ᐃᓄᐃᑦ

ᖃᓄᐃᑦᑑᓂᖓ

ᐃᓄᐃᒃᑯᑦ ᓴᕐᕿᑎᑕᐅᓚᐅᕐᓯᒪᔪᑦ 1978-ᖑᑎᓪᓗᒍ ᑯᐯᑉ ᑕᕐᕋᕙᓯᖓᓃᓐᓂᐹᑦ ᓄᓇᓖᑦ ᖃᖓᑦᑕᔫᑎᒍᑦ ᑎᑭᑕᐅᑦᑕᖃᑦᑕᖁᑦᓱᒋᑦ 55 ᐃᑳᖓᔫᑉ ᖁᓛᓂ ᓄᓇᖃᕐᑐᑦ ᖃᐅᔨᒪᔭᐅᔪᒥ ᓄᓇᕕᐅᑎᓪᓗᒍ – ᑕᒪᓐᓇ ᓄᓇ ᐊᖏᔪᒻᒪᕆᐊᓘᑦᓱᓂ ᐅᔭᕋᓪᓛᖑᑦᓱᓂ ᖃᖓᑦᑕᔫᑎᒍᑦ ᑭᓯᐊᓂ ᐅᐸᑦᑕᐅᒍᓐᓇᑐᖅ ᐊᐅᓪᓚᖃᑦᑕᓲᓄᑦ ᐃᓄᓐᓄᑦ ᐅᓯᔭᐅᒋᐊᖃᕐᐸᑐᓄᓪᓗ.

ᐃᓄᐃᑦ ᐅᓯᑲᑦᑕᑎᓪᓚᕆᒃ ᐃᓄᓐᓂᒃ (ᖃᐅᑕᒫᑦ ᐊᑦᑕᑐᐊᖑᔪᑎᒍᓪᓗ), ᐅᑦᓯᔨᓲᖑᒻᒥᔪᖅ ᐅᐃᒪᓇᕐᑐᖃᓕᕐᒪᓗ ᐁᑦᓯᕋᕐᑎᐅᓱᑎᒃ – 24-ᓂᒃ ᑫᕙᓪᓚᒍᓯᕐᓂᒃ, 365-ᓂ ᐅᓪᓗᓂ ᐊᕐᕌᒍᓕᒫᒥ – ᐊᕐᕌᒍᓂᒃ 40 ᒥᑦᓯᑎᓐᓂ ᐱᓇᓱᐊᓕᕐᑐᖅ. 750,000 ᐅᖓᑖᓄᑦ ᑫᕙᓪᓚᒍᓰᑦ ᖃᖓᑕᓯᒪᓕᕐᑐᑦ ᐅᓯᓯᒪᓕᕐᓱᑎᓪᓗ 2 ᒥᓕᐊᓐ ᐅᖓᑖᓄᑦ ᐃᓄᓐᓂᒃ ᓄᓇᒥ ᐃᖏᕐᕋᕕᒋᒋᐊᖓ ᓯᓚᕐᔪᐊᒥ ᐱᔭᕐᓃᓂᕐᐸᐅᖃᑎᐅᔪᒥ.

ᓄᓇᒥ ᐱᓇᓱᐊᕐᕕᒋᕙᑦᑕᑎᓐᓂ, ᐃᓄᐃᒃᑯᑦ ᐱᒍᓐᓇᕕᓕᒫᒥᓄᑦ ᐱᓇᓱᒐᑦᓴᖃᕐᑎᓯᒐᓱᐊᓲᑦ. ᒥᑦᓴᐅᓴᕐᓱᒍ 30% ᐱᓇᓱᑦᑎᕗᑦ ᐃᓄᑐᐃᓐᓀᑦ, ᐃᓚᐅᑎᓪᓗᒋᑦ ᖃᖓᑦᑕᔫᕐᑏᑦ, ᓄᓇᒥ ᐱᓇᓱᐊᕐᑏᑦ, ᖃᖓᑦᑕᔫᓂᒃ ᐊᐅᓚᑦᓯᔩᑦ ᓯᖁᒥᓯᒪᔪᕐᓂᐊᑏᓪᓗ.

ᐃᓄᐃᒃᑯᑦ ᐃᕐᖃᓇᕐᑐᑎᒍᑦ ᐱᓇᓱᐊᕐᓯᒪᔭᖏᑦ ᐱᑐᑦᓯᒪᕗᑦ ᑲᓇᑕᒥ ᓯᕗᓪᓕᐹᑦᓯᐊᖑᑦᓱᓂ ᓄᓇᑖᕐᓂᒧᑦ ᐊᖏᖃᑎᒌᓐᓂᐅᓯᒪᔪᒥ – ᔦᒥᓯ ᐯᑉ ᑯᐯᓪᓗ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ. ᑖᒃᑯᐊ ᐃᓄᑐᐃᓐᓇᓄᑦ ᑯᐯᑉ ᑕᕐᕋᖓᓂ ᑲᑐᑦᔨᖃᑎᒌᓐᓂᖃᕐᑐᓄᑦ ᐊᖏᖃᑎᒌᒐᓱᐊᕈᑎᐅᓚᐅᕐᓯᒪᔪᑦ, ᒪᑭᕝᕕᕈᕐᓱᓂ ᑭᖑᓂᖓᒍᑦ ᐊᖏᖃᑎᒌᒍᑎ ᐊᑎᓕᐅᕐᑕᐅᓯᒪᓕᕐᑎᓗᒍ. ᐃᓄᐃᑦ 100%-ᒥᒃ ᓇᒻᒥᓂᕆᔭᐅᔪᖅ ᒪᑭᕝᕕᒧᑦ. ᑌᒣᒻᒪᑦ ᓇᒻᒥᓂᕆᔭᐅᔪᒍᑦ ᐃᓄᓐᓄᑦ ᓄᓇᕕᒻᒥᐅᓄᑦ.

ᐅᓂᒃᑲᐅᓯᖅ ᖃᖓᑦᑕᔫᖃᕐᓂᒥ ᐊᑑᑎᓯᒪᔪᓂᒃ

ᐃᓄᐃᒃᑯᑦ 1978-ᖑᑎᓪᓗᒍ ᐃᖏᕐᕋᓯᓚᐅᕐᓯᒪᔪᑦ ᐊᑕᐅᓯᓕᑲᓪᓚᒥᒃ ᖃᖓᑦᑕᔫᕐᓯᓱᑎᒃ, ᐊᑕᐅᓯᓕᒻᒥᒃ ᓯᑕᒪᓕᒻᒥᓗ ᑰᒃᔪᐊᒥ ᐃᓂᖃᓯᑦᓱᑎᒃ. ᑭᖑᓂᖓᒍᑦ ᒪᕐᕉᓂᒃ ᒪᕐᕈᓕᐊᕈᕐᑖᒥᑦᓱᑎᒃ.

1983-ᖑᑎᓪᓗᒍ, ᑕᓯᐅᔭᕐᔪᐊᒥ ᓂᐅᕕᓕᓚᐅᕐᓯᒪᒻᒥᔪᑦ ᐋᔅᑕᓐᑯᓐᓂᒃ, ᒪᕐᕈᓕᐊᕈᖏᑦ ᓯᑕᒪᐅᔪᕐᑐᕈᕐᓱᑎᒃ. 1985-ᒥ ᓂᐅᕕᓯᒻᒥᓱᑎᒃ 748-ᓕᒻᒥᒃ ᒪᕐᕈᓕᐊᓗᒻᒥᒃ ᑰᒃᔪᐊᕌᐱᒻᒥ ᐃᓂᖃᓯᑎᓪᓗᒍ ᑭᖑᓂᖓᒍᑦ ᑰᓐᓂᐊᑎᒃᑯᓄᑦ ᓅᓯᒪᔪᖅ ᐅᓯᔭᐅᒋᐊᓖᑦ ᐊᒥᓱᖕᖏᐸᓪᓕᐊᑐᐃᓐᓇᓂᖏᑦ ᐱᑦᔪᑎᐅᑎᓪᓗᒋᑦ, ᐱᓗᐊᕐᑐᒥᒃ ᐅᔭᕋᓐᓂᐊᕋᓱᐊᕐᑐᓄᑦ. 1988-ᖑᓕᕐᑎᓗᒍ ᔮᓂ ᒣ ᐊᑦᑕᑐᒐᖏᑦ ᖃᖓᑦᑕᔫᑦ ᓂᐅᕕᐊᖑᓯᓚᐅᔪᒻᒥᔪᑦ ᑎᒥᐊᕈᖁᑎᐅᓂᐊᓕᕐᓱᓂ ᐊᑕᐅᓯᓕᓐᓂᒃ ᐊᑕᐅᓯᓕᑲᓪᓚᓂᓪᓗ ᐃᒫᓄᑦ ᒥᓲᓂᒃ ᐊᑦᑕᑐᕐᕕᐅᒍᓐᓇᓗᓂ.

1995-ᖑᑎᓪᓗᒍ, ᐃᓄᐃᒃᑯᑦ ᐸᕐᓇᓯᓚᐅᔪᑦ ᐊᖏᓕᒋᐊᕆᒍᒪᓕᕐᓱᑎᒃ, ᓂᐅᕕᕐᓱᑎᒃ ᒪᕐᕈᓕᒻᒪᕆᓐᓂᒃ ᒪᓪᑐᕆᐊᓪᒥᑦ ᓄᓇᕕᓕᐊᖃᑦᑕᓂᐊᕐᑐᓂᒃ. 1998-ᖑᓕᕐᑎᓗᒍ, ᓄᓇᕕᒻᒥ ᖁᓕᒥᒎᓖᑦ ᓴᕐᕿᑎᑕᐅᓕᓚᐅᔪᒻᒥᔪᑦ ᑰᒃᔪᐊᒥ ᐃᓂᖃᕐᓂᐊᓱᑎᒃ ᓂᐅᕕᕐᓱᑎᒃ ᖁᓕᒥᒎᒥᒃ 350-ᓕᒻᒥᒃ.


2008-ᒥ ᓱᐴᕐᑐᓕᒻᒥᒃ 737-200C ᓂᐅᕕᓕᕐᒥᓱᑎᒃ ᑐᐊᐸᔮᒧᑦ ᒥᒍᓐᓇᑐᒥᒃ ᐅᑭᐅᕐᑕᑐᒥᐅᕐᓯᐅᑎᒥᒃ ᐅᐱᒋᔭᐅᓪᒪᕆᑦᓱᓂ ᐊᐅᓚᑦᓯᔪᓄᑦ ᐊᑐᕐᐸᑐᓄᓪᓗ.

ᐱᓇᓱᖃᑎᖃᓲᑦ Bombardier-ᑯᓐᓂᒃ, ᐃᓄᐃᒃᑯᑦ ᖃᖓᑦᑕᔫᖁᑎᒥᓂᒃ ᒪᕐᕈᓕᒻᒪᕆᓐᓂᒃ Dash-8-300 ᓴᓇᔭᐅᑎᑦᓯᓚᐅᔪᑦ: 45-ᓂᒃ ᐅᓯᒍᓐᓇᑐᓂᒃ, ᐅᓯᑲᑦᑕᑎᐅᓂᐊᕐᑐᓂᒃ ᐊᑕᐅᓯᕐᒥᓗ ᐅᓯᒍᑎᐅᑦᓱᓂ ᐊᖏᔪᒥᒃ ᐅᒃᑯᐊᓕᒻᒥᒃ.

ᐃᓄᐃᒃᑯᑦ ᑲᓇᑕᒥ ᐅᓯᑲᑦᑕᑎᒻᒪᕆᐅᖃᑎᐅᔪᑦ. ᖃᒻᒥᖅ ᓴᓇᕋᑖᓚᐅᔪᒻᒥᔪᑦ ᒪᓐᑐᕆᐊᓪᒥ ᓯᖁᒥᓯᒪᔪᕐᓂᐊᕕᒻᒥ ᐱᓪᓗᑯᒋᐊᓕᓕᕆᕕᒻᒥᒃ ᓄᑕᐅᓯᓕᕐᑎᕆᑦᓱᑎᒃ ᖃᖓᑦᑕᔫᑎᒍᑦ ᐱᒍᑦᔨᒍᑎᒋᓲᒥᓂᒃ ᑯᐯᑉ ᑕᕐᕋᖓᓂᐅᒥᐅᓂᒃ ᐊᓯᖏᓐᓂᓗ ᓄᓇᖃᕐᑐᓂᒃ ᑲᓇᑕᒥ ᐊᒥᐊᔨᑫᓪᓗ ᓄᓇᖓᓐᓂ.

ᑎᒥᖕᖑᑎᑕᐅᓚᐅᕐᓯᒪᑦᓱᓂᓂᑦ, ᐃᓄᐃᒃᑯᑦ ᐃᓄᐃᑦ ᓄᓇᕕᒻᒥᐅᑦ ᐃᓅᓯᖏᓐᓂᒃ ᐱᕙᓪᓕᑎᑦᓯᓯᒪᔪᒻᒪᕇᑦ ᐃᑲᔪᕐᓯᒪᓂᒃᑯᑦ ᑎᒥᐅᔪᓂᒃ, ᐃᓕᓐᓂᐊᑎᑦᓯᒍᑎᓂᒃ, ᐱᖕᖑᐊᑎᓂᒃ ᐃᓗᕐᖁᓯᕐᒧᓗ ᑲᑎᖃᑎᒌᑦᑐᓂᒃ. ᓯᓚᕐᔪᐊᓕᒫᒥ ᐱᓇᓱᐊᖃᑎᐅᕙᒻᒥᔪᑦ ᐅᑭᐅᕐᑕᑐᒥᐅᑦ ᐃᓄᐃᑦ ᑲᑎᖕᖓᓂᖏᓐᓂ, ᐃᓄᐃᑦ ᐅᑭᐅᕐᑕᑐᒥᐅᓕᒫᑦ ᓯᓚᕐᔪᐊᒥ ᑲᑎᖃᑎᒌᓲᖑᒻᒪᑕ ᐅᖄᖄᑎᒌᑦᓱᑎᒃ ᐱᒐᓱᐊᕈᒪᔭᒥᓂᒃ ᐃᓱᒫᓗᒋᔭᒥᓂᓪᓗ. ᑎᒥᐅᔪᖅ ᐃᓄᐃᑦ ᐃᓗᕐᖁᓯᖓᓂᒃ ᐅᖃᐅᓯᖓᓂᓪᓗ ᓴᐳᒻᒥᓯᐊᖏᓐᓇᕋᓱᐊᕐᑐᖅ ᐱᕈᕐᐸᓕᐊᑦᓯᐊᖏᓐᓇᓗᓂᓗ.

ᐱᓇᓱᑦᑎᖏᑦᑕ ᖃᑦᓯᐅᓂᖏ:

660

ᖃᖓᑦᑕᔫᖁᑎᖏᑦ:

24

ᐅᐸᐅᑎᕙᑦᑕᖏᑦ ᓄᓇᓖᑦ:

21

ᐊᓪᓚᕕᒻᒪᕆᖓ :


Air Inuit
6005 Boul. de la Côte-Vertu
Montréal, Québec
Canada
H4S 0B1

ᐅᖄᓚᐅᑎᖓ: +1 514 905 9445
ᖃᕆᑕᐅᔭᕈᑎᖓ: airinuit.info@airinuit.com
www.airinuit.com

ᐃᓂᑦᓴᓕᐅᕐᕕᒃ: 1 800 361 2965