NILCA

ᐱᐅᓯᕆᔭᐅᓯᒪᔪᓄᑦ – ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖏᑦ
nilca

ᐅᑯᐊ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖏᑦ (ᓄᓇᑖᕐᓂᒧᑦ ᐊᖏᖃᑎᒌᒍᑎᖏᑦ) ᐊᑐᓕᕐᑎᑕᐅᓚᐅᔪᕗᑦ ᔪᓓ 10, 2007-ᒥ. ᑖᒃᑯᐊ ᐃᓕᖓᑎᑕᐅᔪᑦ ᑕᕆᐅᕐᒨᓕᖓᔪᓄᑦ ᑯᐯᒃᒥ ᐊᕙᓗᐃᓯᒪᔪᒧᑦ, ᓛᐸᑐᐊᑉ ᑕᕐᕋᖓᓄᓪᓗ ᐊᒻᒪᓗ ᓛᐸᑐᐊᑉ ᑕᕐᕋᖓᑕ ᐃᒪᕐᐱᖓᓄᑦ.

ᓄᓇᕕᐅᑉ ᐃᓄᖏᑦᑕ ᐱᔪᓐᓇᐅᑎᖏᑦ ᑕᕆᐅᕐᒨᓕᖓᔪᐃᑦ ᐃᓕᑕᕆᔭᐅᓕᓚᐅᔪᕗᑦ ᐱᔭᕇᕐᑕᐅᒪᖕᖏᒋᐊᖏᑦ ᐅᑯᐊ 1975-ᒥ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᑦ ᐱᓇᓱᐊᕐᑕᐅᑎᓪᓗᒍ. ᑭᓯᐊᓂᓕ ᐊᒥᓱᒻᒪᕆᓐᓂᒃ ᐊᕐᕌᒍᕐᓂᒃ ᖃᐅᔨᓴᕐᑕᐅᔪᖃᓚᐅᑲᑦᑎᓗᒍ ᐱᓂᐊᕐᓂᓕᕆᓂᕐᑎᒍᓪᓗ ᓵᖕᖓᔭᐅᔪᖃᖃᑦᑕᑎᓪᓗᒍ ᑲᕙᒪᓂᒃ ᐃᓕᑕᕆᔭᐅᔪᓂᒃ ᐅᖃᒻᒪᕆᑦᑕᐅᓯᒪᔪᓂᒃ ᐊᖏᕐᑕᐅᔪᖃᓯᓚᐅᔪᕗᖅ ᔭᓄᐊᕆ 1992-ᒥ ᐊᖏᖃᑎᒌᒐᓱᐊᕐᑐᖃᕐᓂᐊᓕᕐᑎᓗᒍ ᐃᓚᒋᓗᒋᑦ ᑲᕙᒪᑐᖃᒃᑯᑦ. ᑌᑦᓱᒪᓂᐅᑎᓪᓗᒍ, ᐃᒻᒥᒍᕐᑐᒥᒃ ᓛᐸᑐᐊᕐᒥᐅᑦ ᐅᖃᒻᒪᕆᐅᑎᖏᓐᓂᒃ ᐸᕐᓇᑕᐅᔪᖃᓯᓚᐅᕐᓯᒪᔪᖅ. ᐊᖏᕐᑕᐅᓯᓚᐅᔪᑦ ᐊᖏᖃᑎᒌᒐᓱᐊᕈᑕᐅᓂᐊᓕᕐᑎᓗᒋᑦ ᔫᓂ 1993-ᒥ.

 

ᐅᑯᐊ ᐃᓚᖏᑦ ᑲᒪᒋᔭᐅᓗᐊᖑᐊᓚᐅᔪᐃᑦ:

  • ᓄᓇᕕᐅᑉ ᐃᓄᖏᑦ ᒫᓐᓇᑯᑦ ᓇᒻᒥᓂᖃᓕᕐᑐᑦ 80% ᐳᓴᓐᑎᖏᓐᓂᒃ ᕿᑭᕐᑕᓕᒪᑦ, ᐃᓚᖃᕐᑐᓂᒃ ᓄᓇᐅᑉ ᖄᖓᓃᑦᑐᓄᓪᓗ ᐊᑖᓃᑦᑐᓄᓪᓗ, ᓄᓇᕕᐅᑉ ᑕᕆᐅᖁᑎᖓᓂ, ᐊᖏᓂᓕᒫᖃᕐᑐᓂᒃ 5,300-ᓂᒃ ᓯᒃᑭᑕᓂᒃ ᑭᓚᒦᑕᓂᒃ (sq. km).
  • ᒪᑭᕝᕕᑯᑦ ᐱᖃᑦᑕᓕᕐᑐᐃᑦ $86 ᒥᓕᐊᓐᑖᓚᓂᒃ ᑮᓇᐅᔭᒻᒪᕆᓐᓂᒃ ᑕᒪᑦᓱᒧᖓᓗ ᑮᓇᐅᔭᖃᕐᑎᑕᐅᒍᑎᓂᒃ, ᑖᒃᑯᐊ $55 ᒥᓕᐊᓐᑖᓓᑦ ᑮᓇᐅᔭᖃᕐᑎᓯᒍᑎᐅᓂᐊᕐᑎᓗᒋᑦ ᓄᓇᕕᐅᑉ ᐃᓄᖏᑦᑕ ᑎᒍᒥᐊᕐᑕᖏᓐᓂᒃ ᑖᒃᑯᐊ ᐊᒡᒍᑐᐃᒍᓐᓇᓂᐊᕐᑎᓗᒋᑦ ᐃᓄᑑᓈᕐᑎᑐᓄᑦ ᓄᓇᕕᐅᑉ ᐃᓄᖏᓐᓄᑦ.
  • ᑲᒪᔨᐅᖃᑎᒋᑦᑐᓂᒃ ᑎᒥᓂᒃ ᑐᑭᑖᕆᒍᓐᓇᓲᓂᒃ ᓄᐃᑕᐅᔪᖃᕐᓱᓂ ᑲᒪᒋᔭᖃᕐᓂᐊᑐᓂᒃ ᐆᒪᔪᓕᕆᓂᒃᒥᑦ, ᓄᓇᐅᑉ ᐊᐅᓚᑕᐅᓂᖓᓂᒃ, ᐊᒻᒪᓗ ᐱᕙᓪᓕᐊᑎᑕᐅᔪᐃᑦ ᓱᕐᕃᓂᖏᓐᓂᒃ ᐱᑦᔪᑎᓕᓐᓄᑦ.
  • ᐆᒪᔪᓄᑦ ᐊᑭᓕᕐᑕᐅᒍᑎᓄᑦ ᐊᐅᓚᑦᓯᒪᕆᐅᑎᓂᒃ ᐱᕙᓪᓕᐊᑎᑦᓯᒐᓱᐊᕐᓂᐊᑐᑦ ᐊᑭᓕᕋᑦᓴᑖᕐᑎᑕᐅᒍᓐᓇᓂᐊᕐᑎᓗᒋᑦ ᑖᓐᓇ ᐱᒐᓱᐊᕐᕕᓕᒃ ᓱᓕᑎᑦᓯᒍᑎᖃᕆᐊᑐᕐᓂᐊᑎᓐᓇᒍ ᐊᓯᐅᔨᒍᑎᖓᓄᑦ ᓱᒃᑯᑕᐅᒍᑎᖓᓄᓪᓘᓃᑦ ᐱᕙᓪᓕᐊᑎᑕᐅᒐᓱᐊᕐᑐᐃᑦ ᓱᓇᓱᐊᕐᑕᐅᔪᖃᓕᑐᐊᕐᐸᑦ.
  • ᐱᔪᓐᓇᐅᑏᑦ ᓱᕐᖁᐃᑕᐅᒪᒍᑎᖏᓐᓂᒃ ᐱᕕᖃᕐᑎᑕᐅᔪᖃᕐᓱᓂ ᐊᑐᕐᓱᒍ ᐅᓇ “ᓃᓂᕐᑕᐅᒪᖕᖏᑐᒃᑯᑦ ᐊᑑᑎᔭᐅᓂᐊᕐᑐᒥᒃ” ᐃᒣᑦᑑᖏᖔᕐᓗᓂ “ᓴᒃᑯᓯᓂᖅ ᐊᒻᒪᓗ ᖃᒥᑎᕆᓂᖅ” ᑕᒪᓐᓇᐅᑎᑕᐅᒻᒪᑦ ᔦᒥᔅᐯᑉ ᐊᖏᖃᑎᒌᓐᓂᖓᓂ.

ᒪᑭᕝᕕᑯᑦ ᐃᓂᖃᑦᓯᐊᑐᒻᒪᕆᐅᕗᑦ ᐱᕙᓪᓕᕈᓐᓇᓂᐊᕆᐊᒥᒃ ᑕᒪᒃᑯᓇᖕᖓᑦ ᓄᑖᓂᑦ ᐱᕕᑦᓴᖃᕐᑎᓯᒍᑕᐅᔪᓂᒃ ᑖᒃᑯᓇᓂ ᓄᓇᑖᕐᓂᒧᑦ ᐊᖏᖃᑎᒌᒍᑎᖏᓐᓂ. 40 ᐊᕐᕌᒍᐃᑦ ᐅᖓᑖᓄᕐᑐᓄᑦ ᐊᖏᖃᑎᒌᒐᓱᐊᖃᑦᑕᓯᒪᓕᕐᓱᑎᒃ,