Ungaluk Program

ᐱᓇᓱᒍᑎᑦᓴᓕᐊᖑᒪᔪᑦ ᖃᓄᐃᑦᑑᓂᖏᑦ

ᑲᑉᐱᐊᓇᖕᖏᓂᕐᓴᓂᒃ ᓄᓇᓕᖃᕐᓂᒥᒃ ᐱᓇᓱᒍᑎᓕᐊᖑᒪᔪᑦ, ᐃᓚᐅᑎᑦᓯᓂᖃᕐᑐᑦ ᓇᓚᐅᑦᓯᔪᒥᒃ ᐊᑦᓯᕋᐅᑎᓕᐅᕐᑕᐅᒪᔪᑦ, ᐅᖓᓗᒃ, ᓄᐃᑕᐅᒋᐊᖕᖓᓯᒪᕗᑦ ᕕᕗᐊᕆ 2007-ᒥ ᓄᐃᑕᐅᓚᕿᓯᒪᑦᓱᑎᒃ ᓴᓇᕐᕈᑎᒃ ᐊᖏᖃᑎᒌᒍᑎᓄᑦ ᑐᓂᓯᒪᔭᖏᓐᓄᑦ ᑯᐯᒃ ᑲᕙᒪᖓᑕ ᒪᑭᕝᕕᒧᓪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ.

ᐅᖓᓗᒃ ᐃᓄᒃᑎᑐᑦ ᐅᖃᐅᓯᐅᕗᖅ ᑐᑭᖃᕐᓱᓂ ᓲᕐᓗ ᐊᐳᒻᒥᒃ ᐃᒡᓗᓕᓚᖓᔪᑦ ᓴᕕᐅᔭᕐᑐᐊᖏᑕ ᓯᕗᓪᓕᐹᖏᓐᓂᒃ ᑐᖕᖓᕕᐅᓚᖓᔪᓂᒃ ᐃᒡᓗᓕᐊᖑᔪᒧᑦ, ᑖᒃᑯᐊᓗ ᐃᓄᑐᐃᓐᓇᓄᑦ-ᐊᐅᓚᑕᐅᑦᓱᑎᒃ ᐱᓂᕐᓗᓂᕐᒥ ᐱᔪᖃᕐᑎᓯᑦᑌᓕᓂᕐᒥᒃ ᐱᓇᓱᒍᑎᑦᓴᓕᐊᖑᒪᑦᓱᑎᒃ. ᐅᖓᓗᒃ ᐊᐅᓚᑕᐅᔪᖅ ᒪᑭᕝᕕᒧᓪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ. ᑖᒃᑯᐊ ᐱᓇᓱᒍᑏᑦ ᐊᕐᕌᒍᑕᒫᑦ ᐊᕕᖃᑎᒌᑎᑦᓯᒍᑎᖃᕐᐸᑐᑦ ᑮᓇᐅᔭᓂᒃ ᐅᓄᕐᓂᓕᓐᓂᒃ $10-ᒥᓕᐋᓐᑖᓚᓂᒃ, ᓈᒻᒪᓈᕐᑎᓯᒪᑦᓯᐊᑐᓂᒃ, ᐃᓕᖓᑦᓱᑎᒃ ᐱᓂᕐᓗᓂᕐᒥᒃ ᐱᔪᖃᕐᑎᓯᑦᑌᓕᓂᕐᒥᒃ ᐱᓇᓱᒍᑎᐅᓚᖓᓕᕐᑐᓄᑦ ᓄᓇᕕᓕᒫᒥ ᐃᓚᖓᓂᓪᓗᐊᓛᑦ ᑯᐯᒃ ᓄᓇᓕᕐᓚᖓᑕ ᐃᒡᓗᒐᓴᖁᑎᖏᓐᓂ.

ᒪᑭᕝᕕᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓗ ᐊᖏᕐᑎᒋᔭᐅᔫᒃ ᑮᓇᐅᔭᖃᕐᑎᑕᐅᒍᒪᔪᓂᒃ. ᑖᒃᑯᐊ ᐱᓇᓱᒍᑎᓕᐊᖑᒪᔪᑦ ᐋᕐᕿᒋᐊᕐᑕᐅᓚᐅᔪᑦ ᓴᐳᑎᔭᐅᒪᑦᓱᑎᒃ ᓯᓚᕐᔪᐊᒥ ᐱᑦᔪᔨᕕᒻᒧᑦ ᐃᓕᖓᑦᓱᓂ ᐱᓂᕐᓗᓂᕐᒥᒃ ᐱᔪᖃᕐᑎᓯᑦᑌᓕᓂᕐᒥᒃ. ᑖᒃᑯᐊ ᐱᓇᓱᒍᑏᑦ ᐱᑕᖃᕐᓕᑐᑦ ᓄᑖᓂᒃ ᒪᓕᑦᑕᐅᒋᐊᓕᓐᓂᒃ ᓯᕗᓂᑦᓴᓕᐅᕈᑎᓕᓐᓄᑦ ᐊᒻᒪᓗ ᓄᑖᓂᒃ ᒪᓕᒐᕐᑖᕆᒍᑎᐅᒪᓕᕐᓱᑎᒃ ᑐᖕᖓᕕᐅᓪᓚᕆᒋᐊᓕᓐᓂᒃ ᑮᓇᐅᔭᖃᕐᑎᑕᐅᒍᑎᑦᓴᒥᓐᓂᒃ ᐱᒐᓱᒍᑎᓕᐅᕐᑐᑦ ᑐᖕᖓᕕᒋᓪᓚᕆᒋᐊᓕᖏᓐᓂᒃ ᑮᓇᐅᔭᖃᕐᑎᑕᐅᒍᑎᑖᕐᑎᑕᐅᓂᐊᕈᑎᒃ ᒪᓕᑦᓯᐊᓯᒪᓗᒋᑦ ᐱᓚᕿᒍᑎᒋᒍᓐᓇᓂᐊᕐᑕᒥᓐᓂᒃ.

ᐱᔪᓐᓇᐅᑎᓖᑦ ᑲᑎᒪᔩᑦ (ᓯᑕᒪᐅᔪᕐᑑᓱᑎᒃ ᐃᓚᐅᔫᖃᑎᒌᑦᑐᑦ, ᓯᑕᒪᑦ ᑎᒃᑯᐊᑕᐅᒪᔪᑦ ᑯᐯᒃ ᑲᕙᒪᒃᑯᓄᑦ, ᒪᕐᕉᒃ ᑎᒃᑯᐊᑕᐅᒪᑎᓪᓗᒋᒃ ᒪᑭᕝᕕᒧᑦ ᒪᕐᕉᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ) ᑖᒃᑯᐊ ᐊᕐᕌᒍᑕᒫᑦ ᑲᑎᖕᖓᕙᓐᓂᐊᑎᓪᓗᒋᑦ ᓇᓗᓀᔦᖃᑎᒌᓪᓗᑎᒃ ᓄᓇᖁᑕᐅᔫᑉ ᑭᖕᖒᒪᑦᓯᒍᑎᒋᓕᕐᑕᖏᓐᓂᒃ ᐊᒻᒪᓗ ᐃᒣᓕᖓᒋᐊᖔᕆᐊᖃᓕᕐᖂᕈᑎᓂᒃ ᓯᕗᓪᓕᐅᔭᐅᒋᐊᓕᑎᒍᑦ ᐊᕐᕌᒍᑕᒫᑦ ᓄᐃᑦᓯᕙᑦᓱᑎᒃ ᓱᕐᖁᐃᑐᒥᒃ ᐱᓇᓱᑦᑕᐅᔪᑦ ᐅᖓᓗᒃᑯᓂᑦ ᑮᓇᐅᔭᖃᕐᑎᑕᐅᑦᓱᑎᒃ ᓱᕐᕃᓂᖃᑦᓯᐊᖁᓪᓗᒋᑦ ᒪᑯᓄᖕᖓᓕᖓᔪᓂᒃ:

  • ᐱᔪᖃᕐᑎᓯᑦᑌᓕᓂᖅ ᐅᓇᑕᕐᓃᓗ ᐱᓂᕐᓗᓂᕐᓂᒃ
  • ᖁᕝᕙᑎᕆᓂᖅ ᓄᓇᓕᖃᕐᓂᒥᒃ ᖃᓄᐃᖕᖏᓯᐊᕐᓇᑐᓂᒃ ᐃᓗᓯᖃᑦᓯᐊᑐᓂᓪᓗ ᓄᓇᓕᓐᓂᒃ
  • ᐃᑲᔪᕐᓯᔭᖃᕐᓂᖅ ᐱᓂᕐᓗᑕᐅᔪᕕᓂᕐᒥᒃ
  • ᐱᐅᓯᒋᐊᕆᓂᖅ ᐋᕐᕿᒐᓱᒍᑎᐅᔪᓂᒃ ᐱᑦᔪᔭᐅᒍᑎᖏᓐᓂᒃ ᐃᓄᑐᐃᓐᓀᑦ

ᑮᓇᐅᔭᖃᕐᑎᑕᐅᒍᑎᑦᓴᓂᒃ ᐱᒐᓱᒍᑎᑦᓴᔦᑦ ᐅᖓᓗᒃᑯᓂᑦ ᐱᒐᓱᒍᑎᑦᓴᓕᐅᕈᓐᓇᐳᑎᑦ ᐊᓪᓚᓯᒪᔪᖕᖑᐃᕕᖃᕐᓗᑎᑦ ᖃᕆᑕᐅᔭᑎᒍᑦ ᐊᓪᓚᓯᒪᔪᖕᖑᐃᕕᑦᓴᔭᖁᑎᖓᓐᓂᒃ

Ungaluk Application Form/ᐅᖓᓗᒻᒥᑦ ᑮᓇᐅᔭᖃᕐᑎᑕᐅᒍᑎᑦᓴᑕᕋᓱᑦᑐᑦ ᐊᓪᓚᓯᒪᔪᖕᖑᐃᕕᑦᓴᔭᖓᑦ

ᐃᒣᓗᕐᓗᒋᑦ:

  1. ᐊᓪᓚᓂᐊᑦᓯᐊᓗᒋᑦ Guidelines/ᖃᓄᐃᓘᕈᑎᑦᓴᓕᐊᖑᒪᔪᓪᓗ ᐊᒻᒪᓗ Program Information/ᐱᓇᓱᖑᑎᓕᐊᖑᒪᔪᓂᓪᓗ ᑐᑭᓯᒪᒍᑎᑦᓭᑦ ᐊᓪᓚᓂᐊᕐᖄᑕᐅᒋᐊᓖᑦ ᐱᒐᓱᒍᑎᑦᓴᓂᒃ ᐊᓪᓚᓯᒪᔪᖕᖑᐃᓂᐅᑉ ᓯᕗᓂᐊᓂ.
  2. ᐅᖓᓗᒃ ᑲᑉᐱᐊᓇᖕᖏᓂᕐᓴᓂᒃ ᓄᓇᓕᖃᕐᓂᓴᓄᑦ ᐱᓇᓱᒍᑏᑦ ᐅᒃᑯᐃᑕᐅᓂᖃᓛᕐᐳᑦ ᔫᓂ 6-ᒥ ᐅᒃᑯᐊᑕᐅᓗᑎᒃᓗ ᓯᑉᑎᒻᐱᕆ 8, 2017-ᖑᓕᕐᐸᑦ ᐅᓐᓄᓴᒃᑯᑦ 5:00-ᖑᒥ. ᑭᓇᐅᔭᖃᕐᑎᑕᐅᒍᑎᑦᓴᓂᒃ ᐱᒐᓱᒍᑎᓕᐊᖑᔪᑦ ᑖᒃᑯᐊ ᐅᓪᓗᐃᑦ ᐊᓂᒍᕐᓯᒪᓕᕐᑎᓗᒋᑦ ᓯᕿᕐᖑᔭᕐᓗ ᖄᖏᕐᓯᒪᓕᕐᑎᓗᒍ ᐃᓱᒪᒋᖃᓯᐅᑦᔭᐅᓂᖃᓛᖕᖏᓚᑦ. ᓇᓪᓕᖏᑦ ᑮᓇᐅᔭᖃᕐᑎᑕᐅᒍᑎᑖᓚᖓᒻᒪᖔᑕ ᑐᑭᑖᕐᑕᐅᓛᕐᑐᑦ ᑏᓯᒻᐱᕆ 2017-ᒥ. ᑮᖑᓂᐊᒍᑦ ᑮᓇᐅᔦᑦ ᐊᒥᐊᒃᑯᓂᕐᐸᑕ, ᑭᖑᓪᓕᖏᑦ ᐱᒐᓱᓐᓂᐅᒐᔭᕐᑐᑦ ᐅᒃᑯᐃᓛᕐᖁᑦ ᔭᓄᐊᕆ 2018-ᒥ. ᑭᓯᐊᓂ ᑌᒣᒃᑲᓗᐊᕐᑎᓗᒍ ᑮᓇᐅᔭᖃᕐᑎᑕᐅᒍᑎᑖᕋᓱᐊᕈᒪᓛᕐᑐᓂᒃ ᓯᕗᓪᓕᒥ ᐅᒃᑯᐃᑕᐅᑎᓪᓗᒋᑦ ᐱᒐᓱᖁᔨᔪᒍᑦ ᑭᖑᓪᓕᖓᓂᒃ ᐅᑕᕐᕿᓴᕈᓐᓀᓗᑎᒃ.
  3. ᐊᓪᓚᓯᒪᔪᖕᖑᐃᕕᑦᓴᔭᒥᒃ ᐱᒍᓐᓇᓚᖓᒍᕕᑦ, ᖃᕆᑕᐅᔦᑦ ᐱᑕᖃᕐᖄᕆᐊᓕᒃ ᖃᕆᑕᐅᔭᐅᑉ ᐱᓇᓱᒍᑎᖏᓐᓂᒃ Internet Explorer-ᒥᒃ ᐅᕝᕙᓘᓐᓃᑦ Safari-ᒥᒃ. ᐊᑐᕈᓐᓇᕋᓗᐊᕐᒥᓱᑎᑦ Firefox-ᒥᒃ ᑭᓯᐊᓂ ᖃᕆᑕᐅᔭᕐᓅᔭᕐᖄᕆᐊᖃᕋᔭᕐᑐᑦ Extended Support Release-ᖓ ᐱᔭᐅᒍᓐᓇᓱᓂ Firefox ᐅᕙᓂ: https://www.mozilla.org/en-US/firefox/organizations/faq/
  4. ᖃᕆᑕᐅᔭᕐᓅᔭᕐᓯᒪᓕᕈᕕᒋᑦ, ᐊᒻᒪᓗᒍ Ungaluk webpage ᓇᕐᓂᓗᒍᓗ ᐃᒣᓕᔪᓕᒃ “ Ungaluk Application Form“.
  5. ᓃᓂᕐᓗᒍ “Register an account”-ᓚᔪᓕᒃ. ᐊᓪᓚᖁᑎᖃᕐᕕᒋᒌᑦᓴᓂᕈᕕᒋᑦ ᐅᖓᓗᒃᑯᓂᓪᓗ ᐊᕐᕌᓂ ᑮᓇᐅᔭᖃᕐᑎᑕᐅᒍᑎᑖᕋᓱᓚᐅᔪᑐᐊᕈᕕᑦ, ᐊᓪᓚᖔᕐᓗᒋᑦ ᖃᕆᑕᐅᔭᒃᑯᑦ ᑐᕌᕈᑎᑎᓪᓗ ᐊᓪᓚᖃᐅᑎᓐᓂᓗ ᐊᒻᒣᒍᑎᑎᑦ ᐊᕐᕌᓂ ᐊᓪᓚᓯᒪᔪᖕᖑᓚᐅᔪᔭᑎᑦ ᐊᓪᓚᖁᑎᑖᕐᓱᑎᑦ.
  6. ᐊᓪᓚᖁᑎᑖᕐᑕᐅᒪᓕᑐᐊᕈᕕᑦ, ᖃᕆᑕᐅᔭᒃᑯᑦ ᐊᓪᓚᕕᐅᓚᖓᕗᑦ ᐊᓪᓚᕕᐅᓯᒪᔪᒥᒃ ᖃᕆᑕᐅᔭᒃᑯᑦ ᑐᕌᕉᑎᑎᓐᓂᓗ ᐊᒻᒪᓗ ᖃᕆᑕᐅᔭᕈᑎᑉᐱᑦ ᐊᒻᒪᒍᑎᖓᓂ.
  7. ᐊᒻᒪᒍᑎᓕᕆᑦ ᐊᓪᓚᖁᑎᑎᓐᓅᕕᑦ.
  8. ᐊᓪᓚᖁᑎᓐᓅᕕᑦ ᐊᒻᒪᒍᑎᓯᒪᓕᕈᕕᑦ, ᐅᓇ ᓇᕐᓂᓗᒍ “My Account”, ᑭᖑᓂᐊᒍᓪ ᐅᑯᐊ ᓇᕐᓂᓗᒋᑦ “Apply for Funding – Create a New On-Line Application” ᓇᕐᓂᓗᒍᓗ ᓄᑦᑕᓚᑦᑎᓗᒍ “Start”-ᓚᔪᖅ.
  9. ᐃᑲᔪᕐᑕᐅᒍᑏᑦ ᐊᓪᓚᖁᑎᑕᖏᑦ ᐊᑐᕐᓗᒋᑦ ᐅᕙᖕᖓᑦ (ᑕᕐᓴᓕᒻᒦᑐᑦ ‘?’ ᐃᒣᑦᑐᒥ ᐊᐱᕆᒍᑎᓕᐊᖑᒪᔪᑦ ᓴᓂᐊᓃᑦᓱᑎᒃ) ᑐᑭᓯᒋᐊᒃᑲᓂᕆᐊᖃᑐᐊᕈᕕᑦ.
  10. ᐊᐱᕆᒍᑎᒥᒃ ᑭᐅᕐᖃᔭᖕᖏᑐᐊᕈᕕᑦ ᓇᕿᖃᑦᑕᓗᒍ ᐃᒣᓕᔪᖅ ‘N/A’.

ᖃᕆᑕᐅᔭᒥᒃ ᐱᓇᓱᒍᑎᖃᕋᓱᓪᓗᑎᑦ ᐱᔭᕐᓃᓕᐅᑐᐊᕈᕕᑦ, ᖃᐅᔨᒋᐊᕐᕕᖃᕐᑐᓴᐅᕗᑦ ᐅᖓᓘᑉ ᐱᓇᓱᑦᑎᖏᓐᓂᒃ. ᓇᓂ ᖃᐅᔨᒋᐊᕐᕕᒋᒐᔭᕐᒪᖔᐱᒋᑦ ᐊᓪᓚᑕᐅᒪᒍᑎᖏᑦ ᐊᑖᓂ ᐊᓪᓚᑕᐅᒪᔪᑦ ᐃᒫᒃ “Ungaluk Staff List” ᑕᑯᒍᓐᓇᐸᑎᑦ ᑕᒃᑲᓂ ᖃᕆᑕᐅᔭᐅᑉ ᒪᑉᐱᕋᖓᓂ.

ᐱᑕᖃᕐᒥᔪᑦᑕᐅᖅ ᖃᕆᑕᐅᔭᒨᔭᕐᑕᐅᒍᓐᓇᒥᔪᑦ ᐊᓪᓚᓯᒪᔪᖕᖑᐃᒍᑎᑦᓴᔦᑦ, ᑭᓯᐊᓂ ᑕᒃᑯᖓᕈᓐᓇᓚᖓᑐᐊᕈᕕᑦ ᐊᓪᓚᓯᒪᔪᖕᖑᐃᒍᑎᖃᕆᐊᖃᕐᑐᑦ ᐊᓪᓚᖁᑎᓂᒃ ᐊᑎᓕᐅᕐᓂᑯᓪᓗ ᐃᓚᐅᓯᓗᑎᑦ, ᖃᐅᔨᒋᐊᕐᕕᖃᕐᓗᑎᓪᓗ ᐅᖓᓘᑉ ᐱᓇᓱᑦᑎᖏᓐᓂᒃ ᓯᕗᓪᓕᐅᔨᓗᒋᑦ ᖃᐅᔨᒋᐊᕐᕕᒋᕐᖄᓗᑎᑦ.

ᐅᖓᓗᒃᑯᑦ ᓯᕗᓪᓕᐅᔨᑦᓱᒋᑦ ᑐᕌᒐᖏᑦ (ᐊᓪᓚᓯᒪᔪᑦ ᐱᓪᓚᕆᐅᓂᕐᒥᒍᑦ ᑲᑕᑦᐸᓕᐊᑦᓱᑎᒃ)*:

* ᐱᓇᓱᑦᑕᐅᔪᒪᔪᑦ ᑐᕌᕆᐊᖃᕐᐳᑦ ᐅᑯᐊ ᓯᕗᓂᖃᕈᑕᐅᔪᑦ ᓇᓪᓕᖏᓐᓄᑦ ᐱᑎᑕᐅᒍᓐᓇᓂᐊᕈᑎᒃ ᑮᓇᐅᔭᖃᕐᑎᓯᒍᑎᑦᓴᓂᒃ. ᐱᓇᓱᑦᑕᐅᔪᑦ ᑐᕌᖓᔪᑦ ᓯᕗᓂᖃᕈᑕᐅᔪᒧᑦ #1-ᒧᑦ ᓯᕗᓪᓕᐅᔭᐅᓚᖓᔪᑦ.

  1. ᐃᑯᓪᓚᒋᐊᕐᑎᓯᓗᓂ ᐋᖓᔮᓐᓇᑐᕐᑑᒪᓂᕐᒥᒃ (ᓂᕐᓂᒃ) ᐊᒻᒪᓗ/ᐅᕝᕙᓘᓐᓃᑦ ᐅᐃᕆᒪᓂᕐᓗᓂᕐᒧᑦ (ᓂᕐᓄᑦ)

ᓱᒧᓄᑯᐊ ᓯᕗᓂᓕᐊᖑᓯᒪᑦᓴᒥᔪᑦ ᐅᖓᓗᒃᑯᓄᑦ? ᒥᑦᓯᑎᓐᓃᑐᑦ 70%-ᒥᑦᓯᑎᓐᓃᑐᑦ ᐱᓂᕐᓗᓂᒻᒪᕇᑦ ᓄᓇᕕᒻᒥ ᑐᕃᓐᓇᑐᒥᒃ ᐱᑐᑦᓯᒪᓲᖑᕗᑦ ᐋᖓᔮᓐᓇᑐᕐᑐᓂᕐᓄᓗ ᐃᒥᐊᓗᑦᓯᒪᓂᕐᓄᓗ.

ᖃᓄᐃᓘᕐᓗᒍ ᑎᑭᐅᑎᔭᐅᔪᓐᓇᐸ?

  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᐋᖓᔮᓐᓇᑐᓂᒃ ᐊᑐᕐᓂᓗᓐᓂᒥ ᐱᔪᖃᕐᑎᓯᑦᑌᓕᒍᑎᐅᓗᑎᒃ ᐱᓇᓱᒍᑎᓂᒃ
  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᐃᑲᔪᕐᓯᒍᑎᓂᒃ ᐅᕝᕙᓘᓐᓃᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᑦ ᐱᓇᓱᑦᑕᐅᒍᑎᑖᕐᑕᐅᒪᒍᑎᖏᓐᓂᒃ
  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᓴᐳᒻᒥᔪᑦᓴᓂᒃ ᐱᓇᓱᖃᑎᒌᒍᑎᓕᖕᓂᒃ
  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᐱᓇᓱᒐᖃᕐᕕᓴᓂᒃ ᐃᓕᓐᓂᐊᓂᕐᒥᓗ ᐱᑦᔪᔭᐅᕕᑦᓴᓂᒃ ᐱᔭᐅᑎᓐᓂᐊᑕᒥᓂᒃ ᐃᓄᓐᓄᑦ ᐃᑲᔪᕐᑕᐅᑎᓇᓱᓕᕐᑐᓄᑦ ᐃᑲᔪᕐᑕᐅᕕᒻᒥᓗ ᐊᓂᓕᕐᐸᑕ ᐃᑲᔪᕐᑕᐅᒍᑎᑦᓴᖏᓐᓂᒃ
  1. ᐱᔪᖃᕐᑎᓯᑦᑌᓕᓂᖅ ᐃᕐᓯᓇᕿᓂᕐᒥᒃ ᑲᑉᐱᐊᓇᕐᓯᓂᕐᒥᓗ ᐊᓯᖏᓐᓂᓗ ᐱᓂᕐᓗᒑᕈᑎᓂᒃ (ᐃᓕᖓᔪᑦ ᐃᓄᒻᒪᕆᓐᓄᓗ ᐅᕕᒃᑲᓄᓪᓗ)

ᓱᒐᒥ ᑖᓐᓇ ᐅᖓᓗᒻᒧᑦ ᓯᕗᓂᖃᕈᑕᐅᔭᕆᐊᖃᕐᐸ? ᐅᖓᓗᒃ ᓴᕐᕿᑎᑕᐅᒍᑎᖃᕐᓯᒪᒻᒪᑦ ᐱᔪᖃᕐᑎᓯᑦᑌᓕᒍᑎᐅᓂᐊᕐᓱᓂ ᐱᓂᕐᓗᓂᕐᓂᓗ ᑲᑉᐱᐊᓇᕐᓯᓗᓂᓗ ᐃᕐᓯᓇᕿᓕᕐᓂᓂᒃ ᓄᓇᕕᖕᒥ.

ᖃᓅᖅ ᓯᕗᓂᖃᕈᑎᑦᓴᓕᐊᖑᒪᔪᑦ ᑎᑭᐅᑎᔭᐅᔭᓇᕐᐸᑦ?

    • ᓱᕐᖁᐃᑐᒥᒃ ᐱᓂᕐᓗᓂᕐᑕᖃᕐᓂᐊᖏᑦᑐᒥᒃ ᑲᒪᒋᐊᕈᑎᖃᕐᓂᖅ ᐊᑐᕐᑕᐅᓲᖑᕗᖅ ᓯᕗᓪᓕᐹᖑᑎᓪᓗᒍ ᐱᐅᓯᖃᕈᑕᐅᑦᓱᓂ ᑲᒪᒋᔭᖃᓯᓂᓕᒫᖑᔪᓂ
  1. ᖁᕝᕙᑎᕆᒍᑎᒋᓗᒋᑦ ᐃᓅᑦᔪᓯᑎᒍᑦ ᐃᓅᖃᑎᒌᓂᒃ ᐅᑎᕐᕕᖃᕐᓂᒥᒃ ᐅᕝᕙᓗᓐᓃᑦ ᐃᓅᖃᑎᒌᖃᑕᐅᒍᓐᓇᕙᓪᓕᐊᓂᕐᒥᒃ (ᐱᔪᖃᕐᑎᓯᒍᑎᐅᑎᑦᑌᓕᓗᒐ ᐱᓂᕐᓗᓂᖅ ᐅᕝᕙᓘᓐᓃᑦ ᐱᓂᕐᓗᓕᕐᕿᐅᑎᖃᕐᓂᖅ)

ᓱᒐᒦ ᑕᒪᓐᓇ ᐅᖓᓗᒃ ᓯᕗᓂᖃᕈᑎᒋᕙᖓ? ᐊᑕᐅᓯᐅᓈᕐᑎᔪᑦ ᐃᓄᐃᑦ ᓄᓇᓕᒻᒧᑦ ᐅᑎᕐᐸᓕᐊᒐᓱᓕᕋᒥᒃ ᑎᒍᔭᐅᒪᕕᒻᒦᓚᐅᕐᓱᑎᒃ ᐅᕝᕙᓗᓐᓃᑦ ᐃᓱᐊᕐᓯᕕᒻᒦᓚᐅᕐᓱᑎᒃ ᐊᓂᓯᒪᓕᑐᐊᕋᒥᒃ ᓄᓇᓕᒻᒥᓂ ᓴᐳᒻᒥᔨᖃᕆᐊᖃᕐᐳᑦ ᐃᓅᓯᑦᓯᐊᒧᑦ ᖃᓄᐃᖕᖏᑐᒧᑦ ᐃᓅᓯᖏᑦ ᑎᑭᐅᑎᒍᓐᓇᓯᒋᐊᓪᓚᖁᓪᓗᒋᑦ. ᓴᐳᒻᒥᔨᖃᖕᖏᑐᐊᕈᑎᒃ, ᐱᐅᓯᕐᓘᑎᖃᕐᕕᒋᓯᒪᔭᒥᓐᓄᑦ ᑲᐅᑎᒋᐊᓪᓚᑐᐃᓐᓇᕆᐊᖃᕐᒪᑕ ᐅᕝᕙᓗᓐᓃᑦ ᓯᖁᒥᑦᓯᓗᑎᒃ ᐃᒣᓕᖓᒋᐊᖃᕐᖁᑏᕐᑕᐅᒍᑎᒋᓯᒪᔭᒥᓐᓂᒃ.

ᖃᓄᐃᓘᕐᓗᒌᑦ ᓯᕗᓂᖃᕈᑎᑦᓴᓕᐊᖑᒪᔪᑦ ᑎᑭᐅᑎᔭᐅᔪᓐᓇᐸ?

  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᐃᑲᔪᕐᓯᒍᑎᓂᒃ ᐋᕐᕿᒍᑎᑦᓴᓯᐅᕐᑐᑦ ᐱᑦᔪᔭᐅᒍᑎᖏᑎᒍᑦ (ᓅᑕᐅᓂᕐᒦᐸᑕᓗᓐᓃᑦ ᐅᕝᕙᓘᓐᓃᑦ ᑎᒍᔭᐅᒪᕕᒻᒥᑦ-ᐊᓂᔪᑦ ᐊᖏᕐᕋᖃᕐᑎᑕᐅᕕᒋᓚᐅᕐᑐᓲᖓᓐᓂᑦ)
  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᐱᑦᔪᔨᒍᑎᓂᒃ (ᓴᐳᑦᔨᓯᒪᓂᒃᑯᑦ, ᐅᖄᖃᑎᒋᓗᒋᑦ ᐃᑲᔪᕐᓯᓇᓱᓐᓂᑯᑦ, ᐃᑲᔪᕐᑕᐅᕕᒋᒍᓐᓇᑕᖏᒍᑦ ᐱᑦᔪᑎᖃᕐᓗᑎᒃ ᐋᖓᔮᓐᓇᑐᕐᑑᒪᓂᕐᓂᓗ ᐊᓯᖏᓐᓂᓗ) ᓵᑕᐅᒍᑕᐅᒪᓂᕐᒥᓄᑦ ᑎᒍᔭᐅᒪᕕᖕᒦᒍᑕᐅᑦᓱᑎᒃ ᐅᕝᕙᓘᓐᓃᑦ ᑎᒍᔭᐅᒪᕕᓐᓂᑦ ᐊᓂᑎᑕᐅᑉᐸᑕ ᐅᕝᕙᓘᓐᓃᑦ ᒪᓕᒐᓕᐅᕐᑕᐅᒪᓗᑎᒃ ᐊᓂᑎᑕᐅᑉᐸᑕ
  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᓄᓇᓕᓐᓄᑦ ᐅᑎᕐᐸᓕᐊᓂᑦᓴᖏᓐᓅᓕᖓᔪᓂᒃ ᐱᓂᕐᓗᑐᕕᓂᐅᓪᓗ ᐃᓚᖏᑕᓗ
  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᑲᑎᒪᓂᐊᕈᓯᖃᕐᓂᐅᒍᓐᓇᑐᓂᒃ ᓄᓇᓕᓐᓂ ᐃᓕᖓᓗᑎᒃ ᓄᓇᕐᖃᑎᐅᓕᕐᕿᓂᑦᓴᖏᓐᓄᑦ ᐱᓂᕐᓗᓯᒪᔪᕕᓂᐅᑦᓱᑎᒃ ᑎᒍᔭᐅᒪᕕᓐᓃᓕᕐᑐᕕᓃᑦ
  • ᐊᑐᐃᓐᓇᖃᕐᑎᓯᒍᑎᖃᕐᓗᓂ ᐱᓇᓱᒐᑦᓴᓂᒃ ᐊᒻᒪᓗ/ᐅᕝᕙᓘᓐᓃᓗ ᐃᓕᓐᓂᐊᕈᑎᑦᓴᓂᒃ ᐱᒐᓱᒍᑕᐅᒍᓐᓇᑐᓂᒃ ᐱᓂᕐᓗᓂᖃᕐᓯᒪᔪᓄᑦ
  1. ᑲᒪᒋᐊᕈᑎᒋᓗᒋᑦ ᑲᑉᐱᐊᓇᕐᑐᑯᕐᓯᒪᓂᕐᓂᓗ ᐊᒻᒪᓗ/ᐅᕝᕙᓘᓐᓃᓗ ᐃᓱᒪᐅᑉ ᖃᓄᐃᖕᖏᓯᐊᕐᑐᓴᐅᓂᖓᓂᒃ

ᓱᒨᑦ ᑕᒪᑐᒥᖓ ᓯᕗᓂᖃᕈᑎᑖᕐᓯᒪᕙ ᐅᖓᓗᒃ? ᐊᒥᓱᑦ ᓄᓇᕕᒻᒥᐅᑦ ᓯᐅᕐᓂᐅᕈᑎᖃᕐᒪᑕ ᑭᖑᓂᕐᒥᓂ ᑲᑉᐱᐊᓇᕐᑐᑰᕈᑎᒋᓯᒪᔭᒥᓂᒃ ᑕᒐᑕᒐᓗ ᐃᑲᔪᕐᓯᔭᐅᒍᑎᑦᓴᑕᖃᓪᓗᐊᕋᓂ ᐃᓄᑑᓇᕐᑎᔪᓄᑦ ᐃᓄᓐᓄᑦ ᐃᓄᑑᓇᕐᑎᔪᓂᓪᓗ ᐊᕐᓱᕈᕐᓇᑐᒃᑰᕈᑎᓕᓐᓄᑦ ᑲᔪᓯᖏᓐᓇᓕᒫᕐᑐᓂᒃ ᐊᖏᔪᖑᐊᓂᓪᓗ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᓴᒨᓕᖓᔪᓂᒃ ᐱᔭᑦᓴᖁᑎᑎᑎᒍᑦ.

ᖃᓅᖅ ᑎᑭᐅᑎᔭᐅᔪᓐᓇᒪᑦ ᓯᕗᓂᓕᐊᖑᒪᔪᖅ?

  • ᒪᓂᒪᑎᑦᓯᒍᑎᐅᑎᓪᓗᒋᑦ ᐃᒻᒥᓂᐊᕐᓂᒥᒃ (ᕿᕕᓐᓂᒥᒃ) ᐊᑑᑎᔭᐅᑎᑦᓯᑌᓕᓇᓱᒍᑎᐅᑦᓱᑎᒃ ᐱᓇᓱᒍᑎᑦᓴᓕᐊᖑᒪᔪᑦ
  • ᒪᓂᒪᑎᑦᓯᒍᑎᒋᓗᒋᑦ ᑕᓯᐅᕐᓯᓂᕐᒥᓗ ᐃᑲᔪᕐᓯᓂᕐᒥᓗ ᐱᓇᓱᒍᑎᑦᓴᓕᐊᖑᒪᔪᑦ ᐃᓕᖓᑦᓱᑎᒃ ᐃᓄᖕᒪᕆᓐᓄᑦ, ᐅᕕᒃᑲᓄᑦ, ᐱᓂᕐᓗᓂᖃᖃᑦᑕᓯᒪᔪᓄᑦ ᐸᕐᓇᓀᕐᑕᐅᒪᔪᓄᓪᓗ (ᓲᕐᓗ ᑎᒍᔭᐅᒪᒍᑎᖃᕐᓱᑎᒃ ᓄᓕᐊᕐᓂᑯᑦ ᓱᒃᑯᔨᐊᖃᕈᑎᓂᒃ, ᐃᓱᒪᐅᑉ ᖃᓄᐃᖕᖏᓯᐊᕐᑐᓴᐅᓂᖓᓄᑦ, ᓂᖕᖓᑕᕐᓂᒥᒃ ᑲᒪᒋᐊᕈᑎᑦᓴᓄᑦ, ᒪᒥᓴᕐᓂᖃᕐᓃᑦ/ᑲᑉᐱᐊᓇᕐᑐᑰᓯᒪᐅᑎᓕᕆᓃᑦ. ᖃᓄᐃᖕᖏᓯᐊᕐᑐᒥᓪᓗ ᐁᑉᐸᕇᓐᓂᖃᕐᓃᑦ)
  • ᒪᓂᒪᑎᑦᓯᒍᑎᐅᓗᑎᒃ ᐱᓇᓱᒍᑎᑦᓴᓕᐊᖑᒪᔪᑦ ᐊᐅᓚᑕᖃᕈᑎᑦᓴᐅᓱᑎᒃ ᐊᑯᓂᐅᖕᖏᑐᕐᓗ ᐊᑯᓂᕆᔪᒥᓪᓗ ᐃᑲᔪᕐᑕᐅᕕᒻᒦᑎᑦᓯᓃᒃ ᐃᓄᓐᓂᒃ ᐃᓱᒪᒃᑯᑦ ᖃᓄᐃᖕᖏᓯᐊᕆᐊᖃᕐᓂᒥᒍᑦ ᐱᓇᓱᑦᑕᐅᒍᑎᖃᕆᐊᓕᓐᓂᒃ.
  • ᒪᓂᒪᑎᑦᓯᕕᖃᕈᑎᖃᕈᓐᓇᓗᓂ ᐱᓇᓱᒐᑦᓴᓂᒃᓗ ᐃᓕᓐᓂᐊᓯᒪᒋᐊᖃᕐᓂᑎᒍᓪᓗ ᐱᑦᔪᔭᐅᒍᑎᓂᒃ ᐊᑑᑎᔭᐅᖃᑦᑕᓂᐊᕐᑎᓗᒋᑦ ᐃᓄᑐᐃᓐᓇᓄᑦ ᐃᑲᔪᕐᑕᐅᕕᒻᒦᓕᕐᑐᓄᓪᓗ ᑌᒃᑯᓄᖓᓗ ᐃᑲᔪᕐᑕᐅᕕᒻᒥᑦ ᐱᔭᕇᕐᓱᑎᒃ ᐊᓂᕕᖃᓕᕐᑐᓄᑦ
  1. ᐃᑲᔪᕐᓯᓗᓂ ᐱᓂᕐᓗᑐᓄᑦ ᓱᒃᑯᔨᐊᖑᓕᕐᑐᓄᓪᓗ ᐃᓚᐅᑎᑕᐅᒪᔪᓂᒃ

ᓱᒨᑦ ᑕᒪᑐᒥᖓ ᓯᕗᓂᖃᕈᑎᑖᕐᓯᒪᕙ ᐅᖓᓗᒃ? ᐱᖁᔭᓂᒃ ᓯᖁᑦᑎᕆᔪᒥᒃ ᐱᓂᕐᓗᕈᑎᖃᕐᑐᖃᑐᐊᕐᒪᑦ ᐱᓂᕐᓗᑐᓄᑦ ᐃᓚᐅᑎᑕᐅᔪᖃᖕᖏᓂᐅᔭᖕᖏᓚᖅ, ᐃᓚᖓᓂᓪᓗ ᑐᕃᓐᓇᖏᑦᑐᒥᒃ ᐊᑦᑐᑕᐅᕙᑉᐳᑦ ᐃᓚᒋᔭᐅᔪᖅ, ᐃᓚᓐᓈᕆᔭᐅᔪᓪᓗ, ᓄᓇᕐᖃᑎᐅᔪᓪᓗ, ᐃᓘᓐᓇᑎᒃ ᐊᑦᑐᑕᐅᓂᖃᕐᓱᑎᒃ. ᑕᒪᒃᑯᐊ ᐃᓄᐃᑦ ᐃᓚᖓᓂᒃ ᓴᐳᑦᔭᐅᒪᒋᐊᖃᓲᖑᕗᑦ ᓱᔪᖃᓕᕐᑐᒥᒃ ᐊᑑᑎᒌᕐᓂᖃᑦᓯᐊᖁᓪᓗᒋᑦ.

ᖃᓄᐃᓘᕐᓗᒌᑦ ᓯᕗᓂᖃᕈᑎᑦᓴᓕᐊᖑᒪᔪᑦ ᑎᑭᐅᑎᔭᐅᔪᓐᓇᐸ?

  • ᐱᑕᖃᕐᑎᓯᕕᒋᓗᒋᑦ ᐱᓂᕐᓗᑕᐅᒪᔪᑦ ᓴᐳᑦᔭᐅᒪᓂᑦᓴᖏᓐᓄᑦ ᐱᑦᔪᔨᒍᑎᓂᒃ (ᓲᕐᓗ, ᒪᒥᓴᕐᓂᑎᒍᑦ, ᐃᓱᒻᒪᓯᑎᒍᑦ, ᐱᖁᔭᑎᒎᕐᑐᑎᒍᓪᓗ ᓴᐳᑦᔭᐅᒪᔭᕆᐊᖃᕐᓂᑎᒍᑦ)
  • ᐱᑕᖃᕐᑎᓯᕕᒋᓗᒋᑦ ᐱᑦᔪᔨᒍᑎᓂᒃ ᐃᓕᖓᔪᓂᒃ ᐃᓚᒌᓄᓪᓗ ᐃᓚᓐᓈᕆᐅᔪᓄᓪᓗ ᐱᓂᕐᓗᑐᕕᓂᕐᒧᑦ ᐊᒻᒪᓗ/ᐅᕝᕙᓘᓐᓃᓗ ᐱᓂᕐᓗᑕᐅᒪᔪᒧᑦ
  1. ᐱᕙᓪᓕᐊᑎᑦᓯᒍᑎᖃᕐᓗᓂ ᕿᑐᕐᖓᖃᕐᑐᑦ ᕿᑐᕐᖓᓕᕆᒍᑎᑦᓴᔭᖏᓐᓂᒃ ᐊᒻᒪᓗ/ᐅᕝᕙᓘᓐᓃᑦ ᑫᓪᓚᑐᐃᒍᑎᖃᖃᑦᑕᓗᓂ ᑲᑉᐱᐊᓇᖕᖏᑐᓂᒃ ᐃᓚᒌᒍᑎᐅᔪᓂᒃ

ᓱᒨᑦ ᑕᒪᑐᒥᖓ ᓯᕗᓂᖃᕈᑎᑖᕐᓯᒪᕙ ᐅᖓᓗᒃ? ᖃᓄᕐᓗᓃᑦ ᐃᓱᐃᓐᓂᑕᖃᖕᖏᑐᑦ ᐃᓚᒌᑎᒍᑦ ᐊᕙᑎᐅᒍᓐᓇᑐᑦ ᐱᒻᒪᕆᐊᓘᕗᑦ ᕿᑐᕐᖓᐅᔪᒧᑦ. ᕿᑐᕐᖓᒥᓄᑦ ᐊᖓᔪᕐᖄᑦ ᐃᑦᔭᕋᑦᓴᓯᐊᖑᒋᐊᖃᕐᒪᑕ. ᕿᑐᕐᖓᓖᑦ ᐃᓚᖓᓂᒃ ᐃᑲᔪᕐᑕᐅᒋᐊᖃᓲᑦ ᓴᐳᑦᔨᓯᒪᑦᓯᐊᖁᓪᓗᒋᑦ ᕿᑐᕐᖓᒥᓐᓂᒃ ᐱᑕᖃᕐᑎᓯᕕᖃᑦᓯᐊᓗᑎᒃᓗ ᑲᑉᐱᐊᓇᕐᑐᑕᖃᖕᖏᑐᒥᒃ ᐊᖏᕐᕋᒥᒃ

ᖃᓄᐃᓘᕐᓗᒌᑦ ᓯᕗᓂᖃᕈᑎᑦᓴᓕᐊᖑᒪᔪᑦ ᑎᑭᐅᑎᔭᐅᔪᓐᓇᐸ?

  • ᐱᑕᖃᑎᓯᕕᒋᓗᒋᑦ ᕿᑐᕐᖓᓂᒃ ᑲᒪᑦᓯᐊᕆᐅᕐᓴᐅᑎᓂᒃ ᐱᓇᓱᒍᑎᑦᓴᓕᐊᖑᒪᔪᓂᒃ
  • ᐱᑕᖃᕐᑎᓯᕕᒋᓗᒋᑦ ᐃᑲᔪᕐᓯᒍᑎᓂᒃ ᓯᕗᓂᐊᒍᓪᓗ ᑭᖑᓂᐊᒍᓪᓗ ᕿᑐᕐᖓᑖᖓ ᐃᓅᓕᓚᐅᕐᑎᓗᒍ
  • ᐱᑕᖃᑎᓯᕕᒋᓗᒋᑦ ᓴᐳᒻᒥᒍᑎᓕᓐᓂᒃ ᐱᓇᓱᖃᑎᒌᒍᑎᖃᕐᑐᓂᒃ ᐃᓕᖓᑦᓱᑎᒃ ᕿᑐᕐᖓᓕᓐᓄᑦ
  1. ᐊᑑᑎᔭᐅᑎᑦᓯᑌᓕᓗᓂ ᐃᓕᓐᓂᐊᓂᕐᒥᒃ ᓄᕐᙯᓇᕐᓂᒥᒃ ᐊᒻᒪᓗ/ᐅᕝᕙᓘᓐᓃᓗ ᖁᕝᕙᑎᕆᓗᓂ ᐃᓕᓐᓂᐊᓯᒪᓂᕐᑕᕈᑎᐅᒍᓐᓇᓱᑎᒃ ᐱᒐᓱᕝᕕᓴᓂᒃ

ᓱᒨᑦ ᑕᒪᑐᒥᖓ ᓯᕗᓂᖃᕈᑎᑖᕐᓯᒪᕙ ᐅᖓᓗᒃ? ᐅᕕᒃᖃᑦ ᐃᓕᓐᓂᐊᕕᒻᒥᓂᑦ ᓄᕐᙯᓇᕐᕕᖃᖃᑦᑕᓂᖏᑦ ᖁᑦᓯᑐᒻᒪᕆᐅᕗᑦ ᓄᓇᕕᖕᒥ. ᐳᕐᑐᓂᕐᓴᒥᒃ ᐃᓕᓐᓂᐊᕕᒻᒥᑦ ᐱᔭᕇᕈᓯᕐᑕᐅᓃᑦ ᐱᒻᒪᕆᐅᔪᑦ. ᓴᐳᑦᔭᐅᓯᒪᑦᓯᐊᕈᑎᓂᒃ ᑭᖕᖒᒪᒋᔭᖃᕐᑐᑦ ᐅᕕᒃᑫ ᐃᓕᓐᓂᕇᕋᓱᒋᐊᖃᕐᓂᒥᒍᑦ ᐱᔭᕇᕈᓯᕐᑕᐅᓂᖃᕐᓗᑎᒃᓗ, ᐊᒻᒪᓗ ᐅᕕᒃᑫ ᐃᓕᓐᓂᐊᕇᓚᐅᕋᑎᒃ ᓄᕐᙯᓇᕐᑐᕕᓃᑦ ᐃᑲᔪᓯᔭᐅᒍᑎᑖᕐᓗᑎᒃ.

ᖃᓄᐃᓘᕐᓗᒌᑦ ᓯᕗᓂᖃᕈᑎᑦᓴᓕᐊᖑᒪᔪᑦ ᑎᑭᐅᑎᔭᐅᔪᓐᓇᐸ?

  • ᐱᑕᖃᕐᑎᓯᕕᒋᓗᒋᑦ ᐅᓪᓗᑯᑦ ᐃᓕᓐᓂᐊᓇᐅᑉ ᑫᕙᓪᓚᒍᓯᖏᑕ ᐅᖓᑖᓂ ᓴᐳᒻᒥᔭᐅᒍᑎᖏᓐᓂᒃ ᐃᑲᔪᕐᓯᕕᒋᖃᑦᑕᓗᒋᑦ ᐃᓕᓐᓂᐊᕈᑎᒥᓐᓂᒃ ᐅᖁᒣᓪᓕᐅᓗᐊᕐᓂᖏᑦ (ᐃᓕᓐᓂᐊᑏᑦ ᓄᕐᙯᓇᓯᓐᓇᐅᒍᓇᐅᓂᕐᓭᑦ)
  • ᐱᑕᖃᕐᑎᓯᕕᒋᓗᒋᑦ ᐅᖄᖃᑎᒌᓐᓂᑎᒍᑦ ᐃᑲᔪᕐᓯᒍᑎᐅᒍᓐᓇᑐᓂᒃ ᐊᒻᒪᓗ ᐃᓱᒪᒥᒃ ᐃᑲᔪᕐᓯᒍᑎᐅᒍᓐᓇᑐᓂᒃ ᐃᓕᖕᓂᐊᕕᖕᓂ
  • ᐊᑐᐃᓐᓇᖃᕐᑎᓯᕕᒋᓗᒋᑦ ᓵᓚᕐᖄᖃᕇᒃᑯᑎᓂᒃ ᐱᓇᓱᒍᑎᑦᓴᓕᐊᖑᒪᔪᓂᒃ ᐊᑐᕐᑕᐅᔪᒃᓴᐅᓱᑎᒃ ᐃᓕᖕᓂᐊᕕᖕᓂ
  • ᐱᑕᖃᕐᑎᓯᕕᒋᓗᒋᑦ ᐹᕐᓯᖓᐅᑎᒍᑎᖃᓕᕐᑐᑦ ᐋᕐᕿᒍᑎᑦᓴᓕᐅᕆᒍᓐᓇᐅᑎᖏᓐᓂᒃ ᐱᔭᖃᕋᓱᖃᑎᒌᑦᑐᑎᒍᑦ ᐃᓕᖕᓂᐊᕕᖕᒥ
  • ᒪᓂᔨᒪᖃᑦᑕᓗᓂ ᐱᓇᓱᑦᑕᐅᔪᑦᓴᓂᒃ ᐊᖕᒪᓗ ᐃᓕᓐᓂᐊᓂᕐᒨᓕᖓᔪᓂᒃ ᐱᓇᓱᑦᑕᐅᒍᓐᓇᑐᓂᒃ ᐅᕕᒃᑲᓄᑦ ᐃᓕᓐᓂᐊᑕᒥᓐᓂᒃ ᐱᔭᕇᓚᐅᕋᑎᒃ ᓄᕐᙯᓇᕐᓯᒪᔪᓄᑦ.
  1. ᖁᕝᕙᑎᕆᓂᐊᕐᓗᓂ ᐊᓯᐊᒎᕈᑎᑦᓴᓂᒃ ᓴᖑᒪᒍᑎᑦᓴᓂᒃᓗ ᐱᓂᕐᓗᑲᑦᑕᓂᕐᒧᑦ ᑎᒍᔭᐅᑲᑕᓐᓂᓂᑦ

ᓱᒨᑦ ᑕᒪᑐᒥᖓ ᓯᕗᓂᖃᕈᑎᑖᕐᓯᒪᕙ ᐅᖓᓗᒃ? ᑕᒐᑕᒐ ᐃᕐᖃᑐᐃᕕᑎᒍᑦ ᐱᓇᓱᒍᑎᐅᕙᑦᑐᑦ ᓄᓇᕕᒻᒥ ᑎᑭᐅᑎᓯᒪᖕᖏᓚᑦ ᓄᓇᕕᒻᒥᐅᑦ ᑭᖕᖒᒪᑦᓯᒍᑎᖏᓐᓄᑦ. ᐊᒥᓱᑦ ᓄᓇᕕᒻᒥᐅᑦ ᐱᓂᕐᓗᐸᑦᑐᑦ ᓴᐳᑦᔭᐅᒪᒍᑎᐅᑦᓱᑎᒃ ᐱᑦᔪᔨᒍᑎᓂᒃ ᑭᖕᖒᒪᒋᔭᖃᕐᒪᑕ ᐸᕐᓇᓀᕐᑕᐅᒪᕕᓕᐊᖔᕈᓐᓀᓗᑎᒃ. ᐸᕐᓇᓀᕐᓯᕖᑦ ᐋᕐᖀᓂᐊᑦᔭᖏᒻᒪᑕ ᓄᓇᕕᒻᒥᐅᑦ ᐃᓅᑦᔪᓯᕐᒥᒍᑦ ᐱᓐᓀᓗᑕᖏᓐᓂᒃ. ᐱᑕᖃᕐᑎᓯᒋᐊᖃᕐᓂᓴᐅᒐᑦᑕᓕ ᐱᑦᔪᔭᐅᕕᒋᕙᓐᓂᐊᑕᖏᓐᓂᒃ ᐃᓄᑑᓈᕐᑎᑐᑦ ᐸᓯᔭᐅᒍᑎᑖᕐᓯᒪᔪᑦ ᐱᓂᕐᓗᓂᕐᒥᒃ ᑌᒃᑯᐊᓗ ᐸᕐᓇᓀᕐᑕᐅᒪᔪᑦ

ᖃᓄᐃᓘᕐᓗᒌᑦ ᓯᕗᓂᖃᕈᑎᑦᓴᓕᐊᖑᒪᔪᑦ ᑎᑭᐅᑎᔭᐅᔪᓐᓇᐸ?

  • ᓴᐳᑎᓯᒪᓗᒋᓪᓗ ᐊᕗᖓᐅᓕᒋᐊᕐᓂᖃᖁᓪᓗᒋᓪᓗ ᐱᑦᔪᔨᒍᑎᒋᓂᐊᕐᑕᖏᑦ ᓄᓇᕕᒻᒥ ᐃᕐᖃᑐᐃᕕᓕᕆᔨᐊᐱᒃᑯᑦ ᑲᑎᒪᔨᖏᑕ
  • ᓄᐃᑦᓯᒍᑎᒋᓗᒋᑦ ᐱᓇᓱᒍᑏᑦ ᐸᕐᓇᓀᕐᓯᕕᓕᐊᖔᕈᓐᓀᓗᑎᒃ ᖃᓄᐃᓘᕐᑕᐅᒍᑎᑦᓴᖔᖏᓐᓂᒃ
  • ᓄᐃᑦᓯᒍᑎᒋᓗᒋᑦ ᐱᓇᓱᒍᑎᐅᕙᓐᓂᐊᑐᑦ ᐱᓂᕐᓗᑐᕕᓃᑦ ᓄᓇᓕᒻᒥᓂ ᐱᓂᕐᓗᓂᑯᕕᓂᕐᒥᓄᑦ ᖃᓄᐃᓘᕐᑕᐅᒍᑎᑖᖓᖃᑦᑕᓗᒋᑦ

ᐅᖓᓘᑉ ᓯᕗᓪᓕᐅᑎᒋᐊᖃᕐᑎᓗᒋᑦ ᑐᕌᕐᑕᖏᑦ (ᐊᓪᓚᑕᐅᒪᔪᑦ ᐱᓪᓚᕆᐅᓂᖏᑦ ᓯᕗᓪᓕᐅᑎᓪᓗᒋᑦ)*:

*ᐱᓇᓱᒍᑎᐅᓚᖓᔪᑦ ᐃᓚᖃᕆᐊᖃᕐᐳᑦ ᑐᕌᑕᐅᔪᑦ ᐃᓚᖏᓐᓂᒃ ᐱᓇᓱᒍᑎᑦᓴᐅᓱᑎᒃ ᐋᕐᕿᑕᐅᒪᔪᓄᑦ ᐃᓚᐅᓚᖓᓗᑎᒃ ᑮᓇᐅᔭᖃᕐᑎᑕᐅᒍᑦᑦᓴᓂᒃ ᐱᒍᓐᓇᑎᑕᐅᓂᐊᕈᑎᒃ ᑌᒣᒋᐊᖃᕐᓱᑎᒃ. ᐱᓇᓱᒍᑎᐅᓚᖓᔪᑦ ᑐᕌᕐᑕᓖᑦ ᑐᕋᒐᓕᐊᖑᒪᔪᒥᒃ ᑭᓯᑦᔪᑎᖃᕐᓱᓂ 1-ᒥ ᓯᕗᓪᓕᐅᔭᐅᖃᑦᑕᓚᖓᕗᑦ.

ᓱᕐᕋᑕᐅᓂᕐᓗᒍᓐᓇᓂᕐᒦᑐᑦ

ᐱᓇᓱᒍᑎᓕᐊᖑᒪᔪᑦ ᐃᓄᓐᓂᒃ ᐃᑲᔪᕐᓯᓯᒪᔪᑦ ᐃᒣᓕᖓᑎᓪᓗᒋᑦ ᐃᓅᕕᖃᕐᑐᑦ ᑲᑉᐱᐊᓇᕐᑐᑕᖃᑐᐃᓐᓇᕆᐊᓕᒻᒥᒃ ᐊᕙᑎᓕᒻᒥᒃ (ᓲᕐᓗ ᐃᒥᐊᓗᑦᓯᒪᓗᐊᓲᑦ, ᐅᐃᕆᓂᕐᓗᓯᒪᐅᑎᓂᒃ, ᐊᓯᖏᓐᓂᓗ) ᐅᕝᕙᓘᓐᓃᑦ ᐊᑑᑎᓯᒪᔪᑦ ᑲᑉᐱᐊᓱᑦᑎᑕᐅᓂᕐᒥᒃ ᑭᖕᖒᒪᑦᓯᒍᑎᖃᓚᕿᑦᓱᑎᒃ ᓴᐳᑦᔭᐅᒪᒍᑎᑦᓴᓂᒃ ᐱᓂᕐᓗᓂᕐᑕᖃᖁᓇᒋᑦ ᓯᕗᓂᕐᒥᓂ, ᐅᕝᕙᓗᓐᓃᑦ ᐱᓂᕐᓗᕕᐅᑲᓪᓚᖁᓇᒋᑦ.

ᐱᔭᕐᓃᓕᐅᕐᓇᑐᒃᑯᑦ

ᐱᓇᓱᒍᑎᓕᐊᖑᒪᔪᑦ ᐃᓄᓐᓂᒃ ᐃᑲᔪᕐᓯᓯᒪᔪᑦ ᐱᓂᕐᓗᑐᕕᓂᕐᓂᒃ ᑕᒐᑕᒐᓗ ᐸᕐᓇᓀᕐᑕᐅᒪᓕᕐᓱᑎᒃ ᓴᐳᑦᔭᐅᒪᒋᐊᖃᓕᕐᓱᑎᒃᓗ ᐱᒋᐊᓪᓚᖁᓇᒋᑦ ᐱᓂᕐᓗᒋᐊᓪᓚᓂᕐᒥᒃ ᐅᕝᕙᓗᓐᓃᑦ ᐃᕐᖃᑐᐃᕕᑎᒍᑦ ᑐᑭᑖᕐᑕᐅᒪᒍᑎᒥᓂᒃ ᓯᖁᒥᑦᓯᓂᖃᖁᓇᒋᑦ.

ᐱᓇᓱᒍᑎᓕᐊᖑᒪᔪᑦ ᐃᓄᓐᓂᒃ ᐃᑲᔪᕐᓯᓯᒪᔪᑦ ᐃᑲᔪᕐᑕᐅᒍᑎᖃᕆᐊᖃᓕᕐᑐᓂᒃ ᐅᕝᕙᓘᓐᓃᑦ ᐃᑲᔪᕐᑕᐅᓂᕐᒥᒃ ᐱᓇᓱᒍᑎᖃᓕᕐᑐᓂᒃ.

ᐱᓇᓱᒍᑎᓕᐊᖑᒪᔪᑦ ᐃᑲᔪᕐᓯᓂᕐᑕᓖᑦ ᐱᓂᕐᓗᑕᐅᒪᔪᓂᒃ ᑲᑉᐱᐊᓱᑦᑎᑕᐅᓯᒪᔪᓂᒃᓗ.

ᐱᓇᓱᒍᑎᓕᐊᖑᒪᔪᑦ ᐃᑲᔪᕐᓯᓯᒪᒍᑎᐅᑦᓱᑎᒃ ᐃᓚᒌᓂᒃ ᐃᓚᒥᓂᒃ ᐱᓂᕐᓗᑕᐅᔨᐊᓕᕕᓂᕐᓂᒃ ᐅᕝᕙᓗᓐᓃᑦ ᐱᓂᕐᓗᑐᕕᓂᕐᓂᒃ ᐱᖁᔭᓂᒃ ᓯᖁᒥᑦᓯᓱᑎᒃ.

ᓇᖏᐊᕐᓀᓕᓂᕐᒥᒃ ᐱᔭᖃᕐᐸᓕᐊᓂᖅ

ᐱᓇᓱᒍᑎᓕᐊᖑᒪᔪᑦ ᐃᓄᓐᓂᒃ ᐃᑲᔪᕐᓯᓯᒪᔪᑦ ᑎᒍᔭᐅᒪᔪᕕᓂᐅᑦᓱᑎᒃ ᐸᕐᓇᓀᕐᓯᕕᒻᒥᑦ ᐊᓂᔪᓂᒃ ᐃᑲᔪᕐᑕᐅᒋᐊᖃᓕᕐᓱᑎᒃ ᐅᑎᕐᐸᓕᐊᒐᓱᓐᓂᒥᒍᑦ ᓴᐳᑦᔭᐅᒪᓗᑎᒃᓗ (ᐃᓅᑦᔪᓯᑎᒍᑦ, ᐱᔪᓐᓇᐅᑎᓕᑦᑎᒍᑦ, ᒪᑭᑕᒐᓱᒍᑎᑎᒍ, ᐊᓯᖏᑎᒍᓪᓗ) ᐱᓂᕐᓗᓕᕐᕿᖁᓇᒋᑦ ᐅᕝᕙᓗᓐᓃᑦ ᒪᓕᒐᓕᐅᕐᑕᐅᒪᒍᑎᒥᓐᓂᒃ ᓯᖁᒥᑦᓯᖁᓇᒋᑦ.

ᐱᓇᓱᒍᑎᓕᐊᖑᒪᔪᑦ ᐃᓄᓐᓂᒃ ᐃᑲᔪᕐᓯᓯᒪᔪᑦ ᐃᑲᔪᕐᑕᐅᕕᒻᒥᑦ ᐱᔭᕇᕋᒥᒃ ᐊᓂᔪᓂᒃ ᑭᓯᐊᓂᓗ ᓴᐳᑦᔭᐅᒪᖏᓐᓇᕆᐊᖃᕐᓱᑎᒃ.

ᑌᒣᑦᑐᑎᒎᕐᑐ ᓴᐳᑦᔭᐅᒪᒋᐊᖃᕐᒥᒪᑕ ᐃᓚᐅᑦᓯᐊᓯᒋᐊᓪᓚᖁᓪᓗᒋᑦ ᓄᓇᕐᖃᑎᒥᓄᓪᓗ ᓄᓇᓕᒻᒥᓄᓪᓗ.

ᑕᑯᒋᐊᕐᓗᒋᑦ ᐊᓪᓚᓯᒪᔪᖕᖑᐃᒍᑎᐅᖃᑦᑕᓯᒪᔪᑦ ᑐᑭᓯᒋᐊᒃᑲᓂᕐᓂᐊᕋᕕᑦ ᐃᓕᖓᔪᓂᒃ ᐱᓇᓱᒍᑎᓄᑦ, ᐅᕝᕙᓗᓐᓃᑦ ᐱᓇᓱᒍᑎᑦᓴᓕᐊᖑᒪᔪᑦ ᐊᑕᐅᑦᓯᑰᕐᑎᓯᔨᖓᓐᓂᒃ ᖃᐅᔨᒋᐊᕐᕕᖃᖔᕐᓗᑎᑦ:

ᓯᐊᔭ ᐁᕈ, ᐅᖓᓗᒃᑯᓄᑦ ᐊᑕᐅᑦᓯᑯᕐᑎᓯᔨ

ᐅᖄᓚᐅᑎᖓ (819) 935 4790

sairo@makivik.org

ᑕᑯᒋᐊᕐᑎᒍᑦ Facebook-ᒥ!: https://www.facebook.com/Ungaluk-Safer-Communities-program-1033218163428055/

Program Information/ᐱᓇᓱᒍᑎᑦᓴᓕᐊᖑᒪᔪᓂᒃ ᑐᑭᓯᒪᒍᑏᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

Guidelines/ᖃᓄᐃᓘᕈᑎᑦᓴᓕᐊᖑᒪᔪᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

Examples of crime prevention projects/ᐆᑦᑐᕋᐅᑎᓕᐊᖑᒪᔪᑦ ᐱᓂᕐᓗᓂᕐᒥᒃ ᐱᔪᖃᕐᑎᓯᑦᑌᓕᒍᑎᐅᓗᑎᒃ ᐱᓇᓱᑦᑕᐅᔪᓐᓇᑐᓄᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

Ungaluk tour presentations on/ᐅᖓᓗᒃᑯᑦ ᐊᕐᕕᑕᕈᑎᒋᑦᓱᒋᑦ ᒪᓂᒪᑎᑦᓯᒍᑎᖏᑦ ᐃᓕᖓᔪᓂᒃ ᑲᒃᑯᓄᖓ:

  1. ᓄᐃᑦᓯᒍᑎᖃᕐᓗᑎᒃ ᐱᓂᕐᓗᓂᕐᒥᒃ ᐊᑑᑎᔭᐅᑎᑦᓯᑌᓕᓂᕐᒥᒃ ᐱᓇᓱᒍᑎᑦᓴᓂᒃ
    ᖃᓄᐃᓘᕐᓗᑎᒃ ᐊᓪᓚᓯᒪᔪᑎᒍᑦ ᐱᒐᓱᒍᑎᑦᓴᓂᒃ ᐊᓪᓚᓯᒪᔪᖕᖑᐃᒋᐊᓕᓐᓂᒃ ᐃᑲᔪᕈᑎᓂᒃ
    ᖃᓄᐃᑦᑐᓂᒃ ᐱᓇᓱᒍᑎᑦᓴᓂᒃ ᑭᖕᖒᒪᓇᕐᑐᖃᕐᒪᖔᑦ

Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

Community safety plan information/ᓄᓇᓖᑦ ᐱᓂᕐᓗᓂᕐᓄᑦ ᑎᑭᐅᑎᒍᑎᑦ ᖃᓄᐃᓘᕋᔭᕐᒪᖔᕐᒥᒃ ᑐᑭᓯᒪᒍᑎᑦᓴᖏᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

Ungaluk staff list ᐅᖓᓗᒃ ᐱᓇᓱᑦᑎᖏᑕ ᐊᑎᖏᑕ ᐊᓪᓚᑕᐅᒪᕕᖓᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

How to start a project and how to manage your project ᖃᓄᐃᓘᕐᓗᒋᑦ ᐱᓇᓱᒍᑎᑦᓭᑦ ᐱᕙᓪᓕᐊᑎᑕᐅᓲᖑᒻᒪᖔᑕ ᖃᓄᕐᓗ ᑲᒪᒋᔭᐅᒋᐊᖃᕐᒪᖔᑕ ᐱᓇᓱᒍᑏᑦ
Click here/ᓇᕐᓂᓗᒍ ᐅᓇ ᖃᓄᐃᓘᕐᓗᒋᑦ ᐱᓇᓱᒍᑎᑦᓭᑦ ᐱᕙᓪᓕᐊᑎᑕᐅᓂᖃᓲᖑᒻᒪᖔᑕ ᐊᓪᓚᖁᑏᑦ

Other Sources of Funding/ᐊᓯᖏᑦ ᑮᓇᐅᔭᖃᕐᑎᓯᒍᑎᑦᓴᑖᕐᕕᐅᓲᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

Monitoring and evaluating your project: ᑲᒪᓇᓱᑦᑕᖃᕐᓂᓗ ᓇᐅᑦᓯᑐᕐᓂᓗ ᐱᓇᓱᒍᑎᒋᔭᒥᒃ:
Click here/ᓇᕐᓂᓗᒍ ᐅᓇ ᖃᐅᔨᒋᐊᕐᕕᒋᓂᐊᕋᕕᐅᒃ ᖃᕆᑕᐅᔭᒥ ᒪᑉᐱᕋᕐᑕᖓ

2017/2018 Ungaluk projects – Regional projects/ᐅᖓᓗᒃ ᐱᓇᓱᑦᑕᖏᑦ – ᓄᓇᓕᓕᒫᓂᓕᖓᔪᑦ ᐱᓇᓱᑦᑕᐅᔪᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

Overview of Ungaluk projects 2017/ᐃᓘᓐᓈᒍᑦ ᑕᐅᑐᑦᓱᒋᑦ ᐅᖓᓘᑉ ᐱᓇᓱᑦᑕᖏᑦ 2017-ᒥ
Click here/ᓇᕐᓂᓗᒍ ᐅᓇ ᖃᐅᔨᒋᐊᕐᕕᒋᓂᐊᕋᕕᐅᒃ ᖃᕆᑕᐅᔭᒥ ᒪᑉᐱᕋᕐᑕᖓ

2017/2018 Ungaluk projects – Community projects/ᐅᖓᓘᑉ ᐱᓇᓱᑦᑕᖏᑦ – ᓄᓇᓕᓐᓂ ᐱᓇᓱᑦᑕᐅᔪᑦ
Click here/ᓇᕐᓂᓗᒍ ᐅᓇ ᖃᐅᔨᒋᐊᕐᕕᒋᓂᐊᕋᕕᐅᒃ ᖃᕆᑕᐅᔭᒥ ᒪᑉᐱᕋᕐᑕᖓ

2016/2017 Ungaluk projects – Regional projects/ᐅᖓᓗᒃ ᐱᓇᓱᑦᑕᖏᑦ – ᓄᓇᓕᓕᒫᓂᓕᖓᔪᑦ ᐱᓇᓱᑦᑕᐅᔪᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

2016/2017 Ungaluk projects – Community projects/ᐅᖓᓘᑉ ᐱᓇᓱᑦᑕᖏᑦ – ᓄᓇᓕᓐᓂ ᐱᓇᓱᑦᑕᐅᔪᑦ
Click here/ᓇᕐᓂᓗᒍ ᐅᓇ ᖃᐅᔨᒋᐊᕐᕕᒋᓂᐊᕋᕕᐅᒃ ᖃᕆᑕᐅᔭᒥ ᒪᑉᐱᕋᕐᑕᖓ

2015/2016 Ungaluk projects – Regional projects/ᐅᖓᓗᒃ ᐱᓇᓱᑦᑕᖏᑦ – ᓄᓇᓕᓕᒫᓂᓕᖓᔪᑦ ᐱᓇᓱᑦᑕᐅᔪᑦ
Click here/ᓇᕐᓂᓗᒍ ᐅᓇ ᖃᕆᑕᐅᔭᕐᓅᔭᕐᓂᐊᒪᑕ ᐊᓪᓚᖁᑏᑦ

2015/2016 Ungaluk projects – Community projects/ᐅᖓᓘᑉ ᐱᓇᓱᑦᑕᖏᑦ – ᓄᓇᓕᓐᓂ ᐱᓇᓱᑦᑕᐅᔪᑦ
Click here/ᓇᕐᓂᓗᒍ ᐅᓇ ᖃᐅᔨᒋᐊᕐᕕᒋᓂᐊᕋᕕᐅᒃ ᖃᕆᑕᐅᔭᒥ ᒪᑉᐱᕋᕐᑕᖓ

2007-2014 Ungaluk Funded Projects/ᐅᖓᓘᑉ ᑮᓇᐅᔭᖃᕐᑎᑕᖏᑦ ᐱᓇᓱᑦᑕᐅᔪᑦ:
Click here/ᓇᕐᓂᓗᒍ ᐅᓇ ᖃᐅᔨᒋᐊᕐᕕᒋᓂᐊᕋᕕᐅᒃ ᖃᕆᑕᐅᔭᒥ ᒪᑉᐱᕋᕐᑕᖓ

Checklist for projects with Northern Village (NV)
Click here/ᓇᕐᓂᓗᒍ ᐅᓇ ᐊᓪᓚᖁᑎᓂᒃ ᖃᕆᑕᐅᔭᕐᓅᔦᓯᒍᕕᑦ

Evaluation Report of Nunavik Youth Hockey Development Program/ᓇᐅᑦᓯᑐᕐᓂᐅᒪᔪᒥᒃ ᑐᓴᕐᑕᐅᑎᑦᓯᓃᑦ ᓄᓇᕕᒻᒥ ᐅᕕᒐᕐᑐᐃᑦ ᖄᑭᕐᓂᑯᑦ ᐱᕙᓪᓕᐊᑎᑕᐅᒍᑎᖏᓐᓂᒃ


Click here/ᓇᕐᓂᓗᒍ ᐅᓇ ᐊᓪᓚᖁᑎᓂᒃ ᖃᕆᑕᐅᔭᕐᓅᔦᓯᒍᕕᑦ

Click here/ᓇᕐᓂᓗᒍ ᐅᓇ ᐊᓪᓚᖁᑎᓂᒃ ᖃᕆᑕᐅᔭᕐᓅᔦᓯᒍᕕᑦ