᕐᑌᑦ, ᖄᖏᓐᓂᒃ ᐃᑭᐊᖏᓐᓃᑐᓂᓪᓗ ᓄᓇᕕᐅᑉ ᑕᕆᐅᖓᓂ, ᑲᑎᑦᓱᒋᑦ 5,300 ᓯᒃᑭᑕᐅᓕᖓᔪᑦ ᑭᓛᒥᑌᑦ.
  • ᒪᑭᕝᕕᒃ ᑐᓂᔭᐅᖃᑦᑕᓕᕐᑐᖅ R86 ᒥᓕᐊᓂᒃ ᑮᓇᐅᔭᖁᑎᑖᕆᐊᖃᓚᐅᔪᒐᒥ ᑕᒪᑐᒧᖓᐅᓕᖓᔪᓪᓗ ᑮᓇᐅᔭᖁᑎᓂᒃ, R55 ᒥᓕᐊᓐ ᐊᑐᕐᑕᐅᔪᑦᓴᒫᖑᔪᑦ ᓄᓇᕕᒻᒥᐅᑦ ᐃᓄᐃᑦ ᑮᓇᐅᔭᖁᑎᖏᓐᓂᒃ ᐃᓄᑑᓈᕐᑎᑐᓄᑦ ᓄᓇᕕᒻᒥ ᐃᓄᓐᓄᑦ ᑐᓂᐅᕐᖃᑕᐅᒍᓐᓇᖃᑦᑕᓂᐊᕐᑐᓂᒃ.
  • ᐊᐅᓚᑦᓯᖃᑎᒌᓐᓂᐊᑐᑦ ᐃᓂᓪᓚᑕᐅᑦᓱᑎᒃ ᑐᑭᑖᕆᔨᐅᖃᑦᑕᓂᐊᕐᑐᑦ ᓂᕐᔪᑎᓂᒃ, ᓄᓇᐅᑉ ᐊᐅᓚᑕᐅᓂᖓᓂᒃ ᐱᕈᕐᐸᓕᐊᑎᑦᓯᒐᓱᐊᕐᓂᓂᓪᓗ.
  • ᓂᕐᔪᑏᑦ ᓱᕋᕐᑕᐅᓂᕐᐸᑕ ᑕᐅᕐᓯᑕᐅᒍᑎᑦᓴᖏᓐᓂᒃ ᒪᓕᒐᕐᑕᓰᑦᓱᑎᒃ ᑐᑦᓯᕋᐅᑎᓕᐅᕐᑐᖅ ᓴᕐᕿᑎᑦᓯᓗᑯᒋᐊᑐᕐᓂᐊᑎᓇᒍ ᐊᓯᐅᔨᔭᒥᓂᒃ ᓱᒃᑯᑕᐅᔨᐊᒥᓂᓪᓘᓃᑦ ᐱᕈᕐᐸᓕᐊᑎᑦᓯᒐᓱᐊᕐᑐᓄᑦ.
  • ᐱᒍᓐᓇᐅᑎᑖᕐᓱᑎᒃ ᐱᐅᓯᖃᕐᑎᓗᒍ < < ᐊᑐᙱᖔᕐᓱᑎᒃ ᑌᒣᓯᒪᒻᒪᑕ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᓂ.

ᒪᑭᕝᕕᒃ ᐱᕙᓪᓕᖁᑎᖃᑦᓯᐊᕈᓐᓇᓂᐊᕐᑐᖅ ᓄᑖᓂᒃ ᐊᑑᑎᒋᐊᕋᑦᓴᐅᔪᓂᒃ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᒍᑦ. ᐊᕐᕌᒍᓂ ᐊᕙᑎᓪᓗ ᖁᓕᓪᓗᓂ ᐊᑐᓕᕐᑎᓯᒐᓱᐊᓲᖑᓕᕋᒥᒃ ᐱᒍᓐᓇᐅᑎᒥᓂᒃ ᑮᓇᐅᔭᖁᑎᒥᓂᓪᓗ ᐊᑐᑦᓯᐊᕈᓐᓇᓂᐊᕐᑐᑦ ᐱᕙᓪᓕᑎᑦᓯᒍᑎᒋᓗᒋᑦ ᒪᑭᑉᐸᓕᐊᒐᓱᐊᕐᓂᓂᒃ ᐃᓅᖃᑎᒌᓐᓂᒥᓪᓗ ᓄᓇᕕᒻᒥᐅᓂ ᐃᓄᓐᓂ.