ᓄᓇᕕᒻᒥ ᑎᒃᑯᐊᓯᖃᑦᑕᓂᖅ ᐅᒃᑯᐃᖓᓕᕐᒥᒪᑦ 2018-ᒥ ᓄᓇᓕᓕᒫᓂ ᓂᕈᐊᕐᓂᓴᒧᑦ

ᑖᓐᓇ ᐃᓄᓕᒫᓂᒃ ᑐᓴᕐᑎᓯᒍᑎ ᓄᓇᓕᓕᒫᓂ ᓄᓇᕕᒻᒥ ᑎᒃᑯᐊᓯᖃᑦᑕᓂᖅ ᐅᒃᑯᐃᖓᓕᕐᒥᒪᑦ 2018-ᒥ ᓄᓇᓕᓕᒫᓂ ᓂᕈᐊᕐᓂᓴᒧᑦ ᒪᑭᕝᕕᐅᑉ ᐳᕐᑐᓂᕐᓴᒥ ᑲᑎᒪᔨᖏᓐᓄᑦ ᐆᒧᖓ ᐃᓂᒧᑦ:

  • ᐊᖓᔪᕐᖄᖅ

ᑐᑦᓯᕋᕈᓐᓇᑐᑎᑦ ᑎᒃᑯᐊᓯᒍᑎᒥᒃ ᑕᑕᕐᓴᒐᕐᒥᒃ ᓄᓇᓕᑦᓯ ᑲᕙᒫᐱᒃᑯᖏᓐᓂᑦ ᐅᕝᕙᓗᓗᓐᓃᑦ ᓄᓇᒥᒃ ᑎᒍᒥᐊᕐᑎᑯᓐᓂᑦ ᐅᖃᓕᒪᓗᑎᑦ ᐅᕗᖓ 1 (800) 361-7052 ᐅᖄᒍᑎᖓ 2225 ᐅᕝᕙᓗᓗᓐᓃᑦ (514) 745-8880 ᐅᖃᓕᒪᒍᒪᓗᑎᑦ ᖄᔨᐊ ᑭᓕᐅᑕᕐᒧᑦ ᓂᕈᐊᕈᑎᓕᕆᔨᒧᑦ.

ᐃᓱᓕᕝᕕᓴᖓ ᑎᒃᑯᐊᓯᒍᑎᓂᒃ ᐊᐅᓪᓚᑎᑦᓯᓂᐅᑉ ᓂᕿᑦᓯᕕᒃ, ᑏᓯᒻᐱᕆ 1, 2017 ᑕᓪᓕᒪᖕᖑᓚᐅᕐᑎᓇᒍ.

 

ᓂᕈᐊᕐᓂᖃᓛᕐᑐᑦ ᓄᓇᓕᓕᒫᓂ ᑖᑦᓱᒧᖓ ᐃᓂᒧᑦ ᖁᓛᓂ ᐅᖃᕐᑕᐅᔪᒧᑦ ᓯᑕᒻᒥᑐᓂ, ᔭᓄᐊᕆ 18, 2018-ᒥ ᖁᓕᖕᖑᒥ ᐅᓪᓛᑯᑦ ᐱᒋᐊᕐᓗᓂ ᐱᖓᓲᔪᕐᑐᖑᒧᑦ ᐅᓐᓄᑯᑦ.

 

ᐅᑯᐊ ᑎᒃᑯᐊᑕᐅᒍᓐᓇᖏᑦᑐᑦ ᓂᕈᐊᕐᑕᐅᑎᒍᓐᓇᕋᑎᓪᓗ ᐳᕐᑐᓂᕐᓴᓂ ᑲᑎᒪᔨᐅᓂᕐᒧᑦ ᒪᑭᕝᕕᒥ:

–    ᓇᐅᑐᐃᓐᓇᓐ ᐃᓄᒃ ᐱᒍᓐᓇᐅᑎᖃᖕᖏᑐᖅ ᐅᕝᕙᓗᓗᓐᓃᑦ ᐱᕙᓪᓕᖁᑎᑖᕈᓐᓇᖏᑦᑐᖅ ᒪᓕᑦᓱᒋᑦ ᒪᓕᒉᑦ ᐊᓪᓚᓅᓕᖓᔪᑦ ᑯᔩᓄᑦ ᐃᓄᓐᓄᓗ ᓄᓇᓕᑐᖃᑦᓴᔭᕐᓄᑦ (1978, L.Q., Chap. 33.1);

–    ᓇᐅᑐᐃᓐᓇᖅ ᐊᑭᓕᑦᓴᖃᕐᓂᒥᓂᒃ ᓴᒃᑯᓯᑎᑕᐅᓯᒪᖕᖏᑐᖅ ᐃᕐᖃᑐᐃᕕᒃᑯᑦ;

    ᓇᐅᑐᐃᓐᓇᖅ ᐃᓚᐅᔫᖕᖏᑐᖅ ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ;

–    ᓇᐅᑐᐃᓐᓇᖅ ᐃᓄᒃ ᐃᕐᖃᑐᕐᑕᐅᓯᒪᔪᖅ ᐸᓯᔭᑦᓴᐅᓂᕋᕐᑕᐅᓱᓂ ᐱᓂᕐᓗᕈᑎᖃᕐᓂᒧᑦ ᐱᒻᒪᕆᒻᒥᒃ ᑎᒍᔭᐅᒪᒍᑎᐅᒍᓐᓇᑐᒥᒃ ᐊᕐᕌᒎᓐᓂ ᒪᕐᕉᓂ (2) ᐅᓄᕐᓂᓴᓂᓪᓘᓃᑦ; ᑕᒪᑐᒥᖓᓗ ᐊᑑᑎᒍᓐᓇᖏᑦᑑᑎᑕᐅᓂᖓ ᐊᑑᑎᑎᑕᐅᒐᔭᕐᑐᖅ ᐊᕐᕌᒍᓄᑦ ᑕᓪᓕᒪᒋᐊᓪᓚᓄᑦ (5) ᑎᒍᔭᐅᒪᓂᕕᓂᕐᒥᑕ ᑭᖑᓂᖓᒍᑦ ᐊᑭᓕᕋᑦᓴᑖᕐᑎᑕᐅᑐᐃᓐᓇᑐᕕᓂᐅᒍᓂᓗ ᐅᕝᕙᓗᓗᓐᓃᑦ ᓱᒋᐊᕐᑕᐅᒍᑎᖓ ᐊᕐᕌᒍᓄᑦ ᑕᓪᓕᒪᓄᑦ (5) ᓄᕐᖃᖓᑎᑕᐅᓯᓐᓂᐸᑦ ᐃᕐᖃᑐᐃᕕᒻᒥ ᓱᒋᐊᕐᑕᐅᒍᑎᑖᕐᓂᒥᓂ, ᐃᓱᒪᒋᔪᓐᓀᑕᐅᒍᑎᑖᕐᓯᒪᖕᖏᑐᐊᕈᓂ ᐃᕐᖃᑐᐃᕕᑎᒍᑦ ᐱᓂᕐᓗᕈᑎᒋᓯᒪᔭᒥᓄᑦ;

–    ᓇᐅᑐᐃᓐᓇᖅ ᐃᓄᒃ ᐊᑭᓕᑦᓴᓕᒃ ᖃᓄᐃᑦᑐᑐᐃᓐᓇᓂᒃ ᒪᑭᕝᕕᒧᑦ ᐊᒻᒪ;/ᐅᕝᕙᓗᓗᓐᓃᑦ ᑎᒥᖁᑎᖏᓐᓄᑦ ᐊᑭᓕᕐᑕᐅᒣᑦᑐᓂᒃ ᐅᓪᓗᓂᒃ 90-ᓂᒃ ᐅᕝᕙᓗᓗᓐᓃᑦ ᓇᐃᑐᐃᓐᓇᖅ ᐃᓕᑕᕐᓯᒪᖕᖏᑐᖅ ᐊᑭᓕᕋᑦᓴᖃᕐᓂᒥᓂᒃ ᐊᑭᓕᕐᑕᐅᒣᑦᑐᓂᒃ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓗᓐᓃᑦ;

–    ᓇᐅᑐᐃᓐᓇᖅ ᑐᑭᓯᒪᖕᖏᑐᖅ, ᐊᓪᒪᒍᓐᓇᖏᑦᑐᖅ, ᐅᖄᒍᓐᓇᖏᑦᑐᖅ ᐃᓄᒃᑎᑐᑦ;

–    ᓇᐅᑐᐃᓐᓇᖅ ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓚᒋᔭᐅᑎᓐᓇᒋᑦ, ᐱᓇᓱᑦᑎ ᒪᑭᕝᕕᒧᑦ ᑎᒥᐊᕈᖁᑎᖏᓐᓄᓗᓐᓃᑦ;

–    ᓇᐅᑐᐃᓐᓇᖅ ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓚᒋᔭᐅᑎᓐᓇᒋᑦ ᐱᐅᓯᖃᕐᑐᖅ, ᐱᓇᓱᐊᕐᓂᖃᕐᑐᖅ ᐅᕝᕙᓗᓗᓐᓃᑦ ᐃᓅᖃᑎᒌᓐᓂᑎᒍᑦ ᑐᕃᓐᓇᑐᒃᑯᑦ ᑐᕃᓐᓇᖏᑦᑐᑯᓪᓘᓃᑦ ᓱᕐᕃᓯᒪᓂᖃᕋᔭᕐᑐᖅ ᒪᑭᕝᕕᒥᒃ ᐊᒻᒪᓗ/ᐅᕝᕙᓗᓗᓐᓃᑦ ᐱᓇᓱᐊᖃᕐᑎᖃᕐᓂᖓᓂᒃ ᐱᒐᓱᐊᕐᓂᖏᓐᓂᒃ ᐱᓇᓱᒍᑦᔨᒍᑎᓂᒃ ᓇᐅᑐᐃᓐᓇᓕᒫᓅᓕᖓᔪᓂᒃ ᑎᒥᐅᔪᓂᒃ.

ᓴᕐᕿᑕᐅᔪᖅ ᒪᓐᑐᕆᐊᓪ, ᑯᐯᒻᒥ, ᐆᒃᑑᐱᕆ 30, 2017-ᒥ.

General Memo Universal Elections

Please click here to view a .PDF file of the Document.

Nomination form Executive Elections 2017

Please click here to view a .PDF file of the Document.

ᓄᓇᕕᒻᒥ ᑎᒃᑯᐊᓯᖃᑦᑕᓂᖅ ᐅᒃᑯᐃᖓᓕᕐᒥᒪᑦ 2018-ᒥ ᓄᓇᓕᓕᒫᓂ ᓂᕈᐊᕐᓂᓴᒧᑦ