Nunavik Creations

nunavik_creations

ᓄᓇᕕᐅᑉ ᓄᓇᖓ 55 ᖁᓛᓂ ᐱᒋᐊᕐᑐᖅ ᑯᐸᐃᒻᒥ, ᐱᒋᐊᕐᓱᓂ ᑕᐃᒐᕐᒥᑦ ᓇᐹᕐᑐᐃᑐᒥᑦ ᖁᓛᓄᑦ ᐃᑭᕋᓴᕐᔪᐊᑉ ᐃᒪᖏᓐᓄᑦ. ᑕᒪᓐᓇ ᓄᓇ ᐊᖏᕐᕋᕆᔭᐅᕗᖅ ᐃᓄᓐᓄᑦ ᐊᕌᒍᓂ 1000ᓂ. ᓯᕗᓪᓕᐹᒥ ᖃᓪᓗᓈᓂᒃ ᑲᑎᓯᒋᐊᖕᖓᓯᒪᒐᓇᐊᕐᓱᑎᒃ 150 ᐊᕐᕌᒍᐃᑦ ᓈᓕᕐᑐᑦ ᐊᓯᑦᔨᕙᓪᓕᐊᕆᐊᖕᖓᓯᓐᓂᖁᑦ ᐱᐅᓯᖏᑦ ᐃᓅᓯᖏᓪᓗ ᓂᐅᕕᕐᕖᑦ ᓄᐃᑐᐊᕐᒪᑕ ᐃᓄᐃᓪᓗ ᓄᓇᓕᖕᖑᕆᐊᖓᓯᓐᓂᖁᑦ ᓄᓪᓚᖓᓲᕕᓂᐅᒐᑎᒃ.

ᓄᓇᕕᒻᒥ ᐱᓂᐊᕐᓂᓕᕆᓂᖅ ᐊᓯᑦᔨᒋᐊᖕᖓᓂᕐᖁᑦ 1970 ᐅᑎᓪᓗᒍ ᓴᐃᓂᕐᓂᖃᕐᑎᓗᒋᑦ ᓄᓇᒥᒃ ᐃᓐᓄᐃᓯᒪᓂᕐᒧᑦ ᔭᐃᒥᔅ ᐸᐃ ᑯᐸᐃᒃ ᑕᕐᕌᖓᓂᓗ ᐊᖏᖃᑎᒌᓐᓂᒥᒃ. ᐃᒻᒥᓂᕿᒋᐊᖕᖓᓯᓐᓂᖁᑦ ᐃᓄᐃᑦ ᓄᓇᕕᒻᒥ. ᑕᒃᑲᖓᑦ ᐊᖏᖃᑎᒌᓐᓂᒥᑦ ᑯᐊᐳᕇᓴ ᓄᐃᒋᐊᖕᖓᓂᕐᖁᖅ. ᒪᑭᕝᕕᒃ ᑯᐊᐳᕇᓴ, ᓄᓇᕕᒻᒥ ᐱᓕᐊᕕᓃᑦ ᐃᓚᒋᔭᐅᕗᖅ ᑖᒃᑯᓄᖓ ᓄᐃᑕᐅᒪᔪᓄᑦ.

ᓄᓇᕕᒻᒥ ᐱᓕᐊᕕᓃᑦ ᓄᐃᑕᐅᓯᒪᕗᖅ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᐊᕐᓂᒧᑦ ᐃᓗᕐᖁᓯᑦᑎᓂᓪᓗ ᓴᓇᓯᒪᔪᓂᒃ ᐱᐅᓯᑐᖃᑦᑎᓂᓪᓗ ᓄᐃᑦᓯᖁᔭᐅᑦᓱᓂ ᓯᓚᕐᔪᐊᓕᒫᒧᑦ.

ᓄᓇᕕᒻᒥ ᐱᓕᐊᕕᓃᑦ ᐅᐱᒋᔭᖃᑦᓯᐊᖁᖅ ᐃᓄᐃᑦ ᐃᓗᕐᖁᓯᑐᖃᖓᓂᒃ, ᑭᓯᐊᓂᓗ ᓯᕗᒧᑦ ᐃᖏᕐᕋᓯᐊᕆᕗᖅ ᐊᓐᓄᕌᓕᐊᖑᓲᑦ ᐊᒻᒪᓗ ᐃᓱᕐᕆᐅᑎᖃᕐᓂᒧᑦ ᐃᓅᓯᕐᒧᑦ.

ᐱᓇᐃᓗᑕᖃᕐᐸᑲᓗᐊᕐᓱᑕ ᕿᓯᔭᕐᓄᑦ ᐊᓐᓄᕌᓕᐊᑦᑎᓂᒃ ᓯᓚᕐᔪᐊᑉ ᐃᓚᖏᓐᓂ, ᐅᑉᐱᕆᔭᖃᑦᓯᐊᖁᒍᑦ ᐱᐅᔪᓂᒃ ᐊᕙᑎᑦᑕᓗ ᓄᐃᑎᓯᒪᔭᖏᓐᓂᒃ ᐊᑐᕆᐊᒥᒃ.  ᐱᐅᓂᕐᐹᔭᓂᒃ ᓯᕗᓪᓕᕕᓂᑦᑕ ᐊᑐᕐᐸᑕᕕᓂᖏᓐᓂᒃ ᐊᑐᕐᐸᖁᒍᑦ, ᑭᓯᐊᓂᓗ ᓱᖏᐅᑎᓯᒪᒋᕗᒍᑦ ᐅᓪᓗᒥᐅᓕᕐᑐᖅ ᓯᓚᕐᔪᐊᑉ ᐊᓯᑦᔨᐸᓪᓕᐊᓂᖓᓄᑦ  ᐊᕙᑎᑦᑕᓗ ᐱᓂᐊᕐᓂᑎᒍᓪᓗ.

Please click here to visit the website