ᒪᑭᕝᕕᐅᑉ ᑎᓕᔭᐅᒪᒍᑎᖏᑦ

ᒪᑭᕝᕕᑯᑦ ᐊᑦᔨᒋᔭᐅᖏᑑᓂᓕᒻᒥᒃ ᑎᓕᔭᐅᒪᒍᑎᖃᕐᐳᑦ ᒪᑯᓂᖓ ᐊᖏᔪᓂᒃ ᖄᖏᕐᓂᑯᓕᐅᕈᓐᓇᑐᓂᒃ ᐱᔅᓇᓯᓂᒃ ᑮᓇᐅᔭᓕᐅᕐᑎᐅᒐᓱᐊᕐᓗᓂ ᓄᐃᑦᓯᖃᑦᑕᓗᓂᓗ ᐱᓇᓱᒐᑦᓴᓂᒃ; ᐃᓅᓯᕐᑎᒍᑦ ᒪᑭᑕᒐᓱᐊᕐᓂᑎᒍᓪᓗ ᐱᕙᓪᓕᐊᑎᑦᓯᒐᓱᐊᕐᓂᒥᒃ, ᐱᐅᓯᓕᐅᒥᑎᑦᓯᒐᓱᐊᕐᓗᑎᓪᓗ ᐃᓪᓗᐃᓂᐊᕐᓂᒥᒃ, ᓴᐳᑦᔨᓗᑎᓪᓗ ᐃᓄᐃᑦ ᐅᖃᐅᓯᖓᓂᒃ ᐃᓗᕐᕈᓯᖓᓂᓪᓗ ᐊᒻᒪᓗ ᐊᕙᑎᑐᖃᕐᒥᒃ. 2017-ᒥ, ᒪᑭᕝᕕᑯᑦ ᓄᐃᑦᓯᓚᐅᔪᕗᑦ ᓄᕝᕕᑎ ᐱᕙᓪᓕᐊᑎᑦᓯᒐᓱᐊᕐᑎᓯᔩᑦ ᑎᒥᖁᑎᖓᓂᒃ ᐊᐅᓚᑦᓯᔨᐅᓂᐊᓕᕐᑎᓗᒍ ᑎᒥᐊᕈᐃᑦ ᑲᒻᐸᓂᖏᓐᓂᒃ ᐊᒻᒪᓗᑦ ᑖᒃᑯᓄᖓ ᑲᑐᑦᔨᓂᒃᑯᑦ ᐱᓇᓱᐊᖃᑎᖏᓐᓄᑦ.

ᑌᒪᖕᖓᓂᑦ ᓄᐃᑕᐅᓕᓚᐅᕐᓯᒪᒻᒪᓂᑦ ᒪᑭᕝᕕᑯᑦ ᓂᐸᖃᖃᑦᑕᓯᒪᓕᕐᑐᑦ ᑭᒡᒐᑐᕐᓱᑎᒃ ᓄᓇᕕᐅᑉ ᐃᓄᖏᓐᓂᒃ ᑕᑯᓐᓈᑕᐅᑎᑦᓯᓯᐊᕋᓱᐊᕐᓱᑎᒃ ᐱᖁᔭᕐᔪᐊᑎᒍᑦ ᓴᐳᑦᔭᐅᓯᒪᔪᓂᒃ ᓄᓇᕕᒻᒥᐅᓕᒫᑦ ᐱᔪᓐᓇᐅᑎᖏᓐᓂᒃ.

ᑎᓕᔭᐅᒪᒍᑎᒥᓂᒃ ᑲᔪᓯᑎᑦᓯᓕᑐᐊᕋᒥᒃ ᐱᒋᐊᕐᑎᑕᐅᓯᒪᔪᓂᒃ ᐊᑎᓕᐅᕐᑕᐅᑐᐊᕐᒪᑕ ᑖᓐᓇ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᑦ, ᒪᑭᕝᕕᑯᑦ ᐱᓇᓱᐊᕐᕕᖃᓲᖑᕗᖅ ᓄᓇᕕᐅᑉ ᓄᓇᖓᓂ ᐃᓚᖃᕐᓱᓂ ᑎᒥᒻᒪᕆᓐᓂᒃ ᓄᐃᑕᐅᓯᒪᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᑎᒍᑦ, ᑲᕙᒪᒋᔭᐅᔪᓂᓪᓗ ᑯᐯᒃᑯᓄᑦ ᐊᒻᒪᓗ ᑲᓇᑕᐅᑉ ᑲᕙᒪᖓᓄᑦ.

ᒪᑭᕝᕕᑯᑦ ᐱᓇᓱᐊᖃᑎᖃᓲᖑᒻᒥᔪᖅ ᐃᓅᖃᑎᒥᓂᒃ ᐃᓄᐃᑦ ᓄᓇᖏᓐᓃᑐᓂᒃ – ᐃᓄᐃᑦ ᐊᖏᕐᕋᖃᕐᕕᖓᓂᑦᑐᓂᒃ – ᐃᓚᒋᔭᐅᑦᓱᓂ ᑲᓇᑕᓕᒫᒥ ᐃᓄᐃᑦ ᐱᓂᐊᕐᓂᓕᕆᓂᖏᓐᓄᑦ, ᑭᒡᒐᑐᕐᑕᐅᓂᖃᕐᑐᓄᑦ ᐃᓄᐃᑦ ᑕᐱᕇᑦ ᑲᓇᑕᒦᒃᑯᓄᑦ. ᓯᓚᕐᔪᐊᑉ ᑲᑦᔨᖓᓂᒥᐅᑎᒍᑦ, ᐃᓚᐅᔫᖃᑕᐅᒻᒥᓱᑎᒃ ᐃᓄᐃᑦ ᓯᓚᕐᔪᐊᒥᐅᑦ ᑲᑎᒪᔨᖏᓐᓄᑦ.