(en) (iu)

ᑐᓴᕐᑎᓯᒍᑎᐅᓯᒪᔪᑦ

ᐊᖓᔪᖅᑳᖅ ᐱᑕ ᐋᑕᒥ ᑲᑎᙵᓂᕐᒥᒃ ᐱᒋᐊᕐᑐᒥᒃ ᐅᐱᒍᓱᑉᐳᖅ ᒪᑭᕝᕕᐅᑉ ᑲᑎᒪᓂᕐᔪᐊᖏᑦᑕ 29ᒋᔭᖓᓂᒃ ᑕᕝᕙᓂ ᐊᕐᕌᒍ. ᒪᑭᕝᕕᐅᑉ ᑲᑎᒪᔨᖏᑦ ᑐᙵᓱᑦᑎᑕᐅᓚᐅᑯᑉᐳᑦ ᑌᕕᑎ ᓴᐸᒧᑦ ᐅᒥᐅᔭᐅᑉ ᓯᕗᓕᕐᑎᖓᓄᑦ, ᐅᒥᐅᔭᖅ ᓄᓇᓕᐅᔪᖅ ᑕᓯᐅᔭᕐᔪᐊᒥ 300 ᐅᖓᑖᓄᑦ ᐃᓄᖁᑎᓕᒃ. ᑌᒪ ᓯᑕᒪᓂ ᐅᓪᓗᓂ ᑲᑎᒪᐅᑎᐅᓚᖓᔪᐃᑦ ᐊᒥᓲᒐᓱᐊᕐᑎᓗᒋᑦ ᐅᖄᔭᐅᓛᕆᕗᑦ ᐃᓪᓗᓕᕆᓂᖅ ᐃᒐᕐᕕᓕᕆᓂᕐᓗ ᐊᒻᒪᓗ ᐊᑐᓕᕐᑎᑕᐅᓂᖏᑦ ᐊᖏᖃᑎᒌᒍᑏᑦ ᔦᒥᓯ ᐱ ᑯᐯᑉ ᑕᕐᕋᖓᑕᓗ ᐊᖏᕈᑎᖓᑦ ᖃᒻᒥᓂᑕᐅᓂᕐᓴᓗ ᓄᓇᕕᒻᒥᐅᑦ ᐃᓄᐃᑦ ᕿᑭᕐᑕᓄᑦ ᐊᖏᖃᑎᒌᒍᑎᖓ. ᓄᓇᕕᒻᒥᐅᑦ ᐊᖏᖃᑎᒌᒐᓱᐊᕐᑎᖓᑕ ᐃᓚᖓ ᑐᓴᕐᑎᓯᓛᕐᒥᔪᖅ ᖃᓄᐃᓕᖓᓕᕐᒪᖔᑦ ᐊᖁᕝᕕᓕᐅᕐᓂᒧᑦ ᐊᖏᖃᑎᒌᒐᓱᐊᕐᓂᖅ, ᐊᒻᒪᓗ ᑯᐯᒻᒥ ᓂᕈᐊᕐᓂᖃᕇᕐᓯᒪᓕᕐᐸᑦ ᑐᙵᓂᓕᕐᑎᕆᓂᕐᒧᑦ ᐊᖏᖃᑎᒌᒍᑎᒃ ᐃᓱᓪᓕᑕᐊᒐᔭᕐᓂᖓ ᓂᕆᐅᒋᔭᐅᓂᖃᕐᒥᔫᒐᓗᐊᖅ. ᐊᒻᒪᓗ ᒪᑭᕝᕕᐅᑉ ᑎᒥᖁᑎᒋᔭᖏᑦ ᖄᖏᕐᓂᑯᓕᐅᕐᑎᖁᑎᖏᑦ ᖃᖓᑦᑕᔫᕐᑏᑦ ᕗᔅᑦ ᐃᐊ, ᐃᓄᐃ ᖃᖓᑦᑕᔫᖏᓪᓗ, ᖃᓪᓗᑎᒃ ᐅᕐᓱᐊᓗᓐᓂᐊᑏᑦ, ᓄᓇᕕᒻᒥ ᓴᓇᒉᒃᑯᑦ; ᐊᒻᒪᓗ ᑲᑐᔾᔨᖃᑎᖃᕐᓱᑎᒃ ᖄᖏᕐᓂᑯᓕᐅᕐᕕᖃᕈᑎᒋᒻᒥᔭᖏᑦ ᒪᑭᕝᕕᐅᑉ ᑕᕐᕋᒥ ᐅᒥᐊᕐᔪᐊᑯᑦ ᓂᐅᕐᕈᑎᑦᓯᔩᑦ ᐊᒻᒪᓗ ᐅᑭᐅᕐᑕᑐᒥᐅᑦ ᐃᓄᐃᑦ ᑎᒥᐅᔪᖁᑎᖓᑦ, ᐅᓈᒃᑯᑦ ᐃᖃᓗᓐᓂᐊᑏᑦ ᓄᓇᕗᑦ ᐅᒥᐊᕐᕈᐊᓕᕆᔩᓪᓗ; ᑖᒃᑯᐊ ᐊᑐᓂᑦ ᑐᓴᕐᑎᓯᓂᐊᕐᒥᔪᑦ ᐊᕐᕌᒍᑕᒫᕐᓯᐅᑎᕕᓂᕐᒥᓂᒃ ᑕᕝᕙᓂ ᑲᑎᒪᓂᒻᒪᕆᒻᒥ. ᓄᓇᕕᒻᒥ ᖃᐅᔨᓴᕐᕕᒃ ᐊᕐᕌᒍᓕᒫᒥ ᐱᓇᓱᐊᕐᐸᑕᒥᓂᒃ ᑐᓴᕐᑎᓯᓲᒍᒻᒥᔪᖅ ᑕᕝᕙᓂ ᑲᑎᒪᓂᒻᒪᕆᒻᒥ. ᐃᓅᔾᔪᓯᓕᕆᓂᕐᒥ ᑐᓴᕋᑦᓴᖅ ᐅᖄᕙᐅᓛᕆᕗᑦ ᐃᖅᑲᑐᐃᔨᓕᕆᓂᖅ, ᐃᓅᒐᓱᐊᕐᓂᐅᓗ ᐊᑭᑐLᐊᕐᓂᖓ ᐅᕐᓱᐊᓘᓪᓗ ᐊᖏᖓ ᓄᓇᕕᒻᒥ, ᐊᖏᖃᑎᒌᓐᓂᒥ ᐃᓚᐅᔫᓂᖅ, ᐊᒻᒪᓗ ᕿᒻᒦᔭᕐᑕᐅᓂᕕᓂᖓᑦ ᐃᓄᐃᑦ ᑐᓴᕐᑕᐅᓛᕆᕗᑦ ᑲᑎᒪᓂᒻᒪᕆᖓᓂ ᒪᑭᕝᕕᐅᑉ, ᐊᒻᒪᓗ ᓄᓇᓖᑦ ᑭᒡᒐᑐᕐᑎᖏᑦ ᑐᓴᕐᑎᓯᔪᑦᓴᐅᒥᑦᓱᑎᒃ ᓄᓇᓕᒻᒥᓂᑦ ᐱᔪᓂᒃ. ᒪᑭᕝᕕᐅᑉ ᑮᓇᐅᔭᕐᑑᑎᖏᑦ ᐊᖏᕈᑕᐅᓲᒍᒻᒥᒪᑕ ᑲᑎᒪᓂᒻᒪᕆᐅᑉ ᐱᒋᐊᕐᓂᖓᓂ ᑲᒪᒋᔭᐅᑦᓴᐅᑎᒋᓂᐊᕐᒥᔪᐃᑦ. ᑕᕝᕙᓂ ᐊᕐᕌᒍ ᐃᓚᐅᔪᐃᑦ ᑮᓇᐅᔭᖁᑎᖏᑦ R216,117,099ᒍᕗᑦ ᕿᑐᕐᖏᐅᓂᒃᑯᑦ ᑮᓇᐅᔭᓕᐅᕐᓯᒪᑦᓱᑎᒃ R91,9907,349ᓂᒃ. ᑖᒃᑯᐊ ᖄᖏᕐᓂᑯᓕᐅᕈᑏᑦ ᐅᓄᕐᓯᐊᐱᓯᒪᓕᕐᒥᔪᐃᑦ ᐊᕐᕌᓂᓂᑦ ᐅᓄᕐᓯᒋᐊᕈᑎᖃᓚᕿᓗᐊᙳᐊᓱᑎᒃ ᒪᑭᕝᕕᐅᑉ ᖄᖏᕐᓂᑯᓕᐅᕐᑎᖏᑦᑕ ᐱᑦᓯᐊᓯᒪᓂᑯᖏᓐᓄᑦ. ᑮᓇᐅᔦᑦ ᐊᖏᖃᑎᒌᒍᑎᒥᑦ ᓴᓇᕐᕈᑎᒥᓂᑌᑦ ᑐᓂᔾᔪᑕᐅᓯᒪᒻᒥᔪᐃᑦ ᓄᓇᕕᒻᒥ ᑎᒥᐅᔪᓄᑦ ᐅᑯᓄᖓ ᐊᕙᑕᖅ ᐱᐅᓯᑐᖃᓕᕆᕕᒃ, ᑕᕐᕋᒥᐅᑦ ᓂᐱᖓᑦ, ᓴᐳᑎᑦ ᐃᓄᐃᑦ ᐅᕕᒐᕐᑐᐃᑦ ᑲᑐᔾᔨᖃᑎᒌᖓ, ᐊᖑᕕᒐᒻᒪᕆᒃᑯᑦ ᐆᒪᔪᓕᕆᔩᑦ, ᐊᒻᒪᓗ ᓄᓇᒥ ᑎᒍᒥᐊᕐᑎᑯᑦ ᓄᓇᓕᓕᒫᓂ ᑲᑐᔾᔨᖃᑎᒌᓐᓂᖓ ᐃᓘᓐᓇᖏᑦ ᑮᓇᐅᔭᓂᒃ ᐁᑦᑐᑕᐅᓚᐅᔪᐃᑦ 3R ᒥᓕᐊᓐᓇᓂᒃ ᑲᑎᓕᕆᒥᒃ. ᒪᑭᕝᕕᒃ ᑎᒥᖁᑕᐅᕗᖅ ᐃᓄᓐᓄᑦ ᓇᒻᒥᓂᕆᔭᐅᑦᓱᓂ ᑮᓇᐅᔭᑎᒍᑦ ᒪᑭᑕᒐᓱᐊᕐᓂᒥᒃ ᐱᕙᓪᓕᐊᑎᑦᓯᓂᐊᕐᑎᓗᒍ ᓴᕐᕿᑎᑕᐅᓯᒪᑦᓱᓂ ᐊᑎᓕᐅᖃᑎᒌᒍᑕᐅᑎᓪᓗᒋᑦ ᔦᒥᓯ ᐯᑉ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑎᖏᑦ ᐊᕐᕌᒍᖅ 1975ᖑᑎᓪᓗᒍ. ᑎᓕᔭᐅᒪᒍᑎᖃᕐᑐᖅ ᑭᒡᒐᑐᕐᑎᐅᓂᐊᕐᓗᓂ 9,800ᓂᒃ ᐅᓄᕐᓂᓕᓐᓄᑦ ᓄᓇᕕᐅᑉ ᐃᓄᑐᐃᓐᓇᖏᓐᓄᑦ ᑭᒡᒐᑐᕐᓗᓂᒋᑦ ᐱᓂᐊᕐᓂᓕᕆᓂᑎᒍᑦ ᐊᒻᒪᓗ ᐊᐅᓚᑦᓯᒍᔾᔨᓗᒋᑦ ᑮᓇᐅᔭᖃᕐᑎᑕᐅᒍᑎᑖᕆᓯᒪᔭᖏᓐᓂᒃ ᐊᖏᖃᑎᒌᓐᓂᒧᑦ (R90ᒥᓕᐊᓐᓂᒃ ᑮᓇᐅᔭᕐᑖᑎᑕᐅᒪᓕᕐᑐᖅ ᐊᕐᕌᒍᐃᑦ 20 ᐊᓂᒍᕐᐸᓕᐊᓂᖏᓐᓂ). ᒪᑭᕝᕕᒃ ᑎᒥᐊᕈᖁᑎᖃᕐᑐᖅ ᐃᓄᐃᑦ ᖃᖓᑦᑕᔫᖏᓐᓂᒃ, ᕘᔅ ᐃᐊᒃᑯᓂᒃ, ᓄᓇᕕᒻᒥ ᓴᓇᒉᒃᑯᓂᒃ, ᖃᓪᓗᑎᒃ ᐅᕐᓱᐊᓗᓐᓂᐊᑎᒃᑯᓂᒃ, ᐊᒻᒪᓗ ᑲᑐᔾᔨᖃᑕᐅᑦᓱᓂ ᑕᕐᕋᒥ ᐅᒥᐊᕐᔪᐊᑯᑦ ᓂᐅᕐᕈᑎᑦᓯᔨᓂᒃ, ᐊᒻᒪᓗ ᐃᓄᑐᐃᓐᓇᐅᖃᑎᒥᓂᒃ ᑲᑐᔾᔨᖃᑕᐅᑦᓱᓂ ᓄᓇᖁᑎᒥ ᑎᒥᖁᑎᖏᓐᓄᑦ ᓇᒻᒥᓂᖃᖃᑕᐅᑦᓱᓂ ᐅᑭᐅᕐᑕᑐᒥᐅᑦ ᐃᓄᐃᑦ ᑎᒥᐅᔪᖁᑎᖓᓐᓂᒃ ᐊᒻᒪᓗ ᐅᓈᖅ ᐃᖃᓗᓐᓂᐊᑎᒃᑯᓂᒃ.

-30-

ᑐᑭᓯᒋᐊᒃᑲᓂᕈᒪᔪᑦ ᖃᐅᔨᒋᐊᕈᓐᓇᑐᑦ ᐅᕙᙵᑦ: ᓖᓴ ᖁᐱᕐᕈᐊᓗᒃ ᑐᓴᖃᑦᑕᐅᑎᒍᑎᓕᕆᓂᕐᒥᒃ ᐱᓇᓱᑦᑎ ᖃᕆᑕᐅᔭᒃᑯᑦ: ᓄᓕᔨᕿᑭᖏᒥᖑᓗᒥᓄ2ᒪᖑᓄᓂᑲᓂᓄ.ᓕᑭᑐ ᐅᖄᓚᐅᑎᖓ 514-386-0669