ᑎᒥᐅᔪᖅ

Ivakkak Race - The return of the Inuit Dogs

Ivakkak Race – The return of the Inuit Dogs

ᐱᓂᐊᕐᓂᓕᕆᓂᕐᑎᒍᑦ, ᐃᓗᕐᕈᓯᕐᑎᒍᑦ ᒪᑭᑉᐸᓕᐊᒐᓱᐊᕐᓂᑯᓪᓗ, ᒪᑭᕝᕕᑯᑦ ᓯᕗᓕᕐᓯᓯᒪᓕᕐᑐᑦ ᐱᕈᕐᓭᓱᑎᒃ ᐱᕙᓪᓕᐊᑎᑦᓯᓱᑎᓪᓗ ᓄᓇᒥᒃ ᑌᔭᐅᒍᓯᓕᒻᒥᒃ ᓄᓇᕕᒻᒥᒃ, ᑖᒃᑯᐊ ᑲᓇᑕᐅᓪᓗ ᑯᐯᒃᓗ ᓄᓇᕐᔪᐊᖁᑎᖏᑦᑕ ᐊᑯᓐᓂᖏᑎᒍᑦ, ᐃᓄᐃᑦ ᓄᐃᑦᓯᓯᒪᓕᕐᒪᑕ ᓇᒻᒥᓂᖅ ᐊᑦᔨᒋᔭᐅᓂᖃᖕᖏᑐᒥᒃ ᐃᓂᒥᒃ ᐃᓕᑕᕆᔭᐅᒪᓂᕐᒥᓗ.

ᒪᑭᕝᕕᒃ, ᐃᓄᑦᑎᑐᑦ ᑐᑭᖃᕐᓱᓂ ᐃᒫᒃ, “ᒪᑭᒋᐊᕐᓗᓂ” ᐊᑦᓰᓯᒪᒍᑎᑦᓯᐊᖑᔪᖅ ᑎᒥᒥᒃ ᑎᓕᒪᔭᐅᒪᒍᑎᓕᒻᒥᒃ ᓂᐱᖃᖁᔭᐅᑦᓱᓂ ᐃᓄᐃᑦ ᓄᓇᕕᒻᒥᐅᑦ ᑭᒡᒐᑐᕐᓗᒋᑦ, ᐊᒻᒪᓗ ᓴᐳᑦᔨᓯᒪᓗᒋᑦ ᐱᔪᓐᓇᐅᑎᖏᑦ, ᐱᔪᑦᓴᐅᔮᕈᑎᖏᓪᓗ ᑮᓇᐅᔭᑎᒍᑦ ᐊᑭᓕᕐᑕᐅᒍᑎᒋᓯᒪᔭᖏᓐᓂᓗ ᐱᕕᖃᕐᑎᑕᐅᓯᒪᔪᓂᒃ ᐅᑯᓄᖓ 1975-ᒥ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖅ, ᓯᕗᓪᓕᐸᐅᑦᓱᑎᒃ ᐊᖏᖃᑎᒌᒍᑎᒻᒪᕆᐅᓯᒪᔪᓂᒃ ᐃᓄᐃᑦ ᓄᓇᑖᕋᓱᐊᕈᑎᖏᓐᓄᑦ ᑲᓇᑕᒥ, ᐊᒻᒪᓗ ᖃᒻᒥᐅᓂᕐᓴᒥ ᐅᑯᓄᖓ ᓄᓇᕕᐅᑉ ᐃᓄᖏᑦᑕ ᓄᓇᑖᕐᓂᒧᑦ ᐊᖏᖃᑎᒌᒍᑎᖏᑦ ᐊᑐᓕᕐᑎᑕᐅᓚᐅᔪᓂᒃ 2008-ᒥ.

ᒪᑭᕝᕕᑯᑦ ᑎᓕᔭᒪᐅᒍᑎᖏᑦ ᒪᑯᓄᖓ ᐃᓕᖓᕗᑦ ᓇᒻᒥᓂᖃᕐᓗᑎᒃ ᐊᖏᔫᓂᖃᕐᑐᓂᒃ ᖄᖏᕐᓂᑯᓕᐅᓲᓂᒃ ᐱᔅᓇᓯᑎᒍᑦᒪᑭᑉᐸᓕᐊᒐᓱᐊᕈᑎᑎᒍᑦ ᑮᓇᐅᔭᓕᐅᕋᓱᐊᕐᑎᓂᒃ ᐊᒻᒪᓗ ᐱᓇᓱᒐᑦᓴᓕᐅᕐᓗᑎᒃ; ᐃᓅᓯᕐᑎᒍᑦ ᒪᑭᑕᒐᓱᐊᕐᓂᒥᒃ ᐱᕙᓪᓕᐊᑎᑦᓯᒐᓱᐊᕐᓂᒥᒃ, ᐱᐅᓯᓕᐅᒥᑎᑦᓯᓗᑎᓪᓗ ᐃᓪᓗᖃᑦᓯᐊᖏᑦᑑᓂᕐᒥᒃ, ᓴᐳᑦᔨᓗᑎᓪᓗ ᐃᓄᐃᑦ ᐅᖃᐅᓯᖓᓂᒃ ᐃᓗᕐᕈᓯᖓᓂᓪᓗ ᐊᒻᒪᓗ ᐊᕙᑎᑐᖃᖓᓂᒃ. 2017-ᒥ, ᒪᑭᕝᕕᑯᑦ ᓄᐃᑦᓯᓚᐅᔪᕗᑦ ᐆᒥᖓ ᓄᕝᕕᑎ ᐱᕙᓪᓕᐊᑎᑦᓯᒐᓱᐊᕐᑎᓯᔩᑦ ᒪᑭᑉᐸᓕᐊᒐᒧᐊᕐᓱᓂᒧᑦ ᑎᒥᖁᑎᖓᓂᒃ ᐊᐅᓚᑦᓯᔨᐅᓂᐊᓕᕐᑎᓗᒍ ᑎᒥᐊᕈᐃᑦ ᑲᒻᐸᓂᖏᓐᓂᒃ ᐊᒻᒪᓗ ᑲᑐᑦᔮᖑᔪᓂᒃ ᐊᖏᖃᑎᒌᒍᑎᑎᒍᑦ ᐱᓇᓱᐊᖃᑎᒌᓐᓂᑯᑦ.

ᒪᑭᕝᕕᐅᑉ ᐱᓇᓱᐊᕐᑕᖏᑦ ᑕᑯᑦᓴᐅᑎᑕᐅᕗᑦ ᑕᒪᒃᑯᐊ ᐅᓪᓗᒥ ᓄᓇᓕᑐᙯᑦ ᐊᖏᒻᒪᕆᐅᑎᖏᑦ ᐅᕝᕙᓘᓐᓃᑦ ᓄᓇᑖᕐᓂᒧᑦ ᐃᓂᓪᓓᒍᑎᖏᑦ ᐱᕙᓪᓕᐊᖁᑎᒋᔭᐅᓂᐊᓕᕐᑎᓗᒋᑦ ᑲᕙᒪᓄᑦ ᐃᓄᓐᓄᓗ.

1975-ᒥ ᐊᖏᖃᑎᒌᒍᑏᑦ ᓯᕗᓪᓕᐹᑦ ᐊᑎᓕᐅᕐᑕᐅᑐᐊᕐᒪᑕ, ᐃᒣᓕᖓᓂᖃᓯᓚᐅᔪᒻᒪᑕ ᑕᒪᓐᓇ “ᐃᓂᓪᓓᒍᑏᑦ ᐃᓄᐃᑦ ᓄᓇᑖᕋᓱᐊᕈᑎᖏᓐᓂᒃ” ᑕᑯᓐᓈᑕᐅᓂᖃᕐᑎᓗᒍ ᐃᒣᓕᖓᔪᒥᒃ “ᓄᑖᒥᒃ ᐱᒋᐊᕐᑎᓯᓂᕐᒥᒃ” ᐃᓱᒪᒋᑦᓱᒍ ᐱᕙᓪᓕᐊᑎᑦᓯᒐᓱᐊᕐᓂᒥᒃ ᑲᔪᓯᑎᑦᓯᓂᕐᒥᓗ ᓄᑖᒥᒃ ᖃᓄᐃᓕᐅᖃᑎᒋᓐᓂᒥᒃ ᐊᒻᒪᓗ ᐱᔅᓇᓯᑎᒍᑦ ᐱᓇᓱᖃᑎᒋᓐᓂᒥᒃ ᐃᓚᒋᓗᒋᑦ ᑲᓇᑕᐅᓪᓗ ᑯᐯᒃᑯᓗ ᑲᕙᒪᖏᑦ.

ᒪᑭᕝᕕᑯᑦ ᐊᒻᒪᓗ ᑎᒥᐊᕈᖁᑎᖏᑦ ᐱᐅᔫᓂᖃᕐᑐᓂᒃ ᐅᓂᒃᑲᐅᓯᑦᓴᖃᑦᓯᐊᒪᑕ ᐊᒻᒪᓗ ᑕᒃᑯᑎᒎᓇ ᖃᕆᑕᐅᔭᕐᑎᒍᑦ ᕿᒥᕐᕈᔭᐅᖁᔨᔪᒍᑦ ᐃᓕᑦᓯᓕᐅᒥᓂᐊᕋᑦᓴᓂ ᒪᑭᕝᕕᐅᑉ ᐊᒻᒪᓗ ᓄᓇᕕᐅᑉ ᐃᓄᖏᑦᑕ ᒥᑦᓵᓄᑦ.