ᐅᖓᓗᒃᑯᑦ ᐊᓯᑦᔨᑐᐃᔪᑦ ᐱᓂᕐᓗᑌᓕᒪᑎᑦᓯᓂᕐᒧᑦ ᑐᑦᓯᕋᐅᑎᓕᐅᕐᓂᒥᒃ

quartaq1Kuujjuaq, October 7, 2014 …… ᐅᖓᓗᒃᑯᑦ ᑮᓇᐅᔭᖃᕐᑎᓯᒍᑎᖏᓐᓄᑦ ᐱᓇᓱᐊᕐᓂᖅ, ᐊᐅᓚᑕᐅᑦᓱᓂ ᒪᑭᕝᕕᑯᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᑐᓴᕐᑎᓯᒍᑎᖃᕐᐳᑦ ᓄᑖᓂᒃ ᒪᓕᒐᕐᓂᒃ ᑐᙵᕕᐅᒋᐊᓕᓐᓂᓗ ᑮᓇᐅᔦᑦ ᐊᐅᓚᑕᐅᓂᖏᓐᓄᑦ. ᑖᒃᑯᐊ ᓄᑖᑦ ᒪᓕᒉᑦ, ᑐᙵᕕᐅᒋᐊᓖᓪᓗ ᐊᑐᓕᕐᑎᑕᐅᓯᒪᔪᑦ ᐃᓄᐃᑦ ᑮᓇᐅᔭᓂᒃ ᐊᑐᕈᒪᔪᑦ ᑐᑭᓯᒪᓂᕐᓴᐅᖁᓪᓗᒋᑦ, ᓱᕐᖁᐃᓯᓂᕐᒧᑦ ᑮᓇᐅᔭᐃᑦ ᐊᑐᕐᑕᐅᓯᐊᕐᓂᖏᓐᓂᒃ ᐱᓂᕐᓗᑌᓕᒪᑎᑦᓯᓂᕐᒧᑦ, ᐃᓄᐃᓪᓗ ᖃᓄᐃᙱᓯᐊᕐᓂᖏᓐᓄᑦ, ᐃᑯᓪᓚᑎᑦᓯᒐᓱᐊᕐᓂᒧᓪᓗ ᐱᓂᕐᓗᓂᕐᒥᒃ.

ᐅᖓᓗᒃᑯᑦ ᑮᓇᐅᔭᖃᕐᑎᓯᓂᖓ ᐱᒋᐊᙵᓯᒪᕗᖅ ᓴᓇᕐᕈᑎᒃ ᐊᖏᖃᑎᒌᓐᓂᖅ ᐋᕐᕿᑕᐅᓚᐅᕐᑎᓗᒍ 2006-ᒥ ᑯᐯᒃᑯᒃ ᑲᕙᒪᖓᓄᑦ ᑮᓇᐅᔭᖃᕐᑎᑕᐅᑦᓱᓂ ᐊᐅᓚᑕᐅᓚᖓᑎᓪᓗᒋᑦ ᒪᑭᕝᕕᒧᑦ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐊᑐᕐᓂᐊᑎᓪᓗᒋᑦ ᓯᕗᕐᖏᓂᓯᒪᓂᕐᒧᑦ ᐊᒻᒪᓗ ᐊᑭᓴᕐᑐᓂᕐᒧᑦ ᐱᓂᕐᓗᖓᒍᑎᓂᒃ, ᑫᓗᐊᓂᕐᒧᓗ ᐊᑦᑕᓇᕐᑐᖃᙱᑐᓂᒃ ᐊᒻᒪᓗ ᖃᓄᐃᙱᑐᑦᓯᐊᓂᒃ ᓄᓇᓕᖃᕐᓂᒥᒃ ᐃᒫᒃ, ᐊᓯᐊᒍᒐᓗᐊᕐᓗ, ᐃᓗᕐᕈᓯᕐᒧᑦ ᐃᓱᐊᕐᑐᓂᒃ ᐋᕐᕿᓱᐃᒍᑎᖃᖃᑦᑕᓗᓂ, ᐱᐅᓯᒋᐊᕆᓗᓂ ᐃᓅᖃᑎᒌᓐᓂᒥᒃ ᓄᓇᕕᐅᑉ ᐃᓗᐊᓂ, ᐃᑲᔪᕐᓯᓂᕐᒧᓗ ᐱᓂᕐᓗᑕᐅᓯᒪᔪᓄᑦ ᐱᓂᕐᓗᖓᒍᑎᖃᕐᑎᓗᒍ ᐊᒻᒪᓗ ᐱᐅᓯᒋᐊᕆᓗᓂ ᐱᓂᕐᓗᓚᐅᕐᓂᑯᓂᒃ ᐋᕐᕿᓱᐃᒍᑎᓂᒃ ᐃᓄᓐᓄᑦ ᑐᕌᖓᔪᓂᒃ.

ᑕᕝᕙᓂ ᐊᕐᕌᒍᒥ ᐅᖓᓗᒻᒥᒃ ᑐᑭᒧᐊᑦᑎᓯᔨ, ᐃᑲᔪᕐᑕᐅᓱᓂ ᓄᓇᕐᔪᐊᓕᒫᓂ ᐱᑦᔪᔨᕕᒻᒪᕆᒻᒧᑦ ᐱᓂᕐᓗᖓᐅᑎᓂᒃ ᓯᕗᕐᖏᓂᒋᐊᕐᓂᒥᒃ 9Iᕋᖦᕋ0 ᐋᕐᕿᒋᐊᕆᓯᒪᓕᕐᑐᖅ ᐅᑯᓂᖓᓗ ᑐᑭᑖᕈᑎᖃᕐᓱᑎᒃ ᐱᓇᓱᒐᑦᓴᓂᒃ ᓯᕗᓪᓕᐅᔭᐅᒋᐊᓕᓐᓂᒃ (ᐱᒻᒪᕆᐅᓂᖏᑦ ᓯᕗᓪᓕᐅᑎᓪᓗᒋᑦ) ᑮᓇᐅᔭᓂᒃ ᑐᑦᓯᕋᐅᑎᓕᐅᕐᑐᑦ ᑐᙵᕕᒋᒋᐊᓕᖏᑦ ᑮᓇᐅᔭᕐᑖᕋᓱᐊᓕᕈᑎᒃ.

  1. ᐃᑯᓪᓚᐅᒥᑎᑦᓯᓂᖅ ᐱᑑᒪᒐᐅᑉ(ᒉᑦ) ᐊᑐᕐᓂᓗᑦᑕᐅᓂᖓᓂᒃ ᐊᒻᒪᓗ ᐊᔪᕆᓐᓂᕈᒍᑎᒥᒃ(ᓂᒃ)
  2. ᓯᕗᕐᖏᓂᓯᒪᓂᖅ ᐋᓐᓂᑎᕆᓂᕐᒥᒃ ᐊᓯᖏᓐᓂᓗ ᐱᓂᕐᓗᖓᒍᑎᓂᒃ (ᐃᓄᒻᒪᕆᓐᓂ ᐊᒻᒪᓗFᐅᕝᕙᓘᓐᓃᑦ ᐃᓅᓱᑦᑐᓂᒃ)
  3. ᑫᓗᐊᓂᖅ ᐃᓅᖃᑎᓄᑦ ᐃᓚᒋᓕᐅᑎᓂᕐᒥᒃ ᐅᕝᕙᓘᓐᓂ̂ᑦ ᐃᓚᒋᓕᐅᑎᒋᐊᓪᓛᓂᕐᒥᒃ (ᓯᕗᕐᖏᓂᓯᒪᓂᖅ ᐱᓂᕐᓗᖓᓂᕐᒥᒃ ᐅᕝᕙᓘᓐᓃᑦ ᐱᓂᕐᓗᖓᒋᐊᓪᓚᓂᕐᒥᒃ)
  4. ᑲᒪᑦᓯᐊᓂᖅ ᐋᓐᓂᐊᒍᑎᓕᓐᓂᒃ ᐊᒻᒪᓗ/ᐅᕝᕙᓘᓐᓂ̂ᑦ ᐃᓱᒪᒃᑯᑦ ᐃᓱᕐᕆᓯᐊᕐᓂᒥᒃ
  5. ᐃᑲᔪᕐᓯᓂᖅ ᐱᓂᕐᓗᑕᐅᓯᒪᔪᓂᒃ ᐱᓂᕐᓗᖓᒍᑎᓄᑦ ᐊᒻᒪᓗ ᐋᓐᓂᑎᕆᐅᑎᓄᑦ
  6. ᓴᓇᓂᖅ ᐱᐊᕋᕆᔭᓂᒃ ᐱᕈᕐᓭᒋᐅᕐᓴᒍᑎᓂᒃ ᐊᒻᒪᓗFᐅᕝᕙᓘᓐᓃᑦ ᑫᓪᓗᑐᕐᓂᖅ ᐊᑦᑕᓇᙱᑐᓂᒃ – ᐃᓚᒌᖃᕐᓂᒥᒃ ᐊᒻᒪᓗ/ᐅᕝᕙᓘᓐᓂ̂ᑦ ᓄᓇᓕᓐᓂ ᐊᕙᑎᖃᕐᓂᒥᒃ
  7. ᓯᕗᕐᖏᓂᓯᒪᓂᖅ ᐃᓕᓐᓂᐊᕕᒻᒥ ᓄᕐᖃᐃᓇᕐᓂᒥᒃ ᐊᒻᒪᓗ/ᐅᕝᕙᓘᓐᓃᑦ ᑲᐃᓪᓗᐊᓂᖅ ᐃᓕᓐᓂᐊᓂᒃᑯᑦ ᐅᕝᕙᓘᓐᓃᑦ
  8. ᑫᓪᓗᑐᕐᓂᖅ ᓴᖑᒍᑎᑦᓴᓂᒃ ᐊᒻᒪᓗ ᐊᓯᐊᒎᕈᑎᓂᒃ ᐊᒻᒪᓗ ᓴᖑᑎᑕᐅᒍᑎᓂᒃ ᐱᓂᕐᓗᖓᔪᓂᒃ.

ᐊᓯᑦᔨᑐᐃᓂᐅᔪᑦ ᐊᑐᓕᕐᑎᑕᐅᓯᒪᔪᑦ ᐃᓚᖃᕆᕗᑦ ᐅᑯᓂᖓ::

**ᑮᓇᐅᔭᓂᒃ ᑐᑦᓯᕋᐅᑏᑦ ᒪᓂᔭᐅᒋᐊᖃᕐᖁᑦ ᐆᒃᑑᐱᕆ 31-ᒍᓚᐅᕐᑎᓇᒍ ᑮᓇᐅᔭᓕᕆᓐᓇᐅᑉ ᐊᕐᕌᒍᖓᓂ

**ᐱᓇᓱᐊᕐᑕᐅᔪᖅ ᓯᕕᑐᓂᖃᕈᓐᓇᓕᕐᑐᖅ ᐊᕐᕌᒍᓕᒫᖅ ᐅᖓᑖᓄᑦ ᑭᓯᐊᓂ ᐱᖓᓱᐃᑦ ᐊᕐᕌᒍᐃᑦ ᐅᖓᑖᓅᕈᓐᓀᓗᑎᒃ. ᑖᓐᓇ ᒪᓕᒐᖅ ᑐᕌᖓᔪᖅ ᐊᑦᔨᐅᖏᑦᑐᓄᑦ ᐱᓇᓱᐊᕐᓂᐅᔪᓄᑦ, ᐱᓗᐊᕐᑐᒥᒃ ᐋᖓᔮᓐᓇᑐᑦ ᐊᒥᐊᓘᓪᓗ

**ᐱᓇᓱᐊᕋᑦᓴᐅᔪᑦ ᑐᙵᕕᖃᕆᐊᖃᕐᒥᔪᑦ ᒪᓕᑦᑕᐅᒋᐊᓕᓐᓂᒃ ᑮᓇᐅᔭᖃᕐᑎᑕᐅᓚᖓᒍᑎᒃ.

“ᐱᓂᕐᓗᓃᑦ ᓄᓇᕕᒻᒥ ᖁᕝᕙᕆᐊᕐᓯᒪᔪᑦ 2010-ᒥ 2014-ᒧᑦ. ᑖᓐᓇ ᑐᙵᕕᒋᑦᓱᒍ, ᐱᒻᒪᕆᐅᓚᐅᔪᕗᖅ ᐃᓂᓪᓚᑎᕆᒋᐊᕐᓯᐊᓂᕐᒥᒃ ᐱᓂᕐᓗᑌᓕᒪᑎᑦᓯᓂᕐᒧᑦ ᐱᓇᓱᐊᕐᓂᐅᔪᓂᒃ, ᓯᕗᓪᓕᐅᔭᐅᒋᐊᓕᓐᓂᓗ. ᑮᓇᐅᔭᐃᑦ ᐱᓇᓱᐊᕈᑎᑦᓴᐅᔪᑦ ᐊᒥᒐᕐᑎᓗᒋᑦ, ᓱᕐᖁᐃᓯᒍᒪᔪᒍᑦ ᑮᓇᐅᔭᖃᕐᑎᓯᒍᑎᐅᔪᑦ ᐱᓇᓱᐊᕐᑕᐅᔪᑦ ᐃᑲᔪᕐᓯᒪᒋᐊᖏᑦ ᐱᓂᕐᓗᑌᓕᒪᑎᑦᓯᓂᕐᒥᒃ” ᐅᖃᐅᓯᖃᕐᑐᖅ ᓯᐊᔭ ᐃᐊᕈ, ᐅᖓᓗᒃᑯᑦ ᑐᑭᒧᐊᑦᑎᓯᔨᖓ. ᐃᓘᓐᓈᒍᑦ ᑐᑭᓯᑦᓯᐊᒍᒪᑐᐊᕈᕕᑦ ᐅᖓᓗᒃ ᐱᓇᓱᐊᕐᑕᐅᓂᖓᓂᒃ ᖃᐅᔨᒋᐊᕈᓐᓇᐳᑎᑦ ᒪᑭᕝᕕᑯᑦ ᖃᕆᑕᐅᔭᑎᒍᑦ ᑕᑯᑦᓴᐅᑎᑦᓯᕕᖓᓂᒃ ᐅᕙᓂ ᐃᐃᐃ.ᒪᖑᓄᓂᑲᓂᓄ.ᓕᑭᑐ, ᓇᕐᓃᒥᓪᓗᑎᑦ “ᒫᓐᓇᐅᑎᓪᓗᒍ ᐊᑑᑎᔪᑦ”, ᑌᒪᓗ ᓇᕐᓃᒥᓪᓗᑎᑦ “ᐅᖓᓗᒃ ᐱᓇᓱᐊᕐᑎᓯᒍᑏᑦ” ᓚᔪᒥᒃ”.

ᑐᑭᓯᒋᐊᓪᓚᕈᒪᒍᕕᑦ:

ᓯᐊᔭ ᐃᐊᕈ, ᐅᖓᓗᒃᑯᑦ ᑐᑭᒧᐊᑦᑎᓯᔨᖓ

819-964-2925ᑐᕌᒍᑎᖓ302

ᐅᕝᕙᓘᓐᓃᑦ

ᒍᐃᓕᐊᒻ ᑕᑰᓇ, ᐳᕐᑐᓂᕐᓴᒥ ᑐᓴᐅᒪᖃᑎᒌᑦᑎᓯᓂᕐᒥᒃ ᑐᑭᒧᐊᕐᑎᓯᔨ

wtagoona@makivik.org

819-964-2925

ᒪᑭᕝᕕᒃ ᐱᕙᓪᓕᐊᑎᑦᓯᓂᕐᒧᑦ ᑎᒥᐅᕗᖅ ᑎᓕᔭᐅᒍᑎᖃᕐᓯᒪᑦᓱᓂ ᐊᐅᓚᑦᓯᓂᕐᒥᒃ ᓄᓇᕕᒻᒥᐅᑦ ᐃᓄᐃᑦ ᑮᓇᐅᔭᖁᑎᖏᓐᓂᒃ ᐱᔭᐅᓯᒪᔪᓂᒃ ᔦᒻᔅ ᐯ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᑎᒍᑦ. ᒪᑭᕝᕕᑯᑦ ᐱᔭᑦᓴᖁᑎᖏᑦ ᐃᓚᖃᕐᐳᑦ ᐊᐅᓚᑦᓯᓂᕐᒥᒃ ᕿᑐᕐᖏᐅᑎᑦᓯᓂᕐᒥᓗ ᑖᒃᑯᓂᖓ ᑮᓇᐅᔭᓂᒃ ᐊᒻᒪᓗ ᖁᕝᕙᑎᕆᒋᐊᕐᓂᒥᒃ ᑮᓇᐅᔭᑎᒍᑦ ᐱᕈᕐᐸᓕᐊᓂᒥᒃ.