ᒪᑭᕝᕕᒃ ᓈᒻᒪᓴᕐᑐᖅ ᓱᓕᖃᑎᒌᓐᓂᓄᓪᓗ ᓈᒻᒪᒋᐅᑎᓂᕐᓄᓗ ᐱᓂᐊᕐᓂᐅᓯᒪᔪᓂᒃ ᖃᐅᔨᓴᕐᑐᑦ ᑐᓴᕐᑎᓯᒍᑎᓕᐊᕆᓯᒪᔭᖏᓐᓂᒃ

ᑰᑦᔪᐊᖅ, ᓄᓇᕕᒃ – ᔫᓂ ᑉ, 2015- ᒪᑭᕝᕕᒃ ᓈᒻᒪᒋᔭᖃᕐᐳᖅ ᓱᓕᑎᑦᓯᓂᕐᒧᓗ ᓭᒻᒪᖃᑎᒌᖃᑎᖃᕐᓂᒧᓪᓗ ᐱᓂᐊᕐᓂᐅᓯᒪᔪᓂᒃ ᖃᐅᔨᓴᕐᓯᒪᔪᑦ ᑐᓴᕐᑕᐅᑎᓯᒍᑎᖏᓐᓂᒃ ᓇᓗᓇᐃᕆᒍᑎᐅᓯᒪᔪᓂᒃ ᓪᒃ-ᓂᒃ ᐃᒪᐃᓕᖓᒋᐊᖓᖁᔨᒍᑎᓂᒃ ᐃᓱᓕᑎᑦᓯᒍᑎᐅᓛᕐᓗᑎᒃ ᑲᓇᑕᒥ ᑲᕙᒪᑐᖃᒃᑯᑦ ᐱᐅᖕᖏᒪᕆᑦᑐᒥᒃ ᕿᒻᒪᖁᓰᓯᒪᒍᑎᖏᓐᓂᒃ ᐃᖏᕐᕋᑎᑦᓯᒍᑎᖃᕐᓂᒥᒍᑦ ᓄᓇᓕᑐᖃᕐᓂᒃ ᐊᖏᕐᕋᖃᕐᑎᓱᒋᑦ ᐃᓕᓐᓂᐊᕆᐊᕐᓯᒪᑎᑦᓯᖃᑦᑕᓯᒪᓂᕐᓂᒃ.

ᑖᒃᑯᐊ ᑐᓴᕐᑎᓯᒍᑏᑦ ᐅᓂᒃᑲᐅᓯᖃᕐᑐᑦ ᑲᓇᑕ ᐊᕐᕌᒍᓂ ᐊᓂᒍᕐᓯᒪᓕᕐᑐᓂ ᐃᓕᓐᓂᐊᑎᑦᓯᓂᕐᒨᓕᖓᔪᓂᒃ ᒪᓕᒐᖃᖁᑎᖃᕐᓯᒪᒋᐊᖓ ᓄᓇᓕᑐᖃᐃᑦ ᕿᑐᕐᖓᖏᓐᓂᒃ ᓲᕐᓗ ᕖᐃᓗᕐᖁᓯᑐᖃᖓᓂᒃ ᐊᓯᕈᐃᓂᖃᕐᓂᐊᓗᓂ” ᑕᒪᓐᓇᓗ ᑲᑉᐱᐊᓇᒻᒪᕆᑉᐳᖅ. ᐊᒥᓱᑦ ᓄᓇᕕᒻᒥᐅᑦ ᐃᓄᑐᐃᓐᓇᐃᑦ ᕿᑐᕐᖓᖏᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᕗᑦ ᐊᖏᕐᕋᖃᕐᑎᑕᐅᕕᒋᑦᓱᒋᑦ ᐃᓕᓐᓂᐊᕕᓐᓂᒃ ᓄᓇᖁᑎᐅᔪᒥ ᐃᓚᐅᑎᓪᓗᒋᑦ ᑰᑦᔪᐊᕌᓗᒃ, ᒫᓂᑑᐸ ᓄᓇᓕᕐᓚᖓᓃᑦᑐᖅ ᑕᒪᓐᓇ ᐱᐅᓯᕆᔭᐅᓯᒪᔪᖅ ᐊᕐᕌᒍᑦ 50 ᐊᓂᒍᕐᑐᑦ ᐅᖓᑖᓄᑦ, ᐅᓪᓗᒥᓗ ᐱᐅᖕᖏᑐᒥᒃ ᓄᐃᑦᓯᓯᒪᕗᑦ ᐅᓪᓗᒥ ᑕᑯᑦᓴᐅᓕᕐᑐᓂᒃ ᐊᒥᓱᑦ ᐃᒻᒥᓂᒃ ᐃᓅᓯᕐᒥᓂᒃ ᐱᖃᑦᑕᓂᖏᑎᒍᑦ, ᐃᓕᓐᓂᐊᕕᒻᒥ ᓄᕐᖃᐃᓇᖃᑦᑕᓂᑎᒍᑦ, ᐱᓇᓱᒐᑦᓴᖃᖕᖏᓂᒃᑯᑦ, ᑲᑉᐱᐊᓇᕿᓂᐅᕙᑦᑐᑎᒍᓪᓗ. ᐃᓗᓯᓕᕆᔩᓪᓗ ᐃᓄᑐᐃᓐᓇᐃᓗ ᐊᕐᕌᒍᓂ ᐊᒥᓱᓂ ᖃᐅᔨᒪᔪᑐᖃᐅᔪᑦ ᐸᓯᔭᑦᓴᑐᐊᖑᒋᐊᖏᑦ ᐃᓕᓐᓂᐊᕆᐊᕐᑎᓯᓂᐅᖃᑦᑕᓯᒪᔪᑦ ᐊᖏᕐᕋᖃᕐᕕᒋᖕᖏᑕᖏᓐᓂ ᐃᓕᓐᓂᐊᕕᓐᓂ ᑕᒪᒃᑯᓄᖓ ᐃᓅᑦᔪᓯᑎᒍᑦ ᓇᓛᒍᑦᓯᐊᖏᓐᓂᐅᕙᑦᑐᓄᑦ.

ᓱᓕᑎᑦᓯᓂᕐᒧᓗ ᓭᒻᒪᖃᑎᒌᖃᑎᖃᕐᓂᒧᓪᓗ ᐱᓂᐊᕐᓂᐅᓯᒪᔪᓂᒃ ᖃᐅᔨᓴᕐᓯᒪᔪᑦ ᐅᒃᑯᐃᓯᑐᐃᓐᓇᓯᒪᓕᕐᐳᑦ ᑕᒐ ᓲᕐᓗ ᓱᐱᔪᑎᑐᑦ ᑕᑯᑦᓴᕈᕐᑎᓗᒋᑦ ᐱᓐᓀᓗᑕᐅᔪᑦ ᑲᓇᑕᒥ ᐋᖕᖏᐊᖃᕈᑕᐅᔪᑦ ᐊᕐᕌᒍᓂ ᐅᓄᕐᑐᒐᓵᓗᓐᓂ. ᑕᒐᑕᒐᓕ ᑐᖕᖓᕕᒋᓗᒋᑦ ᓱᓕᑎᑦᓯᓂᕐᒧᓗ ᓭᒻᒪᖃᑎᒌᖃᑎᖃᕐᓂᒧᓪᓗ ᐱᓂᐊᕐᓂᐅᓯᒪᔪᓂᒃ ᖃᐅᔨᓴᕐᓯᒪᔪᑦ ᐅᖃᕐᓯᒪᔭᖏᑦ ᐱᓂᐊᕐᓂᖃᕈᑕᐅᒋᐊᖃᕐᐳᑦ ‘ᐃᓛᓂᐅᖕᖏᑐᕐᕕᖃᕐᓂᒥᒃ ᐱᓂᐊᕐᓂᖃᕐᓂᒧᑦ ᑎᑭᑦᑐᑦ,’ ᐊᑐᓕᕐᑎᓗᒋᑦ ᐃᒣᓕᖓᒋᐊᖔᕐᑐᓴᐅᕗᓰᕈᑎᐅᔪᑦ ᓴᕐᕿᑎᑦᓯᒍᑎᐅᒐᔭᕐᑐᓂᒃ ᓄᑖᓂᒃ ᐱᖁᔭᓕᐊᖑᒋᐊᓕᓐᓂᒃ ᓲᕐᓗ ᓄᓇᓕᑐᙯᑦ ᐃᓕᓐᓂᐊᑎᑕᐅᓂᖏᓐᓅᓕᖓᔪᑦ, ᐅᖃᐅᓯᖓᑦᑕ ᐊᓯᐅᑦᑌᓕᒋᐊᖃᕐᓂᖓᓄᑦ, ᐃᓗᓯᓕᕆᔭᐅᒍᑎᖏᑦᑕᓗ ᐃᕐᖃᑐᐃᕕᑦᑎᒍᓪᓗ ᐱᓂᐊᕐᑕᐅᒍᑎᒋᓲᖏᑎᒍᑦ.

ᓄᓇᕕᒻᒥᓕ, ᐊᒥᓱᐊᓗᓐᓂᒃ ᑕᒪᒃᑯᓂᖓ ᐱᔭᑦᓴᖁᑎᑖᒍᓯᒪᔪᓂᒃ ᑲᒪᒋᐊᕐᓯᒪᓕᕐᑐᒍᑦ ᐊᕐᖁᑎᖃᕐᓱᑕ ᐸᕐᓇᓯᒪᐅᑎᒥᒃ , ᓯᕗᓂᑦᓴᑎᓐᓂᒃ ᑕᐅᑐᒍᑎᑦᑎᓂᒃ. ᓴᕐᕿᑎᑕᐅᕕᖓ ᓈᒻᒪᓈᑦᓯᐊᓚᐅᕐᑐᖅ ᐊᑕᐅᑦᓯᑯᖃᑕᐅᓂᕐᒥᒍᑦ ᑲᓇᑕ ᐱᕕᖃᕐᑎᑕᐅᓂᖃᓕᕐᑎᓗᒍ ᐃᑉᐱᒍᓱᒋᐊᑦᓯᐊᓂᕐᒥᒃ ᓄᓇᓕᑐᖃᕐᓂᒃ, ᐃᓄᑐᐃᓐᓇᓂᒃ, ᓄᓇᖃᖅᑳᓯᒪᔪᓂᓪᓗ, ᒦᑎᔅᓂᓪᓗ ᐃᓅᖃᑎᒌᖃᑎᖃᕈᓯᒥᓂᒃ.

ᒪᑭᕝᕕᒃ ᐅᖃᐅᓯᖃᖕᖏᑐᔪᒪᖕᖏᓚᖅ ᓇᑯᕐᓴᓱᓂ ᐃᕐᖃᑐᐃᔨᐅᑉ ᒨᕆ ᓰᓐᑭᓕᐊᓪᓗ, ᐋᓐᓂᐊᓯᐅᕐᑎᒪᕆᒃ ᒪᕇ ᒍᐃᓪᓴᓐᓗ, ᐊᒻᒪᓗ ᐊᓪᓓᑦ ᓯᕗᓕᕐᑎᖓᑕ ᒍᐃᓪᑕᓐ ᓕᑐᓪᓭᓪᑕᐅᓪᓗ ᑰᑦᔪᐊᒧᑦ, ᐃᓄᑦᔪᐊᒧᓪᓗ ᑕᑯᓂᐊᕐᓂᕆᓚᐅᔪᔭᖏᓐᓂᒃ ᒫᑦᔨ ᑉᔾᖖ-ᖑᑎᓪᓗᒍ ᓈᓚᒋᐊᕐᓱᑎᒃ ᓄᓇᕕᒻᒥᐅᑦ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᓂᐅᑦᓱᑎᒃ ᐊᓐᓇᓯᒪᔪᑦ ᐅᓂᒃᑲᐅᓯᑦᓴᖏᓐᓂᒃ, ᑖᒃᑯᐊᓗ ᐅᖓᓯᑦᑐᐊᓗᒻᒥᑦ ᐱᑦᓱᑎᒃ ᑐᓵᒋᐊᓚᐅᔪᒋᐊᖏᑦ ᓱᓪᓕᑕᐅᔪᓂᓪᓗ ᖁᕕᐊᓇᖕᖏᑐᐊᓘᑦᓱᑎᓪᓗ ᐱᓂᐊᕐᕕᐅᒍᑎᐅᓯᒪᔪᓂᒃ. ᑖᒃᑯᐊ ᐃᓗᖏᕐᑐᓂᖃᕐᓱᑎᒃ ᐱᓇᓱᓚᐅᔪᓂᖏᑦ ᐃᑲᔪᕐᓯᓂᖃᒻᒪᕆᓚᖓᔪᑦ ᑲᓇᑕᒥᐅᓕᒫᑦᓭᒻᒪᐅᑎᖃᑎᒌᓐᓂᓂᒃ ᐱᔭᖃᕐᓂᕆᓂᐊᕐᑕᖏᓐᓂᒃ.

”ᑲᓇᑕᐅᑉ ᑲᕙᒪᖓᑕ ᐊᖓᔪᕐᖄᒪᕆᖓ ᓯᑏᕙᓐ ᖃᐅᐳ ᑉᔾᔾᓐ-ᖑᑎᓪᓗᒍ ᐅᖃᐅᓯᖃᓚᐅᔪᔪᖅ ᑐᓴᕐᓴᐅᒍᑎᒋᑦᓱᓂᒋᓪᓗ ᐃᓛᓂᐅᖕᖏᑐᕐᕕᖃᕐᓃᑦ ᐊᖏᕐᕋᖃᕐᑎᓱᒋᑦ ᐊᖏᕐᕋᕆᖕᖏᑕᖏᓐᓂᒃ ᐃᓕᓐᓂᐊᕆᐊᕐᑎᑕᐅᖃᑦᑕᓯᒪᔪᓂᒃ ᑌᒪᖕᖓᒥᓪᓗ ᐅᓪᓗᒥ ᑐᓴᕐᑎᑕᐅᒍᑎᖃᕐᓯᒪᓕᕐᖁᒍᑦ ᐊᑕᖏᕐᑎᓗᒋᑦ ᐅᓂᒃᑲᐅᓯᕐᑕᖏᑦ ᐊᕐᖁᓯᐅᕐᑕᐅᒍᑎᒋᓕᕐᑕᑎᓐᓂᒃ ᑌᒃᑯᓇᖕᖓᓂᑦ ᒪᑭᒋᐊᕐᓂᒧᑦ. ᐊᑏᒋᓐᓈ ᑕᒪᑐᒥᖓ ᐊᑑᑎᓕᕐᑕ,ᕖ ᐅᖃᕐᐳᖅ ᔫᐱ ᑕᕐᕿᐊᐱᒃ, ᒪᑭᕝᕕᐅᑉ ᐊᖓᔪᕐᖄᒪᕆᖓ.

For more information contact:
William Tagoona
Communications Coordinator and Media Relations
wtagoona@makivik.org
819-964-2925


Makivik is the development corporation mandated to manage the heritage funds of Inuit of Nunavik provided for in the James Bay and Northern Québec Agreement. Makivik’s role includes the administration and investment of these funds and the promotion of economic growth.