ᐊᑦᔨᖑᐊᖅ: ᑲᑎᖕᖓᒋᐊᕐᑐᓯᒪᔪᕕᓃᑦ ᓯᑕᒪᐅᒍᑎᒋᓕᕐᑕᖓᓄᑦ ᐅᖓᕙᒥ ᑐᑦᑐᐃᑦ ᑲᑎᖕᖓᒍᑕᐅᓂᖓᓄᑦ ᓄᓇᓕᑐᖃᕐᓄᑦ. ᐊᑦᔨᖑᐊᒦᖕᖏᑐᑦ: ᐊᓪᓓᑦ ᐃᓅ ᐊᑦᔨᓕᐅᕆᔪᖅ: ᓈᑎᐊ ᓴᑲᓈᔅ

participants of the fourth meeting of the Ungava Peninsula Caribou Aboriginal Round Table.  Missing from photo: Innu Nation Credit: Nadia Saganash
ᐊᑦᔨᖑᐊᖅ: ᑲᑎᖕᖓᒋᐊᕐᑐᓯᒪᔪᕕᓃᑦ ᓯᑕᒪᐅᒍᑎᒋᓕᕐᑕᖓᓄᑦ ᐅᖓᕙᒥ ᑐᑦᑐᐃᑦ ᑲᑎᖕᖓᒍᑕᐅᓂᖓᓄᑦ ᓄᓇᓕᑐᖃᕐᓄᑦ. ᐊᑦᔨᖑᐊᒦᖕᖏᑐᑦ: ᐊᓪᓓᑦ ᐃᓅ ᐊᑦᔨᓕᐅᕆᔪᖅ: ᓈᑎᐊ ᓴᑲᓈᔅ

ᑰᑦᔪᐊᕌᐱᒃ, ᑯᐯᒃ, ᒣ 28, 2014 ᓄᓇᓕᑐᙯᑦ ᑲᑎᒪᓂᕆᓲᖓᑦ ᐅᖄᖃᑎᒌᒍᑎᖃᕐᓱᑎᒃ ᑐᑦᑐᓕᕆᓂᕐᒥᒃ ᐅᐱᒍᓱᑉᐳᑦ ᑐᓴᕐᑎᓯᒋᐊᒥᒃ ᑲᑎᖕᖓᓂᕆᓚᐅᕐᑕᒥᓂᒃ ᓯᑕᒪᐅᒍᑎᒋᓕᕐᑕᖓᓂᒃ ᒍᐊᑉᒫᑰᔅᑐᐃᒥ – ᑰᑦᔪᐊᕌᐱᒻᒥ ᒣ 21, 22-ᒥᓗ, 2014-ᒥ ᑲᔪᓯᑦᓯᐊᑐᒻᒪᕆᐅᓚᐅᕐᑐᑦ ᐱᓇᓱᐊᖃᑎᒌᓐᓂᕆᓂᐊᕐᑕᒥᓂᓪᓗ ᓄᖑᑐᐃᓐᓇᑎᑦᓯᑌᓕᓂᕐᒧᑦ ᐅᖓᕙᐅᑉ ᑐᑦᑐᖏᓐᓂᒃ ᐅᖄᖃᑎᒌᓐᓂᖃᕐᓱᑎᒃ.

ᑖᒃᑯᐊ ᐅᖓᕙᐅᑉ ᑐᑦᑐᖏᓐᓂᒃ ᐱᓇᓱᐊᖃᑎᒌᑦᑐᑦ ᐱᒋᐊᕐᑎᑕᐅᓚᐅᕐᓯᒪᑎᓪᓗᒋᓂᑦ ᔭᓄᐊᕆ 2013-ᒥ ᑰᑦᔪᐊᒥ, ᐊᑐᓂᑦ ᐱᓇᓱᐊᕐᓯᒪᔪᑦ ᑐᑦᑐᓂᒃ ᓄᖑᑐᐃᓐᓇᑎᑦᓯᑌᓕᒍᑎᒋᓂᐊᕐᑕᒥᓂᒃ ᐱᓇᓱᐊᕈᑎᒋᓂᐊᕐᑕᒥᓂᓪᓗ ᐃᓗᕐᖁᓯᕐᒥᒍᑦ ᐃᓅᖃᑎᖃᕐᓂᒥᒍᓪᓗ ᑐᑦᑐᓂᒃ ᐊᑐᓂᓪᓗ ᐃᓚᐅᔪᖁᑎᒥᑕ ᓂᕿᑦᓴᖃᕆᐊᖃᕐᓂᖓᓂᒃ ᐃᓱᒫᓗᒍᑎᖃᕐᓱᑎᒃ. ᑖᒃᑯᐊ ᐱᓇᓱᐊᖃᑎᒌᓐᓂᕆᖃᑦᑕᑕᖓᑦ ᐃᑲᔪᕐᓯᓯᒪᔪᒻᒪᕆᒃ ᑲᖏᕐᓱᐊᓗᒃᔪᐊᑉ ᑐᑦᑐᖁᑎᖏᑦᑕ ᐱᓐᓂᐊᑕᐅᖃᑦᑕᓂᖏᓐᓂᒃ ᑖᒃᑯᐊ ᓄᖑᑐᐃᓐᓇᕆᐊᖃᕐᓂᒧᑦ ᐊᑦᑕᓇᕐᑐᒦᒻᒪᑕ.

“ᑕᕐᕿᓂ 18-ᓂ ᑲᑎᒪᖃᑦᑕᑐᑦ ᐱᒋᐊᓚᐅᔪᑎᓪᓗᒋᓂᑦ, ᐅᖓᕙᐅᑉ ᑐᑦᑐᖏᓐᓂᒃ ᐱᓇᓱᐊᖃᑎᒌᑦᑐᑦ ᐱᓇᓱᐊᖃᑎᒌᖏᓐᓇᑐᑦ ᓲᖑᓯᕙᓪᓕᐊᖏᓐᓇᓱᑎᓪᓗ ᑲᑎᒪᖃᑦᑕᓂᕐᒥᒍᑦ. ᑕᒪᓐᓇᓗ ᐊᑑᑎᓪᓚᕆᑦᑐᓂᒃ ᓄᐃᑦᓯᖃᑦᑕᓱᓂ, ᐅᑉᐱᕈᓱᑦᓯᐊᓱᖓᓗ ᓄᐃᑦᓯᒍᓐᓇᓚᖓᓂᑦᑎᓂᒃ ᓯᕗᓕᕈᓐᓇᓯᐊᕐᓂᑎᓐᓂᒃ ᓄᐃᑦᓯᒍᑎᒋᓂᐊᕐᑕᑎᓐᓂᒃ ᐅᖓᕙᐅᑉ ᑐᑦᑐᖏᑦᑕ ᐊᐅᓚᑕᐅᓂᖏᓐᓄᑦ”, ᓯᐊᔭ ᓕᐅ, ᐊᖓᔪᕐᖄᖅ ᓄᓇᑦᓯᐊᕗᑦ ᑲᕙᒪᖓᑕ ᑐᑭᒧᐊᑦᑎᓯᔨᐅᖃᑎᐅᑦᓱᓂᓗ ᐅᖓᕙᒥ ᑐᑦᑐᐃᑦ ᐱᓇᓱᐊᕐᑕᐅᓂᖏᓐᓄᑦ.

ᐅᖄᒍᑎᖃᓚᐅᕐᒥᔪᑦ ᑕᓯᐅᔭᐅᑉ ᑐᑦᑐᖁᑎᖏᑦᑕ ᑐᑦᑐᑕᐅᖃᑦᑕᓂᖏᓐᓂᒃ, ᐊᓯᐊᒍᑦ ᐊᑑᑎᒋᐊᕋᑦᓴᓂᒃ ᕿᓂᖃᑦᑕᕋᒥᒃ ᑖᒃᑯᓂᖓ ᐅᖄᒍᑎᖃᓚᐅᕐᑐᑦ ᓂᕿᒋᔭᐅᔪᓄᑦ ᐃᓚᐅᔪᒻᒪᕆᐅᒻᒪᑕ ᑭᓯᐊᓂᓗ ᓲᓱᒋᔭᐅᑦᓯᐊᕆᐊᖃᕐᓱᑎᒃ ᓄᓇᓖᑦ, ᐃᓄᖁᑎᖏᑦ ᓄᓇᒥᓂᓪᓗ ᑲᒪᒋᒋᐊᖃᕐᑕᖏᑦ.

“ᐊᒥᕐᖄᖃᑎᒌᓐᓂᖅ ᐃᓄᑦᑎᒍᑦ ᐱᒻᒪᕆᐅᒻᒪᑦ ᐊᖏᖃᑎᒌᑦᓯᒪᔪᑦ ᖃᓄᐃᓕᖓᑎᓪᓗᒍ ᓂᕿᒥᓂᒃ ᐊᑦᑕᓇᕐᑐᒨᕆᑦᑌᓕᒍᓐᓇᒪᖔᕐᒥᒃ ᐃᓗᕐᖁᓯᑦᑎᒍᓪᓗ ᐱᓇᓱᐊᖃᑎᒌᓐᓂᕆᓲᕗᑦ ᑲᔪᓯᑎᑦᓯᐊᓗᒍ ᓴᐳᒻᒥᓂᑦᑎᓂ ᓄᖑᑐᐃᓐᓇᑎᑦᓯᑌᓕᓂᑦᑎᓂ ᐅᖓᕙᐅᑉ ᑐᑦᑐᖁᑎᖏᓐᓂᒃ” ᐋᑕᒥ ᑕᓖᓪ-ᐊᓚᑯ, ᐊᖓᔪᕐᖄᑉ ᑐᖓᓂᖓ, ᐱᑦᓴᖑᕆᐊᓪᓚᒍᓐᓇᑐᓕᕆᓂᕐᒥᒃ ᒪᑭᕝᕕᒃ ᑐᑭᒧᐊᑦᑎᓯᔨᐅᖃᑎᐅᑦᓱᓂᓗ ᐅᖓᕙᒥ ᑐᑦᑐᐃᑦ ᐱᓇᓱᐊᕐᑕᐅᓂᖏᓐᓄᑦ.

ᐅᖓᕙᒥ ᑐᑦᑐᓕᕆᓂᕐᒥᒃ ᐱᓇᓱᐊᖃᑎᒌᑦᑐᑦ ᓄᖑᑐᐃᓐᓇᑎᑦᓯᑌᓕᓂᕐᒧᑦ ᐸᕐᓇᓯᒪᒍᑎᐅᓂᐊᕐᑐᓂᒃ ᐱᓇᓱᐊᖏᓐᓇᓚᖓᒻᒥᔪᑦ ᓄᓇᓕᑐᙯᑦ ᐱᕐᖁᓯᕐᒥᒍᑦ ᐱᓇᓱᐊᕈᑎᒋᓛᕐᑕᖓᓂᒃ ᓲᓱᑦᓴᓂᕐᒥᒍᑦ ᑐᑦᑐᓂᒃ.
ᑕᒪᒃᑯᐊ ᐱᓇᓱᐊᕐᑕᐅᓂᖏᒍᑦ ᐅᖓᕙᒥ ᑐᑦᑐᓕᕆᓂᕐᒥᒃ ᐱᓇᓱᐊᖃᑎᒌᑦᑐᑦ ᑑᕐᙰᑦ ᖃᕐᖃᖏᓐᓂ ᓂᕐᔪᑎᓕᕆᔩᑦ, ᐱᕈᕐᑐᓕᕆᔩᑦ ᐃᖃᓗᓕᕆᔩᓪᓗ ᐱᓇᓱᐊᖃᑦᑕᑕᖏᓐᓂᒃ ᐅᐱᒍᓲᑎᖃᑦᓯᐊᒥᔪᑦ ᖃᐅᔨᒍᑎᖃᑦᓯᐊᓯᒪᑦᓱᑎᓪᓗ ᐃᒣᓕᖓᒐᔭᕐᖁᒫᕈᑎᓕᐊᕆᓯᒪᔭᖏᓐᓂᒃ ᐅᖓᕙᐅᑉ ᑐᑦᑐᖏᓐᓄᑦ.

ᐅᖓᕙᐅᑉ ᑐᑦᑐᖏᓐᓂᒃ ᐱᓇᓱᐊᖃᑎᒌᑦᑐᑦ ᑲᑎᖕᖓᔨᖏᑦ
ᐅᖓᕙᐅᑉ ᑐᑦᑐᖏᓐᓂᒃ ᐱᓇᓱᐊᖃᑎᒌᑦᑐᑦ ᓄᓇᓕᑐᙯᑦ ᑲᑎᖕᖓᔩᑦ ᐅᑯᐊᖑᔪᑦ: ᐃᓄᐃᑦ ᓄᓇᕕᒻᒥᐅᑦ, ᐃᓄᐃᑦ ᓄᓇᑦᓯᐊᕗᒻᒥᐅᑦ, ᓄᓇᑐᖃᕗᑦ ᑲᑎᖕᖓᔨᖏᑦ, ᓇᔅᑳᐱᒃᑯᑦ ᑳᒍᐊᒍᐊᑦᓯᑲᒫᒃᒥ, ᐊᓪᓓᑦ ᑯᔩ ᑲᑎᖕᖓᔨᖏᑦ, ᐃᓅᒃᑯᑦ ᐊᓪᓓᑦ ᓛᐸᑐᐊᒥᐅᑦ ᐊᓯᓕᒫᖏᓪᓗ ᐃᓅᖑᒻᒥᔪᑦ ᐊᓪᓓᑦ ᑯᐯᒻᒥ.

Click here to download the PDF version of this Press Release

ᐊᑦᔨᖑᐊᖅ: ᑲᑎᖕᖓᒋᐊᕐᑐᓯᒪᔪᕕᓃᑦ ᓯᑕᒪᐅᒍᑎᒋᓕᕐᑕᖓᓄᑦ ᐅᖓᕙᒥ ᑐᑦᑐᐃᑦ ᑲᑎᖕᖓᒍᑕᐅᓂᖓᓄᑦ ᓄᓇᓕᑐᖃᕐᓄᑦ. ᐊᑦᔨᖑᐊᒦᖕᖏᑐᑦ: ᐊᓪᓓᑦ ᐃᓅ ᐊᑦᔨᓕᐅᕆᔪᖅ: ᓈᑎᐊ ᓴᑲᓈᔅ